[ســـنـــايـــدي]

السلام عليكم
.
.
.
.
.
.
.
.

تعرفون الي معه سيارة عائله جـــمـــس يحق له التضليل وانا الله يسلمكم معي جمس ومضلله والي القزاز الي قدام خفيف التضليل ..المهم جان فجأه تفتيش .. يوم وقفت عنده شافن رابط حزام الامان وناظرن شوي وقالي ارفع القزاز (يقصد قزاز السواق) امر يقولي وقف على جنب (خير ان شاء الله) وش يبي
وقفت ورحت لمه وعطان قسيمة تضليل وانا اقوله ياخوي معي جمس عائله ويحق لي اضلله وانا مضلله خفيف وهو مسكت ويكتب لي قسيمه (حسبي الله عليه) وياليتي انا بس بالي كل الناس يعني مايجي احد الا وهو معطيه مخالفة
.
.
طيب ليش بالين المسلمين بالمخالفات بكل محل ؟
الحين الناس يالله تمشي حاله بوقت الغلاء وذولا يعطونن مخالفت (ليش شايفننا عندنا فلوس زود)

[ذوقي توب]

؟؟؟؟؟؟
المفروض العوائل حاله خاصه

[ولد بريدة 1]

يارجال وش انسوي

[مدحت شوقي بريده]

الله يهديك بس ..

وشلون يطلع راتبه .. الا من ظهري وظهرك ..
يمحطن بقسيمة ويمحطك بقسيمة اليت يدخل راتبه وراتب اللي راكبن معه ..

يالبي مره وقفوا سوااااااق وكل شي تمام عندي يوم بلشو بوه قالوه ..
اها معك مثلث عاكس .. وقف وقف .. ولزخوه بقسيمة ياويلي ..

مااقول الا مالت عليهم بس ..


سي يو ..

[mr.khaled]

سنايدي ياعمري التضليل الأمامي اللي عند السائق يمين ويسار ممنوع والزجاج الخلفي اللي بالظهر أيضاً ممنوع
لكن اللي خلف السائق يمين وشمال عادي يضلل

شكراً لك
..

[ســـنـــايـــدي]

يااخي العزيز رح وشف مواقف سياراتهم
وتشوف التضليل على اصوله

كامري مضلله كله و كامري 2007 جنوط اكبار (مو مشكله جنوط) وتضليل و هايلوكس مغبر

وانواع واشكال !!!!!!!!!

ولا لــشافو احد عطوهـ مخالفه ولا هم عادي (حلال عليهم حرام علينا)

[ســـنـــايـــدي]

طيب ليش الامرات وغيرهم يضللون عادي ولا السعوديه ممنوع على رغم ازدياد درجات الحرارة بالصيف

والتضليل يخفف من الحرارة داخل السيارة

[الترياق]

سنايدي يا حبيبي

بغض النظر عن أخطاء العساكر وأنهم يحاسبون غيرهم ولا يطبقون ذلك على أنفسهم !!

النظام يقول أن التظليل الأمامي ممنوع لا خفيف ولا ثقيل

وتظليل زجاج الركاب الخلفي مسموح مهما كان ثقله

أما الزجاج الخلفي جداً ( خلف الظهر ) مسموح خفيف فقط

يعني ما تقدر تعاند العسكري

الله يخلف عليك

[بريداوي للصميم]

الله يبلاهم مثل ما بلونا

[غارق]

ما أظنه يعطيك قسيمة إلا إذا أن أمرك مكشوف كونك مزخرف الموتر او مسوي كماليات بالديكور والحركات فعشان كذا لزخك بقسيمه

فلو كان موترك العائلي ما فيه أي دندشه اتوقع ما يعطيك كونك رجال رزين ولك ثقلك وما عندك إلا عدال

[وحيد الجزيرة]

ياخي بتلنا نسدد أزمل اشري موتر بسبب المخالفات

[الدحمي ابو راكان]

المشكلة انه مافيه عدل بالقسايم

كله على حسب المزاج اذا كان رايق مشى العالم واذا المزاج معكر محط بهالعالم قسايم يحط حرتة بالدفتر

لكن ودك تعرف ارقامهم عشان اذا اقبلت علية تدق عليه جوال يروح يرد ويخلي الدرعى ترعى


تقبل مروري

[ابواحمد123]

اخي سنايدي والقير عايدي المرور معروفين من هم وشو اللي موجود داخل السيارة بس حنا يالمواطنين ما يدرون وشو اللي جوا السيارة علشان كذا هم مسموح لهم التظليل يعني مهما سووا دوريات

[ســـنـــايـــدي]

اقتباس المشاركة الأساسية كتبها ذوقي توب ؟؟؟؟؟؟ المفروض العوائل حاله خاصه

!!!!!!!!!