[ام الزلمات]

السلام عليكم..
مبطي وانا ودي احط هالموضوع..واليوم استخرت وجزمت
المهم..حنا من بريده بس شائت الاقدار وجدعتن بلحفريات(الحفر)

وتعرفون الحريم بهالخطوط بلشه ..ابي المحطه ابي دورات المياه..
المهم بقولكم بعض من مواقفي الي صارت بهالمحطات.


مرة من المرات الفائتات.
دخلت المسجد وجدعت عباتي وغطوتي ..ابدخل اتوضى اصلي
المهم يوم فتحت الحمام واثر الرجال مبوبز بلحمام
طار عقلي.واطير وشيل عباتي واهج لسياره..


ومره..
دخلت لقيت البنقالي منجضع بلمصلى وبرضو هههههههههج


ومره..
دخلت دورات المياه..يوم طلعت والقى الرجل فاتح المغسله ويتوضى..
وارجع للحمام واقفل على روحي..وشنطتي وعباتي بلمصلى مقدر ادق على زوجي
واصبر حول ربع ساعه بلحمام ..احسبه راح يوم شافن..
وافتح الباب والقاوه.وارجع اقفل الباب واقوله اطلع ترى بصرخ..واشوى طع.يوم لبست عباتي وطلعت لقيت زوجي ماسكه وشيل وحط به..


الزبده ..يابنات لاتدخلن مصلى المحطات لين يدخل قبلك الرجال ويشيك ..ثم يقولك ادخلي..ان كان مافيه سيارات عند المصلى عشان مايدخل على مره..


وانتم يارجال شيكو على المصلى قبل تدخل حريمكم..



وسلامتكم..اتمنى من المشرف مايشوت الموضوع..
لأنه بجد مهم..وينبه اخواتنا المسلمات

[ملكة الاحاسيس]

الله يستر الصراحه تخوف المحطات مامثل
يصير معك جركل ماء والحمام الخيمه الي يباع عند السنيدي وتوقفين على جنب على الخط
والحمدلله والشكر

[ام الزلمات]

اقتباس المشاركة الأساسية كتبها ملكة الاحاسيس الله يستر الصراحه تخوف المحطات مامثل يصير معك جركل ماء والحمام الخيمه الي يباع عند السنيدي وتوقفين على جنب على الخط والحمدلله والشكر

ياختي زين ان شلت شنطتي..تبينن انقل حمام

[انا واختي]

اقتباس المشاركة الأساسية كتبها ام الموذي ..ابدخل اتوضى اصلي المهم يوم فتحت الحمام واثر الرجال مبوبز بلحمام طار عقلي.واطير وشيل عباتي واهج لسياره..

هههههههههههههههههههههههه اوما مبوبز وصف جميل
ياحبيلتس انتي ومواضيعك الجهنميه
نجي للصدز صراحه معتس حق دايم نسمع قصص عنهن والمفروض الوحده تاخذ حذره
لتس

[نبض القصيم]

حيا الله ام الموذى

موضوعك مهم وحنا بحاجتة بس انا مستحيل ادخلهن طبعا علشان النضافة او الصراصير عدوى

الاوحد لكن ان كانت راقية فشنطتى انا ادخل فيها الحمام بعد تجربة تقفيل الباب ولولا الله ثم الجوال وربك ستر

[أحلى صبية]

أشين شي محطه ولحالكـــ قمه الخــوف....

[شًقِـــآؤٍة صًِغَآرٍ]

الله يستر عليك ياوخيتي _ ويعجل بنقلكم ياااارب _

[ღ ليالي نجــد ღ]

هههههههههههههههه وياحبي لتس انتي وسواليفتس

اهم شي لاتنزلين وتنزلين عفشتس وتنسينه مثل المرااات الاخرى ..

[ام الزلمات]

اقتباس المشاركة الأساسية كتبها انا واختي هههههههههههههههههههههههه اوما مبوبز وصف جميل ياحبيلتس انتي ومواضيعك الجهنميه نجي للصدز صراحه معتس حق دايم نسمع قصص عنهن والمفروض الوحده تاخذ حذره لتس

وش به مبوبز..عاد هذا المتدول عندنا

المفروض بس ماعندك احد

[ام الزلمات]

اقتباس المشاركة الأساسية كتبها نبض القصيم حيا الله ام الموذى موضوعك مهم وحنا بحاجتة بس انا مستحيل ادخلهن طبعا علشان النضافة او الصراصير عدوى الاوحد لكن ان كانت راقية فشنطتى انا ادخل فيها الحمام بعد تجربة تقفيل الباب ولولا الله ثم الجوال وربك ستر

ياحبيلك..انا لاحسرت ماعرف الصبر الشكوى لله
اما تقفيل الباب سالفة ثانيه.اسمعيه وانا اختتس
مرة دخلت الحمام وبه سقاط حديد من برى ويجيك الموذي ويصكه علي
افتح الباب عجزت واصوت..افتح الباب والله لجلدك ان طلعت
طبعا هو صغير مايفهم بس من الحمق قعدت اهاوش
المهم شلت من راسي انه بيفهم ويفتح لي..شسويت؟تشعمطت ورقيت فوق السخانه واطل مع الشباك واصوت .ابو فلان ابو فلان ماعندتس احد مسكر القزازه
واشوى فتح الموذي خراص..يوم طلعت امير اصطره صرن تبرد التسبد

[ام الزلمات]

اقتباس المشاركة الأساسية كتبها أحلى صبية أشين شي محطه ولحالكـــ قمه الخــوف....

وانتي الصادزه..بس تعودت
صرت ماخاف

[ام الزلمات]

اقتباس المشاركة الأساسية كتبها شًقِـــآؤٍة صًِغَآرٍ الله يستر عليك ياوخيتي _ ويعجل بنقلكم ياااارب _

اااااااااامين الله يسمع منك..
وايش الحركات هادي ..توقيعك خوقاااااااااق احب التوقيع لاصار يبلص
عاد من بيعلق على يبلص؟؟

[هاااامتي مرفووووعه]

^^
ههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه
الله يخوي عدوتس صراحه منسمه انتي
بجد ضحكت عليك

[ام الزلمات]

اقتباس المشاركة الأساسية كتبها ღ ليالي نجــد ღ هههههههههههههههه وياحبي لتس انتي وسواليفتس اهم شي لاتنزلين وتنزلين عفشتس وتنسينه مثل المرااات الاخرى ..

ياحي الله
ليالي نجد مامثلك ليالي..
لا عفشي خلاص صرت اشقق من فنايل ابونا واربط بهن عفشي..مليت وانا اقوله جب لنا حبل

الا وراتس تسوين لشقاوه توقيع وانا مخليتن حمصى لاصورة توقيع ولا رمزيه