[فخفخينة]

السلام عليكم


الصراحة انتشر في الاونة الاخيرة محلات العاب الشبكة وغير الي به من تاثير على عقيدة هالمبزرة الي يلعبون به وغير الي به من تعليم على الوحشية والحروب


تلقى به ناس يصطادون في الماء العكر


وهم قوم لوط


الصراحة قالي واحد من العيال ان به شي يخوف علاقات بين صغار وكبار


والفرق بينهم مهوب سهل تلقى الفرق 7 او 9 او 10 سنوات

وياترى واحد الفرق بينه وبين واحد 7 سنوات بالله وش يبي بوه

وليت العلاقة تنتهي بكذا خلاص يصيرون اخوياء وطلعات وروحات وجيات


فقلت لازم نحذر اولياء الامور والناس من هذه المحلات

ويمكن يقول واحد لا بس به فوائد وبروح اماكن مابه دشير

اقول اتحدى تلقى مثل هالمكان انه ما يحصل به هز وهمز ولمز ودخان وخربطة وشي يغضب الله وغير كل هذا تاخير عن الصلاة


والله اني مره مريت من عند محل حولنا وهو توه ياذن وطلعو كل الي بالمحل ومنب قايل كلهم لكن اغلبهم جلسو على الرصيف لين يفتح المحل عقب الصلاة ويدخلون

قسم بالله ولا واحد منهم ركع ركعه


ياناس خاااافو الله في ابنائكم وعيالكم وبزارينكم

وان كنتو منتب اهل للتربية فلاتجيبون عيال وتخلونهم بالشوارع

او تولدون للشوارع

همن عاد يجي الشايب عقب كم سنة ويسب بعياله ويقول ما برو بي وعاصينن


يعني تخيل واحد رباوه الشارع ورباه محلات العاب الشبكة وش يبي يصير



وسألت واحد من المشايخ عن الحل فقالي لي


الحل بأيدينا فلا يقل أحدنا: الحل عند فلان، والمسئولية على فلان، فإن من أعظم الأدواء ومن أكثر أسباب انتشار واستشراء أسباب الدمار والهلاك أن نلقي بالتبعة وبالمسئولية على جهة معينة أو شخص معين، حتى مسئولياتنا في البيت قد يلقيها الرجل على الزوجة والأولاد، لا فالنبي صَلَّى اللهُ عَلَيْهِ وَسَلَّمَ يقول: {كلكم راع وكلم مسئول عن رعيته } فابدأ بنفسك تجد الحل، وانظر إلى تقصيرك في طاعة الله -عز وجل- وزن نفسك بالميزان الصحيح، فستجد أن ما فيك من الذنوب جدير وحقيق بالعقوبة، وأنك إن تبت إلى الله عز وجل فسوف تجده غفوراً رحيما، وكلنا ذلك الرجل، فعلينا أن نبدأ بأنفسنا، وأن ننظر إلى ذنوبنا، وإلى حال غيرنا من الناس نظرة النصح والإشفاق، لا أن نحملهم كل المسؤوليات ونترك أنفسنا، فالحل هو الاستغفار والتوبة.

قال تعالى: فَلَوْلا كَانَتْ قَرْيَةٌ آمَنَتْ فَنَفَعَهَا إِيمَانُهَا إِلَّا قَوْمَ يُونُسَ لَمَّا آمَنُوا كَشَفْنَا عَنْهُمْ عَذَابَ الْخِزْيِ فِي الْحَيَاةِ الدُّنْيَا وَمَتَّعْنَاهُمْ إِلَى حِينٍ [يونس:98] لما آمنوا كشف الله تعالى عنهم العذاب، وقد كان وشيك الوقوع.

فنحن والله اليوم يوشك أن يعمنا الله بعذاب، فهذه الأرض، قد امتلأت بالخطايا والفجور والفحشاء بما لم يعهد في التاريخ المكتوب أبداً، فالحل أن نستغفر الله -سُبْحَانَهُ وَتَعَالَى- وأن نتوب إلى الله .. الخ

يمكن اسلوبي شين شوي بس قلت هي نصيحة ما ابي منه الا الاجر من الله

[لاتعليق..!!]

والله انك صادق بكل كلمه قلتها

جزاك الله خير ..

[المسفهل]

جزاك الله خير يا [ فخفخينة ] لغيرتك ونصحك ...

[أبو عبدالله]

ليت كل الناس زيك كان نكون صح.......... ولكن اللي يغثك مثل ما قلت بزران وشباب اجتمعوا في مكان واحد يعني تصير الدنيا فوضى ولكن نوجه دعوه لأصحاب المحلات هذي ان ما يحدث عند المحل هو مسؤل عنه يوم القيامه وسوف يحاسب عليه....................
(اللهم إني بلغت اللهم فاشهد)

[##ـبريداويـــــ##]

هذه اللعبه امرها خطير جدا فلا بد ان

نتدخل بأسرع وقت ممكن بتسكير المحل.

ولاسيما انا اللعبه جعلت الشباب يدمنون

عليها!!ويجتمعون عندها !!!بل حصل

تعارف بينهما من خلال هذه اللعبه!!!

ــــ.ــــــ.ـــــ.ـــــ.ـــــــ.ــــ.ـــــ.ــــ.ــ ــ.ـــــ.

جزاك الله خير اخوي على طرحك المتميز

[فخفخينة]

اقتباس المشاركة الأساسية كتبها لاتعليق..!! والله انك صادق بكل كلمه قلتها جزاك الله خير ..

ويااااااااااااااك

[المبتسم1000]

زمن اليأس والهجولة .......