[[ لــمّــآح ]]

أول شي أحب أمسيّكم بالخير قبل الإشرآف البآيخ ..
الحين يبي يجيك وآحدن منهم فرح ويمسحه يقول أغآني ولك مآرب أخرى يالوصخ يالقذر ..
ثم يجيك الثآني والله يا أخي أنت تتهم الحكومة وتقذف المشرفين ..
الحين شآيفين وجيهكم يوم تقولون مشرفين كل وآحد يجدعه على الثآني وكل وآحد يقول أنا ما علي إلآ أمسح وأثبت وأشوت ..
وإذا قلت شي قآلوا دآقينك على يدك وقآيلين إيآك تكتب وقبل شوي شفنا جريمة الكتآبة ..
قتل الموآهب ووأد الإبدآع , وابتزآز الشعوب , واستثمآر المشآريع , وترقيع مالا يترقع
!!


أحب أحييكم مرة ثآنية أيها الجحلط السلنتح هذولا عآد أنتم يا الي طآقين يدينكم وتبون المشرفين يشتغلون لحآلهم يا اخي حركوا عقولكم جعلكم للبلاء الي يحرك عقولكم ..



باك

الفعآلية هذي مخصصة لذوي الاحتيآجآت الخآصة مثلكم بالضبط ..
الهدر والي نص لفة والي يشفّط بآتكس والي ينطل والي خرمآن وإلآ خآوي حنآن ..
المهم يقول لك إنك تحآول ترسم رسمة مب تشخبط ثم يهوشك وشسموه ذا أبو شنب يخرع عيد سعود ثم ينآقز ورآك بالشآرع والله ما تفلت منه ..

ترسم رسمة حلوة تحآول إنك تحكره مشآن ما يعرفك الي يبي يصيدك ..
نبيكم ترسلون لـ فضيلتي رسمآتكم الحلوة .. الي مثل خششكم الشينة ..
ثم ننزل رسمة ونقدم أفضل العروض ويبدون الجحلط يخمنون من هو الي رآسمه ..
حبّة حبّة .. والي ما يبينا ما نحبه


الـ ث ــروط /,
- أن تكون الرسمة بخط اليد المشهبة صآحبة الشطوب . <~ يُسمح للخكآريا إنهم يرسمون وإلآ يخلون خوآتهم الي أخشن منهم يرسمن أهم شي باليد .

- تُرسل المشآركآت لـ فضيلتي .
- لا يتم التوآصل مع أي مشرف لأننا ما نبي نسبب لهم أي إزعآج أو تحرك مريب وبعدين هم فآضين لكم يقعدون يحذفون ويثبتون مب عآد يقعدون ينآظرون رسآيلكم !!
- كل وآحد يرسم هو ما يستأجر مصري ويكتب عنه البحث .
- الرسم يصلح بالرصآص والحبر والألوآن الخشبية والألوآن المآئية والألوآن النفآثة بالروآئح المتنوعة .. أهم شي ترسم لو بـ فحم !!
- الهدف من المسآبقة إحيآء الموآهب لدى شبآب الوطن وتجديد روح الإبدآع والبحث عن عقول سليمة بين هذه العقول السقيمة <~ أهم شي يستقيم السجع

المدة /,
تستمر مدة الرسم حتى يوم الخميس السآع 12 ص <~ يعني 12 بالليل يعني ليلة الجمعة يعني يوم 2 / 2 / 1432 هـ السآع 12 يقضي التسجيل وكل وآحد يروح بيتهم !!

الفعآلية سـ تعرض خلآل أيآم بسيطة وقد يُعرض في اليوم الوآحد أكثر من رسمة وأكثر من تخمين لأن الفعآلية ما تحتمل التأجيل لـأن إخوآننا المشرفين عندهم اختبآرآت ومب فآضين يتآبعونكم أنت وإيآوه جعلكم للمآحي ..


