 |
|
|
|
|
14-10-2008, 12:38 AM
|
#1 |
|
عـضـو
تاريخ التسجيل: Oct 2007
البلد: buraydah
المشاركات: 870
|
×× مُشاكسات المدارس ×× !
.
{ مشاكسات المدرسه ~ بسم الله الرحمن الرحيم .. السلام عليكم ورحمة الله وبركاته .. , يا الف مليوون هلا ومرحبا .. ×× مشاكسات الطالبات في المدارس ×× ! بمناسبة العوده للمدارس والغثا وقومة الصبح والصف بالطوابير والاستماع للإذاعه الممله وتفتيش على شراب الرجلين  جاء على بالي هالموضوع .. طبعاً أعتقد مافيه وحده ما مرت عليه مُشاغبه سواءً مع معلمه والا مديره والا طالبه .. < - متعوب عليه سواءً ياليت تسدح لنا هنا علشان تشاركنا الضحك ... , < - اولله طالبه علم تحلفون انه ما ردت اليوم على موضوع تقول ليه الاهمال بطلاب العلم ..وسيعة وجه رضي الله عني ... المهم ما نروح بعيد .. ابتدائي .. اول وثاني وثالث ورابع وخامس النصف الاول .. طالبات المدرسه .. مصريات وسودانيات و صوماليات وبنقاليات ويمنيات وسوريات واندونيسيات وافغانيات مع شوي سعوديات  هن قاطات معنا والا انا قاطه معهن ما ادري .. جاليات واستريحو .. , طبعاً كنت قمة في الادب والاحترام مع المعلمات و شاطره .. ان خربته طلعت عند الباب لمين تجي الابلا .. نجي الصبح طبعاً كالعاده تستلمنا المديره هواش عند التأخير .. همن نروح للفصل وناخذ الدرس الاول يوم الاربعاء الحصه الاولى دايم رياضيات نفرتن تلحاوه تسيف ابغضه ماتسد اخذت به درجة كامله الا يوم انا بأول متوسط بالاختبار الشهري .. والى الحين اكل به .. لا عاد لا مسكت مع الابلا كزكزه واااااوووه ودي اموطه . عاد انا دافوره قاعده قدام بالوسط قدام السبورة .. ( مادري وراه حسيت اني إيه يوم قلت سبورة ردديه 5 مرات وانتي تفكرين وشلون جايه ) < - نفر يتفطن روحي جيبي دفتر التحضير روحي جيبي طباشير < - اموت على هيك سجع وبعد طول انتظار ترن فسحه .. آآآه نفااه مافيه ريحه كريهه هنا يمتلىء المقصف بالزبائن < - والله وتهج به اذكر اني اروح ادخل بالزحمه علشان فشار كرك كراك بالكاتشب  لا اذكر وحده الله يذكره بالخير دااايم الطماط يويدز من اطراف الخبزه .. كان ينتابني شعوور ما ادري وش يبي الا غصب ودي ادري وش هاللي يحط معه طماط بوسط الخبزه  ودي بس أسئله .. وش به خبزتس ! والى الحين راسي يحكن ودي ادري وش بوسط خبزته واذكر مره مدرسه الجغرافيا صبختن مع راسي صبخه الله لا يوريكم  ايده لا اله الا الله كبر قريح ومع راسي بأقوى حيله ! اقعدي لا تسألون هو انا وصلت للارض السادسه والا السابعه .. احس ان المخيخ صار عند رجليني وراسي يدورن فوقه عصافير طيب يامال الماحي قولي لي اقعدي وشوله تصبخينن الى الحين يوجع < - نفر ما يعرف يولف ايه واذكر منول دخلت علينا مدرسه الرياضيات قالت يالله اختبااار .. انا هييييييي مادريت ! ماذا افعل يا الااهي ! اقول لصديقتي وش اسوي اشكي له حالي قالت انا مثلتس .. وش رايتس نغش من بعض ..! < - ما ادري من قوي الفهامه كلنا ما درسنا ونغش من بعض ! قلت يالله ماشي .. ( هنا عاد جا ببالي شي ثاني .. تذكرت جمل ماشي علما ماشي جيت اضمه خطف شاشي < - مير هي تسذا ! )نكمل .. استلمنا الاسئله . بدأنا الحل مااش ما اعرف شي وشلون احل ! ياربييييه وابدا انغز اللي جنبي يالله وين اللي بتغششن !  ونغش من بعض الله يتوب علينا واسلم الورقه وانا مستاانسه احس اني اباخذ 5 من 5 .. جت بكره النتائج وانا واثقه ! طلعت النتيجه .. صادقة الود 1 و نص من 5 صديقتي 1 من 5 انا : كله منتس يالشينه شفتي النتايج كله بسبتس خليتين اغش ! هي : لا والله لو انتس ماخذه 5 من 5 ما جيتي تهوشين انقلعي بس .. انا : مزاعلتتس هي : واقفه عليتس  وزاعلته لمده يومين بس ماش من اقعد معه مكبرتن راسي على الاجنبيات .. ورجعت له على منكس قروني اييه موااقف صارت ولحظات حلووه ومخيفه وصعبه وممتعه مرت علي بذيك المدرسه .. وجا اليوم اللي نقلت لمدرسه ثانيه .. دخلت المدرسه الجديده رحت لفصلي . بسم الله الرحمن الرحيم يناظرونن تسذا >  ودلبيييه شايفين قمررر بفصلهم  < - تغثن الثقه العمياء .. ايه رحت وجلست وسرعان ما صادقت بنات وجتنا ابلا وعطتنا درس . يوم جيت ابروح