سولافة اتمنى تعجبكم

بريداوي حجازي · 18-05-2009, 07:42 AM

هذا بوه واحد كبير بالسن

وعنده عيال وش كثرهم
وعياله كلهم متزوجين وعندهم بزارين
مع الوقت العيال بدوا يهملون شايبهم
وما فيه احد يهتم به ولا يراعيه

نسيت اقول ان زوجاته الاربع كلهن ميتات

:
وصاير شايبنا بغرفة لحالوه ودايم البزارين يدخلون عنده ويزعجونه

باختصار حالته حاله يرثى عليها

هو عجز يتحمل امر هاكاليوم يطلع من البيت وناوي يسلم على صديقة القديم النجار

راح لمه :::::اول ما شافة النجار انصدم

النجار::هلا والله بك وينك من زمان ما شفتك

الشايب:: خله على ربك هاذ الدنيا الله يكفينا شره
النجار :: مير قلي وراك حوسه وثيابك وصخه وجهك ما يبشر
الشايب:: ااايه وش اقول وش اخلي العيال الله يهديهم انشغلوا بزوجاتهم وبزارينهم
واهملون شوفت عينك الي يشوفن يقول جاي من افريقيا

النجار :: انت تقوله لاكن تبي الحل ..
الشايب :: تكفى
النجار :: الحل عندي وانا ابو هندي
وبدا النجار يشتغل بعدته

الين ما زين صندوق وحط بالصندوق (نزيره.....نقيرة) وثبت النزيرة (بأوتاد)

النقيرة::هي الطاحونه حقت الأولين بس قديمة الي هي الرحا
الأوتاد::هي خشبة بارزة تحط بالجدار على شان تستخدم تقل معلاق

المهم كتب بورقة صغيرة كلام وحط الورقة بالفتحة الي بالنزيرة
وشرى قفل قوي وقفل الصندوق بالي بوه

عاد انتضرون اللين اكمل وشوفو وش بيصير مع العيال والصندوق

بريداوي حجازي · 18-05-2009, 08:38 AM

شكرا على التفاعل
((بريداوي:::الاصل من بريدة))
((حجازي:::ساكن بالحجاز))

نرجع للشايب

الشايب يوم جا للنجار النجار علمه وش يسوي بالصندوق اذا راح لم عياله

الشايب اخذ الصندوق وراح للبيت وياله وصل لأن الصندوق ثقيييل

مع انه شايله بالحماره

يوم وصل نادى علي عياله

جو لمه :::...
قال الولد الكبير::وش ذا يبيي..

الشايب:: مالك دخل

بس يله شيلوه ودخلوه بالحجرة الفاضية الي بجنب حجرتي

ياله ياله شالوه العيال وهم يجرونه
والشايب عندهم"""" وكل شوي يصارخ على هذا او ذاك ::هاه انتبهوا :: لا يجيه شيء:: انت وخر عنه :: هاه وش صار

الشايب ضابط دوره الي يشوفه يقول حاط بهالصندوق راس ماله

يوم دخلو الصندوق للحجرة قفل الشايب باب الحجرة وحط المفتا بحبل وعلقه برقبته

وصار كل شوي يتفقد المفتاح هو بمكانه ولا لا ويحول انه يشوفونه

وحتى اذا صاروا مجتمعين تلقاه يقعد شوي ثمن بحركه سريعة يحط يده على صدره ويتفقد المفتاح

والي يشوفه يقول المفتاح هذا مسويله هستيريا

يوم من الأيام راح الشايب لكل واحد من عياله وكلمه لحاله وقال له::شف ياوليدي ترى الي بالصندوق أموالي كله اذا مت لا تتعبون وتدورون ... وسمع ياوليدي تراك انت الوكيل على اخوانك الله الله لا اوصيك..

