[فتى الارياف]

بسم الله الرحمن الرحيم

الي متى الصمت على كلية الاقتصاد .....

كتبت احدى الطالبات تتذمر من طلبات كلية الاقتصاد من اشجار وادوات طبيه واثاث

وانا هنا اكتب مقهوراً من العام الماضي على نعت احد دكاترة الكليه من الجنسيه المصرية

طالبات كلية الاقتصاد التي كانت زوجتي من ضمن الطالبات بـــــ (ببنات شوارع) والفاض بذيئه حدث

هذا في الفصل الاول من السنه الماضيه 1427هـ/1428هـ والشي بالشي يذكر

يقول هذا الدكتور المنحل خلقاً واخلاقاً للطالبات (انتن بنات شوارع)

ويقول لاحدى الطالبات (انتي زي الحماره)

والفاض بذيئه ويبدو انه متاثر بمستشفى الصحه النفسيه لانهم يذكرون انه يشتغل في مستشفى الصحة

النفسيه ويدرس ايضاً بكلية التربيه على حد علمي ولا ادري كيف يجمع وظيفتين في وقت واحد مع انني

كموظف لا اقدر على فتح بوفيه فلافل فما بالكم بالجمع بين وظيفتين

هذا الدكتور اسمه ( فتحي محرز ) مصري الجنسيه

وقد قامت احدى طالبات الكليه مشكوره على شجاعتها وهي الطالبه /ريم التويجري

بكتابة شكوى لعميدة الكليه المصرية الجنسيه بعد ان وقعتها من عدد طالبات الفرقه التي تضم اكثر من 60 طالبه

ولم ترفع عميدة الكليه سهير هذه الشكوى لإدارة التعليم لكون المدعى عليه مصري الجنسيه

بل بقيت هذه الشكوى حبيسة الادراج أو ان مصيرها الآن سلة المهملات

واقسم بالله انه لن يهداء لي بال حتى ارى هذا المتطفل يرحل عن الارض السعوديه عامه

لانه لايستحق ان يبقى بمكانه ولا ان يدنس تراب بريده برجله القذره ولسانه البذيى

فهو ناكر للجميل خائن للامانه لايستحق لقمة العيش التي ياكلها من خيرات هذه البلاد

ونظراً لكون الملاحظات على هذه الكليه لاتقتصر على الطلبات فاني اتمنى من واولياء أمور الطالبات اللاتي

وقعن على هذه الشكوى مراسلتي لإعادة كتابة الشكوى من جديد ورفعها لإدارة التعليم

اخواني الاعزاء هذا الدكتور مدرس تربوي ينعت بناتنا ببنات الشوارع ويسكن بيننا فهل نلتزم الصمت

اتمنى من كل واحد اخته او زوجته تخرجت من كلية الاقتصاد العام الماضي قسم التغذيه مراسلتي

للتنسيق معكم على توقيع الطالبات لا نريد سوى التوقيع فقط على ان الدكتور تلفظ بهذه الالفاض البذيئه

الان اترككم مع موضوع الاخت في منتدى بريده

هذا الموضوع منقول من منتدى بريده الجار بخصوص استغلال دكتورات لضعف الطالبات وخوفهن على

مستقبلهن من الرسوب وسكوت الاباء

الموضوع للاخت وحده متاذيه

بسم الله الرحمن الرحيم ..

اتمنى من العلي القدير ان يصل صوتي الى المسؤؤل عن كليات التربيه في

منطقه القصيم .. علشان يشوف الاستغلال وين وصل ..

بصراحه اخواني نحن طالبات كليه الاقتصاد خاصه قسم (( التغذيه )) نعاني بشكل كبير من الاستغلال من الدكتورات والاستاذات من

(( الجنسيه المصريه )) ..

كل يوم طالعات لنا بطلب علشان عشر درجات بأعتبارها مشاركه

هل يعقل بأن الطالبه مسؤله عن توفير .....

1/ ادوات طبيه

2/ اجهزه كهربائيه

3/ تأثيث الكليه

4/ زراعة الكليه

5/ كتب لمكتبة الكليه


اعذروني لاني راح اتكلم بالعاميه علشان اوصل لكم اللي قاهرنا من المصريات

الطلب الاول :

الدكتوره طلبت منا اننا نجيب 25 شتله علشان تزرع الكليه اوووووكي ماقلنا
شي جبنا له 25 شتله علشان عشر درجات انذلينا به يوم جبنا له 25 شتله
قالت ماراح تأخذون العشره لحد ماتكملون لـ 40 شتله !!!!!!!

