[أبوطيف]

السلام عليكم ورحمة من الله وبركاته ,,,

إخواني أخواتي بعد التحية ,,,


أنا حاليا بحاجة لمبلغ كااااااااااش .... عندي نية سفر بإجازة الربيع اللي مدتها أسبوع أعتقد الكل يعرفها ويدري عنها >> المهم > أتجهت للمقسطين ... وطبعا الكل بدى يشير علي شوف فلان مر على فلان .... وش رايك بفلان .... لكني رأيتهم كلهم فوائدهم كثيرة شوي تقصم الظهر بس شوي مو واجد ....!!


** المهم ما أطيل عليكم :: الزبدة ؟؟ أنه واحد من الشباب قال لي لا تزعج نفسك وتروح عليك الإجازة وانت ما حصلت شي وأنت تدور على أقل واحد فائدة وكلهم متقاربين لكن <<< بعد لكن يجي الكلام اللي عليه العلم .............. فيه واحد يقسط مبلغ الــ10,000 ريال بفائدة 3000 ريال والقسط 1000 ريال === يعني يصير علي المبلغ كامل مع الأقساط 13000 ريال .


وش رايكم >>> أنا محتار >>> فائدته زينة مو واجد لكن اذا أحد يخبر مقسط بفائدة أقل لا يبخل علي ولا حتى القسط الشهري يكون أقل وبنفس الفائدة مو مشكلة المهم ... أبي إفادة بأسرع وقت ....


++ ملاحظة للي يفكر موضوعي بمنظور آخر (( شحاذة )) أقصر عليك العنوة وأقولها لك الآن .... أنا أبي تقسيط عشان أسافر وأنا مستانس مو أظيق على عمري بـ3000 ريال ما تجي ولا حق آجار الشقة مو يجي لي واحد ويقول إني أشحذ ولا شي الحمدلله أموري زينة ومستورة .....

لكني أبي شي عليه العلم ودي أسافر وأفسح عيالي صح مو سفرة تجيب الهم والنكد وبشي ما يسوى .. الفلوس تروح وتجي لكن أعمارنا اللي ترووووووووووووووح إذا ما امبسطنا الان متى نمبسط ....

تحياتي الحارة للجميع

أخـــــوكم :: أبوطيف ::

[ام الزلمات]

عاد وين تمبسط؟؟؟؟
اهل الشرقيه يهجون لطايف
واهل الطايف يهجون لشرقيه
.............................
يعني كل المملكه تحوم الكبد
الا اللهم عمره بمكه...وبس
والا ياخوي هالفكره هاللي طرحه لك رفيقك..ماتعتبر شحاذه اطلاقا
بس كن فيها ربا؟؟؟والا



على العموم الله يهنيك بهالاجازه اللي مايمديك تحك به ظهرك

[سنايبر]

والله يابعدي وش لك بالغثاء والديون المفروض مرتب نفسك قبل الاجازه بفتره تقتصد عشان السفره



ع العموم انكان الي بيقصدك بفايده 3000 اذا قصده شوي ومده اطول فتوكل على الله

[السمو]

نسبة عالية

خذ من البنك الذي عليه راتبك


بنسبة 3.5 %


في جميع البنوك وهي طريقة إسلامية ، ويعطونك أقل مبلغ 30000 .

[فاهم الحياة صح]

طبعا الفائدة كبيرة مقارنة بالبنوك ووكالات السيارات وأصحاب التقسيط

لكن بالنظر إلى المبلغ ( 10،000 ألف ريال ) فالمتعارف عليه أنه إذا قل المبلغ زادت الفائدة


إلا إذا شخص سوف يعاملك معاملة خاصة

[عزوبي محترف]

شف لك ناس من زملاك وسوي معهم جمعيه من الف ريال وخلهم عشره اشخاص وخلك انت المستلم الاول وبكذا تاخذ عشره وترجع لهم عشره يعني مافيه خساره واذا تقدر خذ الاول وخذا الاخير يعني اشترك بسهمين يعني بالفين ريال وانتهت الحكايه بلا اقساط بلا بطيخ والا رح لحقين الكمبيوترات وقسط لك كمبيوترين من ابو 4800 وفايدتهم الف ريال على سنه يعني تاخذ عشره وترجع 12 الف وبكذا ترتاح

[pharmacist]

طيب افترض حدث لك مكروه بعد الاجازة و توفاك الله كيف ستسدد الدين
انا ضد مبدا الاستدانة الا في الطواريء فقط
بمعنى تستدين لاجل مشروع او مرض ليس للفسحة
والقرار اولا واخيرا راجع لك هذه نصيحة من اخ

[المواطن]

جااابها العزوبي المحترف

فافعلها ولا تتردد


بس


ماقلت لنا وين تبي ترروح

[المواطن]

وين المشرفين يدمج الموضوعين مع بعض

[أبوطيف]

اقتباس المشاركة الأساسية كتبها ام الموذي عاد وين تمبسط؟؟؟؟ اهل الشرقيه يهجون لطايف واهل الطايف يهجون لشرقيه ............................. يعني كل المملكه تحوم الكبد الا اللهم عمره بمكه...وبس والا ياخوي هالفكره هاللي طرحه لك رفيقك..ماتعتبر شحاذه اطلاقا بس كن فيها ربا؟؟؟والا على العموم الله يهنيك بهالاجازه اللي مايمديك تحك به ظهرك

كلن يهج لديرة غير اللي هو فيها أصلاً ... وأنا أولهم

والطريقة شرعية حسب كلامه ... بطاقات سوا ...

