قـــــصـــة تـــوســــع الــصـــــدر

القمة تسع الجميع · 21-02-2008, 07:17 PM

السلام عليكم ورحمة الله وبركاته
تحية طيبة عطرة للجميع...

في يوم من الأيام دخلت للبيت _تافلن العافية_ من شينن صار لي... من اللي ما لا يسلم منه إلا النادر _وهاذي طبيعة الدنيا_
دخلت وإذا جدتي جالستٌ بفناء الدار
قلت: السلام عليكم.
قالت : وعليكم السلام يا وليدي .
جلست ساكت شوي , وأطالع بالسماء شوي...
قالت : وش بلاك ؟ وش إهنا ؟ وراه ماتحكي!!
قلت : من فجر الله روحه وجيه وتاليتها خسارة !!
قالت : عندي يا وليدي قصة أبقوله لك .
قلت : عساها قصيرة وتضحك ؟
قالت : اسمع
به بزمانن مضى رجل من الرجال لكنه أسود عرج كريم عين وشعره عكاريش وحالته حاله ما أحد يبيه وهاذي حكمة الله بخلقه
لا يقدر يسني مع السواني ولا يروس مع اللي يروسون ولا يبني مع هالي يبنون ولا يسرح بالغنم حتى
المسكين وده يترزق الله ويعرس مثله مثل الناس راعي طموح لكن ما هنا حيله...
نوبتن يشحذ ونوبتن يتلزق باللي عندهم عزيمة وعلى ها السيرة ماشي
بيوم من الأيام قاله واحد راين سديد
قاله: إبد جمع زبايل الديرة بقرش آخر السنة من كل واحد وأكلحين القرش يساوي والله أعلم عشرتريل وحط الزبايل بآخر الديرة _يعني إشتغل بلديه_ وبعدين الناس يدرون إنك ما هنا شيء .
والناس حبيبين ويبي يساعدونك إن شاء الله
رفيقنا تشيوى الدراهم قرشن بالسنة !!! لكن أزين من الشحاذة و الكسافة ولا بالفرق
راح وقال لإمام الجامع قل للناس أبجمع زبايلهم بقرش وأحطهن بآخر الديرة اللي وده بعلمنا
قال الإمام للجماعة ووافقو لأن هال القرش مهب شيء حتى ماهنا أحدن لهال الفقير
تعاطفوا معه الجماعة ولا خالف أحد وفرحوا إنه لقى له شغل -وإلا ماهنا زبايلن تذكر من أول-
بدأ الضحى يدور يجمع ها الزبايل ويحطهن بآخر الديرة وإشتغل كم سنة على ها الطريقة وما جاه من قرش إلا ضرب عليه عشرين عقدة وغباه.
مرت الدنيا ... وقعد له مره وعد ها القروش ولاهن يوسعن الصدر فرح بهن واستانس
ومار يفكر يعمر بيت _ عاد الله أكبر وشن بيوت من أول _
قال للإمام : إن شريت أرض قضن قروشي عن العمار , وش الحل برايك ؟
قال الإمام : إعمر بآخر الديرة ما يمك أحد _أهههه_ عند زبايلك!!
جازت القكرة له وبدأ يدور أزين المحلات عند محل الزبايل
جزم على محلن زوين إيه إيه لكن وين اللي يعمرون؟
دور بعض الزقرت اللي يشتغلون بالجازة_الجازة هي أن يعمل عندك الشخص مقابل أن تضمن له أكله مجاناً_ لقى اللي يسدون , وقوم حجرة وقضن القروش
وقف الشغل لمين يجمع من ها الزبايل ما يقوم الحجرة الثانية
جمه اللي يسد وناداهم مرة ثانية لما عمر حجرتين وجط لهن سور واحد
المراد إنه قضى العمار الضحى وغداء اللي إشتغلو , وأكلحين الغداء قبل الصلاة ونام بالبيت الجديدة فرحنبه
وإلى بغض اللي يشتغلون عيار وضحكة لربعه مثل أغلب الشلل , كتب على السور هماه طين وتوه مزين { يـرزق مـن يـشـاء حـتى زبـالـه } مستحقرن ها الزبال إن له بيت , لكن لم ينكر قدرة الغظيم الأغظم .
قام من النوم رفيقنا يام قربت الصلاة وراح للمسجد صلى وعلم الجماعة إن بيته قضت ... رجع للبيت وقبل يدخل شاف هال كتبة وقف يقراها وضحك ودخل وجاب ماء ورش اللي تحتها وكتب
{ مـن لـه رزق لا يـمـوت حـتى يـنـالـه }
ضحكت أنا كثيراً من طرافة هذه القصة الجميلة ذات المعاني الرفيعة .
قلت : صارت
يـرزق مـن يـشـاء حـتى زبـالـه
مـن لـه رزق لا يـمـوت حـتى يـنـالـه

قالت يوه: ثم صارت هال بيت مشهورة عند المغثة والكسافة... والله وأنا أمك مهب مضيع الناس , ولا تركهم ما يدري وش اللي يصير لهم , والعبرة وأنا أمك باللي قدام اللي يبي صدق شغل وتعب عسى الله ينجينا ووالدين وجميع المسلمين .........

