[فتـحي الشقاقي]

بسم الله

السلام عليكم

ياجماعه انا كل ماشفت ولد راكب مع سواق اتريق عليه في نفسي
اقول هالرخوم عيال الموجهات والمدرسات ماعندهم دبره ولا سنع الا بالمطاعم
اذا صرت في مطعم وجاء احد مع السواق من عيال المذكورين .. تلقاه مبدع بأسماء الوجبات من كثر مايطلب وياكل مع خواته ..
بس مع هذا (مؤدب)
اليوم كنت في ماكدونالدز .. جلس جنبي ثلاثه من الصبيه الشهبان الظاهر انهم من حقين الخبوب ..
عاد طالبين ثلاث وجبات ونظام الببسي تعبي اذا خلص ببلاش
لما خلصوا اكلين .. كل واحد نثر الببسي على بقايا الاكل عشان يعبي ببلاش مره ثانيه ..
شفاحه غريبه .. المكان صار وصخ (ببسي+بقايا أكل) .. ماتخيلتها للحين موجوده هالشفاحه بالاولاد هذي ...
انا بصراحه انقهرت .. هاوشتهم .. قلت ترا الببسي بالبقاله بريال .. مايستاهل الوضع تنثر الببسي على بقايا اكلك عشان ترجع تعبي .. او ياخي عب الببسي حتى لو باقي نصه عادي تخليهم يفللون لك العلبه قبل تمشي ..
سبحان الله .. فئه من المجتمع تحاول تحلل فلوسها بشكل غبي وقذر .. مدري كيف تعلمت هذي العادات السيئه ..

ولد الموجهه رخمه بس مؤدب ..

[المهرة]

اي موجهه؟؟؟ وش دخل الموجهات!!! يعني مايركب مع سواق الاعيال الموجهات!!!!

عموما الموقف اللي ذكرته مخجل الحقيقه.. يعني معقووووووووله فيه اطفال اخلاقهم بهالشكل ... اجل الله يستر من الجيل الجديد............ وياليت كل عيالنا يطلعون رخووووووم _على قولتك_ بس مؤدبين
ماضر عيال الاجانب او _الغير سعوديين_ بمعنى اصح ... الواحد منهم لو تنقطع جزمته (وانتم بكرامه) صاح ، بس بنفس الوقت مؤدبين ومايغلطون على احد ويحترمون الكبير وواثقين من انفسهم .............

اخخخخخخخخ بس ليتك مانشرت هالموقف والله فشيييييييييييييييييييييله؟!!!!

شكرا لك ....................وتقبل مروري

[الجامده]

غريبه .. أحس هالحركــات تركوها الناس مافيش أحد يسوي كذا..
وبعدين وش دراكـ يمكن هم كمان عيال موجهات ...
عاد وشِّن الموجهات هن أصلاً مدرسات..
و مثلهن مثل المدرسات مافيه فرق ...

[سامي بريدة]

وعليكم السلام
ياأخ فتحي
ياحليلك أجل كفشتهم ولو دريوا إنك بتنشر خبرهم
كان قالوا لك صورنا بعد !!!!!!!!!!! (( هههههههههههههااااائ ))
الله يعينك ستقام عليك دعوى من الموجهات استعد لها !!!!!!!!!
كما أن سكان الخبوب كذلك سيقيمون عليك مثل الموجهات !!!!!!!!

أخي الحبيب المجتمع لا يخلو من شواذ الأفعال والأقوال من صغار وكبار
من أبنا موجهين أو موجهات أو مربين أو مربيات

فأساس هذا راجع للتربية وحظ الأولاد منها 0

وجزاك الله خيرا

[فتـحي الشقاقي]

اقتباس المشاركة الأساسية كتبها المهره4 اي موجهه؟؟؟ وش دخل الموجهات!!! يعني مايركب مع سواق الاعيال الموجهات!!!! عموما الموقف اللي ذكرته مخجل الحقيقه.. يعني معقووووووووله فيه اطفال اخلاقهم بهالشكل ... اجل الله يستر من الجيل الجديد............ وياليت كل عيالنا يطلعون رخووووووم _على قولتك_ بس مؤدبين ماضر عيال الاجانب او _الغير سعوديين_ بمعنى اصح ... الواحد منهم لو تنقطع جزمته (وانتم بكرامه) صاح ، بس بنفس الوقت مؤدبين ومايغلطون على احد ويحترمون الكبير وواثقين من انفسهم ............. اخخخخخخخخ بس ليتك مانشرت هالموقف والله فشيييييييييييييييييييييله؟!!!! شكرا لك ....................وتقبل مروري

