[ساكن قلب بريده]

حينما اتكلم عن المرور لا اعم عليهم جميعا فهناك الصالح وهناك الفاسد لاكن لايفسد الافراد الا بفساد الادارة
المهم انا حصل علي حادث يوم الخميس الساعه 11 صباحا والي صدمني هرب ودقيت على المرور جاء المرور الساعه 12 قال وين الي صدمك قلت هرب قال طيب عطن الرخصه والاستماره واخذ المعلومات وقال مالله لا عطان ورق ولا شي قلت ابغا طيب ورقه عشان ورقة الاصلاح قال رح لاداره ويعطونك الحين طبعا الساعه 1 الظهر واخل الحوادث مافيه احد شوي الى نزل واحد مع فوق قال شوي واجيك قلت طيب الرجال شغل الفورد وراح يجيب خويه والغدا والمشكله لاحصلت منهم شي ابد لا ورق الي حصلته تعال يوم السبت وادخ ل على المدير والسبب مافيه اثار للحادث طبعا اثار في مكان الحادث اما السياره الله يعوض الجنب الايمن راح كله
فهل يعقل هذا يمرور
عدد الدوريات التي تستلم بالمرورهي
3 دوريات من شعبة حوادث
2من شعبة السلامه
5دوريات من شعبة السير

[أبو رُبـــــى]

نحتاج إلى تثقيف بعض أفراد الأمن العام بجميع قطاعاته .. لأنه فيه اناس حتى الآن فيهم تخلف وظيفي وعدم فهم للأنظمة وعدم معرفة تطبيقها وعدم القراءة والكتابة أيضاً .. والكل يعلم ذلك ..

لكن هناك شباب متعلم ومثقف ويعرف يتصرف بالأمور كلها .. وهؤلاء يشكرون على جهودهم ..

تقبل رأيي ....

[ممادو]

والله مدير مرور القصيم من افضل المدراء بالمملكة حسب علمي ادارياً بس بعض الافراد والضباط يبون دورات تدريبية

[حائل2008]

كلامك ذات مغزاء وكلن يحاسب على مايقول لاتصنف على كيفك ترى فية بحث مرور ومرور سري ودوريات وانا اقول المرور جنه مع مع امن الطرق اللي حاطهم والي الامر لراحة المواطن والاكن للاسف والله انهم يعقدون الامور شفهم على طريق حائل

[عـزتي في سمـو ذاتي]

الحمدلله على السلامة,,,

بعدين المرور فاشل واحد من العيال صارلة حادث 4,30 العصر

المرور ماجاء الا الساعة 7,30 المغرب,,,

[ابراهيم 999]

اهم شئ التعليم والمعرفه عند هولاء الجنود

لاتنسى العنصرية عند بعض الجنود

[الاسم]

اقتباس المشاركة الأساسية كتبها ممادو والله مدير مرور القصيم من افضل المدراء بالمملكة حسب علمي ادارياً بس بعض الافراد والضباط يبون دورات تدريبية

من عنه حبيب ايه لكن لا يحل ولا يربط اهم شي الحراثه ولا مدير مرور ما يشغل الجهاز ولا كد طلع على الافراد بالجهاز الله يرحم الحال

[memo2003]

يا ساكن قلب بريده لو أنك ساكن الشمال بريده لكنت من المحظوظين وأخيرا الحمدلله على السلآمة وما تشوف الشر والمرور

[السديم]

نبي تحسين اداء الخدمات المقدمة من المرور مثل تجديد الاستمارة
والتي تبيلك معاناة كبيره حتى تنتهي من تجديدها

[ساري والقلب خالي]

والله كلهم بدو وبزرين
والله يافيه بزر بحي مشعل يستلم بالأختبارات
والله أنه حيوان وكلن يوقفه حتى انه وقف عندي وقال الرخصه والاثبات وانا واقف
يبغالهمتأديب ا

[ابواحمد123]

يارجال المرور يبيلهم دورات تدريبيه انا واحد يقربلي كان واقف في شارع الثلاثين راح للشارع الثاني يبي يشتري اغراض سمع ضربه صارت في سيارته كانوا يتسابقون فواحد حد الثاني وضرب السياره انكسرت السطبه راحوا صاحبي ما عرف منهو المشكله في االيوم الثاني اخذ سيارته اخوه ومسكوه المرور قالوا من اللي صدمك قال ما ادري قال المرور ليش ما بلغت قال الصدمه عاديه قال الحجز المهم بلغ العمليات قالهم انه يحاول يعدل السياره قالبه والله مشكله السياره تمشي يقول يحاول يعدلها حرك الواسطه اخينا في الله الواسطه قاله السياره اللي اخذه المرور رح تجيك عند المكان نفسه صدقوني ربع ساعه والسياره جايه وصاحبنا المرور سلمولي على الواسطه

[بعير البحار]

والله فترة بعد الظهر يقلوووون الموظفين اللي غدا واللي ماجاء من الصلاة الى الحين واللي واللي ...

لكن الله يعين ولا يجيب لنا الحوادث

والحمد لله على السلامة ساكن قلب بريدة

مع التحية

..

[راعي الذلول]

اقتباس المشاركة الأساسية كتبها حائل2008 كلامك ذات مغزاء وكلن يحاسب على مايقول لاتصنف على كيفك ترى فية بحث مرور ومرور سري ودوريات وانا اقول المرور جنه مع مع امن الطرق اللي حاطهم والي الامر لراحة المواطن والاكن للاسف والله انهم يعقدون الامور شفهم على طريق حائل

[راعي الذلول]

اقتباس المشاركة الأساسية كتبها ممادو والله مدير مرور القصيم من افضل المدراء بالمملكة حسب علمي ادارياً بس بعض الافراد والضباط يبون دورات تدريبية