|[ رحلتي في عطلة عيد الأضحى عام 1429 هـ .. كشتة مميزة ]|

الخفاش · 15-12-2008, 06:20 PM

السلام عليكم ورحمة الله وبركاته

يا هــلا يا هــلا ..
حيا الله الوجيه الكالحة ..
وشلونكم عساكم أستانستوا بعطلة العيد
إيه هذي الدنيا شوي وناسة والباقي شقا أمس بعطله واليوم رايحين تدرسون واللي رايحن للوظيفه
>> أنواع الكسل

أيه نبدأ بموضوعنا ..
ثاني العيد قررنا إننا نطلع مثل الناس اللي تطلع ونروح نشوف الربيع والفلات

أعضاء الرحلة هم :

الصباخ [ الأمير حقنا ]
أبو آدم [ الجني العبد]
أبو عمر اللي هو أنا [ الخفاش ] >> لا ياشيخ

طبعاً لا تستغربون أنواع الهواش والنقرهـ بما أن أبو ريم هو الأمير
عاد أبو آدم يعطيه نظرهـ همن يجلد أبو ريم ويمشي على راينا >> وش فايدة الأمير

مشينا عصر يوم الأربعاء ورحنا مع طريق الأسياح ودخلنا النفود بعد قرية قبه مع العشاء دورنا لنا مكان زين وجلسنا بوهــ علشان ننام به الليله
وهذي جلستنا ..

وهذي عزبة أبو آدم الجديدة حقت قهوهـ وشاهي بس
وكانت الطريقة تصير منه عزبة القهوه والشاهي ومن أنا عزبة الطبخ
بس والله ياهو أشغلنا به كل ما لمسه الصباخ قعد أبو آدم يلجلج ويقول أنتبه عليه يابو ريم لا يجيه شي ترا مهب أزيلكـ

جبنا الكاتم و بديت بطبخ النثرية
و محدثم الطباخ يعني لا تشرهون

هذي مستر لحمه بعد ما نضجت

تفضلوا يالله حيهم

ومن باتسر قبل ما تطلع الشمس

تونا قايمين لا أحد يشرهـ على الحوسه قاعدين نجهز الفطور

جو يشرح الصدر

وهذي زباله الله يكرمكم [ دع المكان كما كان ]

بس الجو صار مزري وعجاج وعلى طول طلعنا

ودخلنا مرهـ ثانيه نحطب

حطبنا وقضينا ثم توجهنا للفياض لتتوشح عيوننا باللون الأخضر الجميل
وصلنا أول الظهر وبدينا نتمشى داخل الحجرهـ

يا ما حلا بيالة شاهي ربيع مع سيحة البال ** في فيضة ما فيها ولا أحد
هذا ربيع وهذا سدر ** وهذي فيضة ما لقينا مثيله

عاد يا فرحة ما تمت وحنا جالسين أندندح من الشاهي قام أبو آدم بسرعه وما أنتبه للبريدز
وطرطخ وكبه علينا همر يبلش الصباخ بفروته وقعد يعصرهــ

بدينا بالغداء وطبخ لنا الشيف أبو آدم حميسة يحبه قلبكــ

الجلسة مع الضوية [ مهم تحط أحجار إذا وجد علشان ما يملى الرماد المكان وخاصة بالفياض ]

الشي الغريب و اللي أول مرهـ أشوفه أن جذع الأرطى يطلع منه دم

غربت الشمس وجبنا الفصفص وبدينا نحمسه لو يدري بنا باجه تسان يصكـ محلاته

أصبحنا وأصبح الملكــ لله
بدينا بتجهيز الفطور بعد ما تقهوينا

فول

مقلقل

جاهز الآن

عاد الزوله تبطحوا عقب الفطور الدسم وأخذوا لهم غفوهــ

مستوى الربيع بالفيضه ذي

ضفينا قشنا وقاعدين نحمي المواتي علشان نمشي مع أن هالفيضة ما تفوت لكن الظروف

قليلا من البسباس

وكما قال الشاعر /
تبسبسوا فإن البسباس ذو منفعة ** لكل نشيط ولو كان مثل الجمل

توجهنا لفياض أم عشر
وجينا لم سكة الحديد وهي تحت الإنشاء

وهذي الفياض

جلستنا ويا زينه من جلسة

بعدها جو لمنا حقين مشعل وقالوا لنا يالله توكلوا نبي نرعى بعاريننا هنا
تمنيت أني بعير ذيكـ اللحظة أنواع الوناسة تطرد بشر علشان بعارين