مالهم دخل .. بس شي في نفسي اذا شفت ولد من اياهم (دبي وابيض وراكب مع سواق) على طول يجي في بالي انه ولد مدرسه او موجهه

خبرك الحريم الي هناك رجاليات مصيخات البيت والولد دايم حول الوالده :D

ومن ناحية لسى بالمجتمع يه اشكال زي هذي .. يؤ يؤ مليان وستين بس الفال بالجيل الجديد إن شاءالله

[فتـحي الشقاقي]

اقتباس المشاركة الأساسية كتبها الجامده غريبه .. أحس هالحركــات تركوها الناس مافيش أحد يسوي كذا.. وبعدين وش دراكـ يمكن هم كمان عيال موجهات ... عاد وشِّن الموجهات هن أصلاً مدرسات.. و مثلهن مثل المدرسات مافيه فرق ...

الحركات هذي موجوده .. مو اصلن عيال الناس فاهمين تحليل الفلوس خطأ
على باله كذا يحلل فلوسه .. وهو جالس يوصخ المكان ويرسم صوره غير سليمه عن المجتمع ..

وبعدين على فكره ،، الموجهات من قال انهم مثل المدرسات ؟
لالا ياوخيتي .. الموجهه اكبر مكانه . يكفي ان المدرسه تسميها (استاذه) وتخاف اذا جتها بالمدرسه هه
لذلك انا شايف انه فيه فرق بالمكانه والمقام

[فتـحي الشقاقي]

اقتباس المشاركة الأساسية كتبها سامي بريدة وعليكم السلام ياأخ فتحي ياحليلك أجل كفشتهم ولو دريوا إنك بتنشر خبرهم كان قالوا لك صورنا بعد !!!!!!!!!!! (( هههههههههههههااااائ )) الله يعينك ستقام عليك دعوى من الموجهات استعد لها !!!!!!!!! كما أن سكان الخبوب كذلك سيقيمون عليك مثل الموجهات !!!!!!!! أخي الحبيب المجتمع لا يخلو من شواذ الأفعال والأقوال من صغار وكبار من أبنا موجهين أو موجهات أو مربين أو مربيات فأساس هذا راجع للتربية وحظ الأولاد منها 0 وجزاك الله خيرا

والله انك صادق ..الظاهر من الشفاحه بيفرحون لو صورتهم .. مير حسافه عليهم والشوارع مليانه من هذي النمونه ..
يجونك قروا استغفر الله .. قبل مده كانت في مناسبه وبالصدفه جلس جنبي من الي انت خابر >>خبوبيه

المهم سواليفهم قسم انها تجيب الطاعه
واحد يقول / ياخي الهليلكس حقتي فاصل طبلونها اتحدى فيها اطلق هايلكس
والثاني يقول ياخي انا مليت ادور على مساعدات مرسدس بركبها بالهايلكس حقتي
والثاني يقول ياخي مايملح الهايلكس الا مطباتها ..
وع عليكم عيال قراوا ماشفتو النعمه .. هرجهم بايخ وطموحهم ابيخ وتربيتهم هباله .. هذا ان كان فيه تربيه من الاصل ..
وكله كوم ولما جلس يأشر لواحد مزيون يقول لخويه شف شف ويأشر بخده يعني اطخم .. على بالهم اني ما افهم وش جالسين يتكلمون فيه .. وع ثم يع من كخ الى قرف للوصخين الي جلس معهم اكل النعمه الله يكرمها ويديمها من زوال ..
ياخوي الى مته هذي النمونه بالمجتمع ؟
وين توجهات الاهل تجاه تربيه وتعديل وجهات هذه الحالات في بيوتهم ؟

[قاصد حق]

فتـحي الشقاقي

لي عدة وقفات في هذا المقال أعانك الله علي :

أولاً : ما كدونالدز شركة أمريكية تخصص نسبة من أرباحها لليهود بل وتتتفاخر في ذلك
فهلا اخترت مطاعم أخرى لا تدعم اليهود وتعاون في الحرب على إخواننا المسلمين .

ثانياً : أعرف الكثير من أبناء المدرسـ ين/ات والموجهـ ين/ات مثاليين في تغذيتهم وأدبهم والتزامهم
فأسلوب التعميم في مقالك خاطيء جداً وبإمكانك توجيه بلا همز فئات بعينها .