[أبوطيف]

اقتباس المشاركة الأساسية كتبها عزوبي محترف شف لك ناس من زملاك وسوي معهم جمعيه من الف ريال وخلهم عشره اشخاص وخلك انت المستلم الاول وبكذا تاخذ عشره وترجع لهم عشره يعني مافيه خساره واذا تقدر خذ الاول وخذا الاخير يعني اشترك بسهمين يعني بالفين ريال وانتهت الحكايه بلا اقساط بلا بطيخ والا رح لحقين الكمبيوترات وقسط لك كمبيوترين من ابو 4800 وفايدتهم الف ريال على سنه يعني تاخذ عشره وترجع 12 الف وبكذا ترتاح

أكذب عليك إذا قلت لك أني ما سويت الجمعية ... لكن طلع ترتيبي بعد الإجازة ..!! كلن يقول أنا أبيها

وإذا تقصد أكسترا محل الأجهزة الألكترونية والكهربائية .. اللي فيها بنك ساب .... زينة لكن شوي معقدة ... لأنه أصلا علي قرض من بنك .. وغير كذا جب معرف جب كشف حساب وما أدري أيش ..

أحسن لي الرجال ذا ... إذا أنزنقت ولا شي ؟؟ يعدي لي شهر شهرين ... ما عنده مشكلة المهم أني أسدد ,, وما اماطل

أقل واحد قال لي على مبلغ 10,000 ريال كم بياخذ ((( فائدة فقط ))) 5000 ريال معقولة الفرق 2000 ريال ...

[أبوطيف]

اقتباس المشاركة الأساسية كتبها فاهم الحياة صح طبعا الفائدة كبيرة مقارنة بالبنوك ووكالات السيارات وأصحاب التقسيط لكن بالنظر إلى المبلغ ( 10،000 ألف ريال ) فالمتعارف عليه أنه إذا قل المبلغ زادت الفائدة إلا إذا شخص سوف يعاملك معاملة خاصة

كلامك في محله ... لكن المبلغ قليل ولا راح أحصله من الوكالة ولا من البنك .. غير أني مقترض حالياً من البنك ويرفض أعطائي هذا المبلغ ...

وأقل شخص يقسط يقول الــ10,000 ريال فيها 5000 ريال فائدة وأكثرهم يحومون حول هذا الرقم وتلك الفائدة ...

لكن صديقي أخبرني عن هذا الشخص وفعلا تبين أن الفرق بين فائدته وفائدة المقسطين العامة 2000 ريال ؟؟؟ وهذا مبلغ كبير

يعني بدال ما آخذ 10,000 وأقسط شهري 1000 ويطلع علي المبلغ كامل مع الفائدة 15000 /////

أروح للرجال اللي كاتب عنه بموضوعي الأصلي ويعطيني 10,000 بنفس القسط أعلاه ويطلع علي كامل المبلغ 13000 ريال لا غير شوف الفرق وأحسبها ..

وأشكر لك مرورك أخي الكريم

[أبوطيف]

اقتباس المشاركة الأساسية كتبها السمو نسبة عالية خذ من البنك الذي عليه راتبك بنسبة 3.5 % في جميع البنوك وهي طريقة إسلامية ، ويعطونك أقل مبلغ 30000 .

البنك ما يعطيني ... لأني أصلا لدي قرض وجيتهم لكنهم رفضوا ... وأنا ما أبي مبلغ 30,000 ريال أحتاج فقط 10,000 ريال

[أبوطيف]

اقتباس المشاركة الأساسية كتبها pharmacist طيب افترض حدث لك مكروه بعد الاجازة و توفاك الله كيف ستسدد الدين انا ضد مبدا الاستدانة الا في الطواريء فقط بمعنى تستدين لاجل مشروع او مرض ليس للفسحة والقرار اولا واخيرا راجع لك هذه نصيحة من اخ

الله يهديك أخوي .... يعني على كثر اللي مقترضين من البنوك ... أروح لهم واحد واحد وأقول ليش تاخذون تراكم بتموتون وكيف بتسددون ؟؟

الموت حق وكلن بيجيه يومه سواء أخذ قرض أو لا ويمكن قبل الإجازة ويمكن بعد الإجازة كل ذا بعلم الغيب ...

ومبدأ الإستدانة برأيي أيضا مع رايك كأن يكون للحاجة .. لكن ... الحمدلله أموري زينة وعندي يقين السداد إن شاء الله ...

والوصية هي من ستسدد ديني إن وافتني المنية .... أسال العلي القدير أن يطيل أعمارنا على العمل الصالح ..

تحياتي