[السوحي]

السلام عليكم

ياهلا ومرحبا

من دون أي مقدمات هذا واحد حبله وحده ومن شدة تعلق قلبه به لقب بمجنون ليلى وحيكت كثير من

القصص حولهما . أما أنا فعندي سالفه من سواليفهم ماأحد قد سمع عنها .

هذا الله يسلمكم ومن النار يحرمكم وللجنه يقربكم أبو ليلى قرر أنه يرحل بالعائله لم العراق يدور

العيشه وفي يوم من الأيام دخل على البيت وقال يالله ضفوا العفش نبي نمشي يالله بسرعه . قالت له أم

ليلى :الله يهديك وشوله العجله ورى ماتصبر لمين باكر . قال : يالله بسرعه بس قبل الليل البعارين

واقفه عند الباب بسرعععععععه . وفي الأخير شدو عفشهم ورحلو .(ماله الا رايه )

بعد كم يوم جاء مجنون ليلى ويدور ويتلفت وثره ماهنا احد قام وش سوى أكيد حجز على اول رحلة

بعارين لا وحجز على درجه اولى علشان ياصل بسرعه . انطلقت الرحله ووصلت بغداد الا هب ويطب

قبل ماياقفون الا علا جبهته بالمدرج ويحط رجله ولا اخذ عفش ولاشي . ويدخل بغداد وينشد ويسال

ويدور ويبترم ويستطلع ويستعلم لين حصل البيت .

ويوم لقى البيت الا هو يدور عنده ويردد ليلى ليلى ليلى ............................

وشباب الحاره يناظرون ها الموقف وش سوو قالوا منهي ليلى هذي حنا اولا منه به . وش سوو بدو يدورون مثله ويرددون ليلى ليلى ليلى ........................................

خادمة ليلى ناظرة مع الدريشه الا عالم مهب صاحين تحسبه مظاهره . وهي تجي لم ليلى وتقوله :

هالحين كل ذولا يحبونك

قالت : لا مهب كلهم اللي يحبن صحيح هو واحد بس .

قالت الخادمه : وش لون نعرفه

ليلى : انا اقولك وشلون نعرفه . وهي تروح ليلى للمطبخ وتجيب ذيك السكين السنعه وتعطيه الخادمه

قالت : اسمعي هالحين تروحين تحت لم هالمهبل وتمسكينهم واحد واحد وتقولين لهم ان ليلى مريضه

والاطبا قالوا انه محتاجه باسرع وقت قطعت لحمه تكون باذن الله سبب الشفاء .... وقبل ماتكمل كلامه

الا الخادمه منطلقه مع الدرج طع طع طع طع طع طع ( يحبه للشر )

وهي تطلع مع الباب الا واحد جاي ليلى ليلى ليلى ............. وهي تمسكه وتساله : هالحين انت ووجهك

تحب ليلى ( والله من زين الاسلوب )

وهو يرد عليه : بالله عليك عاد هذا سؤال أكيد احبه ماتشوفين عيوني غادياتن خضر من الصياح اه اه

اه

قالت : بس ليلى مريضه ومحتاجه قطيعة لحمه من الكتف علشان تصير سبب الشفاء

قال : منين من الثوب

قالت : من الثوب حلوه ذي الا من الكتف .

قال : وش لحمه وش كتوفه وش بعارينه بلا ليلى بلا هك وخري أقول وهو يحط رجله

ومير تمشي اشوي الا الي جاي يهيجن ليلى ليلى ليلى ................................

وهي تنط وتقضبه وتساله : تحب ليلى

وهو يقوله : اكيد احبه شوفي كل هالدواوين شعر بليلى شوفي هه هه شوفي

قالتله : اقول خلنا من دواوينك ترى ليلى مريضه والدخاتره قالو انه محتاجه لقطيعة لحيمه علشان

تشوي ان شاء الله وش رايك .

قال : وشلون وش رايي مافهمت

قالت : اماك تقول انك تحبه يالله خل اقطع قطيعة بسيطه ووديه لهم تراهم يحترونن وان ماعطيته انت

من بيعطيه اجل

قال : وش دخل الحب بالحم والله ينتي خبصتي الامور امسكي امسكي الدواوين ابروح اشوي وجي ولا

تحترينن الماريه الغفله وحط رجله

المهم انه امسكتهم واحد واحد وكلهم ينحاشون وتبين حقيقة الحب اللي عندهم

لين مابقي الا ابو الشباب لاتصيرون نسيتوه هو بطل سالفتنا مجنون ليلى .

مسكته وسالته : تحب ليلى

قال : اغبى سؤال سمعته بحياتي ماتشوفين حالتي وشلون هي غاديه

قالت : الا والله اشوف احسبك طالع من المقبره هيكل عظمي عليه ثوب .

قال : بشري وشلون ليلى

قالت : ليلى مريض....... وقبل ماتكمل كلامه الا الرجال مغمى عليه وياخذونه وبالعنايه والمغذيات

والابر و...و...و.... ويوم فتح اشوي الا هو ينادي ليلى ليلى

ليلىىىىىىىىىىىىىىىىىىىىىىىىىىىىىىىىىىىىىىىىىىىىىىى ىىى

قالت : اوله النشبه اقصر صوتك يبن الحلال فشلتنا ليلى بخير .

قال : لا لا هالحين تروحين لم الدخاتر وتقولين لهم منين يبون بس من الكتف ولا من الصدر والا من

الراس بسرعه روحي يالله .

قالت : ابشرك ليلى بخير بس بغينا نشوف منهو الي صدق يحب ليلى وصرت انت الي تحبه صحيح .


أنتهى

*الكل يقول أنه يحب الله ودين الله وعندما يأتي أمر الله والحاجه لخدمة دين الله تظهر الحقائق .

وسلامتكم

[/COLOR[/CENTER[/SIZE][/CENTER]]]

[مـغـتـرب]

((يازين النخل ..وهـ بس..)) //////مايقلد أحد

[الجارح الذابح]

اقتباس المشاركة الأساسية كتبها الـطـرطـعـانـة ((يازين النخل ..وهـ بس..)) //////مايقلد أحد

[الجارح الذابح]

اقتباس المشاركة الأساسية كتبها الـطـرطـعـانـة ((يازين النخل ..وهـ بس..)) //////مايقلد أحد

[عاشق الريف]

هههههههههه
تشكرات على القصه
واليلتاااااااااااااااااااااااااااااااااههههههههههه

[العفالقي]

جزى الله الشدائدكل خير====عرفت بها صديقي من عدوي-----تشكرياااااااااااااات على الرومنسية اممممحق رومانسية-ههههه

[قباصة من القباصات]

امممممممممممحق سالفة !

[هايين]

ومن فيه يتبرع
الا كان بكلاه
اما الحيمه
جاء العيد

[أبو رُبـــــى]

الوفاء تسايد على الردي .... وإلا الطيب دايم طبعة وفي ....