 |
|
|
|
|
14-04-2008, 06:10 AM
|
#1 |
|
عـضـو
تاريخ التسجيل: Dec 2006
البلد: حـــالياً فــــــــوق التـراب ! !
المشاركات: 2,042
|
ఔ☻∫» يـــــــازيـن طلعة الكشتـــات فيــ اجواء ديرتي ...صور
۩ السلام عليكم ورحمة الله وبركاته ۩ اهلا بكل اخواتي العزيزات ..وش اخباركم ..وش سويتو بها العطلة ... حنا ماحصلت لنا سفرة ... هين عساه تحصل بالعطله الطويله لذلك كان عنواننا بها الاجازة صيفنا ببلادنا
( ببريدة) احلى هههه:D يوم جاء الحمد لله هاالمطر انتعشنا وكشتنا كم كشيته توسع الصدر. . ياسلام على الاجواء خصوصا يوم الخميس .. وحبيت اني انزل بعض الصور الي اتمنى انها تعجبكم وتروحون تتماكنون العطله... قبل تقضي خبركم طـــويلـــــة( ايه هين) بس انصحكم انسو التاريخ..واليوم عيشو هاليومين استانسوبهن لمن يبخ بكم يوم السبت يعلمكم :D..... وكان شعارنا في رحلتنا هذي وغيرة من الرحلات المكشاتية .. اترك المكان احسن مماكان  ....تخيلو معي نجي ومن اول مانجلس نقول ترى هذا كيس الزباله اكرمكم الله وكلا يدله .. واذا جت الروحة والمغادرة ضفينا عفشنا ..طبعا مابعد طفينا الضوية ونجيب كل المخلفات ونضعها في النار..ماعدا الاطعمة فننثرها حول الشجيرات للعصيفيرات يحول ينقمنه باتسر الصبح  .. والزين بالسالفة كله يااخواتي اطفالنا هم الاكثرحماس حيث يبدون يلقطون المخلفات ويحطون بالنار.. حتى انهم يشيلون شي مهب حنا الي جايبينه يعني عقب ناس ..الله يهديهم .. وبكذ نروح والمكان نظيف ماتشوفين الا اثار الكفرات والرجيلاتــــ  المهم شكلي كثرت عليكن الحتسي لذلك بصن تحت ترى بوه الصور.. ولاتقعدن تنقدن صفاوة وماصفاوة تراه ياويلي كمرة جوال كثر خيره ماورا جوده...:Dمادري وش دخله بس اسمع المخضرمين والمحدثين لازالو يقولونه اسفه جــــــــــــدا للاطاله بس لاني احبكن يابنات ديرتي عسى الله يديم علينا الامن والايمان 8 8    ]بين هالشجيرات مكاننا .. وترى القراطيس ذولي من الناس الي قبلنا وعلى فكرة اعلقنابهن   ودي بـــــــــس اشرب  بس الكلا ثمينه..:D  ]  هذا النفود ولكن من بعـــــــــــيد  وامطرت وحنا هنــــــــــــــاك    هذي شــــــــوكلاطة البر  لذيذه بس ماذقته ههه بنت عمي ذايقته مدمنة طين اما انا لااستطيع فالحياة لاتقدر بثمن:D  هذي شوكلاطة البر المقرمشة يابسة..ماتبيه بنت عمي ..  هذي بغيت ما احطه ...بس مادري كل مااشوفه احس اني اشم المطر...جربو شمو:D  وفي النهاية تقبلو تحياتي واسترو ماوجهتوو,, ومثل ماوصيتكم ..خلو قاعدتكم اترك المكان احسن مماكان ولا تناظرون لااحد خلوكم انتم القدوة ... وودي اني مصورة الضوية والطبخ بالكاتم والعشاء والحقات الباقية بس تعرفون ابن ادم ينسى بلشت بالــ  طبخــــــ .. وجاء الليل ورحنا .. لمنازانا( اكيد وين بتروحون تستاجرون شقة) شاكرين ربنا على النعم الله يديمه ويرزقنا شكره,,,,, الى اللقاء مع رحلات اخرى وصيفنا ببريدة احلى وبنتظار باقي البنات يشاركوننا طلعاتهم اياكانت 
__________________
------------------ |
|
|
|
14-04-2008, 06:16 AM
|
#2 |
|
حرف راقي
تاريخ التسجيل: Sep 2007
البلد: القصيم
المشاركات: 2,790
|
الله ياسلااااااااااااااااااااااااااااااااااااااااا ام
وقسم بالله فلّه المطر الحمد لله على رحمته وفضله بس ودي اسألك المكان هذا وين؟؟؟ شكله جنااااااااااااااان
__________________
|
|
|
|
|
14-04-2008, 04:18 PM
|
#3 |
|
موطن الجمال
تاريخ التسجيل: Jan 2008
البلد: اللهم اهدني ونوّر بصيرتي .
المشاركات: 4,249
|
ياااااااااااااااااااااي
فللللللللللله االله ونااااااسة .. ماحصلت لنا طلعه ياللقهر بالتووفيق مجموعه مشاعر
__________________
' إنّ الله معنا . , |
|
|
|
|
14-04-2008, 04:32 PM
|
#4 | |||||||||||||||||||
|
حرف راقي
تاريخ التسجيل: Oct 2007
البلد: بريدة
المشاركات: 2,409
|
الحمدلله يارب..به أحد يعاني مما أعاني أنا منه ..؟؟ سلميلي على بنت عمك كثير السلام وقولي:تقول نجدية إذا لقيتي حل لهذهـ المشكلة فأنجديني بالله عليك..! صور رائعة..وطلعة موفقه..لاحرمك الله الأجر..حتى حنا ترا رحنا بعد هووب بس أنتم شكرا لكِ ,
__________________
 " عندما كنت طفلة .. تمنيت ان يرزقني الله ابناً , يشبه احلامي الصغيرة " |
|||||||||||||||||||
|
|
|
|
14-04-2008, 04:51 PM
|
#5 |
|
مشـرفة سـابقة ..
