Ξ أنتِ هُنا , وأنَا هُناكْ .. وَيومِي غير وَأنَا مَعاكْ ! Ξ

ح ـايلـــيـة · 01-01-2009, 09:13 AM

السلام عليكم ورحمة الله وبركاته

زمان يافعاليات وحركات ونعنشة للقسم !
ومبطين عن الحماس والتفاعل

,

* *

كلنا لنا جدول أسبوعي ,أحد روتيني وأحد متجدد ..
أسبوع مزحومين والعزايم من كل جهه !
وأسبوع نهش ذبان ..

نتصّل على فلانة نلمّح هه فاضين شي ولا حياة لمن تنادي

!

- خميس خوال وخميس عمومة ..
- لالا إربعاء أهلي الإربعاء وحمولتي الإثنين
- لا ياشينكم أجلّوا الإجتماع شوي عازمة صديقاتي !!
- وشو كذا يعني ما نطلع إلا من إربعاء ورا إربعاء !
- آه لو عندي خالات كان ماقعدنا اليوم .. أجل خميس وقاعدين بالبيت ياعالم !
- خلونا نطلع لو لأبو ريالين لو لبقالة مليت من قعدت البيت ,
- لا والله ما أقدر أطلع وراي شغل وبيتي مره يبي له ترتيب

وهكذا

,

* *

فعاليّتنا فكرتها كالتالي ~
عندتس عزيمة باليوم الفلاني ..
ووراتس تصليح عشاء ولبس ومكياج وضيوف ودنيا وشغل ..
مستعدة قبل بيوم يومين .. قايمة مبكّر من الحماس ..

جوّ الضيوف .. قدمتي حلا قهوة شاهي فطاير بعده عشاء ..

لالا مثلا

..

عندكم إستراحة خوال ولا عمومة ,
قايمة العصر تلبسين بتروحين على المغرب ..
فتحتي الدولاب ألبس ذا لالا ذا ..
فلانة الإستشوار وين ؟ , تنورتي ماكويته !

طلعتوا للإستراحة , الطريق طويل .. ووصلتوا .. سلمتوا
تقهويتوا .. بنات كم رقم البقالة .. فلانة بيبسي ولا سفن ؟
وهكذا ..

كل هذا نبي نشوفه

..
نبيتس خليننا طالعين معتس ,
تحسسيننا إنتس عازمتنا

!

كل شي من بداية اليوم لين نهايته نبيتس تكتبينه ,
وموثق بالصور وهذا أهم شي .. والتصوير أساس الموضوع

,
يعني بإختصار الفعالية [ تصوير لليوم ] !

* *

طريقة المشاركة والشروط :

1- تحجزين اليوم الفلاني ..
[ ترا عندي عزيمة أو طلعة أو عازمة صديقاتي او حتى يوم بالجامعة !]
ترسلين لي برسالة خاصة مثلا:
[ ترسل شهد العسل إن الإربعاء عندهم استراحة وبتشاركنا فيها .. ]
عشان احجز يومتس ولا يصير فيه لخبطة بين البنات ,

2- أهم شي التصوير واضح إلى حد ما ..
والصور ماتكون كبيرة ..وعندي إستعداد كامل بتضبيط الصور
أرسليهن لي برسالة خاصة وأثبت اسمتس واصغر وكلش

..

3- التصوير لكل شي لبس , أكل , سيارة , طريق ..إلخ
أييي شي حتى لو تمشي نملة صورية

!
نبي نعيش الجو معتس .. والصور طبعا مايحتاج أقول لا يطلع فيها شي منتس

,

4- أي موضوع راح ينزل من ضمن الفعالية
بدون ماتعطيننا خبر بحجز مسبق باليوم الفلاني [ يحذف]

!

