[أشعة في بلقع]

هذا المساء سأتكلم باللغة الفصحى .. ولامكان للعامية

ايييييييييييييييييييه ..... حريم العيال وما ادراك ما حريم العيال
هذولي اذا اجتمعن لحالهن تراهن يسبن عائلة رجالهن وهات يا وع وع و تش تش

سأحكي لكم حوار مفترض بين اثنتين
لولوه : والله يا وخيتي ما ادري وش به هالولد لي طبوعه شينه مررره مهب على اهلي
هيفاء (خخخخ) اقصد منيرة : بنتي ذي عيونه صغار يحومن الكبد يشبهن لعيون ام زوجي
لولوه: بنتي هذي بيضا وشعره ناعم يقولون الناس انها تشبه اخوي محمد (كل اخوتها سمران وشعورهم شيتس من خشونته )


اذا طلعتوا باستراحة ،،، يدور هالحديث بينهن : ام لؤي خخخخخخخخ ام علي : وع ع ع ع يا هالاستراحة كلها صوارير ، ما تعودت على هالوساخة والقذارة . السبوع اللي راح طلعت مع اهلي باستراحت ... (اغلى استراحه ) واستانسنا ولو اني داريه ان هذي هي الاستراحة كان ما جيت معكم .
يا هلاشه يا بنت الذين :شرط انها ما عمرها طبت هاك الاستراحه ...لكن الكيد !!

وخذ من هالعينة من هالكلام .



وتصير انت واهلك طبوعكم و اشكالكم اشين ما يكون ويصيرن هن (بنات الذين) واهلن ماهنا املح منهم وازين طبوعهم . وأي زين وخفة دم بعيالك تراه على خواله وأي دباشة وقبح خشه تراه عليك انت واهلك .

نشكو الى الله من هذا الظلم والحيف
اخواتي العزيزات : رفقا بأزوجكن وأهليهم وتراهم بهم خير و زين مثلكم

[الذهبي]

الحمدلله موب الكل !!

أعتقد مايسوي الشي ذا إلا وحدة ماربيت للأسف !!

[أم رائد ورامي]

في البدايه اشكرك اخي عالطرح

فعلاً قد يوجد بعض من هؤلاء النسوة ....... وهن بطبيعتهن يحببن الفخر بأهلهن حتى لو كذب

احمد الله انه لايوجد بمجتمعي من هذه النسوة ولكن لعل السبب في تعامل اهل ازواجهن ومن ازواجهن انفسهم

فالاهل لم يحترموا انفسهم ليفرضوا احترام زوجات ابناءهم لهم والازواج سمحوا للزوجات ان يتحدثن عن اهلهم

وقد يكونوا هم يتحدثوا عن اهلهن بسوء ......

فزوجة الابن متى ماعوملت بأحترام وتقدير فستضطر ان تعامل اهل زوجها باحترام .........

ارجو ان تتقبل وجهة نظري ..

[أشعة في بلقع]

اقتباس المشاركة الأساسية كتبها الذهبي الحمدلله موب الكل !! أعتقد مايسوي الشي ذا إلا وحدة ماربيت للأسف !!

الصحيح ان هالشي موجود بكل الحريم لكن كثرته تختلف من وحده لوحده



لكن خلنا نحسن الظن ونقول نسبت اللي اغلب حالهن هذا 90% من الحريم
وللاسف انهن مربيات لكن العدال يميله الهوى


شكرا ايها الذهبي

[زمن الصمت]

يختلفن النساء
والأغلب ولله الحمد موجود الخوف من الله
وتضع أمامها ( كما تدين تدان )

[نـــNAــونا]

اقتباس المشاركة الأساسية كتبها أشعة في بلقع الصحيح ان هالشي موجود بكل الحريم لكن كثرته تختلف من وحده لوحده لكن خلنا نحسن الظن ونقول نسبت اللي اغلب حالهن هذا 90% من الحريم وللاسف انهن مربيات لكن العدال يميله الهوى شكرا ايها الذهبي

والله مره أحسنت الظن
وبالله كيف جبت هذي النسبة

كلام غير صحيح إطلاقا ومن تسويه للأسف أهلها ما ربوها

بالعكس الكثير الحين تعتبر إنها خلاص صارت وحده منهم وزوجة لولدهم وتسميهم بأهلي

[BU7OOR]

ههههههههه

ماشاء الله عليك تعرف تنكّت ..

