[محــب]

بصفتي أحد احفاد العقيلات أتمنى من البقية المشاركة للتعارف واحياء ماضي الاجداد

انا من عائلة المزيرعي في بريده والتي كان أحد أفرادها شيخ من شيوخ العقيلات وهو جدي محمد بن عبدالله المزيرعي المعروف بـ هامان

أتمنى من الجميع التفاعل ولكم جزيل الشكر

[رايق بس متضايق]

عقيلات وشي....................

أول مره اسمع بها؟؟؟؟؟!!!!!!!!!!

اها العقيلات والله مادري كان جدي معهم رحمة الله عليه ما أدري ....

(فكرة حلوة مو لازم تعرف الناس)

[محــب]

اشوف الاخوان قلبوها مسخره
ياخوي انت وياه اذا ماعندكم سالفه لاتردون على الموضوع

[الليــ الأبيض ـث]

هلاوالله بعيال العقيلات كلهم ..

يالله إنك تحيي ولد المزيرعي ..

يالله عاد نبي تتحرك معنا وتشارك وتبدع ..

[محمد ابو فهد]

يا هلا والله بولد المزيرعي ونعم بكم وبجدك الله يغفرله وللمسلمين اجمعين

ومروف ان المزيرعي احدى من كانو يعملون في العقيلات

والعقيلات هم تجار من منطقة نجد يسيرون بقوافلهم التجارية من مناطقهم إلى المشرق العربي يقايضون جمالهم وخيولهم وبضائعهم بالحبوب والملابس والأقمشة وبعضهم يستقر في تلك الأصقاع لفترة معينة، وقد ظل العقيلات قوة اقتصادية لا يستهان بها في البلدان التي يحلون فيها وكذلك فإن قوافلهم التجارية كانت تغذي وسط جزيرة العرب بكثير من حاجاتها الأساسية.

ومن كانو يعملون في العقيلات هم

أبا الخيل ، التويجري ، المزيرعي ، البسام، العنقري، الزمام ، البسي، الحصان، المسفر، الربيش، العميريني، الطرباق، الهذلول، الحميضي، العوني، الشملان، الرميان، الصنِات، الصلال، العضاض، السعيد المنفوحي، السويلم، الخضير، الدليقان، أباحسين، المعيض، السويد، الفايز، العثمان، السيف، الدهيم، السعيد، الفهد، النفيسي، العرفج، الجاسر، الضبيعي، العماري، السريع، العياف، الحصين، النامي، النافع، الجطيلي، الدايل، المحارب، السبيعي،
عوائل أخرى.

يا محب انا قريت عن قصت جدك وسبب تسميته بهامان ولاكن ماني متئكد وودي اخذها منك الله لا يهينك

وشكراً على اهتمامك لاصحاب الفخر والتجاره وهم العقيلات

تقبل تحياتي

[غندر]

الله يرحم من توفي منهم
ويحفط من هو حي منهم ويمتعه متاعاً حسنا

[العفالقي]

اهلا وسهلا بك اخي في منتدانا وحياك الله ارجوا ان تفيدنا بماضي الاجداد العريق وان تتحفنا بشي من صبرهم وكفاحم في سبيل لقمة العيش وياليت تضعها على شكل قصص -كل يوم حلقة عن شخصية منهم ويكون بالاسم الصريح-----اسف على الاطالة----------------ويامرحباالف

[دندون]

السلام عليكم ورحمة الله يا أحفاد العقيلات،،،

انا اهتم بمثل هالأمور لذلك عندي بعض الأسئله:

1. أنا سألت عن العقيلات كثير ومن ضمن الكلام اللي وصلني أنهم هم اللي فتحوا حايل لكن جاني كلام مناقض وهو أن اللي فتح حائل هو الشيخ فيصل الدويش (وهو من أمراء قبيلة مطير)..... أرجوا إيضاح هذا التناقض لأستفيد أنا وغيري....

2. وصلني أيضا أنهم كانو يطلعون من القصيم للشمال وكانوا بحماية قبيلة حرب ولاحد كان يتعرضهم لان حرب كانوا يحمونهم بسبب قرب ديار قبيلة حرب المتاخمه للقصيم من جوانبه الاربع من قديم الزمان... أرجوا أيضاح هذا الأمر...


على فكره أنا عرفت العقيلات وسمعت عنهم عن طريق مشاركتهم حفلنا أيام مزاين قبيلة حرب... وأنا أفتخر أيضا انهم من منطقة القصيم (( منطقتي الحبيبه))

[دندون]

اقتباس المشاركة الأساسية كتبها محمد ابو فهد ومن كانو يعملون في العقيلات هم أبا الخيل ، التويجري ، المزيرعي ، البسام، العنقري، الزمام ، البسي، الحصان، المسفر، الربيش، العميريني، الطرباق، الهذلول، الحميضي، العوني، الشملان، الرميان، الصنِات، الصلال، العضاض، السعيد المنفوحي، السويلم، الخضير، الدليقان، أباحسين، المعيض، السويد، الفايز، العثمان، السيف، الدهيم، السعيد، الفهد، النفيسي، العرفج، الجاسر، الضبيعي، العماري، السريع، العياف، الحصين، النامي، النافع، الجطيلي، الدايل، المحارب، السبيعي، عوائل أخرى.

