 |
|
|
|
|
10-04-2009, 09:48 PM
|
#1 |
|
عـضـو
تاريخ التسجيل: Mar 2009
البلد: ** الآن في أبهـــا **
المشاركات: 97
|
طلعة النشامـا !! new
بسم الله الرحمن الرحيم
السلام عليكم ورحمة الله وبركاته يا هلا والله براعين الكشتات والصيد مبارك عليكم الأمطار والخيرات طلعة النشاما يوم الخميس افراد الطلعه هم : أبو عاصم أبو زعاق أبو محمد أبو خالد معليش الصور كبار بصراحه ما اعرف اصغرهن اللي يعرف يساعدنا الله يجزاوه خير !! بسم الله ركبنا السيارة وطلعنا من الإسكان فجر الخميس وعيننا امير للطلعه : ابو محمد طبعا ناوين الزلفي ووقفنا قبل الزلفي بـ 3 كم تقريبا نتقهوى ونفطر الى الصور : هذا موتر ابو خالد اللي رحنا عليه  وهذا ابومحمد يقطع البصل والطماط  وهذا ابو زعاق يشاور ابو خالد عن الخلطة اللي يبي يحطه بالفطور  ابو زعاق يبي يشب على البصل  وهذا محل جلستنا فوق النفود وشوفوا النفود احمر ما شاء الله من الأمطار  ابو زعاق يحرك الكشنه لا تحرق  الفطور جاهز يالله يا عيال سموا  رفيدزنا ابو خالد شبع وفسق حرث الارض الله يصلحه  من جهة أخرى ..  مشينا وقفنا عند مسجد بالزلفي وصلينا (سنة الضحى) الله لا رياء والشباب اخذوا غفوة عشر دقايق ..  ايه بعدين رحنا للكسر وتمشينا هناك وصدنا اثنين من طائر الحجل والثالثه طردنا وراه لكن ليست من نصيبنا بعدين رجعنا من الكسر نبي نطلع على الزفلت والا هاك الحجره (أرض حجريه) اللي مليانه ضبان !! وبحمد الله صدنا اثنين وخلصن الفشق والا ناوين نقضي عليهن وهذا رفيدزنا ابو خالد يصب على الجحر ماء علشان يطلع الضب لكنه ابى ان يخرج جلسنا انتظرناه ربع ساعه ولا طلع ومشينا وخليناه  محصول صيدنا من الطيور فوق الطبلون  الشوزن والحجل تحته  واحد من الضبان في آخر حياته  خلطة أبو خالد الغبية (ديو + نعناع)  منبع العين سبحان الله  البحيرة من فوق  الزااااحف حقنا راعي النوم  بدون تعليق  أبو عاصم بالوسط مستانس  رفيدزنا ابو عاصم يقحن من المــاء  ايه نسيت اقولكم اننا صدنا أرنب (من محل الوطنية بالزلفي)  استعراض لصيدنا  بعدين رجعنا به محل زين بين الزلفي والغاط جلسنا عند طلحه وبجنبك الماء يا سلام  !!!!!!!!!!!!!!!!!!!!!!!!!!!!!!!!!!!  مشوي حجل وخضرة  جالسين حدر الطلحه  أمير الرحله أبو محمد جالس يتقهوا  أبو زعاق شد بلد نووووم وماشاء الله عليه بأي محل ينام !!  جالسين طبعا تلاحظون ابوزعاق نيم  الأرنب  الخضرة  ينتسب الغداء نثرية طيبة يا أبو عاصم  يالله اقلطوا يا عيال !!  سبحانك اللهم وبحمدك أشهد أن لا إله الا أنت أستغفرك وأتوب إليك ضفينا قشنا ومشينا , صلينا المغرب والعشاء جمعا وقصرا بالغاط ووصلنا بريدة بحمد الله وسلامته وهم يصلون العشاء بس الله الله بالردود ..!! كان معكم في كتابة وتصوير التقرير / أمير الرحلة : أبو محمــ(خالـد)ـــد ( THE MINION ) وصلى الله وسلم على نبينا محمد وعلى آله وصحبه أجمعين ..
__________________
** اشتقت لأحبابـــي ** |
|
|
| الإشارات المرجعية |
|
|
النمط الأحادي