أدري إني كثّرت عليكم قرق والمسألة بسيطة بس إني فآضي و بليدر يهوش بالمسن يحتسي علي وأنا أحتسي عليه بس هو عمى ما يسمع أرسله وجهآزه ما يستقبل وما غير يحلتم ويقول كلام مب طيب بس الله يسآمحه ويغفر لي .


الجوآئز /,
الفائز الأول : يعطين 100 ر.س ويحمد ربه .
الفآئز الثآني : يهب لي 10 ر.س ويقلب يده ويحبه .
الفآئز الثآلث : يكتب لي صك أرض ومزرعة ويفرغهن لي .

احمدوا ربكم نزين لكم شغل وأنتم تبون جوآيز كل وآحد يشآرك يجيه أجر كثيير وانشر تؤجر .



تحيآتي لي أنا لحآلي

[صعصعة]

طيب متى نأدي القسم على سموكم الكريم للنشر ؟
محتويات القسم لايكون فيها نذر !!

فكره جوهانامية وانت تراك احسن واحد << ترى بس ابي نص الأرض خبرك قنوع


بحاول ارسم مع اني ما اذكر بحياتي رسمت غير مرة وكانت نخلة ما ادري وش الله قايلن به


أهم شي لاتنس نص الأرض تراي مخاشرك به P

[ريــآض]

لمآح //
،،
واللي مايحب الرسم وش يسوي ؟ ولله العظيم اني أكره شي اسمه رسسسم
،،
بعدين أخاف أرسم تنفتنون بيدي ، خخخخ
،،
لموحي / تكفى غير صورتك الرمزية >> تخوف تذكرن بأبو جيراننآ منول يوم انا صغون ، ياهو مرررعب

[خيـول الشـوق]

معكم إن شاء الله

[ولد حمد]

أبعطيك ميتين بس فكناا ..

منب أواطن الرسم أبد الآآبدين ,, تسيف أنا أكرهه كرره عظيم

أبغض شيي عندي بالدونيا التلوينه صراحتن أكرهها

مشكوور لمووحي ,, ودي أشارك بس ما اقدر << تكفى أولاه

[عوااكيس]

لماح تستهبل انت لا صدز وش الجوائز انا كشخص ابعطل أشغالي واوقف أعمالي واقعد ارسم لك لازم فيه جوائز لازم يسير فيه حافز علشان كل واحد يتحمس لا تذكر ان فيه جوائز على الأقل يا عزيزي رتبه تطق تحت أسماء الثلاثه الأوائل بما ان الموضوع موب رسمي ولا ختمته عند المدير أنا انصحك تراسل البنقه جرّوح بما أنه عنده واسطه عن الإدارة العليا تخليه يتوسط لكم مع أن مسابقك بايخه على صاحبه الله يسلمك لكن يالله انا أشفع لك
توكلوا على الله كل واحد يرسم والي يفوز إن شاء الله انه ماجور إلى الحين وان حصل فيه تطور " رتب " نعلمكم هذا والله أعلم ,,

[كآيدهمـ]

هلا بيك وش ذا الخيال ووش ذا الحركات والهبال

طيب عادي رسمات الحب والتحب حب ذذ

الى عادي رسمات قديمة موجووووده عندي ؟؟
الفكرة خورافية مرة
ولكن كيف نرسل لك الرسمة ؟؟
يعني ندخلها اسكان ومدري ايش او نصورها بالجوال
واوك والله يبيلها شغل واجد

طيب ارسم رسمه بالرسام واكزها لك عادي طيب
تراني اعرف ارسم رسمه وحده من يووووم عرفت نفسي ولا غيرتها ذذ

[الــمــفــتــرس]

فيه تهجم واضح على المشرفين ذذ
لموحي . سجل واحد ودة يشارك .

