[زخآت مطر ,,]

السلام عليكم ورحمة الله وبركاته

كل عام وأنتم بألف خير وصحه وسلامة
كل عام ولقائكم مع المنتدى أطيب

"أهم شيء" كل عام وأنتم إلى الله أقرب وأوفى وأصدق

عيد مباركـ
ينعاد علينا وعليكم باليمن والبركات والفرح والمسرات

تقبل الله منّا ومنكم

<<مليت وأنا أعايد


والعيديه حلاوة أبو نص أو علكـ غندور أو حزمة كراث <<اختاروا ! وترآ الكراث أغلاهن



شوفوا حبابيبي ..

أقبلت المدرسة وأقبلت معه الوناسة

وتعرفون الخبه والدبتسه

المووهم

أمس أفكر وش أسوي بشعري بأيام المدرسه

تكفون يا حلوات
وبالقصيمي ( أولااااااااااااااااااااه ) <= مع تضخيم الصوت ومد مبالغ فيه

أبي أفكار أو صور أشياء بسيطه عشان يستملح شعري شوي

بس لازم تحطون (نصب أعينكم) نوعية شعري <<= كششخه الكلمه

الله يسلمكم شعري ما يعجبه العجب ولا الصيام برجب !!!

يقهههر

طوله لين آخر ظهري

آخر مره قصيته العام (شمس) والحين التدريجات نازله صاير أقصر شيء نص ظهري أو أقصر شوي

ناعم قووة ومو كثير

إذا جدلته يطلع شين .. والله إني أشده قووة بس علطول ترتخي الجديله ، تصير تقل من أمس جادلته

التجعيد شين قووة ؛؛ أصلاً يطلع بس متخصل ما ( تعربد ) وانتفش زين

اذا رفعته وهو مجعد يصير ماشي حليو بس المدرسه أكيد يمنعون كذا

(البيرم) وما أدراكـ ما البيرم !!
ما ينفع معه أبد لو أحط مثبتات الدنيا .. إلا لازم بالبخار عند المشغل
لو ينفع معي بالبيت كان أسوي تغيير عن العاده وأحط ذيل كيرلي

الكعكه هي الشيء الوحيد اللي ينفع ودايم أحطه بالبيت لأنه ترفع الشعر
بس وش رايكم تصلح للمدرسه !
أحس < ووووووع > أطلع تقل ( مرت حموله ) وأنا ( صغنطوطه )



يله جيبوا لي شيء أسويه


العام كنت دايم ذيل بس أحس مليته
ودي أصير جخه وأتكشخ أسوي حركات بشعري
أبدأ أحس إني أنثى تهتم بشعره



شدوا حيلكم أبي ردود سنعه
تراي أول مره أطب القسم ذا فتحت تسريحات العيد أمر أتذكر تسريحات المدرسه
(بيني وبينكم المدرسه أهم علي من العيد)
وأتوقع كثير بنات مدارس هنا .. صح !




نتظركم



فـــــي أمـــــــان الـــــلــــه

[اثيره]

جديله فرنسيه او نفخه اوسوي كريزي دايم احطه اوقرنين .........عنز.ههههههههههههههههههه سوري وهذا الي عندي

[@رسيل@]

قصيه



مو لازم تطولينه

واذا امك ماترضى


حطيها امام الامر الواقع

قصيه مو مرة قصير


خليه حلو طولة ماتتضايقين منه بالمدرسة

[زخآت مطر ,,]

اقتباس المشاركة الأساسية كتبها السمراء جديله فرنسيه او نفخه اوسوي كريزي دايم احطه اوقرنين .........عنز.ههههههههههههههههههه سوري وهذا الي عندي

جديلة فرنسية أسويه وحلووه الحمدلله
بس مقدر أسويه كثير لأننا حالياً ما عندنا إلا شغالة وحده وتصير مزحومة بالأشغال الصبح
وهي منحينه (نفسٍ شينه وجلد مروح)

نفخه من دون حشوه ما تنفع مع شعري علطول (تلبد)
وبحشوة تصير كبيرة تقل بعزيمة



الله يعين

ومشكووورة ع المرور

[زخآت مطر ,,]