* *

طبعا راح تُقيّم المواضيع من قبل المشرفات

,
لين نثبت لموضوعين ويكون التصويت مفتوح للعضوات بإختيار الموضوع الفائز

..
والفعالية ماله مدة محددة .. توقف إذا مالقينا تفاعل !
ولا تنسون الفعالية للتسلية فقط ..
يعني لا تتكلفون وتأخذونه بشكل جدي وإلا بطلع أزين وحدة

بإنتظار رسايل حجزكم على الخاص

,

فتّكو بعافية

,,

01-01-2009, 09:13 AM	#1
ح ـايلـــيـة وقع مختلف تاريخ التسجيل: Feb 2006 البلد: الرِيَاضْ ❤ , المشاركات: 5,788	Ξ أنتِ هُنا , وأنَا هُناكْ .. وَيومِي غير وَأنَا مَعاكْ ! Ξ السلام عليكم ورحمة الله وبركاته زمان يافعاليات وحركات ونعنشة للقسم ! ومبطين عن الحماس والتفاعل , * * كلنا لنا جدول أسبوعي ,أحد روتيني وأحد متجدد .. أسبوع مزحومين والعزايم من كل جهه ! وأسبوع نهش ذبان .. نتصّل على فلانة نلمّح هه فاضين شي ولا حياة لمن تنادي ! - خميس خوال وخميس عمومة .. - لالا إربعاء أهلي الإربعاء وحمولتي الإثنين - لا ياشينكم أجلّوا الإجتماع شوي عازمة صديقاتي !! - وشو كذا يعني ما نطلع إلا من إربعاء ورا إربعاء ! - آه لو عندي خالات كان ماقعدنا اليوم .. أجل خميس وقاعدين بالبيت ياعالم ! - خلونا نطلع لو لأبو ريالين لو لبقالة مليت من قعدت البيت , - لا والله ما أقدر أطلع وراي شغل وبيتي مره يبي له ترتيب وهكذا , * * فعاليّتنا فكرتها كالتالي ~ عندتس عزيمة باليوم الفلاني .. ووراتس تصليح عشاء ولبس ومكياج وضيوف ودنيا وشغل .. مستعدة قبل بيوم يومين .. قايمة مبكّر من الحماس .. جوّ الضيوف .. قدمتي حلا قهوة شاهي فطاير بعده عشاء .. لالا مثلا .. عندكم إستراحة خوال ولا عمومة , قايمة العصر تلبسين بتروحين على المغرب .. فتحتي الدولاب ألبس ذا لالا ذا .. فلانة الإستشوار وين ؟ , تنورتي ماكويته ! طلعتوا للإستراحة , الطريق طويل .. ووصلتوا .. سلمتوا تقهويتوا .. بنات كم رقم البقالة .. فلانة بيبسي ولا سفن ؟ وهكذا .. كل هذا نبي نشوفه .. نبيتس خليننا طالعين معتس , تحسسيننا إنتس عازمتنا ! كل شي من بداية اليوم لين نهايته نبيتس تكتبينه , وموثق بالصور وهذا أهم شي .. والتصوير أساس الموضوع , يعني بإختصار الفعالية [ تصوير لليوم ] ! * * طريقة المشاركة والشروط : 1- تحجزين اليوم الفلاني .. [ ترا عندي عزيمة أو طلعة أو عازمة صديقاتي او حتى يوم بالجامعة !] ترسلين لي برسالة خاصة مثلا: [ ترسل شهد العسل إن الإربعاء عندهم استراحة وبتشاركنا فيها .. ] عشان احجز يومتس ولا يصير فيه لخبطة بين البنات , 2- أهم شي التصوير واضح إلى حد ما .. والصور ماتكون كبيرة ..وعندي إستعداد كامل بتضبيط الصور أرسليهن لي برسالة خاصة وأثبت اسمتس واصغر وكلش .. 3- التصوير لكل شي لبس , أكل , سيارة , طريق ..إلخ أييي شي حتى لو تمشي نملة صورية ! نبي نعيش الجو معتس .. والصور طبعا مايحتاج أقول لا يطلع فيها شي منتس , 4- أي موضوع راح ينزل من ضمن الفعالية بدون ماتعطيننا خبر بحجز مسبق باليوم الفلاني [ يحذف] ! * * طبعا راح تُقيّم المواضيع من قبل المشرفات , لين نثبت لموضوعين ويكون التصويت مفتوح للعضوات بإختيار الموضوع الفائز .. والفعالية ماله مدة محددة .. توقف إذا مالقينا تفاعل ! ولا تنسون الفعالية للتسلية فقط .. يعني لا تتكلفون وتأخذونه بشكل جدي وإلا بطلع أزين وحدة بإنتظار رسايل حجزكم على الخاص , فتّكو بعافية ,, __________________ • ما من رُوحْ ما تُروح !