[رئيس التميز]

السلام عليكم


مساكم الله بالخير يا جميع أعضآء بريدة ستي < الأكارم >


يا جماعة ابشركم اليوم آربعاء

يعني وسع صدرك ..~

فا حبيت احط لكم اليوم هالموضوع واللي عنوانوه سواليف ..~

يا جماعة صارت لي سالفة قصيرة البارح ..~

يوم الثلاثاء الموفق حدى ايام هالاسبوع اللي هو امس ،، انتابني شعور بالكسل الشديد في عروق مخي بعد ما رثع بنا استاذ الكيميا < الله يجعلوه للماغص والهالول والـ >

الموهم على طاري الهالول لا احد يشرب حليب خلفات ..~
لأنوه يقولون يجيب الاول والتالي ..~

الموهم نرجع لموضوعنا ..~

يوم رثع بنا استاذ الكيميا واثري ما لي خلق جلستن بالبيت والربع كلن متعنقطن لوه بشغلــــه ..~

الموهم قلت ما يبيله ..

والله وادق السلف واحرك للربيعية ( حفظها الله ) متجهاً إلى المزرعة اللي ما تبهّر من الهيل ..~

الموهم يوم اني وقفت عند الباب امر يطلع لي ( نظام كتب الدين ) << عامل المزرعة ..

امر وافتح الباب .. اودخل السيارة .. وإلى ربعة العطايا ..~

طبعا العطايا يعني عطايا الله < النيادز < وفي رواية النياق >> انتها كلامة رحمه الله

الموهم وش كنا نقول ..؟

ايه .. الموهم واروح للنياق واناظرهن وإبداع الخالق في على ما قال < ارجوا ان الموضوع يثبت

وبينما انا اشرب من هالحليب إثري اسمع صوت شيّـــن عجيب

خابرن عندنا بعارين وغنم ودجاج ..~

بس راعي هالصوت ما ادري وشو

يارب مهوب اللي ببالي

يوم ناظرت واثر كلام ابوي صار حقيقة

إذا بالبقر يسرح ويمرح على شاطئ برتسنا وانا ما اداني شي اسموه بقره ..

ياللهووووول

وش يبن ذولي ..

طبعا يا جماعة < نظام كتب الدين > مستاااااانس على شانوه هندي

والشي بالشيء يذكر

شفت مشهد مقزز على الأرض اشمأزيت منوه الا وهو شي ما لوه تفسير غير < السماد > العضوي ..~

طبعا بعضكم يصف صفي من موقفه تجاه البقره والناقه ..~

والبعض الآخر يقف موقف المحايد ..~

والطرف الآخر يقف موقف نظام كتب الدين < يا طول اسموه ..~

هاذا مستهل سواليفنا لهاذه الليله ..

من كان عندوه سواليف لأننا شباب سهاري الليله وفاظين .. فلزالك ننتظر ردودكم وسواليفكم ..~


دمتم بدو << قصدي بوّد ..~

[مـغـتـرب]

..اجل سماد عضوي..

تسبدت حومي عفوا حومت تسبدي

دمت خلاً وديعا أبا زيزوو
///لكن متى تودينا للنياق؟؟

[مصقعه]

هههههههههههههههه

يعطيك العافيه أخووي


والله انا أمس مافضت الباب تعرف غبرااات على الرياض

وانا مايحتااااااج على طوول الربوو مايصدق على الله


وأن شاء الله إذا صاااااارت لي سااااالفه أحطه هووووووني



لي باااااااااك

[رئيس التميز]

اهلا اهلا بالاخوان

اهلا بالاخ ابو اسامة

اقتباس دمت خلاً وديعا أبا زيزوو

تسلم يا الذيب ..

اقتباس ///لكن متى تودينا للنياق؟؟

ابشر بعزك .. اليوم قبل باتسر يا ابو اسامة ..~
اجزم بس ..

..~..

[رئيس التميز]

مصقعة

اهلا وسهلا بالخل الغالي الجديد على بريدة ستي عضواً

نحييك قبل كل شي ..

اقتباس يعطيك العافيه أخووي

الله يعافيك ..~

اقتباس والله انا أمس مافضت الباب تعرف غبرااات على الرياض وانا مايحتااااااج على طوول الربوو مايصدق على الله

عسى الله يعينكم وييسر لكم المزن اللي يخمّـــد العج ..~
ويسقي الارض ..~

اقتباس وأن شاء الله إذا صاااااارت لي سااااالفه أحطه هووووووني

الله يحييك دايم الدوم ..

تسلمون يالذيابة .. وودنا والله لو كل واحدن يمصع لنا سالفة بذا

..