واسمع لا يدرون اخوانك اني موكلك لأنهم يبي يغارون منك ويبون يقولون لي غير الوكالة

وقال الكلام هذا لكل واحد من العيال

عاد اصبروا علي شوي وانتضروا وش بيزينون العيال مع الشايب وايش راح تكون ردة فعلهم

(((abo saleh))) · 18-05-2009, 10:07 AM

شوقتنا لا تبطي علينا بالباقي

عـزتي في سمـو ذاتي · 18-05-2009, 02:11 PM

قصة جميلة

بس لاتبطي

.

بريداوي حجازي · 18-05-2009, 02:38 PM

اسف على التأخير كنت نايم

وين وصلنا

ايه تذكرت

الولد الكبير يوم شاف ان الدعوة سذا جمع اخوانه
يوم اجتمعوا قال الولد الكبير::يا اخوتي الوالد ما ينتخلا لا زم نهتم بوه واتفقوا ان كل يوم على واحد ..

صارن حريم العيال اذا صار الشايب عنده اول اليوم تقهويه وتقدم له الفطور

وتدخله الحمام يتروش وما تخليه يطلع الا تقل بيضه من النظافة

ثمن تلبسه الملابس المكويه وتقعده بالمجلس عقب ما تبخره

وصايرن شايبنا تقل امير

مع مرور الايام جمع الولد الكبير اخوانه وقال::اسمعوا،، ابوي ما ينتخلا بليى عرس كل واحد منا يدورله الين ما نلقا له المره الي تصلح له

راح الشايب يسلم على صديقه النجار

يوم راح له ::النجار ما استغرب لأنه يدري ان خطته محكمة

سلم عليه

النجار::وشرايك بس ..
الشايب::لو انا داري كان جايك من مبطي

النجار::هههههه
الله ياخذ ابليسك
الشايب::لا بعد تراك معزوم على عرس
النجار ::ما شاء الله منهو عرسه
الشايب::انا
النجار::الا هاذي ما توقعته عالبركه الله يجمع بينكم بخير عساه صغيره
الشايب ::

النجار::ههههههه
باخر عمرك تستحي تقل بنيه

عالعموم متى ان شاء الله

الشايب::الخميس الي يجي
النجار:: على خير

الشايب::بامان الله

تزوج شايبنا وعاش حياته صح عاش حياة ما عاشها من قبل

لاكن الاعمار بيد الله
مات شايبنا الله يرحمه : eek5: oo

يوم مات وهو بالبيت اجتمعوا العيال على الشايب وكلن نحر صدره ناوي ياخذ المفتاح
وتهاوشوا كلن يقول انا الوكيل :: انا موكلن ابوي

قال واحدا منهم اسمعوا ياعيال خلونا ندفن ابونا وبعدين نتفاهم والي ياخذ المفتاح كبيرنا

دفنوا ابوهم واجتمعت العايلة الكريمة عند باب الحجرة والأخو الكبير معه المفتاح

فتح الباب وادخلوا العيال الذكور

فتح الصندوق ويا للمفاجئة

قال واحد منهم لا تستعجلون خلونا نفتش الصندوق

فتشوا بسرعه لقوا ورقة

قروها

لقوا مكتوب فيها (((((الأوتاد والنزيرة بذنب الي ما يبر ابوه الا بحيلة)))))

العيال يوم قروا الورقه صاروا يصيحون

وبدوا يقولوون ليتنا بارين ابونا من قبل ليتنا بارينه لله بهب عشان هالصندوق

اتمنا ان تكون اعجبتكم

نستفيد :: ان الواحد يبر بوالديه لله بدون ان ينضر الى مصالح ماديه ((وجهة نظر شخصية))

اسأل ربي ان نكون من البارين بوالديهم

اللهذام · 18-05-2009, 02:39 PM

اقتباس


	واسمع لا يدرون اخوانك اني موكلك لأنهم يبي يغارون منك ويبون يقولون لي غير الوكالة وقال الكلام هذا لكل واحد من العيال

امممم

قاله لكل العيال ! معقوله .. ايه همن وش صار !! << يقاله متحمس

لاعاد تبي الصدز القصة مووت وأنتظرك تكمله ياخلفهم لاتبطي علينا

أتوقع اذا دريوا ان السالفة به ( فلو ) بيبرون بأبوهم ..

