 |
|
|
|
|
01-07-2002, 05:10 AM
|
#1 |
|
عـضـو
تاريخ التسجيل: Jun 2002
البلد: تعرف الشارع اللي عندكم انا جنبه
المشاركات: 59
|
رفا لت البنات!!!!!!
بعض بنات اللحين مرفهات انفسهن (مو كلهن وانا اولهن:D )ما يحاولن يدخلن المطبخ ويطبخن بعض الاصناف يعتقدن انه من باب الكشخه والا نزراق مايدرن انه يجي يوم ماراح ينفعهن دلعهن ولا انزراقهن ولا كشختهن وعلشان كذا اقول
ادخلي للمطبخ وتعلمي الطبخ والنفخ لين رحتي بيت زوجك وش بتسوين له ؟؟؟؟ وعرضت السؤال هذا على بعض من زميلاتي واختلفت اجوبتهن كلن على حسب سناعه ورفاله  بعضهن جوابن: وحده من زميلاتي اللي سالتها تقول: اذا رحت لزوجي ابربيه واعلمه على ان الاكل بيكون الفطور -- ابسوي له سندويتش جبن واذا كان جوعان مررره سويت له سنوديشتتينيتنين <-- ( المثنى السالم لسندويشه ) الغدا -- على حسب اذا يبغى رز ودجاج فيه جنبنا مطعم .. واذا يبي غير اكثر ماكثر الله المطاعم انا عندي وظيفه او دراسه منيب فاضيه له العشا -- النوم خفيف احسن وعلشان بعد ماتطلع كرشته بس بالويك اند ( تالي الاسبوع ) نتعشا...... و زميلتي الثانيه قالت: وش ابي بالطبخ انا منيب متزوجه الا واحد عنده بدال الخدامه سبع خدامات وخداماتي كلهم ابيهم منسمات بالطبخات يعني مهوب اي خدامه (( شكلها بتعرس على مكتب استقدام )) والثالثه منهن تقول: اذا رحت لبيت زوجي ذيك الساعه ابتعلم الطبخ انا الحين عند اهلي وابوي الحمد لله مهوب يقصر عندنا الخدامات اللي يحوفونا ويشوفون طبخنا (( يالمسيكنه بلاك ماتدرين اذا اقصر طريق لقلب الرجل هو معدته)) والرجل مايهم غير البلع >>>>>ذهينه ماشاء الله عليها:D والرابعه اللي سالتها: توني عن العرس منيب معرسه الا اذا اعرست باسكال مشعلاني طيب وش دخل الطبخ في باسكال ,,, الله يقطع بليسك يالمنسمه والخامسه : منيب متزوجه على طول يعني اقل شي فترة الخطوبه سنتين ولا ثلاث لين اعرف زوجي زين ومنها تكون فترة تدريب لي على الطبخ .. وبعدين من قاله اني ابطبخ لحالي ... انا منيب متزوجه الا واحد عليه طبخ الغدا وانا العشا ... ولا اقل شي انه يساعدني بالطبخ .. لانه بياكل معي جعل بطنه ينشق :D >>>>الله فكره حلوة شكلي بسويها:D :D وكل البنات(اقصد زميلاتي) اللي سالتهن حطيتهن بملف واحد وسميته بلااحمررفاله رفالت البنت وعدم سنعها راجع لتربيت الام لها بالذات بنسبة ( 90%) لانه بيدها تعلمها الطبخ والسنع وكيف تتعامل مع الحياة الجديده >>>>لا حظو كلمه السنع:D وصحيح انه فيه بنات ربو انفسهم بانفسهم وصارو ونعم البنات وهذولي من هداهن الله واصلحهن السؤال اللحين : على من تقع المسؤليه؟؟؟؟ نريد نماذج لشباب قامو بالزواج من فتيات من تلك الا صناف.. >>>>>وحده شريفه(فضوليه)  وعشان نحفظ حقوق بعضاا لبنات اللي اسمها موداخل الملف السابق ولكن لها ملف خااااص واسمه" سناعه" هي اللي نعتبرها بنت ولا كل البنات جامعه في التربيه كل الصفات بنات اذا راحت للحموله قالولها الله يبارك باليد اللي ربتك ... واحسنت تربيتك بنات الحمايل شوفت الزوج تفزع ولبطن الزوج تشبع ولزعل الزوج تمنع ولراحت الزوج تدفع وللستر تبحث وثوب الحياء عنها ما يخلع المثل يقولالسناعه كنز لا يفنى تحياتي السنعه بنت اهله(لا حظو السنعه)  
__________________
طنش تعش تنتعش بس تراك بالنهايه تبتلش |
|
|
|
01-07-2002, 05:50 AM
|
#2 |
|
عـضـو
تاريخ التسجيل: Mar 2002
البلد: بريده2002
المشاركات: 447
|
لو سمحتي دبرينا بوحدة من صديقاتك بشرط تعرف تطبخ وتنفخ وسنعه مثلك.