اصحح مريت من عند وحده مقلمته مفتوحه وحاطته بالطرف .. امر اطره وتطيح وينكبن قلامته ومسطرته قلت آسفه < - اخلاق .. امر تقولي جمعيهن  انا : ايه داريه بس على هونتس وراتس عصبتي .. هي : بس مالتس دخل .. عقبه صرت مالي خلقه احس انه مرعبه ايييه يالايام .. خلصت الابتدائي رحنا للمتووسط .. هناااااا زبدة الموضوع المشااكسات على اصوله .. ^ كل هالقرق وتوه توصل للزبده ×× المتوسط ×× دخلت المدرسه وانا احس اني شخصيااات ويني عند روحي هوو انا بالمتوسط ! والله وش اشوف بالاستقبال المراقبه .. عصلا طويله شعره اصفر نظراته حاده وااضح انه هيييبه . بغض من اول نظره جت لمنا حنا يا اولى .. يالله يا أوووووووولى صفووا طاابور بنقسمكم .. وبثواني صفينا طابور وتبدا تقسم كره فرقتن عن صديقاتي همن يوم قضت بدت عاد بالاوامر .. 1/ اللي تجي وهي فالتن شعره نبي نطلعه وتكتب مخالفه .. 2/ اللي تجي بعد 7 الا ربع يحسب له تأخير ! 3/ اللي ما تلبس شراب رجلين نعطيه مخالفه .. 4/ اللي تلبس الوان فاقعه احمر اصفر برتقالي تفاحي من هالطقه تاخذ مخالفه .. 5/ اللي تلبس صندل او شبشب ( شحاطات ) نعطيه مخالفه ..وخوذي يا تهديد وتصييخ من اول يوم واسمعي ياجاره < - طافتن به تحطه بكل محل بدينا وبدا التأخيير المعهوود .. صفحه التوقيع على التأخير وصلت صفحه ونص ! دايماً العذر اخوي ما قام .. تقولي مهب عذرر اجل امي ما قامت ! حتى مهب عذرر يوم خربته جيت بازتن بروحي قالت وراتس متأخره .. انا : هااه ! سيارة ابوي مبنشره .. وسيارة اخوتس وينه .. ! < - تحلفين انه قاطه معنا .. قلت بايعينه .. قالت سبحان الله  تقل واقفه الا تصدق ! وطبعاً العلثه كلك اصلا < - من اليوم ماسكه طبعاً و ماش وقفه على الاطلال < - ولا حرف .. على طاري بدينا وبدا في ثلاثه .. ثنين بدو وواحد ما بدا عدنا امم تبي تسألين كم مره هجيتي عن حصه الانقليزي اقولتس لااااا ! قولي كم مره حضرتيه .. !علشان تسذا لا جا الاختبار ولاي دبشتن صقعا مادري وين الله حاطن الاختياري بالاختبار حقرا بقرا تدهر علشان تسذا اخذت درجة كامله التفصيل والخياطه مير ما ادري أي يوم علينا نادراً احظره .. همن اخر الدراسه تجي لمي .. يا صادقة الود وين دفترتس ما بقى الا انتي همن اخذ الغرز حقات البنات وامكعهن بكل ما اوتيت من قوه .. والزقهن بدفتري واجي طايره .. انتهت اولى وثاني على خير .. مع انه فيه هجات الى بتله .. بنسبه حليوه أعتبر من الشطار الحلوين .. ثالث متووسط السنه العالميه لتطير عقول المعلمات ..! تمر من عندنا تقول يالله يا ثالث انا عليكم .. < - طيب ستاذه الحين اجي واسحب عليه ! ما يصير موجود بالفصل الا الاولى والثانيه والثالثه .. واللي يصيرن نيمات .. والباقيات برااا ! اعرفي اننا اذا جينا بنص الحصه ستاذه تسمحين ندخل ؟ وحنا بالطريق للكرسي < قبل نسمع الاجابه منه ! تقول تفضلوو ياويلي تبي احد تشرح له مابه حيله ! التدبيـر وما ادراكِ ما التدبيـر .. المريله مير ماشريت خير شر . صادقة الود جايبه الدفتر والمريله ! بكل بروود لا ستااذه .. وراه ! وش عندتس به دايم ما تجيبين .. استاذه والله الدفتر دبيي ثقيل ومابي حيل اشيله .. والمريله ضايعه .. لا صار علينا الطبخ غبت واذا صار علينا التنظيف صرفته ستاذه غسلت المواعين ستاذه ستاذه ! اما لا صار علينا الارضيه افل حجاجي احتري يقضي الدرس مهب كله حرص .. بس اكب من هالفيري وخذ يا تزحلللق ! والله ياهي انواع الوناسه .. بس من قال اني تسد مسطت  والله ياهي احرااااااااج  بثالث مالي الا دفتر علوم ودفتر تاريخ علشانن اكرره مشاااكساات وموااقف مره وناسه لكل البنات اللي ضد المداارس .. اللي عنده اي موقف تشاركنا به .. واذا لقيت تفاعل كملت معكم لان مواقفي لا تعد ولا تحصى .. واذا ما لقيت تفاعل نسفت على الموضوع جدار .. ملاحظه : اي طالبه مجتهده تحب المدرسه والا تقول لا ترا هذا مستقبلتس الله يجزاتس خير غبي ردتس لتس ع ـاد انا كلشش ولا المدرسه التفاحه الي بالتعبير حق ثالث ابتدائي تدرس قاعده اجلد كتب البزارين امر اشوفه قدامي من الفضاوه رسمته  < - الله يرزقن حب الدراسه انتظرركم .. .: )
__________________
.
