[فخفخينة]

السلام عليكم


رمضان مبارك


والله يقبل



تذكرون العام اول من جاب خبر عيد الفطر بكل المنتديات انا


والسنة ذي اوعدكم بالخبر قبل اي مكان ثاني فأحترووووووون


نرجع للموضوع صلاة الترايوح للحريم

يعين تشوف هالحريم وهن طالعات يصلن تقل رايحات للعزيمة لبس فاتن وبناطيل واطياب وخربطة ونقاب نص الوجة طالع بالله عليكم ذي طالعة تدور الاجر وتبي تصلي يعني شي يفقع الراس يعين ابا اقولكم سالفة امس صارة عند مسجدنا ماسكين واحد يرقم عند باب المسجد طبعا هو بريئ جالس يحتري امه تطلع وجن ثنتين يتمرقعن ويتمخطرن قدامة هو انفتن بهن ولعله رقمهن واشفه واحد وصارة مشكلة عند باب المسجد وليته مشكلة عادية مشكلة واحد يغازل ومن كلامي ذا انا ما اقول ان الرجال بريئ بس هالبنات الله يهديهن لو يلبسن لبس زي الناس كان احسن .

ودايم انا احب اخلي موضوعي كله فيه اثبات من اهل العلم لأنهم هم عزوتنا




السؤال:
ما حكم صلاة المرأة للتراويح في المسجد؟ وما الشروط التي يجب التقيد بها في حالة خروجها إلى المسجد؟


المفتي: صالح بن فوزان الفوزان
الإجابة:

خروج المرأة لصلاة التراويح في المسجد جائز بشرط الالتزام بالستر الكامل وعدم التطيب، وترك لباس الزينة، ولبس الحلي، وبشرط غض البصر، والتزام الحياء والحشمة.


يعني هاللحين بالله عليكم الي يطلعن يصلن التراويح يزينن كذا زي ما قال الشيخ



والله ما ظنيت

[ضايق الصدر]

والله شي يضيق الصدر باللي تقوله عن المشكله اللي صارت

الله يهدي هالمراهقات

بس يااخي انت ماعليك , انت غض البصر ولاتشووف وادخل باب المسجد

بصراحه , انا مالاحظت شي من اللي تقول ,

لكن الله يهديهم ولايبلانا ,

[%*%الحلوة%*%]

يمكن طيب بتروح لحمولته

[صيته قد التحدي]

الحين انت رايح تصلي ولا رايح تفرج غض البصر
يتلبس على شلن يروحون منااك لسوق ولا للعزيمه ولالا الي هوه

[المسفهل]

وعليكم السلام ورحمة الله وبركاته

وين أيامك [ فخفخينة ] ، ويا ليت موضوعك مبتسر شوي لأن الشهر الفضيل طرّف ينتهي الله يعمر باقيه على الطاعه ويتقبـّـل منـّـا ما مضى .


بإنتظار خبر العيد فخفخينة ولا يسبقك عليه أحد .. قل إن شاء الله

[غبي×غبي=صح]

ماقصرت....صار الذهاب بدلامن كسب الحسنات ومغفرة السيئات ....صار لكسب السيئات ...

























الله المستعان ...نحن في زمن العجائب...

[ss363ss]

انا ودي ادري متى بنفهم كيف نرد ليش البعض يجبر الناس انها تتكلم عليه

والرجال مايستفسر وين رايحات عشان تقولون يمكن رايحات لحمايلهن او يقول ابي حل للفتن عشان تقولون غض بصرك

يقول ليش يروحن للمسجد ببناطيل وبعطور كشف بعض الوجه هذا مكان عبادة
وبعدين

اللي بتروح لعزيمة او غيره لا تتعطر الا بعد الصلاة تحط العطر بالشنطة لا تحطة بالسيارة عشان ماتنساه والثانية تغطي وجهه لو عند المسجد بس والثالثة البنطلون (بدون تعليق)



تحياتي

[سدومي]

الله المستعان ..

[(صعب الوصال)]

والله حرام عليكن ضاعت الحسنات يالله يالله نجمع اشوي ويضيعنه المتبرجات

[سليمان2004]

وما اراه اعظم المراة التي لها اخوان وأب ويرضون بذالك

[**بنت منيره**]

حرااااااااااااااام عليكم تظلمون البنات: انا من بداْ رمضان وان اصلي بالمسجد ولاشفت بناطيل ولا فتن .......... الواحد لايعمم شاف وحده صار كل البنات يفتنون
للمعلوميه انا صليت بمساجد مختلفه ولا شفت احد يفتن

[ابوالمجدد]

نعم صدقت اخي من البعض

[مدحت شوقي بريده]

فخفخينه ..


هلا بالبي وبعد معاليقي انت ..


يابعدي انت والله يابعضهن ماعنده وقت ..
يعني لاتستبعد تشوف وحدة تدور موديلاااااات جديدة .. تلقاه قاعدتن ورى وترسم هالموديلاااااات ..


اما العجز يااااحبيلهن ..
بعضهن مايشوف بعض الا من رمضاااااااااان لرمضاااااااااان بهالتراويح ..
وخذ ياهمق ..

وش صار على بنتس منيرة .. خابرته حامل العام وبسره دمل ويقولون الولد يبي يموت ..

لاابشرتس طلع مابوه الا العافية ..
وانتي وش صار على بنت اخوتس اللي تقولين العام تبي تعرس .. عساه اعرست وجاه عيال ..

وتسبدية ياهيلة والله لو هي ارنب .. توه معرسة وتبينه تحمل ..

همن تلتف وحدة من العجز وتقولهن .. الله يهديكن قومن صلن واتركن الخرط عنكن ..
عااد هذي وده تهمق بس رفيقته اللي تخرط معه ماجت اليوم ..

مسرحيات بمصلياااااااات النساء ..


سلااااااام يالبي ..


سي يو ..

[إكسير]

تقول الأخت " بنت منيرهـ " / حرام عليكمـ تظلمون البنات , , ,


صدقت والله . . لاتظلمونهن . . . .


يالغالي يا مبشر العيديات . . . والله ولقيتها يالدب . . تبي عيديه ؟؟ بس معصي .. .. ..



لكن تقوله صادق أنت ؟؟

والله إني أوقف سيارتي مقابل لباب الحريم . . << ترى معي عجوزين لو تمشي الوحدهـ ثلاث أمتار خلص شحنه <<

يعني لا أحد يقول أبعد السيارهـ . . .

ولا شفت من هاللي تقول . . مع إن المصليات ماشاء الله كثار بقوة . . .

صحيح إن فيهـ مصريات متنقبات . . بس يخوفن من شكلهن . . ماودكـ تشوف . . << مايستاهلن الإثم << أستغفر الله


بس ما بط تسبدي إلا " بنغالي " حق البلدية . . مايكنس إلا لما يطلعن الحريّم . . . مدري يبي دراهمـ ؟ ؟ أو غيرهـ . .

عاد عجزنا الله يخليهن . . يدورن التصدق باللي هوبه في رمضان . . ومن يومـ يشوفنّه يقولن مسكين . . .

لكن الله يرحم الحال .