مهرجان سياحي عنيزه(؟؟؟؟؟؟)إخسسسسسس؟؟؟؟!!!!!!؟؟

PEACE · 04-09-2002, 10:17 PM

الحقيقة لا استطيع ان اعبر لكم عن الاجواء الساحره لهذا المهرجان ويمكن ما تصدقون لو اقولكم اني الان وانا اكتب هذي الرساله يخطم امامي 300 سايح برتغالي طاقينها شورتات وفنايل علاقي وتاركين ديرتهم ومعطلين اشغالهم وجايين يتمتعون باجواء عنيزة الساحره والفعاليات التاليه لمهرجانها النادر :
1- التمرغ بغبرة العوشزيه (احد ضواحي عنيزة واشبه ما تكون بالريفيرا الفرنسيه واطلق عليها فاسكوديجاما لقب خنشليلة الشرق و يسكن فيها .....

المزايين من فئة الوجه كنه ركبة حاشي ويكثر فيها النامس والقعر
2- التسدح بالدائري على الثيل الي تبلغ مساحته هكتار في هكتارين ونص ( قطعة ثيل زولية المقلط اكبر منه وبين كل عايله وعايله مسافه 3 سم ونص- حشا بااليابان
3- التزحلق على الجليد فوق طعوس الخبيبه بعز القوايل حيث تبلغ الحراره 270 درجه مئويه بس !! احيييييييه برد
4- التمتع بمشاهدة ملكات الجمال في تشاليح الظبط ومباسط الحياله ( شيبان مخنزين عليهم عين عابره للقارات ونحاتتهم بالريموت كنترول يعني مجرد يذكر له الشي وخلااااااااااص اعتبر الموضوع منتهي
5- التمتع بالشعب المضياف الي مهب ملقوف ابد : وشووووووله جاي يا بيي ؟؟ وش عندك بذا يا عردزي ؟؟ وش اسمك وش اسم ابوك وش اسم امك وش اسم خالك حصه ؟؟ وشو منهو وراه وشلون وش حتى له ؟؟؟
6- المشاركه في مسابقة من سيربح المليون والجائزه تيس !!!!! لو يدري جورج عنهم كان من القهر غير اسم برنامجه لمن سيربح شبشب زنوبا
وقد استقطب المهرجان الكثير من السواح من شتى صقاقيع الارض ولو اقولكم شي اخاف ما تصدقون عاد انا ببري ذمتي وما علي منكم صدقتو لا عمر ابوكم ما صدقتو قبل شوي طلعت اتمشى بالبر امير تخطرف لي رجل امير اطيح واتكرفع ويوم ناظرت ولاه رجل سايح ياباني متغبي ورا اثله واثره مقطع جوازه ومتغبي عن الجوازات ما وده ينحرم من هالجمال الساحر لعنيزة خلفهم قال تشنيط سياحي قال لعنبودراكم انتم وين السياحه وين؟؟؟الحراره تصقع مليون والاوادم غدو تقل دجاج شوايه وانتم تقولون سياحه ؟؟؟ وغبرات شطبت وجيهنا وجفاف قطع خشومنا وانتم تقولون سياحه ؟؟؟ وشوارع كله مطبات وجفر وديرة تحوم التسبد وانتم تقولون سياحه ؟؟؟
وخشش تسد النفس ووجيه تقطع الخميره من البيت ثلاثة ملايين سنة ضوئيه انتم تقولون سياحه ؟؟؟
الا ذيك الساعه بقدرة قادر صارت عنيزة تقع جنوب شرق جبال الالب ، وتحولت طعوس الخبيبة بقدرة قادر الى غابات موز ومشمش ، والوادي بدال مهب منقع مجاري كله نامس تحول بقدرة قادر الى بحيره مثل الي يطلعن بسينان والسنافر به بجع وسمك وفلات ، وخشش الاوادم تحولت بقدرة قادر الى خشة باسكال مشعلاني ذيك الساعه فكرو بالتنشيط السياحي اما الحين فامحشو خششكم خشة خشة وسلامتكم

منقووول______________________________

**مدحت شوقي بريده** · 04-09-2002, 11:02 PM

حلو يامنسم
يا PEACE

اجل مهرجان وبعنيزه من زين هالجو بعد علشان يجون المصطافين
ويبشرون والله بالدبور مادامهم نهجوا نهج غيرهم للمهرجانات والخرط الفاضي

