[باترول]

كثر السب والشتم للشركة وموظفيها وحنا ياجماعة مالنا أي ذنب بالي حصل والي سيحصل
وترانا مانحلل أي واحد يسب ويدعي علينا وحسبنا الله ونعم الوكيل وشي ثاني
ياجماعة كلام الأميرمشعل عين الصواب حنا الأن في هذة الأيام نبي حل وهي كالآتي
1 - تطفئة الطرق السريعة مثل طريق بين الأسياح وأبا الورود ولأنوار في الدائري وغيرها
وعلى كل بس نبي وقت الذروة من الساعة 6 ----- 12
2- المساجد متابعتها بعد صلاة العشاء يأخي بعض المساجد اللمبات والمكيفات ماتطفى حتى الصبح
3- البيوت ليش كل غرفة فيها مكيف شغال على طول المفروض تكون شغالة وقت النوم
ياجماعة أحتسبوا الأجر وكل واحد لو مشى بالأشياء راح تنحل المشكلة وبعد هالأزمة نتابع
ونبحث السنوات القادمة
وتكفون لاترمون الأتهامات أو تسبون موظفي الشركة والله حنا مثلكم وأشد نعاني من ألأزمة
وأبشركم الأمور بخير وهالأزمة مثل مالها سلبيات صارلها ايجابيات

[د/الفـهـد]

لااله الا الله

بعدي والله

لاكن...

انت اسئلك بالله مامليت من الانقطاعات

كل ثانيه منقطع الكهرب

لاتنسى

ترانـا ندفع من فلوسنـااا من تعبنـا


77




^^

وش رايك بالصوره

ليش تغلقون الدائري والاسياح وغيرهـا

وانتم مسرفين باالأنوار مشغلينهـا كلهـا

اشكرك على تبريرك

~

[مشكلني]

" باترول "

الله يجزاك خير

لكن المشكله حنا الي لنا اسبوع نختبر كل شوي طافي علينا

ياوقت الصبح تونا جاين من الجامعه وبنام ويتسكر بهالحر

ولا المغرب وقت المذاكره


ولكن مانقول الا لاحول ولاقوة الابالله

[تويجري شامخ]

ماعلينا منك اللي له يد باللي يصير

الله لايوفقه دنيا واخره

[زعيم القصيم]

اقول دور على غيرنا بس
انت ماتدري ان فيه ناس مرضى وفيه ناس عندهم اطفال وفيه ناس عندهم اختبارات
وبعدين ليش هذه السنه بالذات يقولون هذا الكلام

حنا ما نقول الا الله لا يوفق من كان السبب في هذه الانقطاعات ويذوق اللي ذاقوه المساكين خلال الايام اللي راحت
لاحول ولا قوة الا بالله

[بولوهي]

طيب اخوي باترول ليه الكهرب يطفى بالليل ..........؟
شركة الكهرب مهما قدمت اعذار لن اعذرهم . السبب ( اليمليارات التي تذهب دعم لهم اين تذهب ....؟ او كلام واحد من الاعضاء صحيح حينا قال ( المولدات تأتي من الهند ومن اردى الشركات )

وانا لا اتهم الموضفين كلهم بل المقصر والمهم الادارة .

[لقلق]

ندفع دراهم لشركة تكفلة بجميع مكيفات البيت واللمبات
يعني ما لك اي دخل نطفي ولا نشغل

والدعاء اذا انك تستحقه فهي تتقبل ان شاء الله
ندعي ما ندعي مالك اي دخل


والمفروض اي واحد يمشي بسيارة الشركة يتم ايقافة او صدمة

والله الموفق

[باترول]

اقتباس المشاركة الأساسية كتبها بولوهي طيب اخوي باترول ليه الكهرب يطفى بالليل ..........؟ شركة الكهرب مهما قدمت اعذار لن اعذرهم . السبب ( اليمليارات التي تذهب دعم لهم اين تذهب ....؟ او كلام واحد من الاعضاء صحيح حينا قال ( المولدات تأتي من الهند ومن اردى الشركات ) وانا لا اتهم الموضفين كلهم بل المقصر والمهم الادارة .

يأخي أي شيئ معرض للعطل في أي لحظة شف مثل سيارتك انت تأمن انها تبنشر الكفرات
على العموم بالنسبة للشركة أجتمعت الات وكائن قديمة لها أكثر من ثلاثين سنة وهي شغالة
وحر الصيف هالسنة غير وزيادة الطلب على الكهرباء وكل هذا المفروض مخطط له قبل خمس سنوات
لكن الشق أكبر من الرقعة

[śǿǾǿĸř]

يالغالي والله ملينـا من هالكهرب طفى إشتغل طفى إشتغل حراام والله لاكن أنت مسامح أما البـااقي زعلين عليهم شووي تحياتي .

[كلمنتان]

صحيح ليش المكائن لهن ثلاثين سنة ؟؟؟

هذا السؤال؟؟؟

[اخو دريحم]

اخي باترول

ممكن تسمحلى ابسألك سؤال

في أي المواقع تشتغل بشركة الكهرب

حتى اقدر أسألك بالامور الفنية وخاصة بشركة الكهرب

وقضية الاحمال. ومحطة الشرقيه . والغازية

وتغذية محطة القصيم للرياض وحائل

[ضايق الصدر]

والفواتير اللي ندفعها كل شهر حول الألف ريال وش وضعها

ياخي بنفتح كل شي من جيبنا قاعدين ندفع فواتير ,

تبي تسكرون المباني الحكوميه بكيفكم بس افتحو

كهربنا حلالنا ياخي من فلوسنا .

حسبنا الله على من كان السبب .

[د/الفـهـد]

لااله الا الله

اخودريحم اعتقد انه من اهل الاسياح لانه ذكر لنـا

تطفئة الطرق السريعة مثل طريق بين الأسياح وأبا الورود ولأنوار في الدائري وغيرها

~

[اخو دريحم]

اقتباس لااله الا الله اخودريحم اعتقد انه من اهل الاسياح لانه ذكر لنـا تطفئة الطرق السريعة مثل طريق بين الأسياح وأبا الورود ولأنوار في الدائري وغيرها ~

كلش ولا الاسياح وخاصة عين ابن فهيد


وابا الدود أجل يخلى صيد على كيفك

ونفوس طيبة زينة شرواك