[جرّاف]

اهلا وسهلا بكم اخواني الاعضاء

ستقام بإذن الله يوم الخميس 27 / 8 مسابقة أجمل هايلوكس بالرياض .

للمزيد من التفاصيل وللتسجيل الرجاء الضغط على الرابط .

http://www.grraf.com/vb/t24025.html#post274616

[أمير بكلمتي.]

الفراغ مشكله هههههههههههههه

[وليد2009]

الغرب الشباب عندهم ينصبون اختراعات وحنا هايلوكس هههههههههههههههههههههههههههههههههههههههههههه

[جمراوي]

خلوهم يستمتعون كل شي ممنوع دام الدعو بهالحيديد بكيفهم؟؟

[جرّاف]

أمير بكلمتي : هلا بك اخوي , لا والله لا فراغ ولا شي

بالعكس هذاي متورط بالجامعه وما خلّصت أشغالي لكن المسابقه

من باب التسليه واظهار طاقات وابداعات الشباب بشي مفيد .

وليد 2009 : الحمدلله ابدعنا ونصبنا اختراعات , لكن انت وش سويت ؟؟

على العموم حياك الله وان شاء الله ما يصير بيننا حزازيه .

جمراوي : يا مرحبا بك, كلامك عين الصواب يالغالي

الرسول صلى الله عليه وسلم يقول : روّحوا النفس ساعة بعد ساعه .

وما دام التسليه بريئه وما فيها خلاف نقدر ناخذ راحتنا .

شاكر لك مرورك وتعليقك .

[Shadow]

يمه اخاف من الهاي لوكس

اكثر من مره صار لنا حادث بسبة هاي لوكس وصارت عندي فوبيا من الهاي لوكسات ... وصرت اركز عليهم

واكتشفت فعلا ان التهور والسرعه وعدم الأكتراث صادر من تلك الهاي لوكس

طبعا لكل قاعده شواذ

[الدب القطبي]

خلصنا من البعارين وجينا للسيارات

[جرّاف]

شاكر لكم مروركم وتعليقكم .

[بــيــكــر]

من الحماقة ان تضع موضوع مثل هاذا في منتدى الاخبار

[وليد2009]

الاخ جراف ان تقول ماذا فعلت فسوف اخبرك ماجستير في العلوم الامنية وضابط في جوزات بريدة وحاصل على شهادة من جامعة امريكية اقول خلك في نصب الهاي هذي حدودكم فلا تتجوزونها

[جرّاف]

اقتباس المشاركة الأساسية كتبها وليد2009 الاخ جراف ان تقول ماذا فعلت فسوف اخبرك ماجستير في العلوم الامنية وضابط في جوزات بريدة وحاصل على شهادة من جامعة امريكية اقول خلك في نصب الهاي هذي حدودكم فلا تتجوزونها

عاد تصدّق انا مسجّل بقروب عشاق الهايلوكس حول العالم

والله العظيم معنا دكاتره وباحثين ومهندسين من مختلف انحاء

العالم , استراليا , كندا , اريزونا في امريكا , وفنلندا , وفي افريقيا

وكلهم من عشاق الهايلوكس , هذي هوايه موب تخلّف , لان الواحد

مهما كبرت شهادته العلميه لابد ان يكون عنده فراغ ويستغله في هوايه

مفيده تسلّيه وتضيّع وقته.

بما انك ما شاء الله معك شهادات وتعتبر مثقّف لازم تكون

لغتك تدل على مكانتك

اقتباس المشاركة الأساسية كتبها وليد2009 اقول خلك في نصب الهاي هذي حدودكم فلا تتجوزونها

هل هذي لغة واحد مثقّف ؟؟

مثل ما قلت لك ارجو ما يكون بيننا حزازيات وسؤ التفاهم لاننا مهما

يكون حنا أبناء منطقه وحده ويشرفنا انتسابنا لها

وان شاء الله سؤ التفاهم الحاصل ينتهي بفهم كل واحد منا للآخر .

تقبل فائق احترامي وتقديري .

[YOSEF]

اقتباس وليد2009

الحين انت وش اللي محسحس شنبك دامك ضابط بالجوازات ومشغلنا ولا ابدعت بعملك

خلك على الخبيب والساده اللي الا الحين ماحليتو مشكله العماله

بعدين الشيخ جراف عطانا دعوه وفيها جوائز وهذي هوايه لها عشاقها

لاصرت انت اعرابي ومالك بهالامور لاترد على الرجال

اخوي جراف بالتوفيق لمسابقتكم

[wwq]

ياخي انتم وش فيكم هذه هوايه .. مثل الغرب هوايتهم بالسربته باخر اليالي .

حنا أنواع البرائه تلميع كفر

وبعدين بالعكس الصراحه فكرت المسابقه جميله جداً يكفي انها تجمع قلوب البشر<<<<وش عنده

يمال العافيه بس ياجراف

وأهم شيء سعة الصدر والوناسه. قبل دراسه وكرف وشغل . ريح وقتك لو ساعه ..


بمان لله

[dhym]

اقتباس المشاركة الأساسية كتبها جرّاف اهلا وسهلا بكم اخواني الاعضاء ستقام بإذن الله يوم الخميس 27 / 8 مسابقة أجمل هايلوكس بالرياض . للمزيد من التفاصيل وللتسجيل الرجاء الضغط على الرابط . http://www.grraf.com/vb/t24025.html#post274616

أفضل هايلوكس ببريدة قولو ماشاء الله تبارك الله 2008 لوحته ((5335) بالخليج راعيه.