ثالثاً : ذكرت أن ظاهر من أساءوا في المطعم من صغار الخبوبية وأنت لم تتأكد من ذلك وإنما حكمت بالظاهر
ولعلمك أني لست منهم ولكني خالطت أناساً منهم فوالله وجدت في الكثير منهم التمسك بالدين والرجولة
وأعرف عدداً من صغار أبناء معارفي ممن ولدوا وترعرعوا في المدينة أخلاقهم كما ذكرت أو أسوأ
فالأمر عائد للتربية والمتابعة وليس لفئات بعينها .

وشكراً للفتك إلى مثل هذه المواضيع وأرجو أن لا تتعدى النقد إلى التهجم .

[أبو عزوز]

فتـحي الشقاقى ...
السلام عليكم

صحيح ماقلته يا فتحي

أنا كنت بجانبهم ولق رأيت واحد يهاوشهم ((أثره أنت)) بس عرفتك

جزاك الله خير

[المسفهل]

أووووه فتحــي الشقــاقــي إنتســب لــ [ بــريــدة ستــي ]

يــا ميـّــة أهــلاً وسهـــلاً


بــالنسبــة لمــوضــوعــكـ فــلا أعتقــد أنّ للخبــوبيـة أو المــدرســات أو أخــواتهــن المــوجهــات أو غيــرهــم أي دخــل فـي إشــراكهــم فــي مــوضــوعــكـ ، إنمــا المســألــة تكمــن فــي التـربيــة والتــربيــة فقــط .


أذكــر مــرّة طلعنــا بــإستــراحــة آجــار يــومــي [ طبعــاً طلعــة شبــاب ] وعلشــان ابــو رائــد أبقــول طلعــة شيبـــان لا يقعــد هـالحيــن يفــوع بــي


جلسنــا بــالــدكـّــة وكــان الــوقــت صيفــاً والجــو عــال العــال ، فلمــا دخلــت داخــل المجلــس لغــرض مــا وجــدت المكيفــات واللمبــات كلـّـهــن علــى وضــع [ ON ] وأجيكــم وأطفيهــن كلـّـهــن لأن مــا لنــا حــاجــة بهــن .. فجـــاء لمـّــي حـدا الشبــاب وهــاشــنّ يقــول خلـّـهــن خــل نحلــل دراهمنـــا ... !!!


لــن أزيــد علــى مــا أوردت إلا التــرحيــب بــكـ فتحــي الشقــاقــي ويــا هــلا بــكـ .

[تعبتــ أشتاق]

ماعجبني تهجمك على الخبوب
وعلى قول اخوي المسفهل
هي على التربيه لا موجهات ولا مدرسات ولا خبوبيه
بالعكس فيه ناس من الخبوب قمه بالادب والذوق
وبعض عيال هالمدرسات والموجهات اللي هابلاتك قمه بالتخلف


على حسب مااتربو عليه ماللاصل ولا المنطقه دور..

استغرب كثير من الناس لابغو يشتمون قالو خبوب

اقتباس الموجهه اكبر مكانه . يكفي ان المدرسه تسميها (استاذه) وتخاف اذا جتها بالمدرسه

ههههههههه بعض الموجهات مامعهن الا الثانويه العامه
او متخرجه من معهد من سنة الف وحطبه اردى من ثانويتنا اللي الحين
المدرسات احسن منهم علم وشهاده..لكن لانهن قديمات واول من درس احتلن المناصب
والا لو هي على العلم والخبره والكفاءه كان كلهن مفصولات

واذا على كلمة استاذه..
انا وانا بالتربيه العملي لساتي طالبه يقولون لي المدرسات والمديره ..استاذه
الله اكبر عاد يا هـ الكلمه

[انسان اكثر]

صحيح هي على التربيه لكن المكان اللي يعيش فيه (المنطقه) والاصل لهم دور كبير
الخبوبيه << رجال بمعنى الكلمه رجال دين وراعين فزعات ويبيضون الوجه
بس بعد ( عيالهم ) الله يهديهم عليهم شين اخلاق ( انا ما اعمم بس اغلبهم)
وعيال الموجهات مثلهم مثل غيرهم"""
===
واللي شفتهم انت حكمت عليهم خبوبيه يمكن مو اكيد<<< على العموم فيه منهم كثييير

[فتـحي الشقاقي]

up

لي عوده اذا نامت خلق الله

[فتـحي الشقاقي]

