[قتاله]

أوقات ملؤها الرضا والسعاده
,,
,,

هذا أول طرح لي هنا والصراحه ترددت وسألت .. وبعدها قلت ياقتاله اسدحي الموضوع وان ماجازلهم ينقلونه ماهنا قطع رووس!
عادتي لاأحب المقدمات ولاتلميع الحروف وتحدي الكلمات !
السالفه ومافيها ياحيي اني كرهت مكائن الصرف الآلي ولونها الازرق ولايهون الفضي وقصم القصمات اني اشيل هم اذا احتجتها
انا ماادري ورا مايرجعون يسلمون الناس رواتبهم مد باليد مربوطات بمغاطه ياعين ابوي ياذيك المغاطه اللي صاير حنا شعب ماعندنا ثقافة التعامل مع الصرافه يالبا ابواللي صنعها
وخاصه من قبل بعض فئات الجنس اللطيف .. احياناً يحدث في سرا احدى صرافات المولات اللي واقفه وراك عيونها بالشاشه تتابع معك خطواتك وتعلمتس سوي كذا او غلط عليتس ورا مارعصتي الزر الفوقي
ياراعصن الله عيون العدو وبزرها يحولص تحتي وانا اصرف بعد هو يتابع وش ارعص ولما تكون السيده صرافه ناصبه بشموخ برا بالشوارع ياشيب عين الانثى اللي بتصرف شيباه
مافيه امل ولاتفكرين ان احد مرتدي الشماغ والغتره بيتنحى جانباً ويقول تفضلي اختي خلصي شغلتس الله يستر عليتس !
بوحده من المرات اضطررت اضطراراً استخدم احدى الصرافات الثنائيه بجانب نفس البنك الازرق في ذلك الحي الاصفر .. كان التدفق الرجالي على الصرافتين قوي صبرت تحت لواهيب شموس نجد
ابيهم يخلصون يوخرون يرحمون بعد مضي وقت كافي لأن اصير انا وعباتي بذات اللون فضت الصرافه وبحمدالله ..دخلت زبنت الصرافه اللي على اليمين وانا مومصدقه اني حظيت بشرف لمس ازرارها والتمتع بلونها البحري المشرق واتحمد ربي على السلامه
مادريت الا ويسقط ذاك الشايب بالصرافه الشماليه قلت هين شويب ياحيي مو مشكله يالله انجزي ياام القتاتيل بصرعه اخلصي بس كانت العمليه طويله وخلص الشايب شغله وطلع
وجا بعده واحد باين من مظهره الالتزام وهو معطيني ظهره يطقطق بالصرافه قال يااختي ماينبغي تسذا الله يصلحتس لا تدخلين الصرافات المره الثانيه الدنيا فتن وشرور . . !
طلع وانا اقول الحمدلله جت على كذا يالله ابدأ التحويل الثاني دام مافيه احد .. الا واسمع طقطقة الصرافه الثانيه وماالتفت خايفه ياحيي ياانا والا اسمع اللي يقول صفر خمسه صفر خمسه
ثمانيتن ثلاث واحدات انتظرك المغرب انتظرك عزرائيل قل امين ليت حمني اخوي معي يفغا راسك بيت القصيد من هالموضوع نبي صرافات نسائيه خاصه بالحريمات بكل الاماكن
تكون باينه انها للحريم( ورديه ) مثلاً نبي نرتاح وحنا نشتغل مو نتلفت تقل ملحوقات ياعين حيي ياهن .. الوحده ماتدري وش تسوي ان طلعت هي تصرف مشكله وان عطت احد صرافتها
يصرف مشكلتين ..
احداهن تقول اول ماينزل راتبي اصرف اكثر من نصه واحطه بالبيت مثل الاولين ويصير هاجسي نطلته الشغاله لا مانطلته علشان سالفة هالصرافات !
اتمنى اعرف رأي الناس بهالموضوع .. وخاصه الرجال !

[ام لمى ودرر]

يا حيي والله حاسه فيك بس راي الرجال ؟بيقولون لالالالالالالالالالالالالالالالالالالا عشان البطاقه تبقى معه؟!ومتى مانقصه شيء راح لصديقته الصرافه الزرقاااااااااااااااااااااااااااااااااااا

[قتاله]

اقتباس المشاركة الأساسية كتبها ام لمى ودرر يا حيي والله حاسه فيك بس راي الرجال ؟بيقولون لالالالالالالالالالالالالالالالالالالا عشان البطاقه تبقى معه؟!ومتى مانقصه شيء راح لصديقته الصرافه الزرقاااااااااااااااااااااااااااااااااااا

ياقليبي ياام لمى ودرر ماني اشاورهم
ابي اعرف احساسهم لما يشوفون وحده تحاول تستخدم حقها الطبيعي بأن تقف امام ذات الازرار !

[قتاله]

لو انزل موضوع بالوفيات بينقل ويجاب هنا

[BU7OOR]

لا احلى شي اللون الازرق .,
تخيلي وردي كان احس اني ابصرف حلاو .