اخوي محمد أبو فهد يوجد في قبيلة حرب عوائل بنفس أسماء العوائل اللي محدده بالاحمر ... هل هي اللي ترجع لقبيلة حرب او عوائل اخرى؟؟؟

[عمر اليحيى]

اقتباس المشاركة الأساسية كتبها harbi boy اخوي محمد أبو فهد يوجد في قبيلة حرب عوائل بنفس أسماء العوائل اللي محدده بالاحمر ... هل هي اللي ترجع لقبيلة حرب او عوائل اخرى؟؟؟

حياك الله اخوي

الي اذكره واعرفه ان التويجري من عنزه بني وائل

والجاسر الربيعية من بني تميم والجاسر من الاسياح لا اعرفهم

والعوني لا اعرف نسبهم

دمتم

[دندون]

اقتباس المشاركة الأساسية كتبها عمر اليحيى حياك الله اخوي الي اذكره واعرفه ان التويجري من عنزه بني وائل والجاسر الربيعية من بني تميم والجاسر من الاسياح لا اعرفهم والعوني لا اعرف نسبهم دمتم

اعرف ان التويجري من عنزه ولكن اانا اعرف عائله كبيره من القصيم ومن خارجه اسمها التويجري يرجعون لحرب ويكتبون ايضا (التويجري الحربي) وانا اسأل صاحب الموضوع لكي يحدد لنا بالضبط...

وفيه عائله الجاسر كبيره جدا يقطنون القصيم والرياض وهم يرجعون لحرب ايضا ... لذلك ايضا اردت التحديد ...

اما عوائل العوني كثير جدا والذين يسكنون القصيم عائلتين احدها ترجع لحرب والثانيه لمطير .... لذلك ايضا اردت التحديد

[محمد ابو فهد]

اقتباس المشاركة الأساسية كتبها دندون اخوي محمد أبو فهد يوجد في قبيلة حرب عوائل بنفس أسماء العوائل اللي محدده بالاحمر ... هل هي اللي ترجع لقبيلة حرب او عوائل اخرى؟؟؟

هلا والله في اخوي الغالي

عذراً على الاطاله

بنسبه للعوائل الي ذكرتهم انا اعتقد والله اعلم انهم


أبا الخيل وهم امراء بريده سابقن من المصاليخ من عنزه ، التويجري من عنزه ، المزيرعي امراء الخضر سابقن من المشاعه من الجحادر من قحطان، البسام عنيزة من الوهبة من بني حنظلة من تميم، العنقري بريدة من العناقر من بني سعد من تميم، الزمام بريدة من الجدي من عبدة من شمر ، البسي لا اعرفهم ، الحصان بريدة من السلقا من العمارات من عنزة ، المسفر بريدة شمر ، الربيش بريدة من القعاقعة من العمارات من عنزة ، العميريني بريدة من العناقر من بني سعد من تميم ، الطرباق بريدة من العناقر من بين سعد من تميم ، الهذلول من رياض الخبراء من قحطان ، الحميضي بريدة من العناقر من بني سعد من تميم، العوني لا أعرفهم ، الشملان الخصيبة من الفردة من حرب ، الرميان بريده من الدواسر ، الصنِات بريدة من الوداعين من الدواسر ، الصلال بريدة من الفضول من بني لام من طي ، العضاض لا اعرفهم ، السعيد المنفوحي، السويلم بريدة من بني سالم من حرب ، الخضير بريدة من العناقر من بين سعد من تميم ، الدليقان لا أعرفهم ، أباحسين عنيزة من الوهبة من بني حنظلة من تميم، المعيض لا اعرفهم ، السويد بريده من عبده من شمر ، الفايز بريدة من آل أبو رباع من الحسني من السلقا من العمارات من عنزة ، العثمان بريدة من الوداعين من الدواسر ، السيف بريدة تميم ، الدهيم لا اعرفهم ، السعيد بريدة من عبدة من شمر ، الفهد بريدة من آل علي من آل سعد من آل عاصم من قحطان ، النفيسي لا اعرفهم ، العرفج بريدة من العناقر من بني سعد من تميم، الجاسر بريدة من المزاريع من بني عمر من تميم، الضبيعي عنيزة قحطان ، العماري بريدة عنزه ، السريع بريدة شمر ، العياف بريدة بني خالد ، الحصين عنيزة من النواصر من بني عمرو من تميم ، النامي لا اعرفهم ، النافع بريدة من بني العنبر من بني عمرو من تميم ، الجطيلي لا اعرفهم ، الدايل بريدة بني زيد، المحارب لا اعرفهم ، السبيعي بريدة من السبعة من بشر من عنزة ،

هذا والله اعلم إن اصبت فمن الله وإن اخطئت فمن نفسي والشيطان

[hemo_am]

السلام عليكم
كيف حالك ياولد العم انا والد المزيرعي ولد االبطاله

[sultan]

اهلا بــك يـــالـــــــــغالــــــي