[إكسير]

سلامـ وتحية لكمـ , , ,


وبعد إلحاح كبير على الوالدة بأن تكشت وتغير جو . . . وافقت الله يرضى عليها . .

وجهزنا أمورنا . . وطلعنا بعد الظهر , , ,

متجهين من جهة " الربيعية " , , ويومـ وصلنا مزارع " متعب " إلا والخط واقف ! ! !

والسيارات واقفة في كل المسارات .. " أربع مسارات " . . . والعالمـ واجد , , ,

وش السالفة ؟؟

ومحاولات للخروج من الزحمة . . ولا قدرنا . . .

وكل الظهر واقفين , , << تقول انصراف من عرفة <<

والمشكلة رقمـ الشرطة " مشغول " ! ! !

بصراحة أول مرهـ أشوف رقمهمـ مشغول , , ما كأن فيه سنترال ! ! !

الموهمـ وبعد محاولات من الاتصال . . ويدق الحمد لله . . ولا يردون حتى قطع الخط

وبعد جهد جهيد ويردون . . .

هاهـ تدرون عن الزحمة ؟؟ قال إيهـ عارفين ومقدرين والمعذرهـ وووو

ويقول : فيهـ النقيب فلان الفلاني . . " الله يذكرهـ بالخير " . . .

بصراحهـ مدري قل تدبير .. أو مالهمـ خلق يداومون . . أو ماسكتن غلطـ في تصريف السيارات ؟؟

يعني ناس مقابلة ناس . . وهمـ يناظرون . . . والناس قاعدهـ توجههمـ . . وكل شوي رأي خبركمـ أنتمـ ..

تعرفون كمـ جلسنا في الزحمة ؟؟؟

{ أكثر من ساعتين }

يعني الكشتهـ كلها صارت " صف سرا "

وسألت أخوي اللي شفتهـ مقابلنا في الطريق . . يقول نفس المشكلة ساعتين واقفين , , ,

والمشكلة نفس الحدث في الأسبوع الماضي , , ,

والمشكلة هي : تلاقي السيارات وجهاً لوجه . . .

ولا فيه إلا خمس عساكر أو أقل . . . مدري شسالفة ؟ ؟ ؟

ومدري ليه وضعنا سيء , , ,

والله المستعان ......

[ღ ليالي نجــد ღ]

من ضمن الواقفين ســرا بس أظن أكثر شي كان معطلنا شاحنه


’

كشته للربيعيه ’ التوبه وأخـر نوبه




’

[الصباخ]

هههههههههههه أبوفهد.
حسوا بمعاناة أهل الرياض.
حنا نقعد كل أسبوع ساعتين بالزحمة وتعوّدنا عليه.
وأنتم ماتجيكم الزحمة إلا مرة بالسنة وضايقتن صدوركم .

[إكسير]

اقتباس المشاركة الأساسية كتبها دوسرية ودعانية من ضمن الواقفين ســرا بس أظن أكثر شي كان معطلنا شاحنه ’ كشته للربيعيه ’ التوبه وأخـر نوبه ’

لا ,, الله يصلحتس يابنت الأجواد . . . مب شاحنة . . .

أنا وصلت بعد العصر طبعاً . . ونزلت أبي أهوش من القهر

يومـ شفت كل العالمـ مثلي سكتت . . .

أثاري السالفة إنهـ اللي جايين من الربيعية مثل اللي جايين من بريدهـ . . .

وتقابلين وجهـ بوجهـ . .

وخبركمـ " المرور " ذكاء خارق في تصريف السير . . .

[هايين]

زحمه
زحمه
زحمه

[ما تَهَاب]

مشوار من جنوب الرياض لشرقها من 12 ونصف الظهر الى ابع العصر والسبب الزحمه ,,, وهذا بيوم دراسه ,,, والمرور خطهم مشغووول!!!.. الله يصلح حالهم ..

[إبراهيم اليوسف]

اقتباس المشاركة الأساسية كتبها إكسير لا ,, الله يصلحتس يابنت الأجواد . . . مب شاحنة . . . أنا وصلت بعد العصر طبعاً . . ونزلت أبي أهوش من القهر يومـ شفت كل العالمـ مثلي سكتت . . . أثاري السالفة إنهـ اللي جايين من الربيعية مثل اللي جايين من بريدهـ . . . وتقابلين وجهـ بوجهـ . . وخبركمـ " المرور " ذكاء خارق في تصريف السير . . .

هلا بالغالي لا والله موب من المرور الا منا حنا كلن وده يصير الأول خلاص لك مسار واحد محدد لك تتجاوزه أمامك خيارين يا حادث لا سمح الله والا توقف المسار ومع هذا تقول من المرور

[حلوه بضحكتها]

بصراحهـ مدري قل تدبير .. أو مالهمـ خلق يداومون . . أو ماسكتن غلطـ في تصريف السيارات ؟؟



مع احترامي الشديد لهم قل تدبير يعني يشوفون الزحمه من اول الخط لاخره المفروض من البدايه وقفوا العالم وماحد يدخل ويمسك الخط لان الشارع فيه اللي مكفيه من العالم ماشالله .......!!!!

كنا متواجدين من 1ونص الى 4 وكانت كشتتنا بالسياره ..!!

[الكاشت]

والله الخميس والجمعة طريق الربيعية صاير مثل المسار الثالث يو الانصراف من عرفة

ليت المقاول يستعجل بالشغل حتى تخف الزحمة

[توست]

لأن هالشعب الله يخلف عليـهــــم بس.. خلاص حلى هي كل يوم يطلع الواحد ..

[صافي النية]

اقتباس المشاركة الأساسية كتبها إبراهيم اليوسف هلا بالغالي لا والله موب من المرور الا منا حنا كلن وده يصير الأول خلاص لك مسار واحد محدد لك تتجاوزه أمامك خيارين يا حادث لا سمح الله والا توقف المسار ومع هذا تقول من المرور

كلام عين الصواب وأنا أوافقك عليه,,
وعسى ربي يعين الجميع ورحلة موفقة ولو كانت بالسيارة,,


دمتم بخير,,

[قطرات]

تواردت الاخبار اجل ماسمعتو اللي سمعت ؟؟؟ >>> قالو لي وقت الانتظار ان الجسر اللي قدام منكسر وزود سيارتي انخدشت من هالعالم

تحياتي لكم اجل كل المنتدى معي امس لو دريت كان فلينا العزبه بالخط لكم بلا كشته بلا هم

[الـهـواوي]

الحمد لله اهم شي مافيه اصابات ؟؟؟؟!!!!!!!

[إكسير]

اقتباس المشاركة الأساسية كتبها الصباخ هههههههههههه أبوفهد. حسوا بمعاناة أهل الرياض. حنا نقعد كل أسبوع ساعتين بالزحمة وتعوّدنا عليه. وأنتم ماتجيكم الزحمة إلا مرة بالسنة وضايقتن صدوركم .

الصباخ . . الله يصبخ عدوكـ . . .

وهذا اللي مكرهني ما أجي للرياض . . علشان الزحمة . . هاجن لبريدهـ . . .

بس القهر إني مبسوط أنا والوالدهـ الله يرضى عليه . . ثمـ يتكدّر الخاطر ولا بيدكـ شيء تسويهـ

محجووووور .. .. ..