اقتباس المشاركة الأساسية كتبها @رسيل@ قصيه مو لازم تطولينه واذا امك ماترضى حطيها امام الامر الواقع قصيه مو مرة قصير خليه حلو طولة ماتتضايقين منه بالمدرسة

أمي ما عندهـ مشكله أبداً

أسوي اللي يريحني

أصلاً هي شعره قصير

وبعدين لو أبي أقصه كيف أحطه أمام الأمر الواقع
هذي أمي مو أم الجيران


ومستحيييييل أقصه أحبوووووووه

ولا ضايقني أبداً الحمدلله لا استشوار ولا فرد وكريمات ولا حاجه

بس أنا أبي تسريحات نعّومه أحطه للمدرسه

وإذا بلشت به بحطه ذيل كالعاده



طيب حبيبتي رسوله

الله يخليكـ هذا اللي بصورتك الرمزية تراه قذر علميه الأدب
كل يوم والثاني مسبحني
ما يعرف يسكر [ خشته ] <<=



تسلميييين ع المرور العسل

[**الحياة امل**]

ههههههههههه حطيه ذيل


جبتها صح

المدرسه مدرسه وش تسريحاته <<< اعرف اهاوش

[صيته قد التحدي]

افرديه على شاان يخشن شوي
شوفي شوشتي كله ملح يااملحي بس وه

[فيفوت]

شوفي حبيبتي انا يعجبني الذيل المعكوف
حلو مره اذا كان الشعر طويل وناعم..
اكيد يطلع احلى كذا...

او...

اممم اصبري شوي خلين اتذكر..

شوفي بعد..افرقي شعرك من قدام والقسم اللي يمين اجدليه والقسم اليسار بعد اجدليه
بعدين امسكيهن مع بعض من ورا واتركي الباقي مفلول اذا كانوا يطيعون بافل ..
بس ان شاء الله يكون واضح قصدي..

والله يعينك صدق حاله...

[ما تَهَاب]

بالا كشخه بلا هم انا بالنسبه لي بالجامعه ماعندي غير ذيل الحصان<<على قولة مامي..
ياختي يوم اقوم مروقه واتكشخ ويوم اتأخر ويجي السواق وانووواع العفسه عاد واذا رحت بدت الاشاعات من صديقاتي والتعليقات وانا بالجامعه "نفسن شينه..." ..
واذا كشخت القى شعري اذا وصلت ناااايم فماكو فااايده اوفر كشختي عند اهلي...<<ماتلاحظين طولتها وهي قصيييييره

الشعر الناعم الطويل ماينفع الا قرن او ارفعي نصه ونزلي الباقي واحلى شي البف ..

والله يعيييييييييييييييييييييييييييييييييييييين وه بس ياكرهي للجامعه

[ريشة بمشاعري]

ايش رايك تصبغينه بس تكون الصبغه هااااااااديه لأن الصبغه تخشن الشعر..

وتسريحه فيفوت حلوه مرررررررررررررررررررره

[*..لــــورا..*]

.

ياعمري والله أني رحتس


بس فيه لفافات كانهن فلين حلـــــــــــــــــــواااااااااااااااات مـــــــــــــــرهـ
بنت عمي زيتس طويل وناعم ومايضبط معه شي يوم سوته بالفافات ذولي
طلع مـــــــــــــــرهـ حــــــــلو



**عند محل بالعثيم بس والله ماأدري وش أسمه**


الله يعنتس

[هايين]

روحي للمدرسه
وخلي شعرك ذيل حصان
لانه مافيه وقت كل صبح لشعر ولاغيره
الله يوفقك اهم شي

[ميلادُ حُلم]

.
.


هلا والله برزان

وه بس ياحبينيلتس

تسريحــة فيفوت مررة حــلووه

رزان أنتي تعــرفين اللفـافـات السوود اللي كن فيهن شعــر {{

حطيـــهن وبيكـــون شعــرك .:" مش أي أي ولا مش زي زي


ولــــــي عــــــــودهـ