[متغربل]

أقدم شاب ثلاثيني على قتل والده المسن بسلاح أبيض عصر أمس بشمال بريده، وأوضح الناطق الإعلامي لمديرية شرطة منطقة القصيم المقدم فهد الهبدان أن الجهات الأمنية باشرت البلاغ فور تلقيه، كما باشرت هيئة التحقيق والإدعاء العام بالقصيم، والطبيب الشرعي القضية، مضيفا أنه تم القبض على الجاني، ويجري التحقيق معه لمعرفة دوافعه وأسباب أقدامه على جريمته البشعة شرعاً وعرفاً، مؤكدا أن الحالة النفسية للجاني ستتضح في مجريات التحقيق في القضية لدى الجهات المعنية.

ألا تلاحظون أن اسم (مدينة بريدة) يكون بازراً وحده في كل خبر سلبي أو سيء بينما في الجوانب الحسنة والايجابية يكون الاسم والخبر باسم (القصيم)، حتى منطقة القصيم لم يرد لها أي ذكر في هذا الخبر.
يهمل عمداً اسم (بريدة) في أي خبر إيجابي أو مشروع علمي أو اقتصادي ليكون باسم القصيم حتى لو كان داخل مدينة بريدة .. بينما لا يحدث العكس مع غيرها.
من أمثلة ذلك:
جامعة القصيم ، لا جامعة بريدة.
مطار القصيم، لا مطار بريدة.
المدينة الصناعية بالقصيم، لا في بريدة.
نادي القصيم الأدبي ببريدة – لا نادي بريدة الأدبي
لوحات الطرق للقصيم ومعها بريدة على استحياء بشرط أن يقرن ويضاف لها بعض جيرانها.
حتى في المشاريع التجارية للقطاع الخاص، الغرفة التجارية الصناعية بالقصيم، مصنع اسمنت القصيم، الشركة الزراعية بالقصيم، فندق موفنبيك القصيم، مستشفي القصيم الوطني، مستشفى سليمان الحبيب بالقصيم.
تبقى بريدة هي القصيم، والقصيم هو بريدة.

(( أحبك يابريدة))

[ابويسرى]

لا ياشيخ معقووووووووووووووووووووووووووووووووووووووووووووووو ووووله

[غريبة الديار]

وأنا بعد أحبك يا بريدهـ

[ابو عاصم النجدي]

والله يابن الحلال مادري الله أعلم بنيتهم
واشكرك........

[احزان الشيشان]

عادي أخوي ..لا تحاتي لأن الامر بيد أهل بريدة...
أكتبوا معرووووووووض للأمير فيصل بن بندر..ماراح يقصر..

[فـــــ1997ـــــارس]

الخير يعم والشر يخص

[نجدية حرة]

اقدرلك حبك وانتمائك لمدينتك

بس تقول: بريدة هي القصيم والقصيم هو بريدة؟!!!

اذا تبي الناس تحترمك وتقدرك وماتستهين فيك؟! احترمها وقدرها ولا تستهين فيها!!!!

ببساطة((عامل الناس كما تحب ان يعاملوك))

[بريدة السلام]

حتى انا ملاحظه هالشئ ..
أما قولك جامعة القصيم لا جامعة بريدة ومطار بريدة وإن القصيم بريدة وبريدة هي القصيم أنا ضدك وين راحت عنيزة والبكيريه والرس والمذنب وووو محافظات القصيم الباقيات يعني صارت بريدة هي القصيم علشانه العاصمة ؟!!
وجامعة القصيم والمطار مو خااص لأهل بريدة علشان يتسمى بإسمه...


أتمنى إنك فهمت قصدي...


و"يـاحول ياللي ماله بريدة"

[anooda]

لا لا بيتهيألك

[التدمرية]

خذ زيادة في الامثلة

ادارة تعليم القصيم

مرور القصيم

شرطة القصيم

هيئة التتحيق بالقصيم

اما الاخبار في الجرائد ان كان حوادث قتل وخطف وسرقة فيلوح اسم بريدة وفي مكان بارز

اما الاخبار السارة فتنسب للقصيم

[si17er]

نفس الملاحظه لكن الكبير كبير

[العـشة]

ياخي دام انك مانتب من عنيزة تحمل الي يجيك من الإهمال والفساد :m

[طير غيمار]

اقتباس لوحات الطرق للقصيم ومعها بريدة على استحياء بشرط أن يقرن ويضاف لها بعض جيرانها.

مع الأسف , لكن مالنا حيلة , ولا عندك إنتماء من قبل المسئولين ببريدة ..

اقتباس تبقى بريدة هي القصيم، والقصيم هو بريدة.

نعم , وإن غضب من غضب ..


تحيآآآتي ..

[بدر بن عبدالله]

عذراً أخي المتغربل:

الموضوع مكرر، والفكرة طُرحت سابقاً.


يغلق.