04-09-2002, 10:17 PM	#1
PEACE عـضـو تاريخ التسجيل: Jan 2002 البلد: Buraydah المشاركات: 233	مهرجان سياحي عنيزه(؟؟؟؟؟؟)إخسسسسسس؟؟؟؟!!!!!!؟؟ الحقيقة لا استطيع ان اعبر لكم عن الاجواء الساحره لهذا المهرجان ويمكن ما تصدقون لو اقولكم اني الان وانا اكتب هذي الرساله يخطم امامي 300 سايح برتغالي طاقينها شورتات وفنايل علاقي وتاركين ديرتهم ومعطلين اشغالهم وجايين يتمتعون باجواء عنيزة الساحره والفعاليات التاليه لمهرجانها النادر : 1- التمرغ بغبرة العوشزيه (احد ضواحي عنيزة واشبه ما تكون بالريفيرا الفرنسيه واطلق عليها فاسكوديجاما لقب خنشليلة الشرق و يسكن فيها ..... المزايين من فئة الوجه كنه ركبة حاشي ويكثر فيها النامس والقعر 2- التسدح بالدائري على الثيل الي تبلغ مساحته هكتار في هكتارين ونص ( قطعة ثيل زولية المقلط اكبر منه وبين كل عايله وعايله مسافه 3 سم ونص- حشا بااليابان 3- التزحلق على الجليد فوق طعوس الخبيبه بعز القوايل حيث تبلغ الحراره 270 درجه مئويه بس !! احيييييييه برد 4- التمتع بمشاهدة ملكات الجمال في تشاليح الظبط ومباسط الحياله ( شيبان مخنزين عليهم عين عابره للقارات ونحاتتهم بالريموت كنترول يعني مجرد يذكر له الشي وخلااااااااااص اعتبر الموضوع منتهي 5- التمتع بالشعب المضياف الي مهب ملقوف ابد : وشووووووله جاي يا بيي ؟؟ وش عندك بذا يا عردزي ؟؟ وش اسمك وش اسم ابوك وش اسم امك وش اسم خالك حصه ؟؟ وشو منهو وراه وشلون وش حتى له ؟؟؟ 6- المشاركه في مسابقة من سيربح المليون والجائزه تيس !!!!! لو يدري جورج عنهم كان من القهر غير اسم برنامجه لمن سيربح شبشب زنوبا وقد استقطب المهرجان الكثير من السواح من شتى صقاقيع الارض ولو اقولكم شي اخاف ما تصدقون عاد انا ببري ذمتي وما علي منكم صدقتو لا عمر ابوكم ما صدقتو قبل شوي طلعت اتمشى بالبر امير تخطرف لي رجل امير اطيح واتكرفع ويوم ناظرت ولاه رجل سايح ياباني متغبي ورا اثله واثره مقطع جوازه ومتغبي عن الجوازات ما وده ينحرم من هالجمال الساحر لعنيزة خلفهم قال تشنيط سياحي قال لعنبودراكم انتم وين السياحه وين؟؟؟الحراره تصقع مليون والاوادم غدو تقل دجاج شوايه وانتم تقولون سياحه ؟؟؟ وغبرات شطبت وجيهنا وجفاف قطع خشومنا وانتم تقولون سياحه ؟؟؟ وشوارع كله مطبات وجفر وديرة تحوم التسبد وانتم تقولون سياحه ؟؟؟ وخشش تسد النفس ووجيه تقطع الخميره من البيت ثلاثة ملايين سنة ضوئيه انتم تقولون سياحه ؟؟؟ الا ذيك الساعه بقدرة قادر صارت عنيزة تقع جنوب شرق جبال الالب ، وتحولت طعوس الخبيبة بقدرة قادر الى غابات موز ومشمش ، والوادي بدال مهب منقع مجاري كله نامس تحول بقدرة قادر الى بحيره مثل الي يطلعن بسينان والسنافر به بجع وسمك وفلات ، وخشش الاوادم تحولت بقدرة قادر الى خشة باسكال مشعلاني ذيك الساعه فكرو بالتنشيط السياحي اما الحين فامحشو خششكم خشة خشة وسلامتكم منقووول______________________________ __________________

04-09-2002, 11:02 PM	#2
مدحت شوقي بريده .. وللشطوب نكهة و نكهة .. تاريخ التسجيل: Feb 2002 البلد: هناك المشاركات: 16,085	حلو يامنسم يا PEACE اجل مهرجان وبعنيزه من زين هالجو بعد علشان يجون المصطافين ويبشرون والله بالدبور مادامهم نهجوا نهج غيرهم للمهرجانات والخرط الفاضي __________________ . . . .. قلب البحطلة ينبض .. ينبض ينبض ينبض .. .