 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
03-06-2009, 03:08 PM
|
#1 |
|
عـضـو
تاريخ التسجيل: Jun 2009
البلد: qassim
المشاركات: 5
|
عزوبي ويبي يتزوج .. وعربجي درجه ثانية
السلام عليكم ورحمة الله وبركاته اهلا اهلا بالشباب والشيبان والشبابات والعجيزات ... شسمه شخباركم كلكم اخوكم الله يسلمكم ناخيكم طابن طبوبتن عليكم ويقولون اذا قالوا لك تكفى تراها تهز الرياجيل ... يالله اشوفكم كلكم على الهزاز ... المهم الله يخليكم ومن كل شر يحميكم ويستر علينا وعليكم بعد جهد وجهيد ومراوغات وهوشات ومشاكل وكلش الله يسلمكم تمت وفرجها عزيز الجلالِ ... بعد مكافحه وهواش دام اكثر من سنتين عزمت و وافقت على الزواج ويسر الله لي وخطبت بنت حلال شرواكم يااهل الطيب < ابو المصالح ياشيخ المهم وين العونات ياجماعه ؟؟ والله لو كل واحد دخل هالموضوع وعطان خمس مية تسان مابقى ولا عانسه بالسعوديه وتسان اللي مثلي يطق له ثنتين بليله وحده < عسانى نتحمل وحده بس المهم اتسذب عليكم ماابي قروش يالله لك الحمد منعمن الله علينا بفضله ابي دعاكم الله يسلمكم والشيء المهم اللي كاتبن الموضوع علشانه موب يعني الدعاء موب مهم انت وخششكم لا لا تراه مهم ... اخوكم قدر الله عليه وصار عربجي درجة ثانية ولله الحمد فـ الله يسلمكم جلسة اسولف مع من سبقونا بهذه التجربة المرّه عند البعض والحلوه عند آخرين < متعوب على هالجملة إيه المهم كل واحد جلس يسولف لي عن يوم عرسه < تحمست عاد انا المهم مالكم بالطويله < خليت به طويله او قصيره انت ايه نرجع قال لي واحد تصدق اني جبت لي حلاق تركي ببيتي يزبطن < ضحكة بقلبي وقلت اخس يالكوفيره جيتن عندك ههههه والثاني يقول رحت وزبطة نفسي ومدري شلون والثالث يقول اخذت حمام بخار وحركات والرابع والخامس ... كل واحد يقص لي حكايته المهم اني ماادري وش الطبخه انا .. السؤال المطروح هنا الحين انتم وش رايكم وش اسوي انا كرجل تلميع والا مدري وشو و وش الحلاقين الزينين عندنا بذا يضبطنا كويس ياليتكم تدلونا على الطريقه الزينه والمثلى الله يخليكم محبكم مفارق العزوبيه بتاريخ 13/ 7 / 1430 هـ  دعواتكم  دمتم بحب
|
|
|
03-06-2009, 03:25 PM
|
#2 |
|
عـضـو
تاريخ التسجيل: Dec 2008
البلد: بريده
المشاركات: 546
|
الله يوفقك ويجمع بينكم بخير
__________________
[]  [/IMG]
|
|
|
|
03-06-2009, 03:37 PM
|
#3 |
|
عـضـو
تاريخ التسجيل: May 2009
المشاركات: 493
|
الله يعين الي تبي تاخذك
أمزح معك لا تصدق لكن تبي الصراحة الزين زين لو قام من منامه والشين شين لو لبس كل ماله وأنت من أيهم ياخوفي تصير الثاني |
|
|
|
03-06-2009, 03:38 PM
|
#4 |
|
عـضـو
تاريخ التسجيل: Nov 2007
المشاركات: 71
|
وين انت عن الدنيا مادريت ان موضة العريس السنه
الراس قرعه وبدون لحيه ولاشنب علشان تحسبك .. رضيع..اووووه عز الطلب علشان تهدك وتحندك <<ايقالك فهمته مير اسأل امك خلك مرتب ولاتبالغ وانتبه لشطوبك بس لاتمشع المفرش |
|
|
|
03-06-2009, 04:21 PM
|
#5 | |||||||||||||||||||||||
|
مراقب عــام
تاريخ التسجيل: Feb 2008
البلد: بريدة ستي
المشاركات: 17,625
|
تنسيييييييييم  مهب تقل الكشكول أزين له ؟؟؟ 
__________________
راح الزعيم اللي علينا خسارة .. اللي بحكم الله يمشي القوانين   Sense Designs شكراً
 |
|||||||||||||||||||||||
|
|
|
03-06-2009, 04:25 PM
|
#6 |
|
Registered User
تاريخ التسجيل: Dec 2007
البلد: ► بين ثلوج زكوبن ►
المشاركات: 3,806
|
ماشاء الله
1000 مبروك الله يبارك فيكم ويجمعكم على خير ,, |
|
|
|
03-06-2009, 04:32 PM
|
#7 |
|
.. فُــرٍجَـــتْ ..