توكنا على الله ومشينا يم بريدة الغالية مع نف طريقنا اللي جنا من عندوهـ

أتمنى أن تكونوا اسمتعتم بهذه اللقطات
وعذراً على الإطالة

[ هدية الموضوع ] ..

[ أغدي يجي أبو آدم ويكمل الناقص من الصور أو المواقف ولا يهون أبو ريم ]

ألقاكم على خير ..

والسلام عليم ورحمة الله وبركاته ..

A N A S · 15-12-2008, 06:30 PM

يا كثر طلعاتك للبر .

أثري أنا براحه برد وغبرات وصاخه .

ما شاء الله عليك .

بالتوفيق

تلاحظ اني بتله أنا اللي أول من يرد على مواضيعك

.: بصمة :. · 15-12-2008, 06:34 PM

،

كفو يالطير ،،،
كفو يالذيّبان ،

والله طلعه محترمه ،
وبالحقيقة الصور مهنا أزين منهن ،
أتوقع تصويرك على السريع مع ذلك فنان ،

تسلم يا أبو عمر ،
والهدية مقبوله ،

،

**الصباخ** · 15-12-2008, 06:45 PM

هلا هلا.
هلا بالزين كله.
تميّز وبلا منازعة.

الصراحة تقرير أفخم شيء بالعالم.
لا عاد والخفاش اللي مصلحه.
هلاااااااااااااابيييييييييك.

أقول على طاري المواقف ياشين.
أنا ماضيّق خلقي إلا سلق مشعل اللي جو لمنا بفيضة أم عشر!
قال إيش!
يبي يطردنا علشان بعارين!
نعنبوا بليسكم ما تستحون على خششكم؟
تطردون أوادم علشان بعارين؟

بس خل عنك والله يا الفيضة اللي كنا به أول إنه أطلق من فيضة أم عشر بمليون مرة

.
زين إننا جلسنا به يوم كامل.
هلا هلا.

عطوووووووووه تميّز أولاه يامشرفين.

وحيد المعنى · 15-12-2008, 07:08 PM

ماشاء الله شغل نظيف وكشتة جميلة

والطبخ شيئ ثاااااااااااني

بس عاد ضوكم خياااااااااااااال

إلا على طاري الضو وش سالفة البدوي اللي شفتوه فجأة عند الضو ..؟؟؟

فنتاستكـ · 15-12-2008, 07:09 PM

أقول : ترا راعين الهايلوكس اللي وقفوك بفيضة أم عشر مهوب حنّا .. هههههههه ..

أثره أنت الخفاش .. أخيراّ شفتك ذذ .
.
.
تقرير رائع جداً ..

A N A S · 15-12-2008, 07:54 PM

+ رد ثاني

زبيب وشوي رز .

شئ رائع الرحله مع شباب حلوين

بالتوفيق

**الصباخ** · 15-12-2008, 08:23 PM

ياعياااااااااال كل مادخلت الموضوع وشفت الطبخات بدت سعابيلي تتقاطر.
وش السوات!

وحـيــد الـجـزيـرة · 15-12-2008, 08:39 PM

اهنييك ياخفاش انت والشباب على الطلعه الحلوه هذي

الحقيقه ماتفوت الكشتات بالوقت هذا لكن عاد الظرووف

الله يعافييك على التصويير..تصوير واضح ودقيق

abo suliman · 15-12-2008, 09:52 PM

أهي أهي ..
والله روحة هبااااااااال وابتل أقول هبال ..

لي عودة كبر شنب أبو ريم

**حفيد اعقيل** · 15-12-2008, 09:56 PM

.
.
.

