[لهفة حنين]

السلام علكم
كيف حالكن واخباركن واختبارتكن ونتايجكن ؟
والله منذ مبطي عنكن
بنات ياحلوات رايكن يهمن
لو تقدم لك واحد وسأله عنه وشافك وشفتيه يعني النظرة الشرعيه وحللتي بعد
بعدين سمعتي انه (يشيش _راعي سهرعلى مباريات و....._ حااااااااار)
وش رايك تهونين والا؟

[تلميذة الايام]

أكيد اهون ولا بعد

[فراشة عيون الجواء]

ياأختي يختلف

اذاكان يشيش

لالالا

واذا كان راعي مباريات وحار بس
تهون
يعني اوافق

هذا رايي

[جولانار]

-استخيري
- تثبتي من المعلومات الي وصلتك ،يمكن احد متبليه
-ان كان المعلومات صحيحه راجعي نفسك ممكن تتحملين وتصبرين على هالشغلات انتي ادرا بنفسك.
-اما رايي لاوالله مااخذه واصبر وبعدين شكلك صغيره .
.لك لما 25 بالراحه وبعدهن اذا تقدملك واحديعني وانتي بعمر26-27 كذا فيها نظريمكن تفكرين وتشاورين.
حبيبتي تثبتي {من ترك شئ لله عوضه الله خير منه}
الله يوفقك ويرزقك الزوج الصالح الي يسعدك ويريح بالك [ويتحمل المسؤليه].

[أسطورة الأي ــام]

اسألي اكثر


لا تستعجلين

لا تستعجليييييين


ترى في العجلة ندامه

اما عن نفسي


التدخين شيء مستحييييل اقبله


الله يوفقك

[×× تذكـــــار ××]

إذا رفضتي اللي يدخن او يشيش اقعدي فبيت اهلك الى ان يصير عمرك ثلاثين وبالأخير بتأخذين واحد يدخن
ياكثر اللي اعرفهن مايبن اللي يدخن اعمارهم فووق 28 قله من الشباب تلاقينه مايدخن الحين.... شفتي الاحصائيه اللي سوتها قناه العربيه بالسعوديه 88؟% يدخنون

اذا كل البنات مايبون اللي يدخن عز اللــه ضاعــــــووو شبابنا...

يمكن الله يهديه على يدك وانتي تخلينه يترك الدخان بشطارتك ....والله يوفقك والمكتوب لك بيصير سواء" يدخن او مايدخن

[طبعي كذا]

اختي لاتشاورين احد اصلا هذا الي يبي يظيعك

استخيري وارجعي لله

والله يكتب مافي الخيره

[( بناتي حياتي )]

ياقلبي اكيييد

اهم شي الراحه النفسيه

الله يعوض على المسلمين يالغلا**

[جولانار]

اقتباس المشاركة الأساسية كتبها أم تـــــركـــــي إذا رفضتي اللي يدخن او يشيش اقعدي فبيت اهلك الى ان يصير عمرك ثلاثين وبالأخير بتأخذين واحد يدخن ياكثر اللي اعرفهن مايبن اللي يدخن اعمارهم فووق 28 قله من الشباب تلاقينه مايدخن الحين.... شفتي الاحصائيه اللي سوتها قناه العربيه بالسعوديه 88؟% يدخنون اذا كل البنات مايبون اللي يدخن عز اللــه ضاعــــــووو شبابنا... يمكن الله يهديه على يدك وانتي تخلينه يترك الدخان بشطارتك ....والله يوفقك والمكتوب لك بيصير سواء" يدخن او مايدخن

نفس الكلام هذا انقال لختي والحين مايعلم بحالها الا الله، لان الي يدخن الاغلب منهم يصير مفرط بالصلاة والمسؤليه واهتمامه لمور الدين لك عليه

--

لاتسمعيـــــــــــــن الا كلام قلبك
خليك من كلامنا ،،وفكري وقرري وشاوري احد تثقين فيه من العائله ويكون اكبر منك
واعيد استخيري الله .حتى لوصار ماصار بعدين تذكرين انك سويتي الي عليك والباقي
تحت رحمة الله وبين يديه .
اتركك في وداعة الله

