حتى بالأحلااااااام مقرود !!!!!!!

ولد_الصفراء · 10-10-2002, 02:22 PM

كالعاده ومثل كل ليله أبوي طفا الطبلون علينا الساعه تسع إيذانا بإنتهاء اليوم والذهاب للنوم عاد انا صعدت للسطح أبي انخمد إنسدحت على الفراش وأبغّز بالرادو<<<<إنه سياسي وأقعد أفرّك به ومن محطه لمحطه
لين لقيت لي أغنية [بتونس بك]لنجاة متولي الصغيره. تواسيت على الفراش وأنا
أطلق العنان لأفكاري تجمح وترفس<<<حشا صارت فرس المهم افكر بهالوضع اللي حنا بوه والى السماء صافيه والنجوم بيضاء عاد أنا جمح حصاني قصدي تفكيري شوي وأبعد لين حسيت إني بهكالقصر جالس لي على كرسي وقدامي مره[نعم أنثى ] بس ماهي أي أنثى لأنه ملكة هالمدينه اللي حنا به وأنا أحد مستشارينه جلست معنا نراجع أمور المدينه اللي هي حاكمته ومشكلة هالخيول اللي فغصن الوغدان [مابوه سيارات هكالوقت] ومشاكل الحنشل وغيره من المشاكل المهم قامت الملكه وأشّرت بيده يعني انصراف إنصرفو الجميع إلا أنا دعتن وقالت تعال ابيك قربت جنبه وقلت آمري مولاتي تدللي
قالت: شف أنا حاستن إن فيه ناس تبي منصبي ويبون يذبحونن وأبيك تروح للكاهن شفه بالديرة الفلانيه قلّه أنا من طرف الملكة وانتبه لا يدري بك أحد أنثر سنونك وإن سألوك قل ابروح لي مشيويرإنشده وش السواة بهاللي يبون يقضون علي؟
قلت:إزهليهم عاد وأنا أتحزم وأجيك ساحب للكاهن وبطريقي لقيت سمكة تشّر لي وتقول تعال رحت يمه قلت وش تبين؟قالت وين تبي ؟
قلت له مشوار
قالت:لا بذمّمتك وين تبي
قلت :أبروح للكاهن
قالت:أجل أبيك تنشده عن هالدّلقمّه اللي بحلقي له إسبوع غاصتن به
قلت له طيب وأنا أكمل طريقي وألقى ذيب هلكان جوعان يالله يعوي قال وين تبي قلت له مشيوير
قال:قل الصدز لا أعرشك الحين
قلت أبروح للكاهن
قال:سللملي عليه وقل له يقولك الذيب سرحان إنه ما يشبع ودايم جوعان
قلت له طيب وكملت طريقي ووصلت للكاهن وجلست أقص له القصه من أوله تنهد الكاهن وقال:إسمع يا ولدي قل للملكة حقّتكم تزوج لكن بالسّر يموتون أعدائه
أما السمكه فاللي بحلقه جوهره خلّه تطلعه وتطيب
والذيب قلّه لازم ياكل له لحم آدمي مقيريد ويشبع ولا عاد يجوع
عاد أنا قلت خل أنشده عن حالي قال إنت يبي يقوم حظك يا ولدي
طلعت من عنده فرحان وبوجهي للقصر وأقابل الملكة وأقوله اللي قاله الكاهن
فكّرت شوي وقالت وش رايك تزوجني؟ قلت لا إسمحي لي أنا يبي يقوم حظي طلعت من عنده وأروح للسمكه وعلمته قالت تعال إيط ظهري وطلع الجوهره وخذه لك قلت لا ماني فاضي حظي يبي يقوم وأنهج للذيب وأنا أقوله اللي قاله لي الكاهن قال الحين انت منين جاي؟ قلت له اللي صار لي مع الملكه والسمكه قال والله الذي لا يلا ه إلا هو ما بوه أحد أقرد منك وهو يقمز علي وأول ما يفغم إذني وانا اصيح واصارخ إلا هاللي يهز بي قم قم قم
الله يصلحك تعوذمن الشيطان وش بك إلا هذا أبوي يقول قم الله يخسك راح عليك الدوام أحسبه الخميس ما قومتك أثريه اليوم الاربعاء:eek ماهو قال هالجمله وأنا أتغطى وأكمل حلمي