وتعييييييش مع أهلي ما فيه....ولا فيه خدامه... مشكوره اختي ويارييييت الطلب يكون سريع الله يعطيك العافيه. اخيك .............عبووودي
__________________
سذاااجة أطفال الحلق .. تلاميذ زاد المعاد وطلعة الأربعاء إستفزتني للعودة |
|
|
|
|
01-07-2002, 10:52 AM
|
#3 |
|
فكر نير
تاريخ التسجيل: Feb 2002
البلد: بريدة بقلبي و أنا بعيدة
المشاركات: 1,915
|
ن ص ي ح ة خ ا ص ة
اسمعن ياخياتي من أختكن :
ترى الرفاله ماتنفع وبكرى يالرفلى تعضين رجلين " مهب أصابع وبس " الندم وتقولين ليتي سامعة حسي السنعة بنت أهله . ولكن ترى الزواج مهب مطبخ وبس الزواج مسؤولية ثقيلة بالحيل وزوج لابد تراعينه كل لحظة وأكثر : فمثلا ما تنامين إلا بعده ولازم جدا تقومين قبله , لازم تراعين أهله أكثر من أهلك , وتخلينه يعيش حياته عسل x عسل ( عشان يلزق بك وما تطول عينه غيرك هههههههههههه ) لكن مهب كل الرجال يستاهلون هذا , مايستاهل الدلال إلا الصالح المصلح " والنعم " وإلا هالي عيونهم طايرة بالحريم بالسوق وإلا بالدش هذولا أصلا مهب رجال - يمكن ذكور - لكن الرجولــــــــــــــــــــــة عنهم بعيدة لما يعقلون , وإذا جت حزة العقل جتهم الحشيمة , والسلام .
__________________
 احبكم في الله يا أغلى أخوات .. و اعذروني .. سأنقطع لفترة ..
|
|
|
|
|
02-07-2002, 03:47 PM
|
#4 |
|
عـضـو
تاريخ التسجيل: Jul 2002
البلد: الرياض
المشاركات: 68
|
الى اختي السنعه بنت أهله
والله (ياالسنعه بنت أهله ) إني من المتابعين لأرائك ومقالاتك الشيقة مع إني بصراحه ماأفهم بعض كلامك (يا القصيميه)
وخاصه اللي بين الأقواس شكلها الغاز بينكم يا أهل القصيم بس عاد تراكي ظلمتي البنات حرام عليك، أنا ها الحين ضاربه في طبخ الحلى في البيت حتى ان واحد من أخواني جاءه (مرض السكري) من كثر الأصناف الجديده ، واللي يشوفك انتي يقول فاتحه ((مطـــــــعم)) بجنب بيتكم للزوار يا ((السنعه بنت أهله)) وابغا اسألك سؤال هالحين الأستفتاء اللي انتي مسويته شكلك مسويته مع بنات((العليا)) اوبا اسواق(الفيصليه) عندنا في الرياض 0 كانك جاده با الموضوع سوي استفتاءك با الوسعه اوبقبه رشيدبجنب المسجد الكبير0 لأني بصراحه ما عتقد ان بنات القصيم يسوووووووون كذا بعدين تراى عصر((المرقوق والجريش)) انتهى وقته وبصراحه ما أحد هالحين ياكلهن أتوقع انك أولهم وحنا يا البنات حاطين حيلنا باالكبسه مع انك عارفة إن أختك الصغيرة تقدر تسويها0 أختك : شيمو |
|
|
|
|
02-07-2002, 04:11 PM
|
#5 |
|
عـضـو
تاريخ التسجيل: Jul 2002
المشاركات: 109
|
اختي شيمو انتي جديده هنا
الرجاء تحترمي نفسك 
__________________
[FL=http://yaz.jeeran.com/10y.swf] width = 350 height = 150 [/FL] |
|
|
|
|
02-07-2002, 07:59 PM
|
#6 |
|
عـضـو
تاريخ التسجيل: Jul 2002
البلد: ابيتنا
المشاركات: 1
|
والله انس صاسه
ترى الرفاله ماتنفع وبكرى يالرفلى تعضين رجلين " مهب أصابع وبس " الندم وتقولين ليتي سامعة حسي السنعة بنت أهله .