**سامي بريدة** · 21-02-2008, 07:42 PM

وين شبابنا عن هالقصة

يعطيك العافية
ماقصرّت
لو إني تعبت بالقراية شوي

فهد بريدة · 21-02-2008, 08:01 PM

والله ما ذبحنا إلا هالقصة وأمثالها

قل لجدك الله يخليها لك أن النفط يا جديدتي يباع الحين 102دولار والدولار وأنا حفيدس يسوى 3.75 ريال وفوق هذا يا جديدتي ترى دولتنا الله يعزها ولا يعز عليها تبيع باليوم 100 مليون برميل والحظ الأوفر للبنان والأردن .

وقلها الله يرزقها برك ..

دولتنا وولاة أمرنا فيهم الخير والبركة ولكن يبدر منهم تقصير والكمال لله تعالى ..

ولا ترى يا جديدتي لو تدرين أني لو ابفتح محل شفت نجوم الظهر من البلدية عندنا وموظفينها الي إن كانوا يصلحون لشيء فهم يصلحون يبيعون برسيم كان مهوب هذا هرجتس .

وغير هذا وذاك لو ابتزوج كان لازم أدور لي عزبة حول الموت علشان أورثها وأتزوج بنت حلال تناسبني كودي أسدد قيمة الزواج في ظل غلى هالاسعار .

ولا ودي أضيق صدرتس يا جدتي بطاري الخمسة بالمية وأقولتس أن عمان وهي مافيها إلا بعارصى من غير حقران لخلق الله رفعت 45% .

والله يا جدتي أنتس غالية علي وأني أحب قصصتس هذي مير الزمن تغير وصار الحليم حيران .

القمة تسع الجميع · 21-02-2008, 08:46 PM

ألف شكر لك ياسامي بريدة... والله يعين الجميع يا فهدنا لا فهد بريدة بس

زمن الصمت · 21-02-2008, 09:05 PM

القصة حلوة لكن تبي ترجمة لغير القصمان
وأيضا القصمان من الرجعة التالية مايفهمون بعض المفردات

الدكتور متفائل · 21-02-2008, 10:54 PM

تكلم بلغة القران اسلوب العوام مايفهم ابد

القمة تسع الجميع · 22-02-2008, 02:19 AM

عفواً يا زمن الصمت وللدكتور المتفائل القصة سقتها كما سمعتها لحفظ اللفظ الأصلي ذا المعاني ال...

زمن الصمت · 22-02-2008, 02:39 AM

أي معنى الله يرحم والديك ومعهم جدتك

سوبر بريدة · 22-02-2008, 02:47 AM

يحبيل العجز وقصصهموالله مفيده جزاك الله خير

~{ الوسـامـ .. · 22-02-2008, 03:34 AM

مشكور سامي بريده على هالقصيصه

القمة تسع الجميع · 22-02-2008, 08:51 PM

ألف شكر وتقدير على مشاركاتكو ياشباب

**سامي بريدة** · 23-02-2008, 12:29 AM

اقتباس

المشاركة الأساسية كتبها دحيم الفزعه


	مشكور سامي بريده على هالقصيصه

يا حبيلك
يادحيم الفزعة
أثر قلبك معي
أول واحد يصير قلبه معي
7
7
لا يزعل عليك
القمة

أنا أعتذر لك منه
وإن شاء الله بيقبل العذر
والعتب على النظر والعجلة

لانا · 23-02-2008, 12:44 AM

نعم والله (ان الله هو الرزاق ذو القوة المتين)

القمة تسع الجميع · 23-02-2008, 01:17 AM

من أخذ قلبك ياسامي يتهنئ فيه , وشكر يا لانا ( توقيعك حلو...)

