[فني اشعه عاطل]

السلام عليكم ورحمة الله وبركاته
حبيت افضفض عن ما في داخلي من هموم
انا متخرج من 4 سنوات دبلوم فني اشعه
واللي قدم في خارج القصيم توظف وما فيه اي اعاقات قدامه
انا قدمت في القصيم لاني ما اقدر اترك الوالده لوحدها
المهم بعد كل هذا وبعد مراجعة الوزاره في الرياض افادوني بأنه لم يتم طلب اي وظيفة لتخصص فني اشعه من القصيم
انصدمت من كلام الوزارة المهم جيت للقصيم وجمعت العاطلين اللي معاي ورحنا ودخلنا على مدير إدارة خدمات الأشعة في القصيم بعد ما شرحنا له الموضوع
رد علينا انا مارفعت ولا طلب للوزارة اطلب فيها فنيين لاني مكتفي ( موظفين شركة سمامه فنيين اشعه وعندهم نقص بعد, طيب كيف شركة سمامه تطلب موظفين فنيين اشعه وهذا يقول عندي اكتفاء ومدير قسم الاشعه يقول عندي نقص ورفعا اكثر من طلب ولا جانا رد )
وبعد ما قلنا له انه فيه نقص رد بكل استهزاء انا ما عندي لكم وظائف انا عندي اكتفاء ولا اقدر اخدمكم بشئ وبعدين مين اللي قالكم تدخلون قسم الاشعه انتم ليش ما جيتوا تستأذنون مني وبعين افيدكم فيه امكانيه ولا لا

وبعد ذلك والله شاهد على ما اقول قال كلمة تمنيت الارض تبلعني ولم اسمعها ( وبعدين انا ما فتحتها زكاة كل واحد يبغى يتوظف يجي يترجاني روح انت وياه قدم برى القصيم )

السؤال هل الشخص هذا قاعد يصرف من جيبه الخاص علينا ولا احنا على كفالته ؟؟

الى كل من يخاف الله من المسؤولين او ولاة الأمر الى كل من وصلت اليه رسالتي انصفونا من هذا المتكبر
ملاحظه : المسؤول اللي راح يطلب اثباتات على كلامي يوجد تصوير فديو وشهود ( بس شهود عاطلين عن العمل ) مثلي