اقتباس المشاركة الأساسية كتبها قاصد حق فتـحي الشقاقي لي عدة وقفات في هذا المقال أعانك الله علي : أولاً : ما كدونالدز شركة أمريكية تخصص نسبة من أرباحها لليهود بل وتتتفاخر في ذلك فهلا اخترت مطاعم أخرى لا تدعم اليهود وتعاون في الحرب على إخواننا المسلمين . ثانياً : أعرف الكثير من أبناء المدرسـ ين/ات والموجهـ ين/ات مثاليين في تغذيتهم وأدبهم والتزامهم فأسلوب التعميم في مقالك خاطيء جداً وبإمكانك توجيه بلا همز فئات بعينها . ثالثاً : ذكرت أن ظاهر من أساءوا في المطعم من صغار الخبوبية وأنت لم تتأكد من ذلك وإنما حكمت بالظاهر ولعلمك أني لست منهم ولكني خالطت أناساً منهم فوالله وجدت في الكثير منهم التمسك بالدين والرجولة وأعرف عدداً من صغار أبناء معارفي ممن ولدوا وترعرعوا في المدينة أخلاقهم كما ذكرت أو أسوأ فالأمر عائد للتربية والمتابعة وليس لفئات بعينها . وشكراً للفتك إلى مثل هذه المواضيع وأرجو أن لا تتعدى النقد إلى التهجم .

للاحاطه .. اني كتابة الموضوع جس نبض للتواجد وطريقة السرد .. بدل ان اتعب في متابعة مواضيع الاعضاء ،، يكون لي وقفه موضوع واحد لمجرد اللفته فقط .. مع فائق الاحترام ..>> موب عاقل العنكبوتي

بالنسبه للــــ

اقتباس أولاً : ما كدونالدز شركة أمريكية تخصص نسبة من أرباحها لليهود بل وتتتفاخر في ذلك فهلا اخترت مطاعم أخرى لا تدعم اليهود وتعاون في الحرب على إخواننا المسلمين .

مع الاسف لا يوجد هناك بديل بحجم هذا المطعم الراقي والذي اجد ذائقتي بطعامه ..
ومع هذا .. قد صرحت شركة مؤسسة الرياض للاطعه ان ماكدونادز ليس من سلسلة مطاعم امريكا .. غير ان المطعم يحمل تصريح فقط ،، لا يتضمن ارباح تصل الى امريكا او تواصل خارجي .
وان كان هناك نصب هذا عل ذمتهم ..
لذلك لا ترحم نفك من سبايسي وكوارتر ..

اقتباس ثانياً : أعرف الكثير من أبناء المدرسـ ين/ات والموجهـ ين/ات مثاليين في تغذيتهم وأدبهم والتزامهم فأسلوب التعميم في مقالك خاطيء جداً وبإمكانك توجيه بلا همز فئات بعينها

.

انا هناء امثل شريحه عشوائية الاختيار من اجل طرح مغاير عن البقيه .. وذكرت ان ذلك الاختيار يراود نفسي عندما اشاهد تلك الاشكال الترفه مع السائق المتفحل بالعائله ..
بمعنى ان هناك امهات تدير وتوجه بيوت اكثر من دور الاب .. فيخرج الابن انثوي بالتصرفات .. حتى يبح بعمر الـــ 25 او اقل بقليل ثم يتعدل حالهلبعده عن الماما ..
المهم اني نقلت ما بنفسي فقط ..

اقتباس ثالثاً : ذكرت أن ظاهر من أساءوا في المطعم من صغار الخبوبية وأنت لم تتأكد من ذلك وإنما حكمت بالظاهر ولعلمك أني لست منهم ولكني خالطت أناساً منهم فوالله وجدت في الكثير منهم التمسك بالدين والرجولة وأعرف عدداً من صغار أبناء معارفي ممن ولدوا وترعرعوا في المدينة أخلاقهم كما ذكرت أو أسوأ فالأمر عائد للتربية والمتابعة وليس لفئات بعينها

ايه خبوبيه .. يعني بالله عيال مصاريا الي شفتهم ؟
او بدو ؟ المصايا واضحين .. والبدو داجين
مافي غير الخبوبيه هم الي دراهم وقراوا .. وبعدين واضح من الشكل .. الخبوبي وسمه لطمته بكل مكان او علامات اخرى :D يعني مثلاً : معه هايلكس فيها عبس بالصندوق هه
ولكن وجهة نظرك جميله ومحقه .. هناك من ابناء المدينه من هم اسوء .. قد يعود ذلك بأن يكون لهم عروق متأصله من الخبوب >> ماسكه خبوب خلاص مايمديك