آخر من قام بالتعديل صادقة الود; بتاريخ 14-10-2008 الساعة 01:36 AM. |
|
|
|
14-10-2008, 01:30 AM
|
#2 |
|
موطن الجمال
تاريخ التسجيل: Jan 2008
البلد: اللهم اهدني ونوّر بصيرتي .
المشاركات: 4,249
|
لا ترا هذا مستقبلتس .
من يقول ان به احد يعاند يمكن ارجع بس والله انتس مفهيه الفيري حاجه ثانية
__________________
' إنّ الله معنا . , |
|
|
|
|
14-10-2008, 02:05 AM
|
#3 |
|
عـضـو
تاريخ التسجيل: Aug 2008
البلد: حَيٍثُ آَكُـونْ ~
المشاركات: 1,299
|
.
ياحبيلتس ياصادزهـ
والله لو أبتل أعـــــــــــد المواقف اللي صااارت ماقضيــــــــــــــــت بس الهج حدث ولا حرج طبعاً الله يخاف علي ببركـ من إن مابديت أهج إلا بثــــــــانوي واللي شباً تسبدي إني شـــــــــــــــــاطرهـ نوعاً مـــــــــا بالمتوسط >>>>إيه هينبس بأول ثانوي الســــــــــــــابعهـ عندي محذوفهـ أنزل تـــ ح ــــت يصرون ثاني وثالث ماعندهم شي وأقط معهم وأن كتب الله وحضرت نــــــــــــــــــــمت  وأذكر أن عندنا معلمهـ بثانوي إذا تأخرتي تطلعتس بررررررررررا هذا أزين مــــــــــــابهـ وياالله نص الفصل يتأخر عشــــــــــــان طلعهم براااااا وثــــــــــــــاث ثانوي وزينهـ زينهـ مايحضر إلا وحدهـ والبــــــــــــــــاقي تــــ ح ـــــــــت إن حضرنــــــــــــــــا ماخليناهـ تشرح شي  بس أذكر موقف بثالث متوسط والله ياأنا أحس إني تنكهـ هالكليوم  إيقالي أبهج أمر أنزل يوم رقيت أثرهـ الهبـــــــــــــــلا((عفواً البـــــــــــــــــلا)) توهـ مابــــ ع ــــــد جت والمرشدهـ آآآآآآآآآآآآآآآآآآآآآهـ أكرـرـرـرهـ كرهـ ماتسد كرهت أحد مثلهـ متبليتاً بنات المدرسه بليه حسبي الله عليهـ  
__________________
>>يَ إلهيً لآ تحرمنيْ مطلبي !
فـَ آنتّ وحدگ من يعلم , گيف آنسجُ آحلامًي گل ليلة و آنامُ على آملِ تحقيقهآ في آلصبآح ! آؤمن گثيراً بآن آلمسآحة آلفآصلة بين [ آلحلم وآلوآقع] وبين [آلسمآء والآرض] مجرد .. "دعـــــــــآء"• |
|
|
|
|
14-10-2008, 02:05 AM
|
#4 |
|
عـضـو
تاريخ التسجيل: Oct 2008
المشاركات: 82
|
ممكن سؤال وش نوعية القلم اللي راسمه به؟؟! >>خارج النص
|
|
|
|
|
14-10-2008, 02:15 AM
|
#5 |
|
عـضـو
تاريخ التسجيل: Apr 2008
البلد: القويعيه
المشاركات: 61
|
يآه ياغاليه
ودي اعيد مرحلة الثانوي بس كله عشان أكون أكثر شقاوه  مع اني ماقصرت : اتذكر اني في بدايات الشغب وكنت اتلزق بالبنات المُشاغبات ابي اصير زيهم قالوا ترى ابلا روضه ماتحب احد يدعي عليها اذا هاوشتك ادعي عليها الموهيم دخلت علينا ابلا روضه واتهمتني اني اسولف وانا والله دابه سليمه ماسولفت حلفت لها بس قالت لأ انتي اللي سولفتي المهم أنا جا ببالي نصيحة زميلاتي قلت الله لايوفقك امحق دعوه كلن انهبل مني هم يدعون عليها بشيٍ هين وانا جبت العيد الا والله تعصب وتطردني عن الفصل وتنتشر سمعتي اني مشاغبه
__________________
كلهنّ كنّ إناث من زُجاج .. حين أحببنكَ ، وحدي كُنتُ أنثى من حديد .. معك ! ولذلك كسرتهن بـ فراقك .. بينما " إنصُهرتُ " أنا بك ! أختكم : يمامه |
|
|
|
|
14-10-2008, 02:38 AM
|
#6 |
|
عـضـو
تاريخ التسجيل: Aug 2008
البلد: بريـــــــــ....ـــــــ,,,,ــــدة
المشاركات: 609
|
ههههههههههههههههههههههههه