مع انه بالبدايه كان الاتفاق على 25 شتله بس يوم شافت الطالبات ماعندهن مانع يجيبن قالت زيدووو لحد الاربعيين !!! مع انه غصب عليه انه تعطينا العشره
حاله حال الاستاذات السعوديات اللي يعطننا العشر درجات من غير اي طلب

المشكله ان الطلب هاذا بالذات مطلوب من 3 فرقات وكل فرقه لاتقل عدد طالباته عن 150 طالبه ....!!! يعني كل 450 طالبه راح تجيب 40 شتله

ووين ماصارت كليه هاذي صااارت غابه .. والمشكله اللي يقهر ليته ازرعتهن كلهن زرعت من كل عشر شتلات وحده !! والباقي مادري وين راحن شكله فتحت مشروع مشتل له ....

الطلب الثاني :

طلب منا نجيب كنب علشان زي مايقولن راحتن جبنا كنب قعدنا يوم واليوم الثاني واليوم الثالث وينه ؟؟؟؟ اختفى !!!!! رحنا سألن وين كنبنا ..؟؟

قالن لنا شلناه وحجتهن المره هاذي انه (( منظر غير حضااااااااري ))
دام انه منظر غير حضاري ليش طلبوه من الاووول .. طيب وين راح الكنب ؟؟ اكيييييد موجود بشقق اخواننا المصريين ...

الطلب الثالث :

اجهزه لقياس الضغط .. طلبت منا على كل 5 طالبات اننا نجيب قياس ضغط وشوله .. يقولون علشان اذا البنت تعبت ناخذ قياااس ضغطه المشكله اذا تعبت الطالبه ياليتهم يقيسون ضغطه يتصلون على ولي امره وتنتهي المهمه .. طيب وين اجهزة الضغط ووش فايدتهن واللي يبي يعرف وين راحن الاجهزه يساافر لمصر ويشوفهن بالمستشفيااات


الطلب الرابع :

اجهزة الميكرويفات .. حنا اربع فرق على كل فرقه احضار اربعه اجهزه يعني 16 جهاز تدرون وشوله الطلب ...؟؟؟

علشان نزوب الزبده على قوله المصريه .. جبنا الميكرويفات وماقلنا شي طبعا علشان هالعشرررره جاء الوقت اللي نبي نستفييد من الميكرويفات علشان نزوب الزبده دخلنا معمل الطبخ ندور يمين يسار فوق تحت فتحنا الدروج ندور هاللي جبنا ومالقينا اي اثر لاي ميكروييييف وصرخت وحده من الطلبات من الفرحه طبعااا وتباشرنا بوجود كرتون واحد للميكرويف تدرون وش المفاجأه اللي لقينا ..

(( كرتون ميكروييف بلا ميكرويف ))

وقلنا للدكتوره وين الميكرويف اللي جبنا علشان نذوب الزبده ..؟؟ قالت : الزبده
زايبه بلاش ميكرويييف والمشكله اننا بعز الشتاء طيب دام الزبده زايبه ليش من الاساس تطلب هالطلب ..؟؟ هنا السؤال .. وين الميكرويفات ..؟؟ وكالعاده يابيعن يا بمطابخ المصريات


الطلب الاخير واللي مازال تحت الانشاء والدراسه :

الا وهو ترمييم ارض معمل الكيمياء !!!! اما تبليط او فرشه ..؟؟
وجميع الطالبات في انتظار تصريح الهانم اما بأحضار كرتون بلاط واسمنت او متر من الفرشه وغراء ....


الى متى هاذا الاستغلال والى من نشكي ..؟؟ الى عميدة الكليه اللي تطلب معهن ..؟؟

يااااااااارب صوتي يوصل للمسؤل ويحل هالمشكله التي تعاني منها طالبات قسم التغذيه والله اعلم بباقي الاقسام ..

اعتقد ان الدوله ماقصرت ومخصصه ميزانيه لكل شي ....

وعذراً على الاطاله ولكن هاذا جزء بسيييييييييط جداً والقادم اعظم
والضحايا الطالبات ...

واعذروني على ركاكة الاسلوب ..