المهم :
الأخ / أشعه ..!

أولا أنصحك بتعلم قواعد الإملاء قبل كتابة موضوع ..

ثانيا لا تعمم إذا كان مجتمعك هكذا فلست مجبورا على اخبار الناس بذلك تحمل اخلاقكم واخلاق (حريم عيالكم)أو لمَ لاتسعى في اصلاحها ؟..

وللأسف اهدرت وقتي للرد على موضوعك ولكن حبيت اصحح الخطأ ..


اللهم لك الحمد كماينبغي لجلال وجهك وعظيم سلطانك ...

[مجموعة مشاعر]

اقتباس المشاركة الأساسية كتبها أشعة في بلقع هذا المساء سأتكلم باللغة الفصحى .. ولامكان للعامية ايييييييييييييييييييه ..... حريم العيال وما ادراك ما حريم العيال هذولي اذا اجتمعن لحالهن تراهن يسبن عائلة رجالهن وهات يا وع وع و تش تش سأحكي لكم حوار مفترض بين اثنتين نشكو الى الله من هذا الظلم والحيف اخواتي العزيزات : رفقا بأزوجكن وأهليهم وتراهم بهم خير و زين مثلكم

اولا ذكرت انه شي مفترض؟؟ يعني خرطي ماصار

هناك عينات موجوده ولكنها لاتمثل الكل ...مفهووم

ثاني شي !!! رفقا بالقوارير

ثالث شي!!! الي يسب احد الذنب عليه نميمه

عاشر شي!!!!!!!! احسن الضن بالاخرين .........

[المهرة]

اهلا بك -أشعه في بلقع -

اقتباس نشكو الى الله من هذا الظلم والحيف

مساااااااااااكين انتم يالرجال ،، دايم الحريم يظلمونكم ،، صدق ان الحريم قويااااات ومايخافن الله!!!!!
الله يكون بعونكم ويصبركم !!!!!!

اقتباس اخواتي العزيزات : رفقا بأزوجكن وأهليهم وتراهم بهم خير و زين مثلكم

ابشر طـــــــــــــــــــــال عمرك ..........


شكرااااااااااا لك ،، بإنتظار انتقادك الجديد للعنصر النسائي....

[ريف]

والله مو باقي إلا يقول أسماء خالاته
سواليفهن وقلـــــــــــــــــــتهن
وصف ووصفتهن
لاتقيس على مجتمعكــــ عيب
شغله الشاغل

[أم جحا]

الله يعين الحريم عليك

أقول لا تنسى تضيف هذا الموضوع مع مواضيعك

[مدحت شوقي بريده]

اخوي اشعة في بلقع ..

في مثل يقول .. كل إناءٍ بما فيه ينضحُ ..
ومثل ثاني يقول .. كلن يعمل بأصله ..
( لست انت المقصود هنا )
المقصود هو الذين يتعامل بما قلته انت ..


ولكن .. لاتنسى أن على النقيض ايضاً مايندى له الجبين ..
وتتفطر منه الأفئدة ..


حلمك يالله ..


سي يو ..

[درة القصيم]

الحين ودي ادري وش اللي مسلطك علينا

أعوذ بالله كل مواضيعك عن الحريم

ما أقول الا الله يصلحك ويهديك بس

[أشعة في بلقع]

اقتباس المشاركة الأساسية كتبها ام خيال في البدايه اشكرك اخي عالطرح فعلاً قد يوجد بعض من هؤلاء النسوة ....... وهن بطبيعتهن يحببن الفخر بأهلهن حتى لو كذب احمد الله انه لايوجد بمجتمعي من هذه النسوة ولكن لعل السبب في تعامل اهل ازواجهن ومن ازواجهن انفسهم فالاهل لم يحترموا انفسهم ليفرضوا احترام زوجات ابناءهم لهم والازواج سمحوا للزوجات ان يتحدثن عن اهلهم وقد يكونوا هم يتحدثوا عن اهلهن بسوء ...... فزوجة الابن متى ماعوملت بأحترام وتقدير فستضطر ان تعامل اهل زوجها باحترام ......... ارجو ان تتقبل وجهة نظري ..

اختي ام خيال الله يحفظتس من الشر والاشرار اشكر لكي مشاركك في إصال الفكره

كلامك مليان علم ويحتاج نقاش
اهم شي جميل في كلامك ويهمني كثير هو انكي وافقتين بوجود هالنوع من الحريم