وقسم أنتس فلللللللللللللللللللة أنت ومواضيعتس ذكرتين موقف حصل لي يوم أني بثاني متوسط كنت مسوية نفسي دافورة ومقاطعة صقيقاتي بذيك الحصة  >> الله أعلم وشوله الشطارة جاية ذاك اليوم>> هو بوه أحد قال عشان أبلى هند ماتنقلتس عن مكانتس الموهم مالكم بالطويلة>> وش عقبهكانت عندنا معلمة التاريخ المهم سألت سوعآأأأل من قائد جيش معركة (......) صراحة نسيت بس أنه الجواب كان اسامة بن زيد وانا أول ماسمعت السؤال مستانسة أني أعرفه وع طوووووول أنا أستاذة أنااااااااااااااا أستاذة أنا أستااااذة قالت يالله ياحساس قومي جاوبي أنا(وكل الثقة ذاك اليوم بي): أسامة بن لادن الابلى :وشوووووووووووووووووو أنا(وبكل معاني الثقة) مع رفع الصوت: أسااااااااااااااااامة بن لادن  الأبلى:: أنا: ( لا واقول بنفسي وراه مخبطة هذي)الأبلى :اجلسي اجلسي الله يصلحتس (بعذره حست أن هالحالة ميؤس منها)
__________________
.. يازلة كتبت في غفلة ذهبـت..ياحسرة بقيت في القلب تحرقني .. آخر من قام بالتعديل ..احساس..; بتاريخ 14-10-2008 الساعة 02:41 AM. |
|
|
|
|
14-10-2008, 03:56 AM
|
#7 |
|
قبس دائم
تاريخ التسجيل: Jan 2008
البلد: بحارتن جميلة ()
المشاركات: 4,192
|
,
, , , , موزوع شيئون مآيبيله إلا أنا ويكمل <<-نفس ثقتس العميآء صآدزهـ والله يآنتي منتب على اسمتس كل شيء تسذب آني قمزت من المدرسه أربع مرآت ونبطت أبلة التدبير من فوق وجبت ثوم وبغرفة المديره حلتهن <<-مهب أخوي اللي يحتسي  أكلك ~ الإبتدآئيه ..؛ ~ الغيآآب مآتسد غبت إلا لآصرت تعبآنتن قوّتن قوّه يالله أتحركـ يعني أولى غبت يوم و ثآني النصف الأول ولا يوم والنصف الثآني يوم وهكـزآ لآ تحسبنن من زوود الشطـآره مـآأغيب بس أحب أروح عشآن أخآف يصير بوه حفله ولا طبق خيري همّن يفوتن <<- تفكـير ’’ العجيب إني يوم أنا بأولى أول اسبوع بس أصيح غثيت أختي ..! وكل مآرجعت أختي من المدرسه:" يمّه منب رآيحه بس تصيح وأمي تقول لي :"اسمعي يآأم الهبآل ترى إن صحتي ببطونتس ابره وأنا اللي أقرط ولا أحتسي أحب المدرسه بس بي بلا الصيآح أولى نآسيته كلش كلش ولا لي موآقف إلا أخبر مره زآعلت بنت وجت أخته لمـ أختي وبدت تهوشه ورآه أختس تزآعل أختي <<-يآكرهي للي يتدخلن بخوآتهن ولا تجي إلا تصآدقين أختي تخيلوآ أتمشى معه وأنا مغصوبه الله لا يقولوه " إيه وأنقل لمدرستن ثآنيه وألقآه أونس ونآسه تصلح لي هالمدرسه وعلطول أجمّع لي صديقآت إلى هالحين وأنا ويآهن شله <-الله لآيفرقنا ورآحت الإبتدآئيه بخروجي بالحفلآت وتمثيل دور العجآئز والإذآعه مآيمسكه إلا أنا ودآيم أجيب لي انشوده وأنشده نوبتن جبت لي انشوده وأجمع بنآت يطلعن ورآي <<-صآر حفل موب إذآعه وأتنحنح {أول مآنبدى بسم الله لوجيه الخير نحيّيهآ .. البنآت:لوجيه الخير نحيّيهآ ..عآد تعرفون آخره كلّه خطبه ومآخطبه وشروط عرس مآدري وش دخله بالإذآعه بس يقآلنـآ بنبدع ونجيب شيء جديد ووحده مره لبست بنجآبي بالإذآعه وبدت تنشد [بآبآ في قول هندي أنا ـهههههههههههههـ <<-مآقلت ملفعه ترآي إيه وأروح من الإبتدآئي وألف خمس طعش شهآدة شكر وتقدير ونشآط أهممم شيء النشآط ~ وأجيتس وندخل {المتوســطه ~ مرحلة المشآكسه والعفرته والهبآل والشطآنه والي تبون أولى متوسط طلّعت كل الشطآنه المكبوته بالإبتدآئيه بس ولله الحمد والمنه أقرى وردي فلزآلك خرقت ولمـ أرى ورقة التعهد بتآتاً وآخر السنه (استآذه حللين وآسفه ووالله إنتس حبيبه إلى مآفي ذلك من الشحط والشحيط وثآني عقلت شوق إلا مع أبلة