ماشاء الله لاجـديد فكل تقارير الخفاش

تحوز الريادة وزيادة

مناظر خلابة .. وصور جذابة ..وصور مقلقل

وفول بدون قلابة

وأناسٍ ملعابة ( معليش لزوم السجع )

كم هو جميل أن توثق مثل تلك الرحلات ..

غير صالح للنشر :

الحمد لله الذي عافاني مما ابتلاكم به ( مايواطن الثوم بعيشة الله)

أربعة فصوص ثوم والله ماأنفس ولا بكمامة يالله مروحة شفط

من حقات الفنادق والمطابخ الكبار ..

وقبل أن أغادر آثرت أن أترك لي بصمة :

من خلال هذه الكيبوردية الطازجة :

[poem="font="simplified arabic,5,orangered,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البر في رفقة رجال مناعير = تطرد عن الراس المعنّى عماسة

علومهم دايم عن البر والطير = ووين الربيع وين نلقى الوناسة

لاأقبلت هلوا بك هلابيك بالخير = وصبوا لك الفنجال عدل قياسه

سوالف ماهي عن القيل والغير = حكمة وضرب أمثال شعر وكياسة[/poem].
.
.

خوي السرور · 15-12-2008, 10:00 PM

هههههههههههههههههههههههههههههههههههههههههههههههههه ههههههههههههه
هههههههههههههههههههههههههههههههههههههههههههههههههه هههههههههههههههههههههه
هههههههههههههههههههههههههههههههههههههههههههههههههه هههههههههههههههههههههه
هههههههههههههههههههههههههههههههههههههههههههههههههه هههههههههههههههههههههه

أبو ريم نيمن بالبر !!

ماجاب فرشة ومعجون ؟!

..

ماشاء الله طلعتكم حلوة .. صح أنه أكل وشوي كشتة لكن أحس أنه وناسة الوناسات ..

تويوتا 2010 : أيقاف أسبوع لتحترم الآخرين

حبة فستق · 15-12-2008, 10:16 PM

يالخفاش

وش الهبآل ذا ؟!
والله يا أنتم مهآبيل قسماً !
الحقيقة إني بلشت بسعابيلي

تسيف ذا فخمين

ياخي أنا مادري وش يجين إذا جاء طاري أبو آدم :P
والله يانا أعزّه معزّة

< وش تلميحه

الله يسلّم عمرك يالغالي على تشنيف عيوننا بالحلو يا حلو ( وردة )

