 |
|
|
|
|
17-08-2008, 12:56 PM
|
#1 |
|
عـضـو
تاريخ التسجيل: Jul 2008
المشاركات: 12
|
تجربتي مع بعض الكوافيرات ....لاتحذفوون للأهمية
يشهد الله علي أني بقولكم الصراحة ومابكذب عليكم ولا بكلمة
أولا أنا مو من القصيم من مدينة ثانية لكن سألت وحصلت مجموعة أرقام لكوفيرات فكلمت أول وحدة أم راشد هذي نفسها بطرف خشمها ومو عاجبها شي ابدابد وكأني أموت إذا ماسويت عندها ومكياجها 400 ومع الرموش 450 وتقول بكيفك إذا ماعجبك أستقبل غيرك >> يعني واثقة من نفسها إذا ماجيتيني بتخسرين يعني هذي أخذت فكرة عنها إنها وقحة أم وليد أول ماكلمتها لهجتها قصيمية خالصة بس حسيت مو واثقة من نفسها مونيا هذي وحدة تسوي لنفسها إعلانات المهم دقيت عليها واتفقنا على سعر 350 وتمدح بنفسها وأنا بعمل مكياج نفس سحر الشرق قلت عندك إميل عشان أرسل الماكياج اللي أبيه والتسريحة قالت أيه .... هناأنا شكيت لالا تأكدت إنه نفس اللي تعلن عن نفسهاهنا وفمنتدى ثاني .. المهم دقيت عليها بعد يومين عشان أكد الحجز والسعر ... قالت بالحرف الواحد تلاتمية دا ايه لالالا أكتر .. وكنسلت عرفت أنه نصاابة .. أم محمد هذي حجزت عندها لزواج أخوي المهم قبل الزواج بليلة كان في حفلة دقيت على أم محمد قالت مشغولة فدقيت على أم وليد تجي عاى الساعة 7 ماجت إلا الساعة 8ونص تقريبا وتقول زوجي هزأني <<أبفهم شغلة فيها مشاكل ليش تشتغلين.. وقالت وينكم قلت شقة رقم .. الدور الثاني توقعون وش قالت ... ياويلي الدور الثاني الله يعيني >> قلت بنفسي الله يعيني أنا المهم قلت في اصنصيل لاتخافين .. توقعون وش طلعت لا قصيمية ولا شي.. فلسطينية قلت إنتي قلتي أنا قصيمية ... قالت أيه تربيت بالقصيم .... المهم فتحت الشنطة والله لايوريكم الحوسة اللي شفتها قالت المطب خرب الاغراض وحاسها وتهاوش بولدها جيب الرغوة وين الفرشاة الله .........تدعي عليه.. وتقول معليش نفسيتي بنتي فيها زايدة وبالمستشفى المهم جت وبدت بشعري عرفت أنها تتعلم لأنها بطيئة ومسكتها للفرشاة تبين أنها مو متمرسة المهم والحق يقال استشورت الشعر زين مو زين مرة مرة بس احسن من استشواري لنفسي جينا للمااااااكياج... وش سوت حطت لي أساس ديرما كول قلت وين مخفي العيوب والكونسيلر قالت هذا يخفي عيوب بنفس الوقت قلت هذا الكريم أنا أستخدمه لكن مايغني عن مخفي العيوب قالت ماجبت والله .. قلت يالله معليش خلصيني راح الوقت وجابت ظل مكسر قلت لالالالا حطي من ظلي وأعطيه الظل وتحط لي منه وتسوي الكحل وتعطيني روج من أبو ريالين قلت لالا أنا بحط من عندي خلاص وحطت بلاشر ..بس وفقط لاغير لا قلم حواجب زي العالم ولا شي عندها سنع المهم وعدل شوي في الماكياج إلا زوجي دخل علي تخيلوا وش قال .. ايش هذا ... عادمة شكلك ذي ...وعدلت وعدلت ... وحسبي الله عليها .. وطول الليل وأنا أفكر أني أسوي مكياجي بنفسي اليوم الثاني لأني خفت أم محمد تكون مثلها والله إني كنت خااايفة تخرب شكلي المهم قلت بخليها تجي 4 وإذا ماعجبني يمديني أعدله المهم جت 4 ونص قلت بشوف شنطتها إذا هي مثل اللي البارح بكنسلها وروح مشغل شيفون على الأقل سمعته زينة .. لكن الحمدلله طلعت الشنظة مرتبة وارتحت نفسيا.. وكنت أراقب كل حركة تسويها طبعا بدت بالشعر ومسكتها للفرشاة تطمن .. وبدت بالماكياج جابت الفرش وحطتها عالطاولة بشكل مرتب>> مو تدور على كل فرشاة وينها وينها ومعا بنتها تساعدها >>مو ولد وحطت كونسيلر ومخفي عيوب والعجينة حقت الحواجب ... وطلع مكياجي بالأخير جناااااان وب 300 ريال الله يوفقها ويسعدها دنيا وآخرة ولما شافني زوجي قال طلعتي أنتي العروس ... أقسم لكم بالله طلعت أحلى وحدة بالزواج ... هذي تجربتي بصراحة أم وليد عطتني درس راح إن شاء الله آخذ دورة في الماكياج اتعلم بنفسي والحمدلله اللي الله عوضني وطلعت بالزواج ملكة ..الحمدلله للأسف في كوافيرات يسمون نفسهم كوافيرات لكنهم ماخذين الشغلة ربح فلووس وبس وظلموا الناس اللي تعرف تشتغل . أتمنى أني أفدتكم أدعووا لي . |
|
|
|
17-08-2008, 02:47 PM
|
#2 |
|
قبس دائم
تاريخ التسجيل: Jul 2008
البلد: في ارض الله الواسعه
المشاركات: 12,834
|
كلامك صحيح
تصدقين مكياجي احسن منهن بس جيبي مكياج صح واذا اضطريتي روحي لمشغل احسن |
|
|
|
|
06-10-2008, 03:49 AM
|
#3 |
|
عـضـو
تاريخ التسجيل: Oct 2008
البلد: الخبر
المشاركات: 175
|
كلامك صحيح والله
|
|
|
|
|
07-10-2008, 05:55 AM
|
#4 |
|
عـضـو
تاريخ التسجيل: Aug 2008
البلد: لاتنسوني من الدعواااااااات.
المشاركات: 1,443
|
تبقى المسأله مسألة أذواق
تقبلي مشاركتي
__________________
 |
|
|
|
 |
| الإشارات المرجعية |
|
|
النمط المتتابع