العربي اللي كره العآلمـ بوه ويآحول صآرت به لكــن جآن حقّي <<ايقآله بتجحد وأبلة الريآضيّآت دآيمـ نقره معه <<بدون قلة أدب طبعاً لآ غبت قآلت وآسفآبه من بتهآوش معه.. , لـكن أحظى بحب المعلمآت خآصتن المرشده لآ سويت شيء رحت لمّه تفزع لي عندهن طآهره وبريئه ومن ورى الله أعلم مـآأخبر جت أمي تسأل عن إلا يقولن :أم الهبآل مآعليه مآشآء الله ممتآزه ومتفوقه لكـن هه به شوي حركه دآخل الفصل وأمي :إيه نأدبه أما الهج عن الحصه فلله الثنآءُ الحـسن منب من اللي يهجّن بتله بس هه أول عشر دقآيق والحصه الرآبعه ربع الحصه نكمل الفسحه , وثآلث متوسـط الأبلآت محترمآت فقلت نحترمـ ورآحت هالمرحله بسوورعه وآجده لزآلكـ مآبه فآتح النفس .... خرقت من المتوسطه وأنا مطلعه كـل مآ ورآي ودوني من الشطآنه .. <<-ومع ذلك الإذآعه مآسكته <<وسيعة كشره وأذنن منقطعه من معط أبلآت العلومـ لأذني مآدري وش جآيزن لهن باذني لآسألت معطت اذني وقآالت :نعمـ وش عندتس وهي تضحك <<وسيعة هالوجه إيقآله تمون ولا أحب إلا أبلآت العنقليزي و دفآتري مـآأخبر صآر لي تفترن كآمل كلّهن نآقصآت.. ~ الثآنويّه...} ~ تقل هبطنا شوق بس لآزم وسـط السنه نلف شوق همّن نتعدّل بس الونآسه بهالمرحله إن أختي اللي أتسبر من رآيحه من هالمدرسه وهي سمعه صح وإمتيآز فلزآلك المعلمآت يحسبنن مثله وصآيرتن كل يوم أشحّط وورقة التعهّد رآيتها بالثآنوي واسمي مآكد سمعتوه مآينآدونن إلا باسم اختي ====== يوم حنّـآ بأولى ثآنوي جت لمّنـآ أبلة العربي وهي حمدزتن على كـل الفصل .. وبدت تهوش وورآكن تسذا لكن أربع حصص وأنتن متغيرآت وينكن أول السنه أدب وأخلآق <<-أول السنه طفّه الله يآجرتس وتقرق وتقرق يومـ قضت قآالت يالله بنحـل المشكلهوش بي تغيّرت أنا عليكن ..الخ.. قآلت بنت قدآمي طآهره يآحول ومهوب قصده شيء:"أنتي أستآذه من أول مآدخلتي علينا وأنتي مآوريتينا العين الحمـرآء حنّـآ أستآذه لآشفنا الأبلآ شخصيه صرنا مؤدبين ولا صآرت الأبلا حبيبه نهكـ عليه ..<<-بنآت الفصل وجيههن مثل هالفيس <- وجي تنغزه ملفعه:"هيه كبيتي العشآء قآلت الأبلآ:"اطلعي برآآآآآآ .. وجي نفزع حنّـآ والبنآت قآلت ملفعه:"أستآذه خآنه التعبير ولا هي موب قصده تسذا .. وأنا:"إيه أستآذه هي قصده إن بعض البنـآت مآيمشن إلا بالعين الحمرآء.. وكـل وحده تبرر له وهي يآحول طلعت من الفصل ..! والأبلآ شآبتن ضو وعدزبه مآشفنا الحبآبه معه وطلّعت العين الحمرآء اللي نبي [صآدزه نأسف لتخريب الموزوع صآر ردّي أطول من موزوعتس ]
__________________
. . . ثمّة نساء يُصبحن أجمل في الغياب "/ ! . آخر من قام بالتعديل بريداوية ام الهبال; بتاريخ 14-10-2008 الساعة 04:01 AM. السبب: صآرت يوميات موب مشاكسه ذذ |
|
|
|
|
14-10-2008, 07:32 AM
|
#8 | ||||||||||||||||||||||||||||||||||||||||||||||||||||||||||||||||||||||||||||
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
ـههههههههههههههههههـ ريال
زيي ولا الحمد لله رب العالمين لمين تقضي السورة
حقاتي لا قضيت منهن عطيتهن بنت عمي موفرته
ـهههههههههههههههههههههههـ // موضوع بطل ويبي له قعدة ! مميز على مطارتس
__________________
|
||||||||||||||||||||||||||||||||||||||||||||||||||||||||||||||||||||||||||||
|
|
|
|
15-10-2008, 04:34 AM
|
#9 |
|
عـضـو
تاريخ التسجيل: Oct 2007
البلد: buraydah
المشاركات: 870
|
.