الزبدة / انا مااصرف إلا بصرافة الراجحي اللي بالعثيم , واللي برا مستحيل اصرف إلا مرة بالحسون .
زاد وشوله لنا اخوان :080 : ؟
ومن وجهة نظري عادي , لكن صعبة لاصارت زحمة بليا فلوس .

لذلك لا استطيع الحكم على قضيتك ياعين ابوتس < وشوله راده

[هايين]

هههههههه
ذكرتيني بيوم عيد رمضان
فيه صرافتين قريبات لبيتي رحت انا وولدي مافيها احد
فرحت ونزلت ايلاها فاضيه
الصرافه فارغه
هل تريد عمليه اخرى
...
واروح للصرافه الي بالبنك
..
ولله الحمد تتم عمليه الصرف


..

[رايسل]

تتوقعي لو تكون الصرافة الوردية موجودة فعلًا ما راح يصرف منها الشاب ؟! أيضًا ماراح تزدحم الفتيات بِـ الصرافة الزرقاء ؟!
المسألة هنا مو قائمة على التخصيص بقدر ماهي مسألة نظام واحترام و ترتيب . ؛)
تحية .

[نــديم الجــرح]

اقتباس اقتباس المشاركة الأساسية كتبها قتاله اتمنى اعرف رأي الناس بهالموضوع .. وخاصه الرجال !

الله يصلحتس

حآآآآطته بالكوفي وتبين رأي الرجآآآآل

[/center]

[قتاله]

اقتباس المشاركة الأساسية كتبها BU7OOR لا احلى شي اللون الازرق ., تخيلي وردي كان احس اني ابصرف حلاو . الزبدة / انا مااصرف إلا بصرافة الراجحي اللي بالعثيم , واللي برا مستحيل اصرف إلا مرة بالحسون . زاد وشوله لنا اخوان :080 : ؟ لذلك لا استطيع الحكم على قضيتك ياعين ابوتس < وشوله راده

مو كل الناس عندها اخوان لا خلى ولا عدم !
بعدين هذا حق من حقوقك تستخدمين الصراف وين ماكنتي وبدون واسطة رجل ياحيي

[قتاله]

اقتباس المشاركة الأساسية كتبها هايين هههههههه ذكرتيني بيوم عيد رمضان [size=5][color=darkorchid]فيه صرافتين قريبات لبيتي رحت انا وولدي مافيها احد [/ ..

ياسعدكم عند بيتكم صرافتين

[قتاله]

اقتباس المشاركة الأساسية كتبها رايسل [تتوقعي لو تكون الصرافة الوردية موجودة فعلًا ما راح يصرف منها الشاب ؟! أيضًا ماراح تزدحم الفتيات بِـ الصرافة الزرقاء ؟ تحية .

والله كلامك صحيح ياعين حي !
بص ترا النزعه الرجوليه الظاهريه تمنع ابو شميغ من الوقوف امام الصرافه الورديه يمكن يجون الجذاعين بس

[قتاله]

اقتباس المشاركة الأساسية كتبها نــديم الجــرح حآآآآطته بالكوفي وتبين رأي الرجآآآآل [/CENTER] [/center]

ماحطيته هنا
هم نقلوه مايبون هالحتسي مع ان اللي معني بموضوعي ابو شميغ وابو غتيره

[الوآن -]

اقتباس خايفه ياحيي ياانا والا اسمع اللي يقول صفر خمسه صفر خمسه ثمانيتن ثلاث واحدات انتظرك المغرب انتظرك عزرائيل قل امين ليت حمني اخوي معي يفغا راسك

هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه هههههههههههههههههههه

آجل الرقم ويحتريتس المغرب بعد ..


يـآطعمتس يـآ آوم القتآتيل بس صآدزه بحور ورشوله عندنآ آخوآن ..
آمسكي آخيتس حمنّي وخليه يروح لصرآفه بدآلتس ..

شيكراً ,

[مشـاعل]

اقتباس المشاركة الأساسية كتبها الوآن - يـآطعمتس يـآ آوم القتآتيل بس صآدزه بحور ورشوله عندنآ آخوآن .. آمسكي آخيتس حمنّي وخليه يروح لصرآفه بدآلتس ..

ياعين ابوتس حمني يبي خرجيه من الراتب وبالمره سددي البانزين الروحه والجيه وهو واقف عند المحطه شاف ميسي ملزق بالجدار يعلن لبيبسي همن يقول اويلاه يانوير ابي ببس وفصفص باجه ويلي ان الراتب خلص وهي مابعد وصلت الصراف ام قتاله انا مثلك اقاتل مع الامور بس يالله ياعيني حنا بهالمجتمع زياده عدد لاترفعين خشمك ولاتعرفيين شي خلك مثلي عند الصرافات امسك زام على يمين وانا اناظر الصراف بكل عيوني حتى اللي وراي يتادب وياقف
تبين حقك لاتتركينه يروح