تاريخ التسجيل: Nov 2008
البلد: خارج الخدمة مؤقتا-أعتذر
المشاركات: 3,091
|
من خلال خبرتي//اخس يالمعرس
انصحكـ تروح تسوي بخار و جاروكوزي وتلمع الكنادر وتطق بشت أخضر  اتمنى لكـ زواجاً سعيداً ولاتنسى تعزمنا
__________________
سبحان الله وبحمدهـ |
|
|
|
03-06-2009, 04:38 PM
|
#8 |
|
عـضـو
تاريخ التسجيل: Oct 2008
البلد: الرياض
المشاركات: 854
|
ماشاءالله تبي تعرس إيه مايخالف إعرس
أخيي عنده مكينة شاريه من ساكو وبلش به مر عليه والحلاق اللي ياخذ10 هو يبي ياخذ ريالين واذا قلت له جاي من طرف أكا الرجال بريال( عونتي) والوجه أفركه بصابون تايد مع ليمونه تطلع تهبل الله ييسر أمرك ياشيخ |
|
|
|
03-06-2009, 04:50 PM
|
#9 |
|
عـضـو
تاريخ التسجيل: May 2005
المشاركات: 6,050
|
خلـّـك طبيعي وأنا أخوك ولا تكلـّـف ، وصدقن ماهنا ملحك أبد ، وإن كان ودك تطلع زين بهاك الليلة وبعده فالمعاشرة الحسنة تبي تنسي شريكة حياتك كل شين بك ، وتبي تطلـّـع الزين اللي بك بشكل أكبر ، وصدقن إن حبـّـك زوجتك فلا رايح تشوف بك أي عيب . عيون الحـُـب لا يمكن تناظر عيوب الخل لو هو عيب كلـّـه لا تزبرق بالحيل وإياك إياك من هالمكاييج اللي طايحينن بهن من تالي ، ولا طرت عليهم قالوا : [ تجهيز عريس  ... !!! ] وخذ يا دفع من هالدراهم .الله يوفقك لكل خير ، ولا تنسى الدعاء والورد . |
|
|
|
03-06-2009, 05:14 PM
|
#10 |
|
عـضـو
تاريخ التسجيل: Apr 2009
البلد: على قمم الجبال
المشاركات: 553
|
ُMْR َAِLIَNَA َBAْLَKَAْSْHُKُOْL << يقلع ابليسك والله يانا أحوف القلنقلش
أقول تدري وش مكتوب فوق يقول مر علينا بالكشكول .. يالله قدامي ضف عفشك ولا أشوفك بهذا توحي ولا لا ؟ ... لو إنك عازمنا مير تسن مايصير خاطرك إلا زين .. .. امزح الله يوفقك ويسر أمرك بس تدري وش المشكلة بذا ما نقدر نسولف معك وناخذ ونعطي لأنه حق الناس الجادين << لاتفهم شيء ثاني
__________________
LOVING VISION RAHMAN هناك .. الحياة ليست كالحياة .. والممات ليس كالممات
هم كانوا مثلنا ! أي أننا نستطيع أن نكون مثلهم ! |
|
|
|
03-06-2009, 08:28 PM
|
#11 |
|
عـضـو
تاريخ التسجيل: Mar 2005
البلد: الـريـآن
المشاركات: 1,612
|
خابرن لك برتسه تقريباً عرض الشبا اللي به 10 سم ما عليك الا انك تطب صاروخ لـ مرتين فقط
 ثم تطلع وتنسدح بجمب البرسه وتاخذ من الشبا وتلطس البدي كاملاً ... و تشمش نص ساعة ... بعده اسبح بماء حار ... شف وجهك وعلمنا وش صار عليك 
