[اخو دريحم]

يالله سنة لاذباب فيها ولا اقراد

نبي سنة نحل وعسل مصفى

شكل البلدية لم يكافحوا الذباب حتى تكون سنة ربيع

يابلدية ويا أمانة بريدة

كافحوا الذبان

قبل الضحية ريحة جلد

وفرث وكرشة ومصران

ورأس وكرعان

خلونا نستانس عفو وعافية

أمطار وإجازة وربيع لكن يكدرنا

هذا الذباب الذي

عجزتوا تكافحونه

أين صحة البيئة ....!!!

[زمن التحدي]

اي والله انه ارتفع ضغطي من الذباب ووجعتني يديني من كثر مااهشهن ولاحياة لمن تنادي
صرت ابخ الفليت يضحك الذباب في وجهي ويقولي من هينا من هينا يستهبلون معي000
ابي حل سريع لهن 000

[**بنت منيره**]

والله أنك صادق
اليوم طلعنا نتقهوى بالبر العصر اعوذ بالله ما اشوف اللي قدامي من الذبابين
ابلشننا صارت القهوه والهرجه لهن

[انا انا]

ياحليلكم حتى انتم مثلي انا ماتركون لحالي
حتى وانا اطالع الشاشه ماغير الاحقهن باالماوس
صدق صارت الهرجه لهن

[نـــNAــونا]

أنا أقول لأمي بلشنا بالذبا تقول سنة ذباب لا قراد

قلت لا والله لا ذباب ولا قراد

سبحان الله هذا يعلمنا ضعف بني آدم

[فهد العنزي]

خخخخخخخخخخخخخخخ

انا صرت اتكلم معااااهم

اقوول فكناا الله يرحم امك

وتقل يسمع يبعد شوي ويرجع

[فارس العرفج]

الذباب يغزو بريدة وإذا ماتحركوا البلدية سوف تكون كارثة

شكرا أخو دريحم

ولاتنسى تسلم لي على دريحم

[اخو دريحم]

مشكورين على تشريفكم

فارس ان شاء الله ان مانسيت سلمت لك عليه

[أم جحا]

هذا سم ممتاز لذبان

أسمه : ستيموكل

ٍٍstlmuklL

[مخاوي الزعل]

هههه والله ياهن بلشه المفروض كل واحد معه بفباف يحطه بمخباته وين مايروح معه

[كيك]

فعلاً مشكــــــــــــلة . .

[الـهـواوي]

أنا هاليومين بادي أتعطر بفليت ويالله اسلم

[حفيد اعقيل]

.
.
.

والله يابعضهن إنك تستحي تهشه من كبره

أمس طلعنا من الفجر وكنا شابينن ضو ومع

ذلك كلن ياخذ الصحن بيده لاجاء ياكل

وأما البيالات فحدث ولا حرج من كثرة الغرقى

من بني ذبان

حتى ماينفع بهن تهددهن بالريد يقولون جب اللي

أنت تبي خلاص راح زمن الإستذلال - على حد قولهن -

[زاد المتقين]

يأخواني الأعزا - كما تعلمون قوله تعالى(ولله جنود السماوت والارض) قد يكون هذه عقوبة من الله على مايحصل من معاصي مقابل الأمطار والخير فأن الشكر يزيد الخير والعصيان ينقص الخير
بدون هوش وزعل عندك رد إطرحه بأحترام ؟