{ مميز ~ لي عووده مع الجزء الثاني وتعقيب على الردود ! .: )
__________________
.
|
|
|
|
|
15-10-2008, 06:24 AM
|
#10 |
|
عـضـو
تاريخ التسجيل: Oct 2007
البلد: buraydah
المشاركات: 870
|
.
{ مشاكسات المدرسه ~ × 2 × بالمتوسط وبالتحديد بثاني ... كان علينا تفصيل وسبحان اللي كرهن بهالمادة ! ابغضه كثر بغضي لرسايل الايميل ..المدرسه عليه الهداره شوي والحبابه لذالك لازم نستغل الفرصه !رحت لمه بأول الحصه .. انا : ستاذه تسمحين اروح لمدرسة الدين ! هي : ليه وش عندك ؟ انا : تبي تختبرن لاني امس غايبه . هي : خلاص روحي .. ومن هنا هجيت هجه مؤدبه فيها استأذان طيب وش اسوي انا ! اهج لحالي .. قمة الكسل ! زي ابتدائي اهج اروح اسولف مع الفراشه ! المهم قلت لازم اروح ادور على الفصول واشوف فصل معلمتهم هدره . وادخل عليهم ستاذه تسمحين فلانه ! ان المدرسه الفلانيه تبيه .. وتطلعه ونهج سواا ! عليهم تدبير وعلينا تفصيل كلنا على حصتين ! وننزل تحت ودوران وضحك وسواليف وفله .. امر تطلع علينا المراقبه المرعبه .. قالت وش تزينون ؟ قلنا نبي نروح للمدرسه نبي نسأله عن التحديد .. ( حتى عذر اقبح من ذنب مالقيتوا الا انا اسأل عن التحديد )قالت تبون المعلمه وتدورون وتزعجون الفصول وضحك وسواليف ! يالله امشن قدامي .. يافرحة ما تمت ونروح وتكتب لنا ورقه هروب من الحصه تقول كل وحده تعطيه المدرسه اللي عنده .. ولعلمكم تراي ابسألهن .. ونكتب مخالفه ونرقى يوم وصلنا فوق والبنت الي معي حمقتن علي انا وفكرتي الهدره تقول الحين وش تبي تسوي الابلا ! امر افطن اننا ما علمنا المراقبه المدرسات اللي عندنا ونشققهن ونكمل الهجه يوم قضت الحصه رجعنا ! وتمت الفرحه بنجاح مره بثالث متوسط هجينا عن درس الانجليزي امر تطيح بنا المرشده .. عاد اشين شي ان المرشده تقرب لوحده من قريباتي .. وبس تخرره اي شي اسويه تروح تعلم وذيك تعلم امي ! عاد مسكتنا وخوذي يا محاضرات ما يصلح و و و الخنفره واكرره عليه < - بس ازين مابه تعطين ورقه يسمح للطاالبه بالدخول .. هــع مره عندنا حصه فراغ .. ذاك الوقت كان عندنا طالبات كليه .. جالسات بالدبير ويحوسونه حوس امر تنزلنا الابلا تقول يالله نظفوه ! خ ـير ان شاء الله ما تبي توت ..؟ امر نرتزز كلنا من اول وحده لاخر وحده ما عندنا نيه نزين شي وتهاوش وتبلعم مادرينا عنه لاحياة لمن تنادي قالت ابنقصكم كلكم قلنا ما يحق لتس ! قالت انتم رفضتوا تزينون اللي اقولكم قلنا اجل يحق لتس نقصي بيدينتس ورجلينتس ولا انظف هالمدود وايقاله شخصيااااات ياويلي وهي ما عندتس احد ×× أختبار خاص ×× جت لمنّا مره مدرسه دبشتن ما تعرف تشرح حاستنا حوووس ! وبالاختبارات تصعب الاسئله وبدون تحديد .. فايدة القلامه معه تصبخ بهن الطاوله وابدوون صووت ! تكتب على السبره وتشرح يخلف الله .. القواعد تقرا القاعده وتقول يالله نحل التدريبات وبدون ما تشرح القاعده . واي وحده تناقشه والا تقوله لا ما فهمنا تقوله ترى ابعطيتس اختبار خاص عقاب يوم حنا بثالث متوسط عندنا خماسي سداسي رباعي مدري وشن الى وقتكم ما فهمت حاقه !تقولنا يالله وش تصير ذي نقول خمااااسي تقول صح حطوا خماسي همن تقول وحده لااااا ستاااذه سداسي همن تقول حطوا سداسي ! وجع نلعب حنا ! وحل الفصل الثاني غير حقنا ! درجااتنا زفت بالاختبار من شرحه اللي يهبل .. واي وحده تقول شي تقوله ابعطيتس اختبار خاص ومن ذاك الحين ما يسمونه الا جت اختبار خاص راحت اختبار خاص مدرسة العربي الجديدة .. شخصيات على كيف امكم وابوكم ايقااله قوويييه واذا دخلت الفصل تصك الباب بوجه البنت اللي وراه يعني مافيه احد يدخل بعده ! واذا تكيسلنا قالت انتم كسلانين معقوله ماتفهمون اغبياااااء ! واذا جاوبنا تشققت خشته تقول انتم اذكيااااااء احسن من الفصل الثاني . وعندهم تقول العكس تحسبه علينا هالحركاات .. مره بالنصوص تراكمت علينا 3 دروس وانا علي اختبار جغرافيا علشاني غايبه . المهم ما حفظتهن قالت يالله طلعوا ثلاث اوراق واكتبوهن . قلت لاااااا مهب على كيفتس وراه ما حطيتي كل درس بوقته ! وهواش وصجه ولجه واخر شي قالت اكتبي اسمتس وعطين اياهن فاضيات امر اكتب اسمي واحط لم احفظ بسبب تراكم الدروس وعدم تسميع النص بعد الانتهاء من الدرس .. قالت امسحيه قلت لا ! قالت والله لاحط لتس صفرر .. اصلاً من حينه ناويه تحط صفر بس ما وده لا اعترضت يصير عندي حجّه .. قلت حطي صفر وانا اخلي ابوي يتصل على ادارة التربيه والتعليم ويشتكي عليتس علشانتس ما تسمعين بوقته ! قالت خلااااص لتس لمين بكرا اذا ما حفظتي بحط لتس صفرر سامعه !خاافت تعبت من التذكر .. لي عوده .: )
__________________
.