[المنخرش]

هههههههههههههههههههههههههه

لماح
والله أنك فاصخن عقلك فصخ هههههههههههههههههههههههههههههههه

ياخي مقلع تمشي بدون مكينه

الحين يوم انت تقول شخبط شخابيط
شايفن وجهك بالمرايه

شكلك ماتقدر تقوله تخاف حنتسك ينفك


العنوان توووحفه


والله نفس كلامك بالأول قلت أكيد مشرف جايبن طبلونه يبي يحذف .. فعلاً يالماح يمكن يتنصر شباب من بريده بسببك وبسبب عنوانك هذا
لأنه يدل على أغنيه والقائل نصراني وذو أشياء مريبه .. ثم يعجب شخص بذلك القائل ثم يطلب الزواج منه ثم يشترط عليه النصرانيه ويتنصر
وتكون أنت السبب في ذلك
أحذر رعاك الله

باااك


سحبيبي على الموضوع

تصدق عاد إني من المتوسطة مارسمة ولا رسمه
المدرس حق الفنية ,, غاسلن يده من .. مستحيل يقولي أرسم
مادري ليش
وش تتوقع السبب


اللي معروف عندنا

انك ترسم
أرض وتلونه أخضر
همن جبال تلونهن بني
همن سماء .. تلونها أزرق

وانتهت الرسمه

اللهم يختلف بين يوم ويوم .. أنك تحط مراجيح او تحط ترسم شخص وتحط خط (على رقبته) عشان ماتكون الصورة حرام

بس

لكن الوضع اختلف الحين

نسينا حتى نرسم الأرض والسماء
ماعرف وشلون


إذا كانت باستطاعتي الاستعانه بصديق
فياليت تسمحلي

زادك الله علماً فوق علمك ياشيخ لماح
ونفع بك أرجاءا لبلاد والعباد

[سـتـريـم]

ممتاز نوريك من يرسم


ماابي جائزة خلاص ههههههههههه

انا عضو شرف هههههه

سم بس كسل تصوير ثم رفع ثم بلاوي ياليت لو معك ىاميل خل ارسلها لك

((تراني صاردق))

ايضا سجلني اخوك ديو اللقب ستريم ههههههه

[تمر القصيم]

اقتباس المشاركة الأساسية كتبها سـتـريـم ممتاز نوريك من يرسم ماابي جائزة خلاص ههههههههههه انا عضو شرف هههههه سم بس كسل تصوير ثم رفع ثم بلاوي ياليت لو معك ىاميل خل ارسلها لك ((تراني صادق)) ايضا سجلني اخوك ديو اللقب ستريم ههههههه

نفس ماقال

[[ لــمّــآح ]]

تنبيه هآآم

يا عيآآل ما قلنا نبي مثل بيتر < اسم رسّآم <
ما قلنا ارسموا رسم خيآلي وخوقآقي يا أخي ارسم أي شي .
امسك قلم الرصآص وورقة وحط نقطة وقل هذي طيآرة من بعييد ..
حط أي شي والي ما يعرف لم يولد المرء جآهلاً .. فتعلم بورك فيك ..

[rèmàn]

ياخي والله مالك داعي تسذا تكسر خاطر الرابع والخامس مآآلهم شي
على الأقل واحد قطعة ارض بشمال الرياض والثاني يفقع لك عماره بساحة الحرم
لاابو هالمخ ياشيخ .. أناآ قريت جوايز قلت لمّاح تجر ياولد ومبطي وهو صديقي
.. واثرك تشحذ

[[ لــمّــآح ]]

اقتباس المشاركة الأساسية كتبها صعصعة طيب متى نأدي القسم على سموكم الكريم للنشر ؟ محتويات القسم لايكون فيها نذر !! فكره جوهانامية وانت تراك احسن واحد << ترى بس ابي نص الأرض خبرك قنوع بحاول ارسم مع اني ما اذكر بحياتي رسمت غير مرة وكانت نخلة ما ادري وش الله قايلن به أهم شي لاتنس نص الأرض تراي مخاشرك به P

هلآ بالأخ صعصعة ..
يا بعدي أنت أطلق وآحد بالرسم مصدق إن بين هالجحلط أحد يعرف يرسم .. إن عرفوا يكتبون زين ..
ارسم وربك ييسره وإن أخذت المركز الثآلث أبد لي المزرعة ولك الأرض ..

