[abo suliman]

يقولون .. بأن أسباب العواصف الرملية ..
والزحف الرملي .. جعل كروش من منع الحطب تزحف على شحنه خرسانة ..
أسبابه .. قلة النباتات المحيطة بالمدن ...

الله أكبر .. معقولة جذع الأرطى اللي مايجي طوله متر .. يبي يصد كل هالغبرات اللي جت ..
ولا شوشة الرمث اللي ماتجي ولا كبر جبهة مدحت ..

تبي تاقف بوجه هالعجة ..

شف شف هالصورة .. أولاهـ .. اللي على يمين





ناظر طول هالسحابة الغبارية ... وين ياللي تقول اسبابه قلة هالنباتات ..

وخليتوا هالضعيفين .. ماغير يكسرون من هالأثل .. وأنا أولهم ..

ملينا من التردد على سوق الحطب .. والله إستغلال مابعدهـ إستغلال ..

أبو بكستن راصن لوهـ كمن كسرة ( سمر ) ..

على كم صديق ... يالله يالله يعطيك وجهـ .. وآخر سعر كم ..؟

200 وطالع ..

وين ياناس ... أشوأ أن الشتاء هه يبي يطلع ولا تسان علوم ..

قالو نبي نجيب حطب مستورد .. من الصومال. .. أستبشرنا وقلنا بس .. جاء الفرج ..

وآخرته يطلع فحم .. بس قطع كبار .. ضحك على الذقون >>> أسمع به

ودي أشوف مشب حدا هالمسؤلين .. حلف أنه مليان غضا وأرطى واللي تبي .

وحنا .. تبي حطب .. مالك إلا خضيرا ولا هوطان .. رح جمع ..

وماتدري بعد .. هو ممنوع ولا لا ...

اللي يغث .. أنهم .. يقولون ( توازن بيئي ) ..

أي توازن .. وعظامنا يتراجدن مالقينا إلا ساج نشب بوهـ
وبقايا مرابيع بمخطط الرمال ..

أعيد وأكرر .. مهيب معقولة أن شوشة الرمث . وكم جذع أرطى أو شجرة غضا .. تبي ترد هالغبرات.. هاذي عقوبة إلاهية ... بس وين اللي يعتبر ..

لاهي توازن ولا خربطة .. اللي خلق هالشجر .. أعلم بحاجة الناس لهن ..

حاجتنا لهن ... مثل ماقال الله تعالى .. ( الذي جعل لكم من الشجر الاخضر نارا فاذا انتم منه توقدون )


إيه بس .. يالغضا ... أيه بس يالنفود ..
. . إيه بس إيه بس ..

وحسبي الله على من كان السبب ..