[باص11]

بيييييييييييييييييييييييييييييييييييييب باص11 وصل من حملة الجليس الصالح (ملاحظة انا اتكلم عن اللي صار بمجموعتنا باص 11)
طبعا انا كغييري من الناس تمنيت احج بحملة توفر لي سبل الراحة على الاقل مثل ماهي وعدتني بتوفيره وشهي الوعود قالي مدير الحملة تعال وانا اعطيك خدمة خاصة و..........و............الخ( للمعلومية انا جاي من الشرقية)
قلت بس ياشيخ لاتفوتنا هالحملة اول نكبة بدات بمطار القصيم ضيعوا تصريح الحج الخاص فينا وينه توه كان معي بس ماادري وين صار معليك ما يدققون( هذا مشرف الحملة يقولنا) ركبنا الطيارة وصلنا جدة مسكنا خط مكة (وكل مجموعة بباص ومعاها مشرف طبعا انا باصي 11 ) الامن منتشر بالطرق يفتشون على تصاريح الحجاج بالاسم وانا ادعي يالله سترك ولولا لطف الله بي ما حجينا هالسنة اما بيوم النحر المشرف قفل جواله ونام ولاعليه من احد ومرشد الباص اللي الباص ما يمشي الابه قفل جواله وراح يعيد على اهله وخلانا والباص يدور بعد ماخلصنا طواف من الساعه 9الصبح الى الساعة 4 العصرماهو عارف طريق الجمرات وحنا يا نايمين يا قاعدين والاداره ماهي محركه ساكن ولا كان الامر يعنيها الناس الباقيه رموا وارتاحوا وحنا لسى ندور مارمينا الابعد غياب الشمس تخيلوا والسبب اهمال المشرفين جاء وقت طواف الوداع وبما ان حنا مستعجلين المفروض الحملة مطلعتنا من منى قبل الغياب علشان ما نبيت بمنى جت الساعه5 وحناننتظر الباص لاحس ولا خبر اخر شي ققررنا طبعا هذا القرار من الحجاج وليس من المشرفين لانه ماهمهم وش يصير عليك طلعنا وقعدنا برا المخيم ومن حظنا ان المخيم ما يبعد كثير عن نهاية منى افترشنا الرصيف وجلسنا صلينا المغرب والباص ما جاء اخر شي قررنا نركب سيارة ماتكفي الا30 وحنا تقربيا 40 الللي ماله كرسي والعزابي جلس فوق السيارة اللي يشوفنا يقول انناحاجين على حسابنا ماحنا تبع حملة والله كاننا اجانب وصلنا نص المسافة ورفض سواق السيارة يوصلنا للحرم نزلنا بموقف السيارات وراح الساعة الحين 9 وافترش تقريبا 40 شخص الرصيف مع عوايلهم وش نسوي ماندري كلمنا الاداره وين الباص ردوا علينا ماندري دبروا حالكم حنا ما لنا شغل قاموا حجاج باصنا اللي يدور باص يودينا واللي يكلم باص11 يشوف وين وصل المهم تابعوا باص 11 الى ما جابوه عندنا وهالكلام الساعه11 والادارة نايمين بالعسل وصلنا الحرم طفنا طواف الوداع وحنا منهكين ثم مسكنا خط جدة تاخرت الطيارة علينا المفروض 7:30 ماطرنا المؤلم بالامر اننا لما قابلنا المسؤولين بالحملة وقعدنا نلومهم على الاهمال يردون بعنجهييه ولا كان شي صار لااعتذار و لا وعود برد الاعتبار صراحة قمة الاستهتار والفوضى وعدم التدبير والامبالاه غير الغداء اللي فيه اللحم اسود غير العشاء الله يكرم النعمة مااقول الا حملة الجليس الصالح

[مديحة]

سلام اخوي.........باص11

غريييييييييبة ,,,
كلامك يناقض الكلام اللي سمعته عن حملة الجليس الصالح
الا اذا كان باصك (11) شــــــــــــاذ من بين الحملة

[جهينة]

اذن لنقل كلنا
لالالالالالالالالالالالالالالالالالالالالالالالالا لحملت الجليس الصالح

[A N A S]

أجل إذا حجيت ما أروح بباص 11 .


والله يتقبل من الحجاج حجهم


تحياتي لك

[. . برّاقـ . .]

الله يخلف عليكم

[باص11]

اختي مديحة لا يناقض ولاشي الاهذا اللي صار والخافي اعظم
جهينه لو يقولون لك حجي بلاش معنا برضوا لا تروحين
بريده سيتي لا باص 11 ولا يحزنزن الحملة بكبرها لا تقربها والله يتقبل منا
براق الله لا يعيدها على مسلم
وجزاكم الله خير على الردود

[حفيد اعقيل]

كثر الحديث عن حمـلات الحج وعـدم الوفـاء
بما يتعهـد به القائمين عليها , والأسـوأ حينما يأتي
من يتمسـح بمسـوح الدين ومن ثم يكذب على الناس ويماطل
هنا أرى أنه لاكرامة لمن يســتغل الناس ويكذب عليهم في أن
يشـهر به وبحملته وخصوصاً من خلال الإنترنت والذي هو من أنجع
الوسـائل بشــرط أن يصدق ماقيل فيه وأن يكون الكاتب ذا أمانة
وليس مغرض أو له أهـواء ,,

[@قلب بريدة@]

الله يخلف

[باص11]

حفيد اعقيل ما يقهر الواحد الا الوعود وان كان على الامانه بالكتابه يشهد الله لا لي غرض ولا حاجه الا اني لا اريد غيري يدفع ويطيح باللي انا طحت فيه
قلب بريده جزاك الله خيرا

[سيف المحبه]

يعوضكم الله
بس اخوي كم دافع

[باص11]

سيف المحبة دافع 5200غير تذاكر جيتي من الشرقيه للقصيم غير اقامتي ليليه بالقصيم !!!!!!!!!!1

[الزلم ابن الزلم]

أولاً :الحمد على السلامة
ثانياً: الله يخلف عليكم

[باص11]

الله يسلمك ياالزلم ابن الزلم وجزاك الله خيرا

[الجني الاسمر]

مشكور اخوي على المشاركه ماقصرةةةةةةةةةةةةةةةةةةةةةةةةةةةةةةةةةةةةة