[وحـيــد الـجـزيـرة]

بسم الله الرحمن الرحيم

السلام عليكم ورحمة الله وبركاته

وبعد:

بما أن الموضوع طويل..أبحاول أقسم الموضوع إلى عدة أقسام للتسهيل ليس إلاّ..

1- ترحيب بكم وبالقسم

2- بعض التعليقات على بعض الأعضاء

3- ملخص مُيسر للبعض المواقف التي حصلت لي أثناء وقوفي بالشوارع :D

4- توثيق للبعض الصور والفيديو..

5- بعض المعاناة التي حصلت أثناء تنزيل الموضوع..

حي الله الشبيبه>>كنايةً عن الشباب

وش الأمور وش مزيني بهالعطلة ياطلاب ..

عساكم فالينه بس..>>هذا أبو محمد النجدي فاله علشان قفلو الأسئلة اللي بموضوع مكاشفات

اليوم هو يوم الإبتسامات والشعارات والرموز..وش نسوي منحجرين بالساحه مسوين ثقل مانقدر نحط ابتسامات ولا شي..

>>اخلص علينا وين موضوعك..

الــهــلال والــنــصــر

المهم قبل ما نبدأ بالموضوع تراي منب راعي كورة بتاتاً البتة.. علشان محد يجي يقول انت متحيز للفريق ولا وما ادري وشو

مالكم بالطواله>>الطواله ولا الهزاع >>ذولا عوايلن بحارتنا..

خبرك آخر مبارة يوم الهلال والنصر..المهبل هالعالم ذي

طبعً انا من سكان الرياض الغثيث وتخبرون زحمه وقلق..إلخ

المهم هاك اليوم وبعد ماانتهت المبارة بهزيمة الهلال وفوز النصر اللي ما صدق على الله يفوز>>نقلاً عن كلام خوي السرور

أنا يومه كنت كنت موجود بالبيت..فاضي لا شغل ولا مشغله..ما دريت إلا وبعض الزملاء مجتمعين بحدا الإستراحات بالسلي..دقو علي قالوا تعال....انا طلعت من البيت واطلع على الشارع العام ومن ثم إلا طريق خريص علشان ابطلع للسلي من خلف الحزم من قدام انا مسكت خريص لما وصلت اشارة شارع جابر..اللي عليه الاستاذ اللي هو الملعب إلا وأشوف هالعالم متجمعه وهبال وهستره ماله أمه داعي الله يخلف عليهم.. أنا خفت بحكم إن موتري جديد قلت ياولد يمكن يجيه واحد من المهبل ولا شيء المهم وانا ماشي ابروح يم السلي إلا وهاك الطريق مسدود من المهبل ياربيه وش نزين مالك>>ولا ياسر.. إلا انك تمسك امتداد شارع جابر اللي عليه الملعب

مير الشوارع الثانيه مقفله من الدوريات المهم انا مسكت الشارع..جلست بالشارع مايقارب الساعه كامله والطريق واقف ماغير تمشي مترين وتوقف بس..وانت واقف ماغير تشوف النصراويه المهبل فرحين ومستانسين وطالعين من هالسيارات وهبال..انا قلت خلن ادقق لعلي اشوف لو هلالي واحد يحول...الأخلاق دمار كلن مشى للبيته..وانا واقفن بالطريق..إلا وأشوف هاك الهلالي يمشي لحيلته >>يعني لوحده شكله يبي أحد يوديه للبيتهم..أنا شفت الرجال طيب وحبيب..مير أأشره وأقوله أمش خلنا أوصلك الرجال قال لا المهم رتسب معي..انا استغليت الفرصه وقعدت أصور وأوثق لبعض الصور للمهبل

وهذي بعض الصور..تم إلتقاطها على عجاله..

التعليق راح يكون في أعلى الصور..

1

هذا واحدن طالع من الدريشه فرح بالفوز..يبي من يدعسه




2




ذا واحدن من الخبوله حاط صورة حدا لاعبين النصر..




3


صورة توضح زحمة السير..



4


أيضاً ذولا تبع المهبل اللي قبل بالصورة الأولى :D



5


أيضاً صورة توضح مدى آثار زحمة السير



6


هذا واحد مهوب صاحي طالع من الدريشه اللي على التنده..






تأتي للقسم الفيديو..


1

http://file8.9q9q.net/Download/42853...08049.mp4.html


>>ترا اليد اللي طلعت مهيب يدي :D


2

http://file8.9q9q.net/Download/66744...08048.mp4.html




نهياتاً والله يانا عانيت كل مابغيت انزل الموضوع..يما يخرب الإتصال أو يعلق الجهاز..فيذهب جهدي سدا..جلست والله يا أخوان مايقارب الثلاثة أيام..وانا أنزل الموضوع..وكل مرة أرفع الصور.. >>زيادتاً على ذالك أول مره انزل موضوع بسواليف فالله الله بالأختام والألماسات وتثبيت الموضوع..للحين النصر ياخذ بطولة ثانيه.. :D





محبكم/ أبو عبدالله..