آخر من قام بالتعديل صادقة الود; بتاريخ 15-10-2008 الساعة 06:28 AM. |
|
|
|
|
15-10-2008, 07:23 AM
|
#11 |
|
وقع مختلف
تاريخ التسجيل: Dec 2005
البلد: الجنـة .. أنا بهــا إن شاء الله !
المشاركات: 4,569
|
ــهههههههههههههههههههههههههههههههههههههههههههههــ بصراحة ماقريت كل الردود تعبت .. !بس فيه موقف جارحن مره مره .. يوم كنت برابع ! كان طابورنا < يا أنا اكرهـ كلمة طابور وفسحة وطلعة وساحة .. !المهم .. طان طابورنا بجنب الدينمو والدينمو فيه ليّ لغسل ساحة المدرسة , عاد ذاك اليوم جت وحده من بنات سادس اسمه عمشه .. !حسبي الله عليه .. فتحت الدينمو وهجت .. !وكنت من سوء حظي من سوء حظي .. إني كنت أنا اللي بجنبه ! جت المراقبة أم أظافر طوال حسبي الله عليها ولايوفقها , وتجلس تهاوشن ولاعطتني فرصة أتفاهم .. عاد أنا كل شي ولا الهواش مهما كان الشخص .. لمن جلس يهاوشني أحد أو يتكلم علي حتى الدفاع عن نفسي موب قادرة أدافع ! خلاص ينربط لساني .. أصمتْ وبس ! والله وتجيتس شهدهد وتخر الدموع .. !عاد أنا بصراحة الصياح مااااايبي لي , وإلى الآن .. !الصياح .. أنتي بس أشري له ولايقصر معتس ابن الحلال .. !< أكره هالطبع فيني .. \\ ! ومر اليوم بدعوات عليها .. الله يتقبل !وإلا يوم كنت بأول إبتدائي .. << حطوا تحتها ألف خط ! كانت معلمة القراءة .. أول درس لنا بالكتابة ! عطتنا الدرس عن طريقة كتابة حرف الألف .. ويالله يابنات أكتبنه بالسبورات اللي معكن ! حنا تونا أطفال جدد على الدراسة والكتابة .. مانعرف شي ! المهم يوم شافتن ماكتبت الهمزة صح .. وتممعط اذني بحيل ماتقوى .. !حسبي الله على من جابتس .. وشوله مقابلين خشتس حبن لتس ؟! جايين تعلمينا عسا حاجتنا موب عندتس ! ^^ [ وأعتقد إن هالموقفين هم سبب أول بكرهي للدراسة .. ! ] أما بأول ثانوي بالحكومية .. !تناقر أبوي مع مدرسة الفيزياء .. !تثيّر أبوي .. بأفعال تسويها بي هو يكرهها , تكلمت علي بكلام غير لائق وأتهمتني بشي ما أرضاه .. وأنا أسكت ! وحاطتن على قولتهم دوبه بدوبي .. الحقد ومايسويه ! وأناما أجادلها عشان ماترفع صوته علي , فقط .. أعبي أبوي !ويراسلها بظرف ويكلمها بالأوراق .. وتزيد ! يوم صار آخر السنة وترسبني وعدت دور ورسبتني وضيعت علي سنة حسبي الله عليها مع إني ضامنة النجاح 200% ! << أتصلت صديقتي على أمي كنا بالباحة .. وتقولها إني رسبت وتجي تقومن أمي .. قوميييي أتصلت مي تقول إنك رسبتي ! أنا .. !ويتصلون المعزين والمواسين لي من حميع الأنحاء .. !الله يجزاهم خير والله ماهونوا علي إلا اللي أتصلوا وكلموني ! المهم وصل الأمر للوزارة والمسؤولين وو و .. لأنها تعدت حدودها أشتكاها ومسكت حده شوي لكن مازالت حاقدة , ورحت للأهلية يالله من فضلك وتركت لها المدرسة .. تتجر به ! عاد يوم جت أختي عقب ثلاث سنوات .. لنفس هالمدرسة ! جلست تاخذ أسامي البنات .. وصلت لأختي وش اسمك ؟ فلانة الفلاني قالت هالمدرسة .. أبوك إبراهيم ؟!قالت إيه .. !لازال رعب على قلبها ومانسته .. !واوك يا أنا طولت .. !والله الظاهر محد قاري ردي .. !