تعليقي على الموضع:

بارك الله فيك اختي الكريمه وفي قلمك واسلوبك الرائع وكثر الله من امثالك فقد تكلمتي في وقت صمت فيه الرجال واكتفو بجلب الاشجار

اتمنى ايضاً من المسؤلين فتح باب التحقيق مع عميدة كلية الاقتصاد

[فتى الارياف]

لاحظت في موضوع الاخت/وحده متاذيه انه تم التسجيل بعدد من المعرفات للدفاع عن دكتورات الكليه

وهذه العضويات وحده من ثنتين الاولى ان تكون هذه العضويات الجديده للدكتورات انفسهن

والثانيه لا تتعدى ان تكون استفزاع الدكتورات ببعض الطالبات او الصديقات من السعوديات للدفاع عنهن

حيث ذكرت بعض الطالبات ان الدكتورات تكلمن عن موضوع الاخت بالكليه

واقسم بالله العظيم

ان ماذكرته في موضوعي واقع بالفعل

وبالنسبه للاشجار والطلبات الاخرى بأمكان اي شخص سؤال البوابين عن هذه الطلبات

[ابوعزيز1489]

اذا المدرسه مصريه والعميدة علي قولك مصريه وش ترجى من وراها لاكن مانقول الا حسبي الله ونعم الوكيل علي الى مجلسهن الى هالحين

[جامبا]

صحيح ان الدكتور فتحي محرز اسلوبه لك عليه لكن بعد الشكوى عند العميده بصراحه تعددددددددل
وانا كنت من المعارضين على الدكتور فتحي بس الحين من اشد المؤيدين له لانه :
1/ ينجح ويمشي البنات ويعطينا اسئله ويحلهن معنا ويقول الامتحان ماراح يطلع من هالاسئله << بالله عمركم شفتو دكتور متعاون زي كذا !
2/ اسلوبه اللي قاهرك انت وزوجتك خلاص بعد الشكوى تعدل وماصار يتلفظ على البنات

وبعدين يابنات الاقتصاد اتقوا الله بهالمصريات ماغير تاليف وافتراء عليهن اجل تاثيث وادوات طبيه ومايكروويف ومادري ايش خيييييييييييييير وين حنا به انا درست 5 سنين بالكليه وهذي اخر سنه لي ماطلبو منا شي من هاللي تقولن الا اللهم الشتلات ..
وبعدين هالعميده المصريه اللي مضيقتن عليكم تسوا الف سعوديه اسلووووووووب وحبابه وتتقبل اي شكوى
تخيل لو العميده سعوديه وراحو البنات يقدمون شكوى عنده والله ان تسكر الباب بوجيههن واكبر مثال شؤون الطالبات
كله سعوديات نفس شينه ولا يعطننا وجه واذا رحنا للعميده ياحبيله ماغير تناظر وجيهنا ..
المهم ماعلينا ابي رابط موضوع الاخت وحده متاذيه ابكمل ردي عليه هناك

[جرثومه]

يا أخوان المفروض هذه الكلية تسمة كلية القاهرة وخلاص

يعني مو معقوله أن أختي ما تهنت ولا بمكافئة واحد من المكافئات بسبب المطالب المطلوبه منها

يعني بعض الطلبات ما تلقهى بالقصيم بكبرها

لازم الرياض او جدة

ومن زين النفس بعد تنفخ المصرية

<<<<<< أتكلم بلسان أختي

[جامبا]

اقتباس يعني بعض الطلبات ما تلقهى بالقصيم بكبرها لازم الرياض او جدة

^
^
ياساتر

[فتى الارياف]

