[توست]

ســــــــــــــلام مــن الله عليكـــــم ورحمــتــــه وبـــركــــــاتـــــــــــه

شباب بــــريـــده والحـــال التــي هــم عليـها سهــر ودوران وغـــزل ومخــالفـات ما الله بها عليم

لمــاذا ؟؟ لأن كــل المنـتــزهات تمنـــع دخـــولهم وكــل ســـوق يمنــع مرورهم وتســوقهـــم مــن

اجـل النســاء .. وهذا نقف معه ونناشــده ولكـــن مــاهـــو الحل ؟؟ وهــل وضـــع البديــــل لهــــذا

الشـــاب لقضاء فــراغــه ؟؟ حتى الحدائق منع الشاب منها ولم يوضع له حديقه تخص الشبــــــاب

والله احياناً ترحم تلك الشباب في الليــل لابد من الذهاب الى مقهى وليس هناك خيار اخـر غيــــــــر

هذه المقاهي التي عندما تخرج منها لابد من الذهاب الى المستشفى لأخذ اكسجين من كثرة استنشاق

الدخان ,,,

النـــــــــــــداء الى امانة بلدي بريده ,,

اين جلسات الشباب ؟؟ اين منتزهاتهم ؟؟ اين الأهتمام بهم ... ليس في وقت الأجازه

فقط ,, نريد اهتمام لشباب بريده في كل السنه , حتى لانلوم تصرفاتهم لابد من وضــع

مايتنفسون فيه هؤلاء الشباب هداهم الله ...

[*عزيزة نفس*]

والله كل شيء متوفر للشباب بس شبابنا يبون كل شيء يصير لهم

[ابو ســــــامـــي]

اقتباس المشاركة الأساسية كتبها ,*_قـويـةبـأس_*, والله كل شيء متوفر للشباب بس شبابنا يبون كل شيء يصير لهم

منيييين كل شي متوفر وحنا الشارع لو نقعدبوووه قلتوووو العوايل متضايقين

شارع النهضه الواحد يوقف موتره ويقعد بالثيل يتعشى ويمشي مخالفه على طوووول

من اي ناحيه كل شي متوفر والله انتم ياهالحريم كل شي عندكم وتقولون كل شي متوفر عندنا
حتى الحضاري لو تدخل معك اهلك ورحت تبي تشريلهم شي مسكوووك الهيئه وش عندك بذا وتحقيق
الشي يطلع بمره

[كبرياء انثى...]

ياعمري والله الشباب مافيه اي شي لهم ارحمهم صراحه
بس والله احيانا يزعجون الناس في المنتزهات والحدائق
من المغازل

الله يهديكم يا شبابنا

[عاشق بريده]

كل شي لشباب من بر الحدائق السفر الخ

[اخو دريحم]

الظاهر خطة من الامانة والمرور

اتفقوا على ان لايضعوا حدائق للشباب حتى يبدا

الدوران والمعاكسات الشبابية في طريق النهضة

والدائري الشرقي والتفحيط آخر الليل

وضرب من القسايم ومعاكسات الشاب للنساء في الاسواق

لوفترضنا وضع حديقة مماثلة للشباب في جنوب بريدة

دي سي ال مفتوح بالحديقة وثيل ودورات مياة

وبوفية على طلب الشباب من نظافة وشغل عدل

هل فكرة الامانة بهذا المقترح ....!!!

اظن الاجابة طبعا لا والف لا

[يازين الحر]

تحمل وانا اخوك
الساحه الي عند الاماره مهن مثله دايمن متبطحن به


(يحول اللي ماعندهم باب) اذا تعرف هالمثل وقصته

[دمـعـة الـذيـب]

صـدقـت والله .. الشباب مظلومين ..


لـكـن بـبـريـدة أهـون مـن الـريـاض ..


بـبـريـدة فـيـه شـوي حـدايـق .. يـقـعـدون بـه الـشـبـاب ..


أمـا الـريـاض مـافـيـه ولا ريـحـة حـديـقـه ..


الـلـه يـكـون بـعـون الـشـبـاب .. ويـسـخـر لـهـم الـمـسـؤولـيـن ..

..

.
.

.

[رمان]

بريدة بطوله وعرضه كلها مفتوحه للشباب رح للي تبي وانزل بلي تبي
يعني الا تصير بجنب عوايل معصي ولو الامر بيدي كان اجلد اي شاب يمر من عند منتزه عوايل
لو هو مار بالغلط علشان يستادب الي غيره

[California]

لا والمشكله الهئيه فرحين اول مايشوفنك جالس يطبون عليك
وكأنك مسوي جريمة ويقولون انت مسوي كبيره من كبائر الذنوب وانت مفسد وانت وانت ... الخ .!

وانت بس جالس بحديقه وبينك وبين العائله الثانيه مسافة 150 متر تقريبا

ويحولونكم للشرطه ويلعنون جدفك وانت ماسويت شي يستاهل كل هالدوشه

لكن مانقول الا حسبي الله ونعم الوكيل

[اخو دريحم]

فيه مصالح عليا من عدم وضع حدائق للشباب

وراعي المصلحة هم اصحاب المطاعم والبوفيات

واصحاب المقاهي .

والشباب قوة ضاربة اذا اجتمعوا بحديقة واحدة ممكن الامانة لها

نظرة ثاقبة لايريدون حديقة كبيرة لهم حديقة بالشمال وحديقة

بالشرق والغرب لايوجد فيها حديقة غير البصر

اما الجنوب فيها حديقة لكنها شاهدناها في المخطط فقط

اما على ارض الواقع لايوجد وهي نهاية طريق القناة بحي الخليج

[مدحت شوقي بريده]

توست ..


هلا والله وغلا بالبي ..


يابعدي انت الشباب عندنا لو أن كل مجموعة أهتمت بهوياته ..
وحرصت على تنميته .. كان كثرة الهويات وتم اختياره من ضمن الفعاليات ..


على سبيل المثال .. سباق ( المراقى ) .. المفترض إنه يكون ببريدة .
لأن اغلب الشباب خارج بريدة من المشاركين يكونون من بريدة ..
وتاركين تفعيل هالهواية في موطنهم .. ويشاركون ويبدعون خارجه ..

وأشياء كثيرة جداً تجد شباب بريدة متميزين فيها ..
بس هم ماحاولوا يفعلونه هنا ببريدة ..


شباب بريدة مبدعين بكل مكان .. وإبداعاتهم واصله خارج المملكة ..

أتمنى من كل ( قروب ) لكل هواية تسجيل انفسهم السنة القادمة بإدراة المهرجان ..


علشان يستطيع باقي شباب بريدة الاستمتاع بهوايات اخوانهم .. وايجاد متنفس لهم ..



سي يو ..

[بولوهي]

انا اتفق مع اخودريحم بردوده ..

الشاب مستفاد منه لاخر درجه ومشفوط شفط مع كل ناحية

[ابوفهد بريدة]

اقتباس المشاركة الأساسية كتبها اخو دريحم الظاهر خطة من الامانة والمرور اتفقوا على ان لايضعوا حدائق للشباب حتى يبدا الدوران والمعاكسات الشبابية في طريق النهضة والدائري الشرقي والتفحيط آخر الليل وضرب من القسايم ومعاكسات الشاب للنساء في الاسواق لوفترضنا وضع حديقة مماثلة للشباب في جنوب بريدة دي سي ال مفتوح بالحديقة وثيل ودورات مياة وبوفية على طلب الشباب من نظافة وشغل عدل هل فكرة الامانة بهذا المقترح ....!!! اظن الاجابة طبعا لا والف لا

السراحه نفس اللي بقوله