[●غزآل العآرضية~]

بسم الله الرحمن الرحيم

كل صبية جميلة وريانة العود يهمني رايها

ندخل ف الموضوع على طول ..

المنظر الحسن يابنات من أهم أسباب الراحة والاحترام أيضاً !
ودائماً اللي تهتم بنفسها يكون لها هيبة وحب خاص ..
وهذا نلاحظه بواقع حياتنا .. وشوفوا الفرق بين إذا دخلت عليكم معلمة حلوة والعكس !!
وهذا شيء طبيعي لأن فطرة الإنسان تحب الزين ..

لأجل ذلك يابنات حبيت من جد آخذ آرائكم في مركز الجمال بالنسبة للمرأة من وجهة نظرك الشخصية طبعاً !

الكمال ( البشري ) مطلوب ، لكن في أشياء معينة إذا حرصتِ عليها تغني عن الباقي أو بمعنى أصح أهي الأهم ^_^

من ناحيتي .. أأكد لكم بعد موقف صار لي إن الجمال والجاذبية تكمن في شيئن :

الجسم ..

الشخصية الحلوة .. !

وبس ..
صدقيني إذا حرصتي عليهم بتكون العين عليك وين ماسرتي !
وحصل لي موقف أكد قناعاتي ..
معنا ف الجامعة سورية تذببببببببببببببببببببببح القلب ، تعق الطير من السما !!
جمال ماهو طبيعي أبداً !
المهم أنا أول مرة شفتها منجنة عليها وأقول لبنات القاعة عنها ويقولون عادية جداً الله يرزقك الذوق !!
بعد ماتعاملت معها ، مالمت راي البنات فيها !!
ثقل طينة العالم فيها !
طريقتها ف الحكي تجيب الهم لأنها تضخم الحروف بزيادة !
باردة لحد الجنون !
اللهم عافها ولاتبتلينا !!

هذا بالنسبة للشخصبة أما الجسم فهو أساس الرزة و مافي وحده سمينة لها جاذيبة وجمال ماهما كانت حلاة ملامحها :/

وأنتوا بنات جد وش رايكم ؟
وين مركز الجمال عندكم ؟

يتمثل في الكشخة أو لبس الماركات العالمية أو راعين النيولوك وكل يوم قصة وصبغة او ف الملامح أو الشعر أو الجسم أو إيش ؟!
وإذا كان ع الشخصيه الحلوة .. قولي لي ع الشخصية اللي تعجبك ؟!
الثقل ، أو المرحة ..أو ...............
عبري لي بطريقتك عن مركز جمالنا يالصبايا
لأجل نهتم فيه أكثر ، لأن وجهة نظرك تهمنا يالذوق
وأتمنى ماتكون مثل خالتي اللي تشوف الجمال ف الخشوم !!
كلما مدحنا بنت جابت لنا عذروب ف خشمها