[المــــــوج]

............

شاعر كمبيوتري

على غرار شاعر اجتماعي وشاعر سياسي وشاعر اقتصادي و نبطي ....



فيروس هجرك عطل القلب تعطيــــل ...... ودمر ملفات الفـرح فـي حياتـــــــــي

ياللي سكنت القلب من دون تحـميـل ...... متـى لموقعنـا تشـرف وتـاتــــــــــــي

عنوانكم ماهـوب ياهـو وهـــوتمـيـل ...... عنوانكـم روحـي و قلبـــي و ذاتـــــي

كــم مرةٍ أرسلـت لــك عبـر الإيميــل ...... وأدورك فـي منتـداي و شـــــــــــاتـي

وأرسلت لك يا زين فايـلٍ ورى فايـل ...... فيها الغلا والحــب يا أغـلى أمنياتـي

وأرسلت لك قصة عذابي مع الريــل ...... ياللي غيابك هــــــو سبايـب شقاتــي

دايم عليك أبحـث بياهـو و جوجـــــل ...... وأنـت ولا تسـأل علينـا بتـاتــــــــــــي

خابرك بنتيوم فـور أصلـي و إنتيــــل ...... لكن خسـارة غيـروك الوشاتــــــــــي

وكـان الهكر غروك بالقـال والقيـــل ...... بأدعي عليهم في سجودي وصلاتـــي

يـاجعلهـم بقعـاء وطيـرٍ أبابـيــــــــــل ...... ترمي عليهم بأمـر ربـي حصاتــــــــي

يرضيك من حبك غدى منهك الحيــل ...... ريقي غدى ناشف ويبسـت شفاتــــــي

أقضي الليالي دمـع عينـي هماليــــل ...... لا مـن طريتيلـي تـبـدد مبـاتــــــــــــــي

صحـراي جفـت مــالفانـا مخاييـــــــل ...... وأنت المزون اللـي تـروّي نباتـــــــي

وياشين حالي لا قريـــت المراسيـــل ...... في الأوتلوك أذكر قصص ماضياتـــي

منك حزين الحرف شـاف البهاذيــــل ...... وقلبك مثل قرصٍ صلب في القساتــي

موقعـك فـي وجهـي مقفــــل بتقفيـــل ...... حتى البروكسي مانفـــع وش سواتـي

بمفضلـة قلبـــي عطينـــاك تفضيـــــل ...... أنـت المفضـــــل عندنـــا يـــا غنـاتــي

ويا زين هجرك عطل القلـب تعطيـــل ...... ومن غير شوفك وش تساوي حياتـي

كني بدونك قـرص فـارغ ولا فيـــــــل ...... فاسـد ومرمـي بسلـة المهملاتــــــــي

ماعدت أفرق بين اكسـس و أكسيــل ...... وماعدت أفرق بيـن بالتـك وشاتـــــي

وباشكي على الكيبورد كثر الغرابيـل ...... وأكتب على الوورد المطور وصاتــي

وهذي النهاية حطها وسـط تظليـــــل ...... لا مـت فـ غيابـك سبايـب مماتــــــــي




منقول بتصرف