رشرش · 15-12-2008, 10:58 PM

الله يونسكم بالعافية صراحه رحله ممتازه شكرا لكم

15-12-2008, 06:20 PM	#1
الخفاش ربّي لا تحرِمنِي لُقيَاهم تاريخ التسجيل: May 2007 البلد: تحت ظلال السيوف المشاركات: 5,113	\|[ رحلتي في عطلة عيد الأضحى عام 1429 هـ .. كشتة مميزة ]\| السلام عليكم ورحمة الله وبركاته يا هــلا يا هــلا .. حيا الله الوجيه الكالحة .. وشلونكم عساكم أستانستوا بعطلة العيد إيه هذي الدنيا شوي وناسة والباقي شقا أمس بعطله واليوم رايحين تدرسون واللي رايحن للوظيفه >> أنواع الكسل أيه نبدأ بموضوعنا .. ثاني العيد قررنا إننا نطلع مثل الناس اللي تطلع ونروح نشوف الربيع والفلات أعضاء الرحلة هم : الصباخ [ الأمير حقنا ] أبو آدم [ الجني العبد] أبو عمر اللي هو أنا [ الخفاش ] >> لا ياشيخ طبعاً لا تستغربون أنواع الهواش والنقرهـ بما أن أبو ريم هو الأمير عاد أبو آدم يعطيه نظرهـ همن يجلد أبو ريم ويمشي على راينا >> وش فايدة الأمير مشينا عصر يوم الأربعاء ورحنا مع طريق الأسياح ودخلنا النفود بعد قرية قبه مع العشاء دورنا لنا مكان زين وجلسنا بوهــ علشان ننام به الليله وهذي جلستنا .. وهذي عزبة أبو آدم الجديدة حقت قهوهـ وشاهي بس وكانت الطريقة تصير منه عزبة القهوه والشاهي ومن أنا عزبة الطبخ بس والله ياهو أشغلنا به كل ما لمسه الصباخ قعد أبو آدم يلجلج ويقول أنتبه عليه يابو ريم لا يجيه شي ترا مهب أزيلكـ جبنا الكاتم و بديت بطبخ النثرية و محدثم الطباخ يعني لا تشرهون هذي مستر لحمه بعد ما نضجت تفضلوا يالله حيهم ومن باتسر قبل ما تطلع الشمس تونا قايمين لا أحد يشرهـ على الحوسه قاعدين نجهز الفطور جو يشرح الصدر وهذي زباله الله يكرمكم [ دع المكان كما كان ] بس الجو صار مزري وعجاج وعلى طول طلعنا ودخلنا مرهـ ثانيه نحطب حطبنا وقضينا ثم توجهنا للفياض لتتوشح عيوننا باللون الأخضر الجميل وصلنا أول الظهر وبدينا نتمشى داخل الحجرهـ يا ما حلا بيالة شاهي ربيع مع سيحة البال في فيضة ما فيها ولا أحد هذا ربيع وهذا سدر وهذي فيضة ما لقينا مثيله عاد يا فرحة ما تمت وحنا جالسين أندندح من الشاهي قام أبو آدم بسرعه وما أنتبه للبريدز وطرطخ وكبه علينا همر يبلش الصباخ بفروته وقعد يعصرهــ بدينا بالغداء وطبخ لنا الشيف أبو آدم حميسة يحبه قلبكــ الجلسة مع الضوية [ مهم تحط أحجار إذا وجد علشان ما يملى الرماد المكان وخاصة بالفياض ] الشي الغريب و اللي أول مرهـ أشوفه أن جذع الأرطى يطلع منه دم غربت الشمس وجبنا الفصفص وبدينا نحمسه لو يدري بنا باجه تسان يصكـ محلاته أصبحنا وأصبح الملكــ لله بدينا بتجهيز الفطور بعد ما تقهوينا فول مقلقل جاهز الآن عاد الزوله تبطحوا عقب الفطور الدسم وأخذوا لهم غفوهــ مستوى الربيع بالفيضه ذي ضفينا قشنا وقاعدين نحمي المواتي علشان نمشي مع أن هالفيضة ما تفوت لكن الظروف قليلا من البسباس وكما قال الشاعر / تبسبسوا فإن البسباس ذو منفعة ** لكل نشيط ولو كان مثل الجمل توجهنا لفياض أم عشر وجينا لم سكة الحديد وهي تحت الإنشاء وهذي الفياض جلستنا ويا زينه من جلسة بعدها جو لمنا حقين مشعل وقالوا لنا يالله توكلوا نبي نرعى بعاريننا هنا تمنيت أني بعير ذيكـ اللحظة أنواع الوناسة تطرد بشر علشان بعارين توكنا على الله ومشينا يم بريدة الغالية مع نف طريقنا اللي جنا من عندوهـ أتمنى أن تكونوا اسمتعتم بهذه اللقطات وعذراً على الإطالة [ هدية الموضوع ] .. [ أغدي يجي أبو آدم ويكمل الناقص من الصور أو المواقف ولا يهون أبو ريم ] ألقاكم على خير .. والسلام عليم ورحمة الله وبركاته .. __________________

15-12-2008, 06:30 PM	#2
A N A S Bn Ibrahim تاريخ التسجيل: Jan 2007 البلد: بريدة المشاركات: 9,058	يا كثر طلعاتك للبر . أثري أنا براحه برد وغبرات وصاخه . ما شاء الله عليك . بالتوفيق تلاحظ اني بتله أنا اللي أول من يرد على مواضيعك __________________ . وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ .

15-12-2008, 06:34 PM	#3
.: بصمة :. عـضـو تاريخ التسجيل: Nov 2007 البلد: بريدة المشاركات: 808	، كفو يالطير ،،، كفو يالذيّبان ، والله طلعه محترمه ، وبالحقيقة الصور مهنا أزين منهن ، أتوقع تصويرك على السريع مع ذلك فنان ، تسلم يا أبو عمر ، والهدية مقبوله ، ، __________________

15-12-2008, 06:45 PM	#4
الصباخ هوية صامتة تاريخ التسجيل: May 2003 البلد: Buraydah City المشاركات: 12,458	هلا هلا. هلا بالزين كله. تميّز وبلا منازعة. الصراحة تقرير أفخم شيء بالعالم. لا عاد والخفاش اللي مصلحه. هلاااااااااااااابيييييييييك. أقول على طاري المواقف ياشين. أنا ماضيّق خلقي إلا سلق مشعل اللي جو لمنا بفيضة أم عشر! قال إيش! يبي يطردنا علشان بعارين! نعنبوا بليسكم ما تستحون على خششكم؟ تطردون أوادم علشان بعارين؟ بس خل عنك والله يا الفيضة اللي كنا به أول إنه أطلق من فيضة أم عشر بمليون مرة . زين إننا جلسنا به يوم كامل. هلا هلا. عطوووووووووه تميّز أولاه يامشرفين. __________________ الصباخ \| Buraydah City

15-12-2008, 07:08 PM	#5
وحيد المعنى عـضـو تاريخ التسجيل: Mar 2003 البلد: كلمتان خفيفتان على اللسان ثقيلتان في الميزان سبحان الله وبحمده سبحان الله العظيم المشاركات: 7,209	ماشاء الله شغل نظيف وكشتة جميلة والطبخ شيئ ثاااااااااااني بس عاد ضوكم خياااااااااااااال إلا على طاري الضو وش سالفة البدوي اللي شفتوه فجأة عند الضو ..؟؟؟ __________________ يــــارب يــــارب يــــارب اشـفـي والـدتـي عـاجـلاً غـيـر آجـل

15-12-2008, 07:09 PM	#6
فنتاستكـ عـضـو تاريخ التسجيل: Jul 2006 البلد: داخل وجدان المحبين ! المشاركات: 1,397	أقول : ترا راعين الهايلوكس اللي وقفوك بفيضة أم عشر مهوب حنّا .. هههههههه .. أثره أنت الخفاش .. أخيراّ شفتك ذذ . . . تقرير رائع جداً .. __________________ \|\|\| كلمتان خفيفتان على اللسان ثقيلتان فى الميزان حبيبتان إلى الرحمن : [ سبحان الله وبحمده , سبحان الله العظيم.,~ ] .,~ \|\|\| سبحان الله عدد خلقه , ورضا نفسه , وزنة عرشه , ومداد كلماته \|\|\| [flash=http://www.wi1wi.com//uploads/files/wi1wi.com5adfaae438.swf]width=473 height=113[/flash]

15-12-2008, 07:54 PM	#7
A N A S Bn Ibrahim تاريخ التسجيل: Jan 2007 البلد: بريدة المشاركات: 9,058	+ رد ثاني زبيب وشوي رز . شئ رائع الرحله مع شباب حلوين بالتوفيق __________________ . وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ .

15-12-2008, 08:23 PM	#8
الصباخ هوية صامتة تاريخ التسجيل: May 2003 البلد: Buraydah City المشاركات: 12,458	ياعياااااااااال كل مادخلت الموضوع وشفت الطبخات بدت سعابيلي تتقاطر. وش السوات! __________________ الصباخ \| Buraydah City

15-12-2008, 08:39 PM	#9
وحـيــد الـجـزيـرة عـضـو تاريخ التسجيل: Mar 2007 البلد: الـفـُّلـوجـه المشاركات: 3,063	اهنييك ياخفاش انت والشباب على الطلعه الحلوه هذي الحقيقه ماتفوت الكشتات بالوقت هذا لكن عاد الظرووف الله يعافييك على التصويير..تصوير واضح ودقيق __________________ سيجيءُ يومٌ حافلٌ بجهادِنا * الخيلُ تصهلُ والصوارم تلمعُ قدْ طالَ ليل الكفر لكني أرَى * من خلفِه شمسُ العقيدة تسطعُ موقع الشيخ حمود العقلا الشعيبي: http://www.al-oglaa.com/