__________________
. |
|
|
|
03-06-2009, 08:54 PM
|
#12 |
|
Registered User
تاريخ التسجيل: May 2009
البلد: السعوديه
المشاركات: 421
|
بـــارك الـلـه لـكـمـا و بـــارك عـــلــيــكــمــا وجـــمــع بــــيــنــكـمــا بــــخــيــر
|
|
|
|
05-06-2009, 07:41 PM
|
#13 |
|
عـضـو
تاريخ التسجيل: Jun 2009
البلد: qassim
المشاركات: 5
|
عنزي
الله يوفقك ويجمع بينكم بخير اللهم امين ياحبي لك تكفي هالدعوه --- --- ابونواف الله يعين الي تبي تاخذك شف بيني وبينك هو الله يعينه هيّن مابه شك ... بس عساه تصير راعية صبر بس الزين زين لو قام من منامه والشين شين لو لبس كل ماله مابه شك يااخوك انا من النوع الاول هههههههههه < احلق عيني ياشيخ ياحبي لك ولمرورك وفلتك --- --- الاسطوره وين انت عن الدنيا مادريت ان موضة العريس السنه الراس قرعه وبدون لحيه ولاشنب علشان تحسبك .. رضيع..اووووه عز الطلب علشان تهدك وتحندك <<ايقالك فهمته مير اسأل امك _ لا تقوله تراه تجوز لي بس اخاف انه تهج هههههههه اما الهد آه بس وشلونك بس خلك مرتب ولاتبالغ وانتبه لشطوبك بس لاتمشع المفرش البلا بالشطوب مترين الله يكرمكم ، والترتيب من الله مرتب ههههههه يسلم لي مرورك ياحبي لك --- --- ابوربا هلا وغلا بك ياحبي لك --- --- ضايق الصدر ماشاء الله 1000 مبروك الله يبارك فيكم ويجمعكم على خير ,, آمين آمين الله يوسع صدرك يااخيي واغديك تتفائل وتغير لقبك لـ واسع الصدر مع اني اخاف من الناس تنضلك ياحبي لك --- --- الطرطعانه من خلال خبرتي//اخس يالمعرس انصحكـ تروح تسوي بخار و جاروكوزي وتلمع الكنادر وتطق بشت أخضر اتمنى لكـ زواجاً سعيداً امين امين ولاتنسى تعزمنا ابششر انتظرن بس ههههههه ، جاروكوزي < وشو ذا صابون والا شانمبو والا ليفه ؟؟ يااخوك يقول لك المثل ( خاطب الناس بما يفهمون ) حرف بالمثل .. ياحبي لك والله تسلم لي لمرورك --- --- الحلقه 464 ماشاءالله تبي تعرس إيه مايخالف إعرس أخيي عنده مكينة شاريه من ساكو وبلش به مر عليه والحلاق اللي ياخذ10 هو يبي ياخذ ريالين واذا قلت له جاي من طرف أكا الرجال بريال( عونتي) والوجه أفركه بصابون تايد مع ليمونه تطلع تهبل خلاص اجل بجي لمك وتعطين مكينة اخوك بس وش هي من لحية هالمكينه تراي ابعرس موب الله يستر عليّ الله ييسر أمرك ياشيخ آمين آمين واياك ياحبي لك --- --- المسفهل < دوم مسفهل خلـّـك طبيعي وأنا أخوك ولا تكلـّـف ، وصدقن ماهنا ملحك أبد ، وإن كان