21-02-2008, 07:17 PM	#1
القمة تسع الجميع عـضـو تاريخ التسجيل: Feb 2008 المشاركات: 119	قـــــصـــة تـــوســــع الــصـــــدر السلام عليكم ورحمة الله وبركاته تحية طيبة عطرة للجميع... في يوم من الأيام دخلت للبيت _تافلن العافية_ من شينن صار لي... من اللي ما لا يسلم منه إلا النادر _وهاذي طبيعة الدنيا_ دخلت وإذا جدتي جالستٌ بفناء الدار قلت: السلام عليكم. قالت : وعليكم السلام يا وليدي . جلست ساكت شوي , وأطالع بالسماء شوي... قالت : وش بلاك ؟ وش إهنا ؟ وراه ماتحكي!! قلت : من فجر الله روحه وجيه وتاليتها خسارة !! قالت : عندي يا وليدي قصة أبقوله لك . قلت : عساها قصيرة وتضحك ؟ قالت : اسمع به بزمانن مضى رجل من الرجال لكنه أسود عرج كريم عين وشعره عكاريش وحالته حاله ما أحد يبيه وهاذي حكمة الله بخلقه لا يقدر يسني مع السواني ولا يروس مع اللي يروسون ولا يبني مع هالي يبنون ولا يسرح بالغنم حتى المسكين وده يترزق الله ويعرس مثله مثل الناس راعي طموح لكن ما هنا حيله... نوبتن يشحذ ونوبتن يتلزق باللي عندهم عزيمة وعلى ها السيرة ماشي بيوم من الأيام قاله واحد راين سديد قاله: إبد جمع زبايل الديرة بقرش آخر السنة من كل واحد وأكلحين القرش يساوي والله أعلم عشرتريل وحط الزبايل بآخر الديرة _يعني إشتغل بلديه_ وبعدين الناس يدرون إنك ما هنا شيء . والناس حبيبين ويبي يساعدونك إن شاء الله رفيقنا تشيوى الدراهم قرشن بالسنة !!! لكن أزين من الشحاذة و الكسافة ولا بالفرق راح وقال لإمام الجامع قل للناس أبجمع زبايلهم بقرش وأحطهن بآخر الديرة اللي وده بعلمنا قال الإمام للجماعة ووافقو لأن هال القرش مهب شيء حتى ماهنا أحدن لهال الفقير تعاطفوا معه الجماعة ولا خالف أحد وفرحوا إنه لقى له شغل -وإلا ماهنا زبايلن تذكر من أول- بدأ الضحى يدور يجمع ها الزبايل ويحطهن بآخر الديرة وإشتغل كم سنة على ها الطريقة وما جاه من قرش إلا ضرب عليه عشرين عقدة وغباه. مرت الدنيا ... وقعد له مره وعد ها القروش ولاهن يوسعن الصدر فرح بهن واستانس ومار يفكر يعمر بيت _ عاد الله أكبر وشن بيوت من أول _ قال للإمام : إن شريت أرض قضن قروشي عن العمار , وش الحل برايك ؟ قال الإمام : إعمر بآخر الديرة ما يمك أحد _أهههه_ عند زبايلك!! جازت القكرة له وبدأ يدور أزين المحلات عند محل الزبايل جزم على محلن زوين إيه إيه لكن وين اللي يعمرون؟ دور بعض الزقرت اللي يشتغلون بالجازة_الجازة هي أن يعمل عندك الشخص مقابل أن تضمن له أكله مجاناً_ لقى اللي يسدون , وقوم حجرة وقضن القروش وقف الشغل لمين يجمع من ها الزبايل ما يقوم الحجرة الثانية جمه اللي يسد وناداهم مرة ثانية لما عمر حجرتين وجط لهن سور واحد المراد إنه قضى العمار الضحى وغداء اللي إشتغلو , وأكلحين الغداء قبل الصلاة ونام بالبيت الجديدة فرحنبه وإلى بغض اللي يشتغلون عيار وضحكة لربعه مثل أغلب الشلل , كتب على السور هماه طين وتوه مزين { يـرزق مـن يـشـاء حـتى زبـالـه } مستحقرن ها الزبال إن له بيت , لكن لم ينكر قدرة الغظيم الأغظم . قام من النوم رفيقنا يام قربت الصلاة وراح للمسجد صلى وعلم الجماعة إن بيته قضت ... رجع للبيت وقبل يدخل شاف هال كتبة وقف يقراها وضحك ودخل وجاب ماء ورش اللي تحتها وكتب { مـن لـه رزق لا يـمـوت حـتى يـنـالـه } ضحكت أنا كثيراً من طرافة هذه القصة الجميلة ذات المعاني الرفيعة . قلت : صارت يـرزق مـن يـشـاء حـتى زبـالـه مـن لـه رزق لا يـمـوت حـتى يـنـالـه قالت يوه: ثم صارت هال بيت مشهورة عند المغثة والكسافة... والله وأنا أمك مهب مضيع الناس , ولا تركهم ما يدري وش اللي يصير لهم , والعبرة وأنا أمك باللي قدام اللي يبي صدق شغل وتعب عسى الله ينجينا ووالدين وجميع المسلمين .........

