[نايف123]

بسم الله الرحمن الرحيم

إلى الإخوة الشباب الذين يرغبون أو يحبون النصب هل من فائدة اذا نصبت السيارة أو لمعت الكفرات و

وغسلت السيارة أربع مرات باليوم وضبطت السيارة من جنوط وغير ذلك ورحت ودي أشفي غليلي

أنصب السيارة بالنهضة أو الفاخرية ونصبت السيارة ساعة أو أكثر بعد ذلك وش اللي بيصير هناك

أليس تكون فوضى من الجهلة من الشباب ولن أعمم على الجميع أليس بعضهم يروح ينصب السيارة

لغرض ما أنتم أبخس فبه أيه الشباب ولن أقول ماهو هذا الشي لو نفرض مثال أن يكون النصب في

مكان منعزل عن الشوارع هل ستوافق أكيد لا فلإذلك لا تلؤوم المرور او التفتيش على ذلك . شكرا

[أعتز بعقيدتي]

يعطيك العافية

[قائد المجد]

كلام جميل شكرا لك

[الوافي دايم مضلوم]

الله يعدي عنك بخصوص يوم انك تقول لغرض والله مالضاهر لغرض انااا واحد كنت انصب وكاان كل اخوياي ينصبون بس والله العضيم مفكرناا واحد بالميه اننا ننصب لغرض معين ونوقف السياره لغرض معين
__اناا بعض الضن اثم ___ وبعدين النصب بالعكس ماشوف منه شي خطأ ازين من التفحيط والخ ..

لاكن انتم الحين تبووون الشباب يصرووون غصب غصب يسون نفس اللي اعماارهم 40 __50 بالله وش تبيناا نسوي قلي هاه تبينااا نجلس بالبيت لا بالله مهوب جالسين ونصير زي الحريم ولا تبيونناا نصير نفس اللي اعمارهم 40 واسلوبهم يااااااااااااااويل حاالي <<

[الراس الجارح]

اقتباس المشاركة الأساسية كتبها نايف123 مثال أن يكون النصب في مكان منعزل عن الشوارع هل ستوافق أكيد لا فلإذلك لا تلؤوم المرور او التفتيش على ذلك . شكرا

طيب هذا المراكز الدعويه يحطون مهرجانات في مناطق مختلفه ويرحون وينثرون ابداعاتهم بقولك لا هذا رايك

[ابو منزوع]

اغلب لذين ينصبون فشلونا ينصبون بسياراة الافغان وهي سيارة الجح والتمر وسوق الخضار

ياليتهم ينصبون بسياراة صح

[عبدالله الرقيعي]

اقتباس المشاركة الأساسية كتبها ابو منزوع اغلب لذين ينصبون فشلونا ينصبون بسياراة الافغان وهي سيارة الجح والتمر وسوق الخضار ياليتهم ينصبون بسياراة صح

تقصد الهايلوكس هههههههههههههههه
كلامك صحيح

[اتحادي بريده]

انصب وفله وخل الشيبان ذي اللي تسمع بالنصب ينطقون وخل اخر تفكيرك هلعالم طيح اللي براس وتكبر وبتنشغل وتمل فلها وربك يحلها

[شامخه فوق العوالي]

والجزم والجر مالهن فوائد

[أبو عبدالله_F]

الموضوع ماله أي داعي ,,,,

[نايف2342]

اقتباس المشاركة الأساسية كتبها أبو عبدالله_f الموضوع ماله أي داعي ,,,,

الموصوع سبق ان ناقشن فيه بالمنتدى

[النينو نايم]

اشوف النصب مافي اي شي عادي .الواحد يبي كل الناس تعرف ان صاحب الموتر فلان يعطيكم الف عااافيه

[شامخه فوق العوالي]

ياعالم وشهو النصب وربي ماعرف النصب الا بالنحو <<<<<< الله ياخذه من ماده

[نايف123]

اقتباس المشاركة الأساسية كتبها الوافي دايم مضلوم الله يعدي عنك بخصوص يوم انك تقول لغرض والله مالضاهر لغرض انااا واحد كنت انصب وكاان كل اخوياي ينصبون بس والله العضيم مفكرناا واحد بالميه اننا ننصب لغرض معين ونوقف السياره لغرض معين __اناا بعض الضن اثم ___ وبعدين النصب بالعكس ماشوف منه شي خطأ ازين من التفحيط والخ .. لاكن انتم الحين تبووون الشباب يصرووون غصب غصب يسون نفس اللي اعماارهم 40 __50 بالله وش تبيناا نسوي قلي هاه تبينااا نجلس بالبيت لا بالله مهوب جالسين ونصير زي الحريم ولا تبيونناا نصير نفس اللي اعمارهم 40 واسلوبهم يااااااااااااااويل حاالي <<

لا نبييكم من أعمار 60 و70