15-12-2008, 09:52 PM	#10
abo suliman لحظات مودع ..! تاريخ التسجيل: Aug 2006 البلد: بريدهـ- المشاركات: 4,127	أهي أهي .. والله روحة هبااااااااال وابتل أقول هبال .. لي عودة كبر شنب أبو ريم __________________ , , ,

15-12-2008, 09:56 PM	#11
حفيد اعقيل مجرد عضو .. تاريخ التسجيل: Nov 2002 البلد: في بريدة دار العز ,, المشاركات: 5,389	. . . ماشاء الله لاجـديد فكل تقارير الخفاش تحوز الريادة وزيادة مناظر خلابة .. وصور جذابة ..وصور مقلقل وفول بدون قلابة وأناسٍ ملعابة ( معليش لزوم السجع ) كم هو جميل أن توثق مثل تلك الرحلات .. غير صالح للنشر : الحمد لله الذي عافاني مما ابتلاكم به ( مايواطن الثوم بعيشة الله) أربعة فصوص ثوم والله ماأنفس ولا بكمامة يالله مروحة شفط من حقات الفنادق والمطابخ الكبار .. وقبل أن أغادر آثرت أن أترك لي بصمة : من خلال هذه الكيبوردية الطازجة : [poem="font="simplified arabic,5,orangered,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البر في رفقة رجال مناعير = تطرد عن الراس المعنّى عماسة علومهم دايم عن البر والطير = ووين الربيع وين نلقى الوناسة لاأقبلت هلوا بك هلابيك بالخير = وصبوا لك الفنجال عدل قياسه سوالف ماهي عن القيل والغير = حكمة وضرب أمثال شعر وكياسة[/poem]. . . __________________ . . كلن يحب اللي يود ويريدة // والقلب مايآخذ من الناس واجـد وانا الحبيبة عندي اسمه بريدة // أحبها والله على الحب شاهد . . آخر من قام بالتعديل حفيد اعقيل; بتاريخ 15-12-2008 الساعة 10:02 PM.

15-12-2008, 10:00 PM	#12
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	هههههههههههههههههههههههههههههههههههههههههههههههههه ههههههههههههه هههههههههههههههههههههههههههههههههههههههههههههههههه هههههههههههههههههههههه هههههههههههههههههههههههههههههههههههههههههههههههههه هههههههههههههههههههههه هههههههههههههههههههههههههههههههههههههههههههههههههه هههههههههههههههههههههه أبو ريم نيمن بالبر !! ماجاب فرشة ومعجون ؟! .. ماشاء الله طلعتكم حلوة .. صح أنه أكل وشوي كشتة لكن أحس أنه وناسة الوناسات .. تويوتا 2010 : أيقاف أسبوع لتحترم الآخرين __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )

15-12-2008, 10:16 PM	#13
حبة فستق الباش مهندس تاريخ التسجيل: Aug 2007 البلد: where I can live comfortably ~~ المشاركات: 5,052	يالخفاش وش الهبآل ذا ؟! والله يا أنتم مهآبيل قسماً ! الحقيقة إني بلشت بسعابيلي تسيف ذا فخمين ياخي أنا مادري وش يجين إذا جاء طاري أبو آدم :P والله يانا أعزّه معزّة < وش تلميحه الله يسلّم عمرك يالغالي على تشنيف عيوننا بالحلو يا حلو ( وردة ) __________________ ** من المستحيل أن تعيش حياتك بالطريقة التي تحلم بها .. لأن الحياة التي تحلم بها يشغلها أناس آخرون ! آخر من قام بالتعديل المستشار; بتاريخ 16-12-2008 الساعة 10:53 AM.

15-12-2008, 10:58 PM	#14
رشرش عـضـو تاريخ التسجيل: Feb 2008 المشاركات: 131	الله يونسكم بالعافية صراحه رحله ممتازه شكرا لكم