ودك تطلع زين بهاك الليلة وبعده فالمعاشرة الحسنة تبي تنسي شريكة حياتك كل شين بك ، وتبي تطلـّـع الزين اللي بك بشكل أكبر ، وصدقن إن حبـّـك زوجتك فلا رايح تشوف بك أي عيب . عيون الحـُـب لا يمكن تناظر عيوب الخل لو هو عيب كلـّـه لا تزبرق بالحيل وإياك إياك من هالمكاييج اللي طايحينن بهن من تالي ، ولا طرت عليهم قالوا : [ تجهيز عريس ... !!! ] وخذ يا دفع من هالدراهم . انا مليح خلقه < مادح نفسه ههههههه .. اما هالمكاييج مادخلت ولا بلعتهه خلقه ... الله يوفقك لكل خير ، ولا تنسى الدعاء والورد . امين ، والله يجزاك خير ياحبي لك ---- --- محب .. إلخ ُmْr َaِliَnَa َbaْlَkَaْsْhُkُoْl << يقلع ابليسك والله يانا أحوف القلنقلش أقول تدري وش مكتوب فوق يقول مر علينا بالكشكول انقليزي والا تركي ذا تعلم انكليزي وتعال ههههههه < واحد مايعرف انقليز ويصرف .. يالله قدامي ضف عفشك ولا أشوفك بهذا توحي ولا لا ؟ ... لو إنك عازمنا مير تسن مايصير خاطرك إلا زين .. شف يااخي انا بشوف من هو اللي يبي يعلمن ويفزع لي واعلمه ابكشف من الصديق من العدو فاللي يبي يفزع ابعزمه والا موب فازع اعرف انه راعي مصالح بس واكتشفت انك من الثانين ههههههههه امز امزح انت اول واحد معزوم بس شف احلف ان تجي اذا عزمتك ههههههه وتعلمن من انت اذا جيت .. امزح الله يوفقك ويسر أمرك امني واياك بس تدري وش المشكلة بذا ما نقدر نسولف معك وناخذ ونعطي لأنه حق الناس الجادين << لاتفهم شيء ثاني خلاص وين نروح بوه نسولف هههههه ياحبي لك ياشيخ ارهب احد انت --- --- فارس 7 خابرن لك برتسه تقريباً عرض الشبا اللي به 10 سم ما عليك الا انك تطب صاروخ لـ مرتين فقط ثم تطلع وتنسدح بجمب البرسه وتاخذ من الشبا وتلطس البدي كاملاً ... و تشمش نص ساعة ... بعده اسبح بماء حار ... شف وجهك وعلمنا وش صار عليك انت ناون تخلين الله يسلمك اخضر اخاف ينط من راسي ضفدعن بخشته هههههههههه عاد الله يستر بس تصدق زين يمكن تطب عندي اووه فله ههههههه ياحبي لك والله --- --- السمو الروحي بـــارك الـلـه لـكـمـا و بـــارك عـــلــيــكــمــا وجـــمــع بــــيــنــكـمــا بــــخــيــر امين امين تسلم والله وياحبي لك |
|
|
|
05-06-2009, 10:30 PM
|
#14 |
|
عـضـو
تاريخ التسجيل: May 2009
البلد: ّّ>< بريـــــــــدة ><
المشاركات: 81
|
الله يوفقك ان شاء الله ..
ويسعدك دنيا واخرة ـــــــــــــــــــــــــــ |
|
|
|
| الإشارات المرجعية |
|
|
النمط المتتابع
