[الفقمة]

تقبل الله منا ومنكم ياشباب
أحد أقاربي يسكن مع أهله في مدينة حائل وكان قبل يلتحق بالعمل الوظيفي درس ست سنوات عندنا في بريدة وتحديداً في الكلية التقنية اللي بشارع الاربعين ..وكل مايصير بيني وبينه لقاء او أتصال يقول أحملك أمانة أبي منك تسلم لي على مدرس في التقنية أسمه الاستاذ ناصر الوشمي ...أو أبي رقم جواله طبعاً الرجال واضح أنه يحترمه ويحبه جداً ويقول أن الاستاذ له معروف علي وعلى زملائي.. طبعاً رحت للكلية ( متحمس ) أسأل قالوا والنعم بس هو الان في اجازة ورفضوا يعطونني رقم جواله .. فتكفون اللي يعرف الاستاذ القدير يعطيني رقم جواله علشان انتجمل عند أهل حائل. وشكراً

[ودي اتزوج]

مايبي رقمي قريبك عاد كلنا ناصر الوشمي ماعليك راح ابيض وجهك بس عطة رقمي بس وخل الكلام على .

[شخبطه]

رح لواحد من عيال الوشمي واسأله عن رقمه

[فتـىالقصيـم]

إصبر لمين يرجع من الإجازة شكلة مع بداية الدراسة تخلص الإجازة مر عليه وبلغة وجهاً لوجة

[شنكار]

^^

الجيب و صورة هالعيل الله يخليهم لك صراحه ما بعدهن كلام

هاه الوشمي لا والله ما اعرفه

[الرشيق الصيني]

ناصر الوشمي ونعم الرجل جارنا قديما هو واخوانه في حي الصفرا

[بقايا احساس]

لو انا اعرفه مااعطيك اياه بصراحه
وش يدريني انك صادق
يعني بس بتاخذه عشان تقول يسلم عليك
ماتدخل الراس

[أبوغسان]

اعرف رقم باكستاني سباك اسمه وشمي
بس ماعنده محاضرات بالكلية التقنيه ماعنده الا جلمبو
تبغى رقمه (:

[لندني]

اقتباس المشاركة الأساسية كتبها بقايا احساس لو انا اعرفه مااعطيك اياه بصراحه وش يدريني انك صادق يعني بس بتاخذه عشان تقول يسلم عليك ماتدخل الراس

الرجال ماسئلك الفكره تدخل الراس ولا لا
عندك الرقم ارسليه
ماعندك السكوت احسن لك

بعدين للمعلوميه هذا الاستاذ درسن وهو محبوب من كل الطلاب

[ضايق الصدر]

اقتباس المشاركة الأساسية كتبها بقايا احساس لو انا اعرفه مااعطيك اياه بصراحه وش يدريني انك صادق يعني بس بتاخذه عشان تقول يسلم عليك ماتدخل الراس

وانا معك بالرد ,


من حقها يااخ لندن ان تدلي برأيها ,


لاأعرف لاالشخص ولا الرقم ,

[عاشق الوليد]

اقتباس المشاركة الأساسية كتبها بقايا احساس لو انا اعرفه مااعطيك اياه بصراحه وش يدريني انك صادق يعني بس بتاخذه عشان تقول يسلم عليك ماتدخل الراس

احسنوا النوايا ...
بعدين شكلك تطبقين قاعده خالف تعرف