بانتظارك ياحلو

Bleeder · 18-05-2009, 03:36 PM

اقتباس


	يوم مات وهو بالبيت اجتمعوا العيال على الشايب وكلن نحر صدره ناوي ياخذ المفتاح وتهاوشوا كلن يقول انا الوكيل :: انا موكلن ابوي

هههههههههههههههههههههه هههههههههههههههههه
هههههههههههههههههههههه هههههههههههههههههه

مهسترين هالعاقين

القصه حميله جداَ
اللهم اجعلنا من البارين بوالدينا

بريداوي حجازي · 18-05-2009, 04:08 PM

شكرا ((( ياللهذام)))

وبرنس بريدة وabdallh وعزتي

واتظر تعليق البقيه و<<تشجيعهم>> لي

علشان اتفاعل اكثر وانتج اكثر

هع هع هع هع

((مستر)) · 18-05-2009, 06:13 PM

حلوه القصه ..

مشكور .. يعطيك العافيه ..

خوي السرور · 18-05-2009, 06:51 PM

سالفتن كويسة .. بانتظار التكملة ..

بريداوي حجازي · 18-05-2009, 07:08 PM

ياخوي السرور السالفة خلصت

اتمنى انه اعجبتك

بريداوي حجازي · 19-05-2009, 11:01 AM

حرام عليكم يا ناس الي ردوا على ابداعي يعدون بالأصابع

وينكم شجعون ::::::: علقوا ::::::: اضحكوا ::::::: اكتبوا اي شيء ::::: اهم شيء ابي اهتمام

اللهذام · 19-05-2009, 02:20 PM

^^
ياألبي أنت

بريداوي حجازي · 19-05-2009, 04:07 PM

يسلموا ياعمري ياللهذام

جبرت بخاطري شوي هه

18-05-2009, 07:42 AM	#1
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	سولافة اتمنى تعجبكم هذا بوه واحد كبير بالسن وعنده عيال وش كثرهم وعياله كلهم متزوجين وعندهم بزارين مع الوقت العيال بدوا يهملون شايبهم وما فيه احد يهتم به ولا يراعيه نسيت اقول ان زوجاته الاربع كلهن ميتات : وصاير شايبنا بغرفة لحالوه ودايم البزارين يدخلون عنده ويزعجونه باختصار حالته حاله يرثى عليها هو عجز يتحمل امر هاكاليوم يطلع من البيت وناوي يسلم على صديقة القديم النجار راح لمه :::::اول ما شافة النجار انصدم النجار::هلا والله بك وينك من زمان ما شفتك الشايب:: خله على ربك هاذ الدنيا الله يكفينا شره النجار :: مير قلي وراك حوسه وثيابك وصخه وجهك ما يبشر الشايب:: ااايه وش اقول وش اخلي العيال الله يهديهم انشغلوا بزوجاتهم وبزارينهم واهملون شوفت عينك الي يشوفن يقول جاي من افريقيا النجار :: انت تقوله لاكن تبي الحل .. الشايب :: تكفى النجار :: الحل عندي وانا ابو هندي وبدا النجار يشتغل بعدته الين ما زين صندوق وحط بالصندوق (نزيره.....نقيرة) وثبت النزيرة (بأوتاد) النقيرة::هي الطاحونه حقت الأولين بس قديمة الي هي الرحا الأوتاد::هي خشبة بارزة تحط بالجدار على شان تستخدم تقل معلاق المهم كتب بورقة صغيرة كلام وحط الورقة بالفتحة الي بالنزيرة وشرى قفل قوي وقفل الصندوق بالي بوه عاد انتضرون اللين اكمل وشوفو وش بيصير مع العيال والصندوق