[بنوته كووول]

احس انك اختي مكبرتهاااااااا شوي

ترااااااااااا مافيه واحد مايشيش ولا يدخن الالقليل بتيطين تلقين واحد مايدخن

بعدين الكوره وش فيهاااااااامافيه احسن منها على لاقل احسن من السهر على المحرمااااات

>> ماللك الا ستخااره

والله يوفقك يااااارب وينوللك الي اباللك
ودي

[مجموعة مشاعر]

اهم شي انه ماتم الى الحين الزواج والوحده هي واهلها فترة الخطبه والملكه بعد اذا شافو شي عليه مهب زين

يحق لهم انهم يغيرون رايهم .............
تاكدي قبل لاتكون اشاعه ولا اسم ع اسم خلي ولي امرك يتاكد من جديد عن اصحابه ويساله سؤال مباشرله الحق لان الناس يوم يزوجون بناتهم يبون لهن الراحه والامان مهب جادعينهن
انتي شوفي نفسك ...... الى سمعك هالخبريه خليه يتاكد ولا انتم تاكدو
........... وشاوري ولي امرك

وياام تركي الله يهاديك انتي كذا تهتمين بالكم بغض النظرعن الكيف؟؟ مايصير

وبعدين اذا جت 88% متطلقات مهب اعضم ؟؟


والرسول صلى الله عليه وسلم قال من جائكم من ترضون دينه وخلقه...

ومن المعروف ان المدخن وصاحب الشيشه والسهر ماهنا صلاة بالمسجد الا ماندر ولا يستحي من احد اهم شي ربعه وبس والمره ماتقدرتغيرشي ...لانلعب على ارواحنا حنا نقدرنربي اطفال وجيل كامل بس مانقدرنربي رجال اكبرمنا
صعب صعب يمكن نصح وتوجيه لكن كل هذا وشوله اقطعها من الاول ولا اودي نفسي للتهلكة ورزقي على الي خلقني

بنت خالي بنت ماشاء الله تبارك الله عليه وفعلا جت سالفته ذاك اليوم ليش فلانه ماتزوجت
قالو ماتبي الي يدخن ... سبحان الله جاها رجل سنع وخلوق ومن اكبرالعوئل ببريده
الرزق على الله بس حنا نطرق باب الخير

[ربى نجد]

الله ييسر لكِ أمركِ .

[روح بتروح]

الله يعينك ويوفقك ياااااااااااااااارب وييسر لك الخير

[تغاريد نجد]

عليك بالدعاء بكل اوقات الأستجابة والتوكل على الله بصدق تفوضين أمرك الى الله وتستسلمين ..الأستخارة والأستغفار والصدقة اي شي به تقرب لله
وسبحان الله الأستخارة اذا كان مالك به نصيب تنسين الموضوع والله يرده عنك
والسؤال عنه القريب والبعيد والي تحسون انه يخاف الله حتى لو طولت المده الي يبكِ ينتظرك
عادي قول له انتظر

والدخان مثلاً فيه بنات عادي لانه تعودت تشوف الي حوله لكن اسمع دائم ان الي يدخن شكاك وأنواع المشاكل نسأل الله العفو والعافية
لكن السفر الي يثبت فسقه بالخارج نصيحة اخت لا تأخذينه السفر فتنة والله اعرف كثير راعين سفر وتزوجوا ولا عندهم طاري يعقلون والزنا عظيم الله يحفظنا والمسلمين أجمعين ويرد الي يبي السفر للحرام انه عزيز حكيم

والله يااختي اني حاسه بك

والشيشة كانه مدخن اكثر من علبة دخان

الكلام للجميع حنا مشكلتنا مانتذكر الله الا بوقت المصايب وهذا الي يخلي الواحد متشتت تفكيريه وتعلقي بالله مو بالناس لازم ندعي الله وقت الرخاء وقت الشده
الله يشرح صدرك ويسر أمرك