[عآشق الوفآ..!]

الســــــــــلآم علآكم

مآعندي وقت .. من يسلفن مكينة خيآطهـ أم أسد .. بس سلف وأرجعه

لآ بجد بجد .. وش قصة أم المكآين ذي

توي جآين من سوق الجردهـ ولقييييت أمة محمد .. محدن مآجآء . <-- تسذآ شكلي يوم رحت

لآ المشكله والي يبط تسبدك .. كلن يدودل مكينته معه .. أعوذ بالله

واللي يقهرك بعد اضافة على ذالك .. ينقلون أم فراشه والإشآعه تقول بس أم أسد

الحتسي خبيت أمي وقلت هـآلحين مآعندتس يوم أنتس صغيره مكينة خيآطه

تقول الله يآلدنيآ .. يوم الدنيآ دنيآ كآنت المكينه اللي تشوفه تقدم مهر من قل المآل .. يمه أختصري عندتس أو لأ

<--- لآعبتن به الدجهـ

آخرته قآلت عندي بس مدري والله وش صورتهـ .. ويوم قآلت شفه بآلمستودع ولآي أنقز مثل الأسد
نيـــــــــــآآآآآآآآع ..

<-- أقول بنفسي أغديه أم أسد

وأدخل وأتغربل مستودعن مآبه لمبه .. وزود أحلف أنه مليآنن قوآريص وحيآيآ

وبعد التدوير وأمير ألقآه .. مودنهـ من الغبرهـ .. يآعمري يآأم أسد

<-- ترآوه وهو صغير دآيم مخربه هالتسذوب

وأشيله بكل حنآن ورقه .. مثل شيل الرضيع اللي يبي من يدآريهـ .. تعآلي لأميمتس

<-- الله يقلع خشك يآشيخ

وأتوسد الأرض وأشيل الغبآر عنهـ .. وأدعي ربي .. يآرب أسد .. أسدددددد أسددددددددددد

<--- قآيلكم ذآبحته الدجهـ

الموهم أنه طلعت

طلعت

والله أني أحب الفرآشآت من يوم يومي إلآ هآلنوبهـ

وأروح لأمي وأعييييييييط . وأقول كله من أبوي ورآه مآقدملتس أم أسد مهر

الزوبده أنطبق علي المثل اللي يقول

أحدن يبشر بآلجنه وأحدن يقآله يآمقروووووود

وأخيرآ

من عنده مكينة أم أسد .. سلف طبعآ ..