[** حَـنيـنُ الأُخـوَّة **]

السلام عليكم ورحمة الله و بركاته





يالله إنك تحييهن يارب ..


طبعا الي ماتعرف الموقع أعلاه.. أحب أوضح أن الحروف انجلش والكلمة ارابيك .. خخخخخخخخ


...................................


هذا الطبق من إبداعاتي اللامتناهية .. لأني صراحة ما أحب اتقيد بشيء محدد ولو أخذت طبخة من أي مكان لازم اعدّل ... وأزيد لو ذرة ملح ولا رشة طحين ... أختكم متحررة ماتحب القيود .. ومرة من المرات قلت لا مهب معقول يابريداوية بحته .. ولا مرة سويتي شي بنفس طريقته حرفيا .. ومير افتح كتاب طبخ أختار وصفة وازينه بدون نقاش ولامداخلات .. وللأسف <<< ماضبطت !!!!

عشان كذا قلت يا فنانة الطبخ خليك على دربك أسلم لك ..
\


واليوم راح اعرض لكم نموذج من طبخاتي الي طلعته من راسي com

>>


صورة بالبداية للتشويق .. هههههه






المقادير والطريقة سوى :


1- في قدر تيفال ضعي قليلا من الزيت وضعيه على النار .

2- هاتي قرنبيطة وقطعيها لقرنبيطات صغار << واضح؟؟

وغسليهن حاولي تنشفينهن لو باستشوار <<< هههههههه


3- ضعي القرنبيط - وفي رواية الزهرة - على الزيت الحامي وحركيه بملعقة خشب .. ثم خففي النار على أقل شيء وغطي القدر حتى تحسين ان القرنبيط ذبل وبدى يتحمر ..

4- ضعي عليه بصل شرائح رقيقة ..

5- ثم اضيفي : رشة ثوم , ملح , فلفل ,كركم , بهارات حسب ذوقك .

6- اخلطيه جيدا حتى يذبل البصل وينحمس شوي ..

7- اضيفي ذرة معلبة بعد غسلها وتصفيتها ..

8 - اضيفي قليلا من الزيتون الأخضر الي يجي حار في زيت زيتون أعتقد حلواني .. <<< تحذير ترى بيصير حار ..

9- واتركيه خمس دقائق على نار هادية .

10- اطفئي النار و اضيفي ( بقدونس وكزبرة خضراء وشبث ) مقطع صغار طبعا .. واخلطيه سوى ..


الآن انتهينا ..

وطريقة التقديم ..

ممكن تقدمينه مع خبز ..

أو تحشينه في صامولي ..

أو تضعينه حشوة فطائر ..

أو ممكن تستعملينه كحشوة بيتزا مبتكرة وغريبة .. وطبعا تدهنين العجينة بالقليل من الكاتشب .. ثم تضعين الخلطة وفوقها شرائح فلفل بارد .. ورشة جبن شيدر مع موزاريلا .. و ابهري ضيوفك ...


وهذا الصحن لأول وحدة ترد على موضوعي ..




على فكرة قدمته مع توست بر و بطاطس بالفرن .. يمي يمي .. اقولكم طريقته بعدين لأني مشغولة شوي ...


وهنا صورة البطاطس ..