18-05-2009, 10:07 AM	#3
(((abo saleh))) عـضـو تاريخ التسجيل: Feb 2009 المشاركات: 511	شوقتنا لا تبطي علينا بالباقي __________________

18-05-2009, 02:11 PM	#4
عـزتي في سمـو ذاتي عـضـو تاريخ التسجيل: Dec 2007 البلد: buraydah المشاركات: 832	قصة جميلة بس لاتبطي . __________________ . إذا صهرتك الآم الدنيا فلا تحزن فربما اشتاق الرحمن لسماع صوتك وأنت تدعو له .

18-05-2009, 06:13 PM	#9
((مستر)) عـضـو تاريخ التسجيل: Apr 2009 المشاركات: 123	حلوه القصه .. مشكور .. يعطيك العافيه .. __________________ [GLINT]لتواصل...أهلا بكم..[/GLINT][FRAME="7 50"]m.s.t.e.r@mail.net.sa[/FRAME]

18-05-2009, 06:51 PM	#10
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	سالفتن كويسة .. بانتظار التكملة .. __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )

18-05-2009, 08:38 AM	#2
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	شكرا على التفاعل ((بريداوي:::الاصل من بريدة)) ((حجازي:::ساكن بالحجاز)) نرجع للشايب الشايب يوم جا للنجار النجار علمه وش يسوي بالصندوق اذا راح لم عياله الشايب اخذ الصندوق وراح للبيت وياله وصل لأن الصندوق ثقيييل مع انه شايله بالحماره يوم وصل نادى علي عياله جو لمه :::... قال الولد الكبير::وش ذا يبيي.. الشايب:: مالك دخل بس يله شيلوه ودخلوه بالحجرة الفاضية الي بجنب حجرتي ياله ياله شالوه العيال وهم يجرونه والشايب عندهم"""" وكل شوي يصارخ على هذا او ذاك ::هاه انتبهوا :: لا يجيه شيء:: انت وخر عنه :: هاه وش صار الشايب ضابط دوره الي يشوفه يقول حاط بهالصندوق راس ماله يوم دخلو الصندوق للحجرة قفل الشايب باب الحجرة وحط المفتا بحبل وعلقه برقبته وصار كل شوي يتفقد المفتاح هو بمكانه ولا لا ويحول انه يشوفونه وحتى اذا صاروا مجتمعين تلقاه يقعد شوي ثمن بحركه سريعة يحط يده على صدره ويتفقد المفتاح والي يشوفه يقول المفتاح هذا مسويله هستيريا يوم من الأيام راح الشايب لكل واحد من عياله وكلمه لحاله وقال له::شف ياوليدي ترى الي بالصندوق أموالي كله اذا مت لا تتعبون وتدورون ... وسمع ياوليدي تراك انت الوكيل على اخوانك الله الله لا اوصيك.. واسمع لا يدرون اخوانك اني موكلك لأنهم يبي يغارون منك ويبون يقولون لي غير الوكالة وقال الكلام هذا لكل واحد من العيال عاد اصبروا علي شوي وانتضروا وش بيزينون العيال مع الشايب وايش راح تكون ردة فعلهم