__________________
أم هلال ......... تشجع الهلال !!!! |
|
|
|
|
03-07-2002, 08:20 PM
|
#7 |
|
عـضـو
تاريخ التسجيل: Jun 2002
البلد: تعرف الشارع اللي عندكم انا جنبه
المشاركات: 59
|
رد
اهلين عبودي :
خلا ص ماعندي مانع اخطب لك بس بشرط انك تعطيني نصف مهرها :D :D بس غالي والطلب رخيص من اللحين راح ادور لك لا وبعد تبي تسكن عند اهلك ولا فيه خادمه ياسلام هذا المو اصفات كل بنت تتمناه ولا يهمك بس بس وافق على الشرط  تحياتي
__________________
طنش تعش تنتعش بس تراك بالنهايه تبتلش |
|
|
|
|
03-07-2002, 09:02 PM
|
#8 |
|
عـضـو
تاريخ التسجيل: Jun 2002
البلد: تعرف الشارع اللي عندكم انا جنبه
المشاركات: 59
|
اهلين ببرايدويه بحته:D
كلامك صدق : ولكن ترى الزواج مهب مطبخ وبس الزواج مسؤولية ثقيلة بالحيل وزوج لابد تراعينه كل لحظة وأكثر  مشكوره اختي تحياتي
__________________
طنش تعش تنتعش بس تراك بالنهايه تبتلش |
|
|
|
|
03-07-2002, 09:17 PM
|
#9 |
|
عـضـو
تاريخ التسجيل: Jun 2002
البلد: تعرف الشارع اللي عندكم انا جنبه
المشاركات: 59
|
اهلين باختي شيمو وياهلا فيك بالمنتدى بين اهلك وناسك وديرتك
الثانيه (بريده):D مشكوره على قرائتك لمقالاتي هذا اولا ثانيا: لا والله ماقصد بنات العليا والفيصليه اللي تقوليه اصلن هن مايقر بن لي:D وبعدين والله انك صادقه بنات القصيم مايسوون كذا لكن هذا اللي صار البنات تغيرن سبحان مغير الاحوال وماشاء الله عليك ياشيمو تعرفين تطبخين حلى اجل عطيني حلى مقاديره سهله بدون فرن :D واصلن انتي من قائمه السناعه (احلى ياقرمه) اما كلامي اللي ماتفهمينه يالذهينه (الذكيه)عندي حل منا سب علشان تفهمينه فيه قاموس اسمه( للقصمان فقط) بيترجملك الكلمات بس تراه طلبيه ومكلف (اسذب يالدردغانه)>>>فهمتيها :D اتمنى ان كلامي مايزعجك لا نه مزح ومشكوره مره ثانيه يابنت الرياض(يالسنعه) تحياتي
__________________
طنش تعش تنتعش بس تراك بالنهايه تبتلش |
|
|
|
|
03-07-2002, 09:23 PM
|
#10 |
|
عـضـو
تاريخ التسجيل: Jun 2002
البلد: تعرف الشارع اللي عندكم انا جنبه
المشاركات: 59
|
هلا في لا خ او لا خت Mee
ايش قالت شيمو علشان تطلب منها انها تحرم نفسها بعدين هذي ضيفتنا والفروض اننا ما نغلط على اي ضيف حل بديارنا ويعديناترك شيمو بحالها ورد على مو ضوعي بس  _________ هلا والله بام هلا ل الي تشجع الهلال:D :D ومشكوره اختي على قرائتك لموضوعي ________ تحياتي
__________________
طنش تعش تنتعش بس تراك بالنهايه تبتلش |
|
|
|
|
04-07-2002, 08:20 PM
|
#11 |
|
عـضـو
تاريخ التسجيل: Jul 2002
المشاركات: 20
|
......
وبعدين خلي البنت تصير رفلى اهم شئ الاخلاق صححححححححححححح
|
|
|
|
|
04-07-2002, 10:14 PM
|
#12 |
|
عـضـو
تاريخ التسجيل: Jun 2002
البلد: القَاعِدةَ
المشاركات: 70
|
احححم يا ولد تغططططططططططططططططططططططوااااااااااااااا
البنت الرفلة ماتنفع أبد أبد ترى عبووودي وش مقعدك مع البانت يماللمصع :D انا ماودي أرد من أول شئ بس يوم شفتك راد قلت خن نرد يا رجال الموضوع منتاز بالحيل <==== مايعرف يصرررررف أبد :D  انا من ناحيتي أفضل اللي : شوفت الزوج تفزع ولبطن الزوج تشبع :D ولزعل الزوج تمنع ولراحت الزوج تدفع  وللستر تبحث وثوب الحياء عنها ما يخلع  يعتمد الى شوي |
|
|
|
|
05-07-2002, 03:57 AM
|
#13 |
|
عـضـو
تاريخ التسجيل: Jul 2002
البلد: الرياض
المشاركات: 68
|
يا المجرم اذا رحت تخطب تقولهم اسمك كذا
تصدق اني اخاف منك كيف تتحملك زوجك مجرم تكفى غير اسمك يا السنعه صدق صدق ماتخافين انتي منه او قويه انتي [movel]شيمو[/movel]
__________________
|
|
|
|
|
08-07-2002, 01:27 AM
|
#14 |
|
عـضـو
تاريخ التسجيل: Jun 2002
البلد: تعرف الشارع اللي عندكم انا جنبه
المشاركات: 59
|
هلا بام السعف الليف
اهم شي الاخلاق مشكوره _________- المجرم يمه وش ذالاسم لك والله انك تخرع :D وانتي صادقه شيمو وشلون بتحمله زوجته حتى شوفي صورته تخرع مثل اسمه:D يعني اسم على مسمى تحياتي
__________________
طنش تعش تنتعش بس تراك بالنهايه تبتلش |
|
|
|
 |
| الإشارات المرجعية |
|
|
النمط المتتابع