21-02-2008, 07:42 PM	#2
سامي بريدة مشرف الساحة المفتوحة تاريخ التسجيل: May 2004 البلد: بريدة المشاركات: 5,346	وين شبابنا عن هالقصة يعطيك العافية ماقصرّت لو إني تعبت بالقراية شوي __________________ إذا مررت من هنا فتذكر أن دعوة لأخيك بظهر الغيب سيكون لك مثلها فلعل دعوة واحدة تسعدك بحياتك وبعد مماتك أنت ومن دعوت له

22-02-2008, 02:47 AM	#9
سوبر بريدة عـضـو تاريخ التسجيل: Oct 2007 البلد: بريدة المشاركات: 197	يحبيل العجز وقصصهموالله مفيده جزاك الله خير __________________ ــــــــــــــــــــــــــــــــــــــــ للتواصل على إيميلي الجديد :: a-w-s-b@hotmail.com

22-02-2008, 03:34 AM	#10
~{ الوسـامـ .. عـضـو تاريخ التسجيل: Dec 2006 المشاركات: 2,071	مشكور سامي بريده على هالقصيصه __________________ [آسـد الجـهاد ] لـنـ، نبكيكـ، فمـا زلـتـ، حيـاً فـيـ، قلـوبـنـا ...

23-02-2008, 12:44 AM	#13
لانا عـضـو تاريخ التسجيل: Oct 2007 المشاركات: 123	نعم والله (ان الله هو الرزاق ذو القوة المتين) __________________ احفظ الله يحفظك

21-02-2008, 08:01 PM	#3
فهد بريدة عـضـو تاريخ التسجيل: Jan 2006 المشاركات: 127	والله ما ذبحنا إلا هالقصة وأمثالها قل لجدك الله يخليها لك أن النفط يا جديدتي يباع الحين 102دولار والدولار وأنا حفيدس يسوى 3.75 ريال وفوق هذا يا جديدتي ترى دولتنا الله يعزها ولا يعز عليها تبيع باليوم 100 مليون برميل والحظ الأوفر للبنان والأردن . وقلها الله يرزقها برك .. دولتنا وولاة أمرنا فيهم الخير والبركة ولكن يبدر منهم تقصير والكمال لله تعالى .. ولا ترى يا جديدتي لو تدرين أني لو ابفتح محل شفت نجوم الظهر من البلدية عندنا وموظفينها الي إن كانوا يصلحون لشيء فهم يصلحون يبيعون برسيم كان مهوب هذا هرجتس . وغير هذا وذاك لو ابتزوج كان لازم أدور لي عزبة حول الموت علشان أورثها وأتزوج بنت حلال تناسبني كودي أسدد قيمة الزواج في ظل غلى هالاسعار . ولا ودي أضيق صدرتس يا جدتي بطاري الخمسة بالمية وأقولتس أن عمان وهي مافيها إلا بعارصى من غير حقران لخلق الله رفعت 45% . والله يا جدتي أنتس غالية علي وأني أحب قصصتس هذي مير الزمن تغير وصار الحليم حيران .

21-02-2008, 08:46 PM	#4
القمة تسع الجميع عـضـو تاريخ التسجيل: Feb 2008 المشاركات: 119	ألف شكر لك ياسامي بريدة... والله يعين الجميع يا فهدنا لا فهد بريدة بس

21-02-2008, 09:05 PM	#5
زمن الصمت Registered User تاريخ التسجيل: Apr 2007 المشاركات: 268	القصة حلوة لكن تبي ترجمة لغير القصمان وأيضا القصمان من الرجعة التالية مايفهمون بعض المفردات

21-02-2008, 10:54 PM	#6
الدكتور متفائل عـضـو تاريخ التسجيل: Feb 2008 البلد: أن أضع قدمي في الجنة المشاركات: 331	تكلم بلغة القران اسلوب العوام مايفهم ابد

22-02-2008, 02:19 AM	#7
القمة تسع الجميع عـضـو تاريخ التسجيل: Feb 2008 المشاركات: 119	عفواً يا زمن الصمت وللدكتور المتفائل القصة سقتها كما سمعتها لحفظ اللفظ الأصلي ذا المعاني ال...

22-02-2008, 02:39 AM	#8
زمن الصمت Registered User تاريخ التسجيل: Apr 2007 المشاركات: 268	أي معنى الله يرحم والديك ومعهم جدتك

22-02-2008, 08:51 PM	#11
القمة تسع الجميع عـضـو تاريخ التسجيل: Feb 2008 المشاركات: 119	ألف شكر وتقدير على مشاركاتكو ياشباب

23-02-2008, 01:17 AM	#14
القمة تسع الجميع عـضـو تاريخ التسجيل: Feb 2008 المشاركات: 119	من أخذ قلبك ياسامي يتهنئ فيه , وشكر يا لانا ( توقيعك حلو...)