[أشيقرية]

السلام عليكم ورحمة الله وبركاته

ماعليكم من العنوان الشسمه لكم كلكم ،

في معهدنا المخيس .. الأكل يخلي الوحدة تمرض !
ياما مرضوا بنات .. وياما مرضوا متدربات .. وياما مرضت أنا ..

فـ قررنا نحن مجموعة 7 من برمجة الحاسب إننا نسوي فطور جماعي كل يوم على بنتين [ العدد كبير ]

واليوم كان دوري أنا و وحدة .. فـ سويت لهم الكيكة المالحة ..
صورتها .. وحبيت أنزل لكم طريقتها ..

المقادير :

2 كيس توست [ النوع اللي تفضلين ، بُر / أبيض ]
دجاجة أو 4 علب تونه
2 لَبنة بينار حجم كبير
2 جزر
2 فلفل رومي
زعتر & سمّاق

الطريقة :

- الدجاج -

تسلقينها ثم تشيلين الجلد وتقطعينها
يا إما تفتفتينها صغااااار .. والا تقطعينها بيدك بالحجم اللي تبينه

ثم تبشرين الجزر ..
وتقطعين الفلفل ..

عشان تضبطين الحشوة لازم تشوّحين بصلة صغيرة مع سمن .. أو زيت ..
ثم تحطين الجزر بعده الفلفل بعده الدجاج .. وتقلبين .. قبل لا تطفين النار حطي البهارات
[ فلفل أسود ، ملح ، كمّون ] ..
قلبيها خمس دقايق ثم طفيها ..

- التونه -

ابشري الجزر حجم صغيييير مرررة
والفلفل قطعيه صغااار مرررة
مع ملعقتين مايونيز وليمونه
وقلبيها مع التونه

ألحين نجي لـ تضبيط الطبق عشان التقديم ..

الأفضل إنك تجيبين كرتون وتغلفينه بـ قصدير بـ حسب الحجم أو الشكل اللي أنتي تبينه
وخلي بالجوانب فراغات عشان يسهل عليك شيلها ..

جيبي التوست وقصي الأطراف وصفيها على الكرتون
ثم ادهني كل وحده باللبنه دهن خفييييف ..
ثم حطي الحشوه سواء الدجاج أو التونه ..
بعدين جيبي التوست من جديد وادهنيه باللبنه من تحت وفوق ..
وارجعي حطي الحشوه ..
ثم حطي اخر طبقة من التوست ..
بعدها غطي كل التوست باللبنه بـ حيث يطلع شكلها مثل القاتوهـ ،

بالأطراف غطّيها بالسمّاق والزعتر ..
ومن فوق زينيها بالشكل اللي تبينه ..

وهذي الصور

[1]



IPA هو اختصار لـ إسم معهدنا المخيس [ معهد الإدارة العامة / Institute of public adminestration ]

[2]



هذي صورة جانبية لـ توضيح فكرة السمّاق والزعتر ..
وفي الصورة يوضح لكم الكرتون اللي ماغطيته بالقصدير عشان أقدر اشيله ..

و بـ العافيـــــة ..

نسيت أقول إني سويت نصف المقدار
لأن فيه طبق إضافي