وأخيراً وليس آخراً.أحببت أن أهدي هذا الموضوع..إلى كلِ من الإخوة الأفاضل/ الجني العبد خوي السرور أبو محمد النجدي وجيداً وريكي والفارس والثائر الأحمر والعائد الأول و قرناس والمسفهل..اللي من تالي عقب ماصار مشرف..صايرن ساحين على هالقسم

واعذرون يالباقين..تراكم والله على العين والراس هذا مايعني اني أقلل من مقدار أحد..يعلم الله انكم سواسيه عندي..

[عبدالرحمن الشايع]

بي نوم كسل أرد ..


لي عوده غداً بإذن الله ..

[طالب طب]

تنسييييم أبو عبدالله ..

حللللوة جميعها ..

شكراً لك ..

[بريدة العز]

خخخخخخخخخخخ ..

يحق لهم !ّ

[إلى متى ؟]

يا رجال إذا ما فرحوا الحين متى يفرحون ؟

لكن ما قلت لنا متى وصلت لم الشباب .. ؟

على فكرة ..

بحسب الإحصائيات الواردة لدينا ..

فإنه تم استخدام 46 ابتسامة في هذا الموضوع ..

بعدين شف ..

الدوريات يشجع النصر ..

مشغل السفتي الأزرق و الأصفر ..

هذا ظلم ..

<< جاري القبض عليه

مشكور أبو عبد الله على هيك موضوع ..

[وحـيــد الـجـزيـرة]

88
8
لي عودة للرد..




نسينا نقولكم..ترى الصورة لك عليه بالدقه..لأنها صورة من كاميرة جوال N73 ميوزك

والله ياثره صتز..كل الموضوع ابتسامات..



عساكم حملتوا المقطعين الفيديو..

[تـفـتـيـش صـلـبـوخ]

السلام علاكوم .. كلياتكون


هلا وغلا بوحيد الخلان مدري وحيد القعداااان :D


أو صح وحيد الجزيرة


هلا بك يابعد تسبدي


الصراحة أنا مالي بقضايا الإرهاب الاجتماعي


بس أنا ابشارك بموضوعك لأن الفائدة فيه عظمى و جلية


أنت ماسمعت الشاعر الجاهلي اللي يقول :

ناقتي ياناقتي لا جراد ولا فكسآر ^_^ وصليني عنزتي للدباش المغاوير

وصلامتكم <<< صح لساني



وبالنسبة لما ذكرت عن طريق حايل الجديد


فأعتقد السبب الرئيسي في انهيار بورصة الجمارك


هــي ( الدووووس )


هذي وجهة نظري الصحيحة القابعة هناك في أعالي الجبال


ارجوا أني ما أكون طولت عليكم بالكتابة اللي كتبته فوق هناك


وشكراً لك مرة أخرى حبيبي وحيد الجزيرة


تحياتي مراسلكم من قلب الحدث /

تـفـتـيـش صـلـبـوخ

[طالب طب]

^^^^
ويييين يالحبيب !!

[abo-Khaled]

كفو وحيد القزيرة على هيك تغطية حلوة

وصراحة يستاهل ختم التميز

وونتظر القادم منك

بس اتحداك تحط رد جاي ولاتحط ابتسامات

تقبل خالص تحياتي برج المياة

[الشجاع]

ياارجااال خل الورعاان تستانس وتنطرب ..
له عشر سنين تشجع وتعصب ولا تسد شافوا ناديهم يرفع كاس ولا ياخذ بطولة ..


هم يدرون إنه كل 10 سنين يبي يحصل لهم اكْويسْ .. خلهم يطلعون اللي براسهم ألحين والوعد بعد عشر سنين ثانية

لكن تلاحظون إنهم أشغلونا كل اشوي فاتحين دولاب بطولاتهم .. كل يومين يجينا غبار ..!
معقولة يبي يتأكدون إنهم آخذين بطولة ؟

<<< ألحين يطلعون النصراوية ..!!


( نظراً لكثرة الرموز بالموضوع .. ماحبينا نستخدم رموز بالرد ) <<< وفي رواية نظراً للعجز الحاصل عندي هاليومين ..!!

شيكراً على هيك ماآضوع ..

[هاوي الليل]

طيب وووووووووووووووووووبعدين خلهم اهم شي الوناسه وحب الووووووووووووطن

[عبدالرحمن الشايع]

.
..
|..|
عدناا ..


هههههههههههههههههههههههه ..

يحق لهم والله ..

يقولون البنقالي اللي يشتغل بنادي النصر مستانس يوم آخذوا البطولة علشان ينظف الدولاب .. ويخذ دراهم .. <<< تكفون اضحكو ..


سلام أليكم ..

|..|
..
.

[جيدا]

اقتباس الجني العبد خوي السرور أبو محمد النجدي وجيداً وريكي والفارس والثائر الأحمر والعائد الأول و قرناس والمسفهل

الصحيح : جيدا ..

,

حقيقةً أنهم معذورين على الهبال ..
10 سنوات ماتحركوا ..

الفريق الهلالي أهداهم البطوله , همّه الأكبر البطوله اللي أخذها من الإتحاد ..

,

[وحـيــد الـجـزيـرة]

أقول يا أخوان ماعطيتوننا رايكم بالفيديو..تراي تعبن عليه رفعته أربع مرات وكل مره يعلق علي الكمبيوتر..


88
لي عودة للرد