18-05-2009, 02:38 PM	#5
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	اسف على التأخير كنت نايم وين وصلنا ايه تذكرت الولد الكبير يوم شاف ان الدعوة سذا جمع اخوانه يوم اجتمعوا قال الولد الكبير::يا اخوتي الوالد ما ينتخلا لا زم نهتم بوه واتفقوا ان كل يوم على واحد .. صارن حريم العيال اذا صار الشايب عنده اول اليوم تقهويه وتقدم له الفطور وتدخله الحمام يتروش وما تخليه يطلع الا تقل بيضه من النظافة ثمن تلبسه الملابس المكويه وتقعده بالمجلس عقب ما تبخره وصايرن شايبنا تقل امير مع مرور الايام جمع الولد الكبير اخوانه وقال::اسمعوا،، ابوي ما ينتخلا بليى عرس كل واحد منا يدورله الين ما نلقا له المره الي تصلح له راح الشايب يسلم على صديقه النجار يوم راح له ::النجار ما استغرب لأنه يدري ان خطته محكمة سلم عليه النجار::وشرايك بس .. الشايب::لو انا داري كان جايك من مبطي النجار::هههههه الله ياخذ ابليسك الشايب::لا بعد تراك معزوم على عرس النجار ::ما شاء الله منهو عرسه الشايب::انا النجار::الا هاذي ما توقعته عالبركه الله يجمع بينكم بخير عساه صغيره الشايب :: النجار::ههههههه باخر عمرك تستحي تقل بنيه عالعموم متى ان شاء الله الشايب::الخميس الي يجي النجار:: على خير الشايب::بامان الله تزوج شايبنا وعاش حياته صح عاش حياة ما عاشها من قبل لاكن الاعمار بيد الله مات شايبنا الله يرحمه : eek5: oo يوم مات وهو بالبيت اجتمعوا العيال على الشايب وكلن نحر صدره ناوي ياخذ المفتاح وتهاوشوا كلن يقول انا الوكيل :: انا موكلن ابوي قال واحدا منهم اسمعوا ياعيال خلونا ندفن ابونا وبعدين نتفاهم والي ياخذ المفتاح كبيرنا دفنوا ابوهم واجتمعت العايلة الكريمة عند باب الحجرة والأخو الكبير معه المفتاح فتح الباب وادخلوا العيال الذكور فتح الصندوق ويا للمفاجئة قال واحد منهم لا تستعجلون خلونا نفتش الصندوق فتشوا بسرعه لقوا ورقة قروها لقوا مكتوب فيها (((((الأوتاد والنزيرة بذنب الي ما يبر ابوه الا بحيلة))))) العيال يوم قروا الورقه صاروا يصيحون وبدوا يقولوون ليتنا بارين ابونا من قبل ليتنا بارينه لله بهب عشان هالصندوق اتمنا ان تكون اعجبتكم نستفيد :: ان الواحد يبر بوالديه لله بدون ان ينضر الى مصالح ماديه ((وجهة نظر شخصية)) اسأل ربي ان نكون من البارين بوالديهم

18-05-2009, 04:08 PM	#8
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	شكرا ((( ياللهذام))) وبرنس بريدة وabdallh وعزتي واتظر تعليق البقيه و<<تشجيعهم>> لي علشان اتفاعل اكثر وانتج اكثر هع هع هع هع

18-05-2009, 07:08 PM	#11
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	ياخوي السرور السالفة خلصت اتمنى انه اعجبتك

19-05-2009, 11:01 AM	#12
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	حرام عليكم يا ناس الي ردوا على ابداعي يعدون بالأصابع وينكم شجعون ::::::: علقوا ::::::: اضحكوا ::::::: اكتبوا اي شيء ::::: اهم شيء ابي اهتمام __________________ [GLOW="FFFF33"] اذكروا الله ما بش توقيع [/GLOW]

19-05-2009, 02:20 PM	#13
اللهذام عـضـو تاريخ التسجيل: Sep 2007 البلد: AL MADINAH المشاركات: 2,914	^^ ياألبي أنت __________________ . . هي موتة واحدة .. فاجعلها في سبيل الله

19-05-2009, 04:07 PM	#14
بريداوي حجازي عـضـو تاريخ التسجيل: May 2009 البلد: المدينة المنورة المشاركات: 218	يسلموا ياعمري ياللهذام جبرت بخاطري شوي هه __________________ [GLOW="FFFF33"] اذكروا الله ما بش توقيع [/GLOW]