اقتباس المشاركة الأساسية كتبها جامبا صحيح ان الدكتور فتحي محرز اسلوبه لك عليه لكن بعد الشكوى عند العميده بصراحه تعددددددددل وانا كنت من المعارضين على الدكتور فتحي بس الحين من اشد المؤيدين له لانه : 1/ ينجح ويمشي البنات ويعطينا اسئله ويحلهن معنا ويقول الامتحان ماراح يطلع من هالاسئله << بالله عمركم شفتو دكتور متعاون زي كذا ! 2/ اسلوبه اللي قاهرك انت وزوجتك خلاص بعد الشكوى تعدل وماصار يتلفظ على البنات وبعدين يابنات الاقتصاد اتقوا الله بهالمصريات ماغير تاليف وافتراء عليهن اجل تاثيث وادوات طبيه ومايكروويف ومادري ايش خيييييييييييييير وين حنا به انا درست 5 سنين بالكليه وهذي اخر سنه لي ماطلبو منا شي من هاللي تقولن الا اللهم الشتلات .. وبعدين هالعميده المصريه اللي مضيقتن عليكم تسوا الف سعوديه اسلووووووووب وحبابه وتتقبل اي شكوى تخيل لو العميده سعوديه وراحو البنات يقدمون شكوى عنده والله ان تسكر الباب بوجيههن واكبر مثال شؤون الطالبات كله سعوديات نفس شينه ولا يعطننا وجه واذا رحنا للعميده ياحبيله ماغير تناظر وجيهنا .. المهم ماعلينا ابي رابط موضوع الاخت وحده متاذيه ابكمل ردي عليه هناك

هذا اعتبره تأكيد منك اختي الكريمه على صدق كلامي بخصوص تلفضه والشكوى الموجهه ضده

وعميدة الكليه صحيح انهم يمدحون اسلوب العميده وحبابتها لكن يجب ان يكون لها موقف صارم حيال

ماذكر وإيقاف هذه المهزله

بخصوص الطلبات انا يكفيني انهم طلبو هالعدد الكبير من الشتلات كل طالبه طلب منها على الاقل 30 شتله

اضربيهم في عدد الطالبات ويذكرون ان سعر شجرة الصبار ارتفع الي 60 ريال بسبب كثرة الطلب

اتقي الله في نفسك وانا اعذرك لانك لازلتي على ابواب التخرج فمن حقك تخافين على مستقبلك

[بريداوية ام الهبال]

.
..
|...|
إده إده إده كوول ده في كلية الاقتصااد وأنا ماأدي..,<<له وجه تحتسي مصري

اجل من الحين هونت عن كلية الأقتصاااااااد..<<ايه هين تهونين..
المصريين كل عمرهم استغلاليين _الاماقل منهم_
بكل محل استغلاليين..وانواااع الهكه علينا وحنا الله يخلف علينا..
اوما على المكرويف والشتلات والكنب بذي عااد واضحه وضوح (بريده ستي)انهن مآآخوذات الله لايبلانا.
سرقه عللن بللن..
الله يستر علينا وعلى الطالباات ويفك كربتهن..
|...|
..
.

[ksa.0077]

السلام عليكم ورحمة الله وبركاته

اخي الكريم فتى الارياف..... اختي الكريمه (وحده متاذيه)



لقد تعلمنا كيف نكسب الاخرين ولم نتعلم كيف نهينهم فالدينا الكثير من القيم الاسلاميه والمبادئ التي طالما أبوينا غرسوها في قلوبنا.

لذلك وبستطاعتنا أن نصنع المزيد من التفاهم والنقاش الهادي بعيداً عن بذور الفتنه التي زرعتم وسقيتم شجرة العدوان بين الدكتورات الفاضلات وبين الطالبات من حيث لا تشعرون!!!!!

فأنتي اختي الفاضله ( وحده متاذيه)
من تخاصمـــين؟؟؟.... أنك تخاصميـــــن نساء لهن ثقلهن العلــــمي ومكانتهن الرفيعه.
فهن وبحق وبحكم كفاحي الدراسي معهن.... أعتبرتهن أساتذه نهلت منهن التواضـــع والاحتــــرام والأدب والقلـــــوب الرحيمـــه

قبل أن انهل منهن تخصصي المقصود.

ومن هـــــذا المنــــــــبر وعبــــــــــــــر كفــــــــــاح سنــــــــوات مضـــــــــــت.


نخـــــــــبر نـــحن الفرقــــه الرابعــــه قسم التغــــــــذيه

عن مقدار حبنا ورضانا لمن كانت على قائمة الهرم

الدكتوره: سهير عميـــــده كلية الاقتصاد المنزلي والتربيه الفنيه

ورئيسة قسم التغذيه الدكتور ســــعـــديه

وباقي الدكتورات قسم التغذيه الفاضلات

بحكـــــــــــــــــم انا الطالــــــــــــــــبه

كاتبة هذا الموضوع تخصصي قسم التغذيه

ويعلم الله أني لم أتعرض طيلت دراستي لتلك الاهانـــات والاستــــغلال المزعــــــــــــــــــــــــوم!!!