__________________
وقُلتُ يا أمَلي في كلِّ نائبة .. ومَن عليه لكشف الضُّر أعتمد [ اللهم اشف بنت عمتي أنت الشافي لا شفاء إلا شفاؤك شفاء لا يغادر سقماً ] . |
|
|
|
|
15-10-2008, 10:11 AM
|
#12 |
|
فكر نير
تاريخ التسجيل: Feb 2002
البلد: بريدة بقلبي و أنا بعيدة
المشاركات: 1,915
|
وناسة مواقفكن مووووووت
- أما أنا صراحة كنت ممتازة ومؤدبة وكل سنة أصير المثالية ... لذلك ماعندي مواقففففف مشاغبات ........... {{ ترى من جد أتكلممممممممممم لحظة لحظة تذكرت شيء .. مرة لما كنت بأولى ابتدائي كنت ممتازة والأولى عالفصل <<<< اذكروا الله لا تنحتونن <<<ههههههههههههههههههههه المهم كان فيه وحدة مصادقتني غصب ولاتبي أحد يكلمني أو يصادقني !! وانا ساكتة ومالي لسااااااااان أدافع عن حقوقي بمصادقة من اريد !! المم كان معنا وحدة ياحبي له بريئة مررررررة وحبوبة جت مرة تبي تمشي معي أو مدري وش تبي .. ومير تقول لي صديقتي الي غصبن عن .. :: ( احلتي عليه قوطي الميراندا الي معتس ) أنا بسم الله علي وعليكم مدري شلون سمعت كلامه وحلته <<< توقعون كان عندي حالة غسيل دماغ ذيك اللحظة !!! المهم كان القوطي فاضي بس والله إهاااااااانة له حتى لو ما اوجعه .. وبتلت السالفة بقلبي .. ومت من الندم .. وتمر السنين والسنين .. ,اسجل بالكلية وإذا بالبريئة معي بقاعتي ,, عرفت عيوونه قمة الطهر والبراءة ماشاء الله...... المهم أنا ذيك الساعة كبرت وصار لي لسااان وطيران لممممه .. واسلم واعتذررررررررررررررررررر منها على ذااااااااك الموقف الباااااايخ >>>>>>> تخيلوا اعتذرت بعد أكثر من 11 سنة .. طبعا هي ضحكت .. وسامحتني .. وعلى فكرة لقيت نفس ذيك البنت الي مصادقتني غصب بس بقسم ثااااني وسلمت عليه بس استحييت اسألها ليييييييييييييييييييييييييييييييييش كانت ماتبي احد يحاكيني غيرها !! وهذا مالدي .. مالي خلق افكرررررررررر.. ومشكورة ياعسل على موضوعك اللذيذ ..
__________________
 احبكم في الله يا أغلى أخوات .. و اعذروني .. سأنقطع لفترة ..
|
|
|
|
|
15-10-2008, 03:55 PM
|
#13 |
|
حنا لها و قدها
تاريخ التسجيل: Mar 2006
البلد: حَيْثُ السُّكُوْن ~
المشاركات: 2,277
|
وعليكم السلآم ورحمة الله وبركاته
~ صادقة الود } والله يا أنتيي توووووحححححفة ـههههههههههههههههههههههههههههـ الردوود كثييييرة ماشاء الله ومادري وش أبدي و وش أخلي <- تقل أنا صاحبة الموضوع ..الصراحة ما في بالي شي حالياً ..بس ولايهمّتس .. من أشتري لي ram جديدة رجعت للموضوع ..> الذاكرة زيرو <
__________________
فـَ تَحَوَّلَتْ أَسْوَارُ القَلْعَةِ إِلَى { أَشْلاَءْ | ، ! |
|
|
|
|
15-10-2008, 04:27 PM
|
#14 |
|
عـضـو
تاريخ التسجيل: Aug 2006
البلد: في بلد الحرمين
المشاركات: 299
|
أهليناااااااااااااااااااات صراحه الموضوع روعه
لكن ههههههههههههههه أنا مالي مواقف لاني أحم أحم شاطره ومنتازه ومثاليه............ قولون ماشاءالله موقف واحد هواللي صار بثالث ثنوي وموانا السبب صديقتي اللي جنبي كانت مخروشه لا جت المعلمه اللي مااطيقه تبدأتطلع صوت تضغط برجلي وترن وتقول افتحي والمعلمه تشرح وخذي تهزيء بالبنت لكن مايفيد
__________________
سبحان الله وبحمده سبحان الله العظيم
|
|
|
|
 |
| الإشارات المرجعية |
|
|
النمط المتتابع