اقتباس المشاركة الأساسية كتبها ريــآض لمآح // ،، واللي مايحب الرسم وش يسوي ؟ ولله العظيم اني أكره شي اسمه رسسسم ،، بعدين أخاف أرسم تنفتنون بيدي ، خخخخ ،، لموحي / تكفى غير صورتك الرمزية >> تخوف تذكرن بأبو جيراننآ منول يوم انا صغون ، ياهو مرررعب

هلآ بـ ريآض /,
ريآض صآحب القلب البيّآض < ~ مب يبيض يعني أبيض ..
يا بعدي نبي ننتف يدك من النحت أحس إنك رسآآم مبدع وتبي تطلع لنا رسمة خوقآقية مثل شخصك الخوقآقي يالله أحتريك ..

بالنسبة للصورة ذكرتن بوآحد عندي بالمسن أحط صورة ما تجوز لوه يقول وخره يا شرّير اسمح لي الصوة جآيزتن لي ويبي له وقت

اقتباس المشاركة الأساسية كتبها خيـول الشـوق معكم إن شاء الله

حيآك الله ومبرووك الاسم الجديد

اقتباس المشاركة الأساسية كتبها ولد حمد أبعطيك ميتين بس فكناا .. منب أواطن الرسم أبد الآآبدين ,, تسيف أنا أكرهه كرره عظيم أبغض شيي عندي بالدونيا التلوينه صراحتن أكرهها مشكوور لمووحي ,, ودي أشارك بس ما اقدر << تكفى أولاه

هلآ بالمزآيين /,
شف سـ حبيبي حوّل لي الـ 200 وأعفيك من الرسم ..
وإلآ ارسم بدون تلوينة عآدي بقلم أزرق نآشف / سآيل

اقتباس المشاركة الأساسية كتبها عوااكيس لماح تستهبل انت لا صدز وش الجوائز انا كشخص ابعطل أشغالي واوقف أعمالي واقعد ارسم لك لازم فيه جوائز لازم يسير فيه حافز علشان كل واحد يتحمس لا تذكر ان فيه جوائز على الأقل يا عزيزي رتبه تطق تحت أسماء الثلاثه الأوائل بما ان الموضوع موب رسمي ولا ختمته عند المدير أنا انصحك تراسل البنقه جرّوح بما أنه عنده واسطه عن الإدارة العليا تخليه يتوسط لكم مع أن مسابقك بايخه على صاحبه الله يسلمك لكن يالله انا أشفع لك توكلوا على الله كل واحد يرسم والي يفوز إن شاء الله انه ماجور إلى الحين وان حصل فيه تطور " رتب " نعلمكم هذا والله أعلم ,,

هلآ بخلفهم عوآكيس
يا اخي ردك ذكّرن بالأحبآب آآه بس يا شين فرآقهم .. يا بعدي أنت شآيف أحد يشتغل منب أقصد المشرفين حآشآ البنقه لوه سنة ما شفته دآخل .. صح إنه ودي رتب وشغل متكتك بس لا حيآة لمن تنآدي .. وبمعنى آخر كآن ودي أحرك القسم شوي وأغدي وآحد من المشرفين يطلب أوسمة للمرآكز عشآن نحط له مبدع بالرسم التحشيشي ونحتري رسمك الشينة .

كآيدهمـ /,
معليش بس ردك طويل شوي وما اقتبسته ..ارسم الي تبي وصوره بالجوآل وارفع واحمد ربك ..

اقتباس المشاركة الأساسية كتبها الــمــفــتــرس فيه تهجم واضح على المشرفين ذذ لموحي . سجل واحد ودة يشارك .

اطلع من مخي لأعفج خشمك وأهجم عليك معهم ..
نحتري رسمك مع إنك خبوبي ما ادري معين ترسم ..