لذالك وجب علي المسارعــه للمــشاركه لفـــض ذالك الانحيـــاز
ولابد أن نقتـــل تلك الفتنـــه من جــــذورها ونـــزرع مكـــانها رياحين المـــوده والعقــــل والتثـــبت

بكلمـــــــــــــــــــــة حــــــــق نقـــــــــــــــــــولهـــا.


اخي الفاضل فتى الارياف

(تقسم بالله بأن لن يهدأ لك بال حتى ترى الدكتور....؟؟؟؟ يرحل عن الأرض السعوديه)

دل كلام السابق بأنك تسعى لا بعاد الدكتور عن وظيفته!!!!!!!
لماذا كل هذا!!!!!!!!!!!!!!!!!!

هل رأيت؟ هل سمعت من لسان الدكتور تلك الكلمات؟؟؟!!!!
فالذي يرى غير الذي يسمع ...

أخي الكريم تثبت من صحة الكلام وتروى قبل ان تحمل اي شي على اخيك المسلم ...
فهو يبقى بالاخير اخينا المسلم وليس اخينا المصري ...
ولا تحمل احقاد الغير وتصبها في اناء هذا الرجل ...

وهل هذا من باب حب الخير والسعي اليه ؟
انا الله وانا اليه لاراجعون










اختي (وحـــده متاذيـــه)
ذكـــــــــرتي

(نحن طالبات كلية الاقتصاد خاصه قسم التغذيه نعاني بشكل كبير من الاستغلال من الدكتورات والاساتذه)

لي سنوات أدرس بالكليه لم احس ولم افكر بيوم من الايام بأستغلال وغيره!!!!!

واما باقي الموضوع ماطرحتي به أختي الكريمه


ذكرتي

الطلب الاول
(ان الدكتوره طلبت منا اننا نجيب 25 شتله علشان نزرع الكليه.......... وقالت الدكتوره ماراح تاخذون العشره لحد ماتكملون 40 شتله)

أنا طالبه من الفرقه الرابعه والله يشهد على مااكتب ردا على هذا الموضوع
طلبت الدكتوره
اختياري وليس اجباري
واقسم بالله عندما عرضت الدكتوره الفكره لم تعــــــــــــــــــارض؟؟؟؟؟!! طالبه ووافقنا بالفور!!!!

ذكرتي
(ان الدكتوره قالت ماراح تاخذون العشره لحد ماتجبون 40 شتله)!!!!!
فهذا أفتـــــــــــراء بأم عيــــــنه!!!!

والشتلات زرعت بأحواض الكليه .

ام الطلب الثاني
(طلبت منا كنب.....!!!!
فهذا الموضوع لا أعلم عنه؟؟

ام الطلب الثالث
كتبتي أختي الكريمه
(عن اجهزة الضغط)
(وين اجهزة الضغط وش فايدتها والي يعرف وين راحت الاجهزه يسافر مصر ويشوفهن بالمستشفيات)

"أمــــــرك غريـــــب"

حاسبي ماتخطه يمينك فغداً ستحاسبي.
أتقي الله !!!!!!!!!

ام الطلب الاخير
لا اعلم عنه شئ....!!

وأخيــــــــــــــــــــــراً


لابد ان نقتـــــــــــل تلك الفتــــــــــــنه من الجـــــــــذور ونزرع مكـــــــــانها رياحــــــــين المـــوده والعقـــل والتثـــبت.



طالبه مــــــــــن
الفرقه الرابــــــــــــعه
قسم التغذيه

[طلة السعد]

أوافقك أخي على الكلام وكلامك صحيح &#37;

هذا عن قسم تغذيه وماذا عن قسم فنيه؟؟(مادة الخزف)

تطلب طين وهو موفر لنا ؟أخرشيء يجف ويطلع برى

تطلب بلاط أحمر مايوجد في بريدة وهوموجودعنده موفر لنا

تطلب سفره وأكياس أخر شي تجمعهن وتضعهن في أخر المعمل وتقول أحترقن!!(حرقتهن الشمس)

[اكسبرس س]

جميع مايقال من واقع تجربتي الشخصية التي اعاني منها كل صباح ومساء

مع زوجتي بان الطلبات بشكل يومي

مع ان راتبي 1800 ريال

وزوجتي مقطوعه مكافاتها


وان نصيرك ضالما اومضلوم يابطل
يافتى الارياف

[فتى الارياف]