تقل طولته شوي لكن لقيته فرصه ابوي مسافر يعني الطبلون شغال

تـــحيـــــياتــــي،،،،،

السيل · 10-10-2002, 02:39 PM

نجاة متولي وأتونس بيك

وش رايك هي تبي تونسك بقبرك ؟؟؟

رزقك الله حلم عن عـــــــــــــذاب وأهواله

يجعلك تقول لنجاة الصغيره وغيرها وداعا الى الابد

وفقك الباري000

10-10-2002, 02:22 PM	#1
ولد_الصفراء عـضـو تاريخ التسجيل: Sep 2002 البلد: بريــــــــدة المشاركات: 3,533	حتى بالأحلااااااام مقرود !!!!!!! كالعاده ومثل كل ليله أبوي طفا الطبلون علينا الساعه تسع إيذانا بإنتهاء اليوم والذهاب للنوم عاد انا صعدت للسطح أبي انخمد إنسدحت على الفراش وأبغّز بالرادو<<<<إنه سياسي وأقعد أفرّك به ومن محطه لمحطه لين لقيت لي أغنية [بتونس بك]لنجاة متولي الصغيره. تواسيت على الفراش وأنا أطلق العنان لأفكاري تجمح وترفس<<<حشا صارت فرس المهم افكر بهالوضع اللي حنا بوه والى السماء صافيه والنجوم بيضاء عاد أنا جمح حصاني قصدي تفكيري شوي وأبعد لين حسيت إني بهكالقصر جالس لي على كرسي وقدامي مره[نعم أنثى ] بس ماهي أي أنثى لأنه ملكة هالمدينه اللي حنا به وأنا أحد مستشارينه جلست معنا نراجع أمور المدينه اللي هي حاكمته ومشكلة هالخيول اللي فغصن الوغدان [مابوه سيارات هكالوقت] ومشاكل الحنشل وغيره من المشاكل المهم قامت الملكه وأشّرت بيده يعني انصراف إنصرفو الجميع إلا أنا دعتن وقالت تعال ابيك قربت جنبه وقلت آمري مولاتي تدللي قالت: شف أنا حاستن إن فيه ناس تبي منصبي ويبون يذبحونن وأبيك تروح للكاهن شفه بالديرة الفلانيه قلّه أنا من طرف الملكة وانتبه لا يدري بك أحد أنثر سنونك وإن سألوك قل ابروح لي مشيويرإنشده وش السواة بهاللي يبون يقضون علي؟ قلت:إزهليهم عاد وأنا أتحزم وأجيك ساحب للكاهن وبطريقي لقيت سمكة تشّر لي وتقول تعال رحت يمه قلت وش تبين؟قالت وين تبي ؟ قلت له مشوار قالت:لا بذمّمتك وين تبي قلت :أبروح للكاهن قالت:أجل أبيك تنشده عن هالدّلقمّه اللي بحلقي له إسبوع غاصتن به قلت له طيب وأنا أكمل طريقي وألقى ذيب هلكان جوعان يالله يعوي قال وين تبي قلت له مشيوير قال:قل الصدز لا أعرشك الحين قلت أبروح للكاهن قال:سللملي عليه وقل له يقولك الذيب سرحان إنه ما يشبع ودايم جوعان قلت له طيب وكملت طريقي ووصلت للكاهن وجلست أقص له القصه من أوله تنهد الكاهن وقال:إسمع يا ولدي قل للملكة حقّتكم تزوج لكن بالسّر يموتون أعدائه أما السمكه فاللي بحلقه جوهره خلّه تطلعه وتطيب والذيب قلّه لازم ياكل له لحم آدمي مقيريد ويشبع ولا عاد يجوع عاد أنا قلت خل أنشده عن حالي قال إنت يبي يقوم حظك يا ولدي طلعت من عنده فرحان وبوجهي للقصر وأقابل الملكة وأقوله اللي قاله الكاهن فكّرت شوي وقالت وش رايك تزوجني؟ قلت لا إسمحي لي أنا يبي يقوم حظي طلعت من عنده وأروح للسمكه وعلمته قالت تعال إيط ظهري وطلع الجوهره وخذه لك قلت لا ماني فاضي حظي يبي يقوم وأنهج للذيب وأنا أقوله اللي قاله لي الكاهن قال الحين انت منين جاي؟ قلت له اللي صار لي مع الملكه والسمكه قال والله الذي لا يلا ه إلا هو ما بوه أحد أقرد منك وهو يقمز علي وأول ما يفغم إذني وانا اصيح واصارخ إلا هاللي يهز بي قم قم قم الله يصلحك تعوذمن الشيطان وش بك إلا هذا أبوي يقول قم الله يخسك راح عليك الدوام أحسبه الخميس ما قومتك أثريه اليوم الاربعاء:eek ماهو قال هالجمله وأنا أتغطى وأكمل حلمي تقل طولته شوي لكن لقيته فرصه ابوي مسافر يعني الطبلون شغال تـــحيـــــياتــــي،،،،،

10-10-2002, 02:39 PM	#2
السيل عـضـو تاريخ التسجيل: Sep 2002 المشاركات: 178	نجاة متولي وأتونس بيك وش رايك هي تبي تونسك بقبرك ؟؟؟ رزقك الله حلم عن عـــــــــــــذاب وأهواله يجعلك تقول لنجاة الصغيره وغيرها وداعا الى الابد وفقك الباري000