[القادم بقوه]

والله شف انا من ناحية الموضوع ذا انا ايد الامور ذي بس بشرط انك ما تتكلم عن الموضوع هذا وإن تكلمت عن الموضوع هذا لا تحرص عليه


اتحدى احد يفهم شي من كل الكلام هذا :

[رئيس التميز]

اقتباس والله شف انا من ناحية الموضوع ذا انا ايد الامور ذي بس بشرط انك ما تتكلم عن الموضوع هذا وإن تكلمت عن الموضوع هذا لا تحرص عليه

يالله حي ابو فيصل

ويييييين الغيبات ..

توك اللي تطلع ..؟

ع ـلا العموم نوّر الموضوع بوجودك يالغالي ..~

..

[خوي السرور]

أجل عاملكم اسمه : كتب نصر الدين .. الظاهر أنه ولد بقرطاسية ..

مير وراه ماتوظفونه بمعرض الكتاب ؟؟


،،

شسمه ،،

ياخي سبحان الله مالي خلق هالبهايم ذي .. دود ودباشة وقلة مردود مالي <<< مالظاهر ..

عموما حدد موقع مزرعتكم .. وين هي عن مسجد حسان بن ثابت اللي بجنب مزرعة البهدل ؟؟

[ملك بأخلاقه]

فنجال وعلوم ارجال

الله الله

علا طاري فنجال وعلوم ارجال

ان عندي ديوانيه با المنتدى با اسم

فنجال وعلوم ارجال

تفضلو عندي بكر يالله انك تحيهم

[رئيس التميز]

اقتباس أجل عاملكم اسمه : كتب نصر الدين .. الظاهر أنه ولد بقرطاسية .. مير وراه ماتوظفونه بمعرض الكتاب ؟

هلا والله وغلا بالعم ابو سر

اما مولود بقرطاسية هاذي ..~

معرض الكتاب ..؟ .. فكرة قيد الإنشاء ..~

اقتباس ياخي سبحان الله مالي خلق هالبهايم ذي .. دود ودباشة وقلة مردود مالي <<< مالظاهر ..

دود ودباشة عزالله انك صادز .. بس قل مردود مالي ما اظنوه ..~

اقتباس عموما حدد موقع مزرعتكم .. وين هي عن مسجد حسان بن ثابت اللي بجنب مزرعة البهدل ؟؟

مانتب بعيد يا خلفاتهم ..
..

اقتباس فنجال وعلوم ارجال

يا هلا والله وغلا بقمة الاخلاق والذوق ..~

ومدونك ندخله إن شاء العلي القدير ..

اشكر الجميع على ردودهم ..~

[رئيس التميز]

عاد ودنا يا جماعة نسمع منكم

ولا مانع من التعليق على الموضوع ..~

ولكم جزيل اللي علا ما قال ..~

[مصقعه]

مرحباااا شباااب


أنا مرره طالع مع الشباااب وكنا بالقصيم


والقصيم كله تحويلات وخاصه الطريق اللي يوديك لحي مشعل وطريق الملك فهد


المهم وفيه تحويله وأنا مانتبهت لتحوويله وكنت واقف عند الأشاره وفتحت

ولفيت وأنا واثق أني أمشي بالطريق صح ويجي واحد يمشي قدامي

وبغينا نصدم بس الله ستر وأنا معصب خير أن شاء الله عاكس الطريق


ويقولي واحد من أخويااي أنت اللي عاكس الطريق مب هو


وعلى طووول أول لفه لفيت معه وتأدبت ومشيت صح



والقادم أكثر أن شاء الله

[رئيس التميز]

اقتباس أنا مرره طالع مع الشباااب وكنا بالقصيم والقصيم كله تحويلات وخاصه الطريق اللي يوديك لحي مشعل وطريق الملك فهد

^^ وانا اشهــد ..~

اقتباس المهم وفيه تحويله وأنا مانتبهت لتحوويله وكنت واقف عند الأشاره وفتحت ولفيت وأنا واثق أني أمشي بالطريق صح ويجي واحد يمشي قدامي وبغينا نصدم بس الله ستر وأنا معصب خير أن شاء الله عاكس الطريق

^^^ هذي مشكلة التنظيم عندنا بالقصيم ..~
وخصوصاً تنظيم الطرق والمواصلات ..~

اقتباس ويقولي واحد من أخويااي أنت اللي عاكس الطريق مب هو وعلى طووول أول لفه لفيت معه وتأدبت ومشيت صح

^^^ حلو .. زين اللي ما طلع عليك سلتوح وصكك مخالفة ..~

شيكراً جزيلاً اخوي " مصقعة "