تاريخ التسجيل: Jun 2007
البلد: بريدة الحبيبة ~
المشاركات: 7,546
|
ماشاء الله
صـــــــوور روووعه يسلمووو..
__________________
صَمْتُ رَحيلْ !. |
|
|
|
|
14-04-2008, 10:13 PM
|
#6 |
|
عـضـو
تاريخ التسجيل: Dec 2007
البلد: .............
المشاركات: 1,261
|
ياسلااااااااااااام المكان رووووعه
بس وين هو فيه هالمكان .. عاد ابوي مدمن كشتات غدينا نقوله يودينا وبالنسبه للي يكلن تراب اعرف وحده كذا وعرضت نفسه على دكتور وقاله ان عندك نقص فيتامين عاد وشو الفيتامين الله اعلم شوكررااااااا عالموضوع |
|
|
|
|
14-04-2008, 11:24 PM
|
#7 |
|
كاتبة متميّزة
تاريخ التسجيل: Dec 2007
البلد: بين النبلاء .
المشاركات: 8,290
|
اللللللللللله يجــــــننن..
حــرام عليتس يامشــاعر حـركــتي مشــــــــاعري اه اه <<اقول روحي بس ماحد دري عنتس يوم يجي المــطر محنب ببــريده بس الحــمد الله على كــل حال الشكوى لله..
__________________
|
|
|
|
|
15-04-2008, 01:03 AM
|
#8 |
|
عـضـو
تاريخ التسجيل: Mar 2008
البلد: فـــي ارض الله الوااااسعه
المشاركات: 524
|
وااااااااااو
روووعه ورى ماعلمتينا نروووح معتس<<نشبه:D |
|
|
|
|
15-04-2008, 01:10 AM
|
#9 |
|
عـضـو
تاريخ التسجيل: Nov 2007
البلد: ببيتنا هنا
المشاركات: 1,357
|
واااااااااااااااااااااااااااااااااو ياسلام عليك يامجموعة على المكان والتصوير الاكثرمن رائع سلمت اصابعك والله اثرك ماشاالله تبارك الله مبدعة في التصوير تسلموووووووووو على النظافة انتم كشات 
__________________
|
|
|
|
|
15-04-2008, 01:39 AM
|
#10 |
|
عـضـو
تاريخ التسجيل: Dec 2007
المشاركات: 105
|
ياسلام
وه بص تجنن هالرحلة مشاء الله يزين الناس السنعة موب حنا الا ما سفرنا ولاطلعنا يوم رحنا للبر ذاك اليوم اخوانى مؤدبين قسم تقل مصريين ما ادرى وراهم كذا === الله يعين قصت قوصة حياتة........ يسلم خيتو منعدمكيش ياقمر
__________________
|
|
|
|
|
15-04-2008, 02:31 AM
|
#11 |
|
عـضـو
تاريخ التسجيل: Apr 2008
البلد: IN NAJD
المشاركات: 913
|
الصراحه انتم ناس كذا بس ليـــــــــــــــش تصويرك مو واضح وبعض الصور عليها غباشالمره الثانيه صوري بكمرا كنون للمحترفين امزح امــــــــــزح لقطاتك منتقاه وتصويرك واضح لاغباش ولا مايحزنــــــــــون
رايي اعرضيهم على مجله حنا بالرياض مطرنا خفـــيـف ..بس الحمدلله الي رزقنا هالمطره جدد نفسياتنا ,سبحان الله وشلون هالماء يسوي بنا كذا ! ينزل علينا من فوق ويسعدنا ! خاصه اذاصار من زمان والناس تستغيث ونزل بعد ياس يبدا كلن ينقز الصغيرينقز بالحوش والكبير ينقز عند باب الحوش . صاح؟:083:
__________________
|
|
|
|
|
15-04-2008, 03:00 AM
|
#12 |
|
عـضـو
تاريخ التسجيل: Mar 2007
البلد: الــ Q ـــ S ــــ e ــــ e ــــ M
المشاركات: 1,413
|
ما شاء الله ..
رهيبات الصور .. ويشجعن على الطلعة .. وين هذا شكله النبقية بس ماخبرت به طعوس حول البحر .. شكله الصريف بس الصريف حجري مهب نفود .. والله البلشة علمينا تكفين ..  لا يصير الطرفية  .. << تغيرت به ..
__________________
سبحانك اللهم وبحمدك أشهد أن لا إله إلا أنت أستغفرك وأتوب إليك |
|
|
|
|
15-04-2008, 03:43 AM
|
#13 |
|
مشـرفة سـابقة ..
تاريخ التسجيل: Jun 2007
البلد: بريدة الحبيبة ~
المشاركات: 7,546
|
يالله من فضـــــلك      أخذتهم من جوال إختي لعيوووونكم
__________________
صَمْتُ رَحيلْ !. |
|
|
|
|
15-04-2008, 06:20 AM
|
#14 |
|
عـضـو
تاريخ التسجيل: Mar 2008
البلد: دعواتكم لي باالشفاء
المشاركات: 892
|
وان شكرتم لازيدنكم
الحمد لله على هالخير
\اللهم اجعله صيبا نافعا امين يارب العالمين |
|
|
|
 |
| الإشارات المرجعية |
|
|
النمط المتتابع