اقتباس اخي الفاضل فتى الارياف (تقسم بالله بأن لن يهدأ لك بال حتى ترى الدكتور....؟؟؟؟ يرحل عن الأرض السعوديه) دل كلام السابق بأنك تسعى لا بعاد الدكتور عن وظيفته!!!!!!! لماذا كل هذا!!!!!!!!!!!!!!!!!! هل رأيت؟ هل سمعت من لسان الدكتور تلك الكلمات؟؟؟!!!! فالذي يرى غير الذي يسمع ... أخي الكريم تثبت من صحة الكلام وتروى قبل ان تحمل اي شي على اخيك المسلم ... فهو يبقى بالاخير اخينا المسلم وليس اخينا المصري ... ولا تحمل احقاد الغير وتصبها في اناء هذا الرجل ... وهل هذا من باب حب الخير والسعي اليه ؟ انا الله وانا اليه لاراجعون

اختي الفاضله اولاً اشك انك في كلية الاقتصاد او انك نائمه على وذنك على قولة اخواننا المصريين وبما ان معرفك ksa.0077 بصدق انك سعوديه وبرد عليك

الحين 450 طالبه في 40 شتله = 18000 شتله ثمانية عشر الف شتله قولي لي بربك وشي المساحه اللي يبي يزعون فيها هالعدد الكبير من الشتلات

18000 شتله إذا فرضنا ان قيمة الشتله 1.5ريال فان اجمالي المبلغ المصروف من الطالبات = 27000 ريال سبعة وعشرون الف ريال سعودي

مع ان سعر شجرة الصبار المطلوب على كل طالبه لا يقل عن 15 ريال ولا يزيد عن 60 ريال وعليك الحساب

ثانياً لو ان سعودي قال لزوجتي انها بنت شوارع في الشارع كان امسح فيه الزفلت ويصير اللي يصير

فما بالك بان يوجه لها هذا الكلام في صرح علمي ومن دكتور مصري وفي بلدي!!!!!!!!!؟؟؟؟؟؟؟؟؟؟
ثالثاً انا ما تجنيت على الدكتور وردود الاخوات تثبت صحة كلامي وإن شاء الله ياتي من الاخوات الغيورات على انفسهن

ممن تابى عزة نفسها ان تصمت على وصفها بمثل هذه الكلمات البذيئه ليحق الحق ويبطل الباطل


اخيراً سبق ان نبهت الي انه موضوع العضويات الجديده التي تسجل لغرض الدفاع عن الدكتورات من اجل الدرجات

وانتي اختي الفاضله للاسف واحده منهن كون عضويتك جديده ومشاركاتك لا تتعدى 2

نعم الهدف من طرح الموضوع هو فتح باب التحقيق وإقالة الدكتور فتحي محرز خليه يروح يلف سندوش بمصر اصرف له

[فتى الارياف]

اقتباس المشاركة الأساسية كتبها طلة السعد أوافقك أخي على الكلام وكلامك صحيح % هذا عن قسم تغذيه وماذا عن قسم فنيه؟؟(مادة الخزف) تطلب طين وهو موفر لنا ؟أخرشيء يجف ويطلع برى تطلب بلاط أحمر مايوجد في بريدة وهوموجودعنده موفر لنا تطلب سفره وأكياس أخر شي تجمعهن وتضعهن في أخر المعمل وتقول أحترقن!!(حرقتهن الشمس)

بيض الله وجهك واهنئك على شجاعتك

[فتى الارياف]

اقتباس المشاركة الأساسية كتبها اكسبرس س جميع مايقال من واقع تجربتي الشخصية التي اعاني منها كل صباح ومساء مع زوجتي بان الطلبات بشكل يومي مع ان راتبي 1800 ريال وزوجتي مقطوعه مكافاتها وان نصيرك ضالما اومضلوم يابطل يافتى الارياف

الله يكون بعونك اخوي والمشكله ان الربع ماثره عليهم غلا الاسعار وحاطين حرتهم بالطالبات

المغلوب على امرهن ويحسبوننا يالسعوديين نايمين على ذهب

وو الله ان عندي حقائق اخرى ماذكرتها لاني بصراحه راحمن بعض الدكتورات ما ودي اقطع عيشهن

سلمت اخي بارك الله فيك