[أبو شهـــــد]

بسم الله الرحمن الرحيم .. :
السلآم عليكم ورحمة الله وبركآته ومغفرته ومرضآته واللي بمخباتك هاتوه

يآحيا الله الرجآلين الكوسين .. :

أبشركم بدينا بالآختبارات .. ونبي نقضى ونستانس و ننبسط وبعض العالم ياويلي مابعد اخذوا ولا الجدول ..

المهم ماعلينآآ .. :
السبوع اللي فات جآنا الدكتور وعطانا هووم وورك يعني تكليف يعني واجب
وشلون طريقتووه ..؟
يعطيك 15 سؤال انت تختار حداهن وتحلوه ..
يوم شفت الأسئلة ولا أسهلهن ها السؤال .. :

اقتباس اكتب مقالة يمكن أن تنشر في صحيفة رسالة الجامعة بما لا يقل عن خمسة عشر سطراً عن أهمية التواصل في حياتك العلمية والعملية، مراعيا أسس بناء المقالة التي عرفتها .

يالله عآآآد شلق بصل يآبو سليمآن ..
المهم واستعين بالله وقلت وش الفرق بيني و بين العشماوي
اللهم أنوه يكتب بالجزيرة وأنا يمكن يطلعون مقالي بمجلة الجامعة .. ااااا قصدي رسالة الجامعة ..

أيه ومير أروح يم الدكتور قلت يأ بو زكريا وشلون زكريا عسآو بداء يمشي .. << = تخيلتون قايلن لوه سذا .. وشلون الدبيش عساو يقشقش

قلت يا دكتور مصطفى أنا كنت مدير تحرير مجلة المدرسة ووو وعطة من الرخيص
عآد خبركم المصريين يرحون وطي سذآآ
قلت الزبدة يابو زكريآ أنا أبكتب مقال لكن تضمن لي أنوه ينزل ولا المعذرة
عاد هو بدا يشحط ويقول لا أنت وآآد قدع ووو .. :


حسيت انوه يبي كلام نآس فطآحلة يعني جب لوه مفردات انما ايه ..
عاد اللي يبي يدقق بالمقال يبي يشوف العجب العجاب ..
أتحدى واحد يقول لي وش الفكرة الرئيسية ولا وش الفائدة اللي طلعت به من المقال ..
تدري ان ما بالثوب احد


والله ومير اطبق ماشارت به نفسي فإليكم المقال الجامعي <<=

.. : لنبني وطن : ..

إن الناظر في واقع التعليم العالي ليجد أننا في هذه الدوله المعطاء
المملكة العربية السعودية تتوفر لدينا الكثير من المقومات المساعدة
على النجاح , وعند الأتفات إلى مخرجات تعليمنا وخريجيينا ,
لا نكآد أن نرى مايساوي ماصرف . إذاً أين المشكلة الطلاب يلقون
اللوم على معلموهم .. بينما المعلومن يلقون بالحمل على الطلاب ..
والكل يتبراء مما وقع بنا جميعاً . إننا عندما نتحدث عن مشكلة تشآكل
هذة المشكلة لابد وأن نكون حياديين . وإلا فنسير بخطيين متوازيين بلا
نقاط التقاء . وبغظ النظر عن مشآكل الطاقم التعليمي ولأنهم هم اعرف
ببيئة العمل وهم أعرف بما يجدي من حلول . و بالنظر للوجة الآخر من
حل المشكلة قد يقول قائل أن الحمل الأكبر من حل المشكلة هو على الطالب ..
وهو غير جدير بمايقدم له من امتيازات تميزه عن غيره من شعب العالم .
ويزيد العلة علة من يقول أن الحل يكمن في المناهج ولابد من إعادة النظر بها
وتفصييلها تفصلاً واسعاً ليفهموا وليعرفوا جيداً بل ولابد من حذف مايكون
سهلاً ولابد التشديد عليهم ليخرجوا لنا رجال . بينما يقول الطلاب أن الطاقم
الأداري شديد التعامل لابد من تقليل عدد السآعات وزيادة المكافأت بل أننا نريد
تضلييل مواقفنا وإلا كيف تريدوننا أن نكون ناجحين .. و زياده على هذا يكابر
بقوله .. إني أرى أن تغير الآدارة فهم حاقدون على الطالب . أحبتي إن حل
المشكلة لم يكن بالمواجة وحل المشكلة لن يحصل إلا بحل متفق من الطرفين .
لانريد مجلس إستشاري بين بعض الطلاب المجتهدون والأدارة .. نريد أن
يصل صوت كل طالب إلى الآدارة بل ويكون رائية محل الأهتمام . عندها سنصل
لحل يرضى الطرفين كل هذه الحلول هي من طالب يكتب مايوآجه أما عن الأدارة
فلا نعلم عن مشاكلهم وكلنا أمل بأن الأدارة لديها القدرة على حل مايمكن حله وكلنا
عون لهم وماهذا إلا لنبني وطن .

