[المتفاني]

يوجد في بريدة مساجد طينية قديمة وقد مضى على بنائها زمن بعيد وهي من الطين وجريد النخيل ، ومن هذه المساجد :
1) مسجد المديفر بالصباخ غرب الطريق الجديد .
2) مسجد العجلان بالصباخ شرق الطريق الجديد.
3) مسجد الفوزان جنوب خضيراء وموقعه لمن أراد مشاهدته شمال الشارع المتفرع من إشارة السالمية شرقاً .
علماً أن هذه المساجد لازالت تقام فيها الصلوات الخمس ومن خلال سؤالي لكبار السن وتحرياتي عن تاريخ هذه المساجد وجدت أنه قد مضى عليها أكثر من 150 سنة وهي عامرة بذكر الله وهذه صور المساجد المذكورة .
وأرجوا ممن لديه معلومة عن هذه المساجد أن لا يبخل بها على القراء .

















شكراً لمروركم " المتفاني"

[ابـو عـزـوـز]

واااااااوك
شكلهن لهن اكثر من 150 سنه
جزاك الله خير

[ρίє¢є Όƒ Сђoсoζάtє]

ياملحهن احس انه يلمن يازينهن بالشتاء
الله يدومهن .....جزاك الله خير

[أبو شباصة]

أحوووووووك
قبل نوولد ..

الصرااحة إن الشيباان يبوون يخلونكم تجددونهن ..

[.كـــلاش@]

أحس لو أصليبهن ما اطلع الراحة


مشكور على الموضوع

[المسفهل]

سبحان الله .. الصلاة في هذه المساجد لها طعم خاص عندي ، وكثيراً ما أذهب للمسجد الأوّل المرفق بالصور ...

بورك فيك يا [ المتفاني ] ...

[بدر بن عبدالله]

ما شاء الله تبارك الله، أنا أحب المساجد القديمة تحس فيها روحانية
ويخشع الإنسان فيها<< اللهم لا رياء.

المتفاني أشكرك على هذه الصور.

وتقبل مروري.

* ودمت بود.

[مايهزني ريح]

الله يعطيك العافية

دايم أصلي بالمسجد الأول وخاصة الفجر في أيام الصيف.

[سنايبر]

يووووووووه شفت وشلون كبر مسجد الفوزان ماياخذ الا صف<< قل زين اذا صلوبه خمسه


انا الي متحسف عليه المسجد الي جنوب سوق الخضار كان طين وداخليه ترااااااب والله ياهو جو
اذكر مايصليبه الا شويين لانهم يروحون للي بشرقي السوق ويوم جدد صار زحمه

وفيه المسجد الي بالقصيعه عند الحميدان مسجد قديم ويصلون بالتراب بدون زوالي وفرش

[المتفاني]

الأخ . سنايبر ليتك تصور لنا مسجد القصيعه ..تحياتي .

[هوطان]

مسجد الفوزان


ليس في خضيراء

إنما في جنوب هوطان


للتصحيح

والمساجد رائعة الله يستر لايهدمونهن


أشكرك

[شاعر-الإحساس]

ماشاء الله الواحد اذا صلى فيهم سبحان اللخ يحس فى خشوع تام

بغض النظر عن المساجد الحديث .اللى كلها زخارف من اولها الى تاليها تروح الصلاه وانت ماتدرى وش قلت وش قريت

شكرا لك

[الفهد الأسود]

اقتباس المشاركة الأساسية كتبها أبو شباصة أحوووووووك قبل نوولد .. الصرااحة إن الشيباان يبوون يخلونكم تجددونهن ..

ويييييييييييين قبل ما نولد لا أنا أذكرهن ..

يقولك قبل 150 سنه يعني قبل ما يطلع شي أسمه آل سعوود ههههههههههههه

سراحه أستانس على المساجد القديمه ..

يعني له طعم الصلاة فيها ..

الله يديمهن .

[سأعود]

فيه مسجد اقدم من تلكم المساجد المذكورة بكثير وهو مسجد الحوشان ويقع داخل مزرعة الحوشان بالبوطة وبالتحديد اسفل النفود جنوب جادول الحبلين وقبل كم سنة قام بترميمة خالد وفهد العوس اصحاب العوس للتمور والأن المسجد مهجور وبجواره حي البوطة القديم ولكن تم هدمه للآسف وساقوم بإذن الله بتصوير عندما تحين لي الفرصة والتفرغ وشكراً لك ياصاحب الموضوع.