ابن الوطن : شلقة
الرقم الجامعي : ---------

للمعلومية يآعيال النقد والآقسآط والكآش كلهن مانقبلهن .. وشكراً
الموضوع برعآية / ابو زكريآ .. [ الآول على دفعته ] .. !!

وشكراً لتحملكم للموضوع الأنمايشن

أبو سليمآن

[GIVENCHY]

اقتباس وشلون الدبيش عساو يقشقش

ياحلييلك يا أبوسليمآن أثرك مثقف

واناا مدريت أثر القريحه ماتبيييله شي

وشون تغيرت عوقبي

خـآآبرك تر لللي

ولاتنسئ الي قلتلك البحث < ~ بلش به

[ولد عبدالله]

هههههههههه والله يا انت منسم

بس الصحيح انك جبته

[فـــــ1997ـــــارس]

ماشاء الله مشاء الله اثرك منتب سهل

تبي الصز المقال ممتاز جدا لو انت كاتب تحتوه د / سلمان العوده كان اصدق

لكن بشر عساو جاز لمصطفى الدكتور حقكم

[مـغـتـرب]

اقتباس المشاركة الأساسية كتبها :. شلقة :. على معلموهم .. بينما المعلومن يلقون بالحمل على الطلاب

وش المعلومن الله يرحم والديك

اقتباس المشاركة الأساسية كتبها :. شلقة :. والكل يتبراء مما وقع بنا جميعاً ** وإلا فنسير بخطيين متوازيين بلا ** ابن الوطن : شلقة ** ابو زكريآ .. [ الآول على دفعته ] .. !!

مع اني دبشت صقعا بالإملاء
اعلمك اني ضحكت الإملاء عندك صفررررهذا وانت بالجامعة الله يخلف..شكلك بقسم زراعة بيطرية..
هههههههههههههه
يتبراء //تسثر منه..
والا فنسير :الله يقلع العدو

جازت لي ابن الوطن

ابو زكريا ههههههههه وش خليت مصري وماسكتن معه تسذب

[عبدالرحمن الشايع]

.


وش هو يقول يعيآل .. ؟


ههههههههههههههههههههههههههههههه .. ولو آثرك منت بسيييط يآلبي !

يآخي دآيم آحس حقين الكشكول .. ثوب مآبسطه آحد .. .. يعني آحسهم مآعندهم إلا الصرقعه والتبطح ..

[خوي السرور]

أجل مشكلة تشآكل

أول مرة أسمع به ..

عموماً تميز ياخلفهم .. موضوع خارج عن المألوف .. والإملاء لحاله نكتة

[rèmàn]

اقتباس المشاركة الأساسية كتبها :. شلقة :. إننا عندما نتحدث عن مشكلة تشآكل هذة المشكلة لابد وأن نكون حياديين . وإلا فنسير بخطيين متوازيين بلا نقاط التقاء

شلقه مع إنك أنت اللي كاتب الموضوع أبيك تشرحلي ذي أولاه
هالوقت لاتحقر أحد

[اللهذام]

والله من زين العلوم

[[ لــمّــآح ]]

.


أبو سليماان هجت به .. ذذ



إلى متى أعلمك الاملآء !



متعوب على المقااال واستخدام مصطلحات ومفردات قوية .. ذذ

[نبوغ الفكر]

.

ما شاء الله عليك أبو سليمان كاتب من الطراز الأول
الله يوفقنا وإياك والجميع بالاختبارات

.

[حفيد اعقيل]

.
.
.

اقتباس إننا عندما نتحدث عن مشكلة تشآكل هذة المشكلة لابد وأن نكون حياديين . وإلا فنسير بخطيين متوازيين بلا نقاط التقاء

..

لو بس هالنقاط اللي إقتبسـتهن من المقال كانن مع الرائد

كان أخذ أخذ دوري المحترفين بلا منازع .. ؟؟

64نقطة

ترا مالي بالكورة لاتشغلونن


.


.
.
.

[خوي السرور]

^
^
^
تراوه كان يشجع النصر أيام ماجد

[YUOSSEF]

اجل ابو زكريا

على فكره تراي
ما كملت المقال
قريت اوله يوم وصلت
مشآكل ما ادري تشاكل امر اغرز
الصراحه جان شد بلساني يوم قريته

سلم لي على ابو زكريا