[ابويسرى]

في بريدة.. رجال المرور يزاحمون المواطنين بسياراتهم الخاصة


بريدة- الوئام- عيسى الحربي:
عندما تسلك طريق النهضة الذي يتجه من غرب مدينة بريدة إلى شرقها, فستلاحظ عشرات السيارات التي اصطفت خلف بعضها وهي من نوع واحد (هايلوكس), ويندهش المار أكثر وهو لايرى حولها سوى أعداد قليلة من الشباب الذين يجلسون على المسطحات الخضراء على جانب الطريق.

(الوئام) استطاعت كشف هذا السر وتبين أن هذه السيارات تخص بعض رجال المرور, حيث شاهدناهم وهم يجلسون على العشب الأخضر مع أصدقائهم , وعندما يحين موعد (الإستلام) يذهب رجل المرور لسيارة الدورية تاركاً سيارتة الهايلوكس على الطريق يستعرض بها مع بقية السيارات المشابهة ليمتع زملائه وبعض الشبان بما اضافه عليها من تعديلات وتحسينات, ويضايق بها المارة والعابرين في منظر يناقض السمة المتحضرة لهذه المدينة.

ويلفت النظر ايضاً أن هؤلاء القلة من رجال المرور يتركون مواقعهم أثناء (الإستلام) ليأتوا إلى طريق النهضة مكان الإستعراض والتجمع ليطمئنوا على سياراتهم المتوقفة .

أهالي حي الإسكان والأحياء المجاورة اشتكوا من هذة الظاهرة التي تتكرر أثناء الإجازات, وطالبوا عبر (الوئام) إدارة مرور القصيم النظر في هذا الطريق الذي أصبح شريان رئيسي ورافد من روافد المدينة يسلكه الكثير من المواطنين وحتى المسافرين وليس مكاناً للهو والإستعراض.

[مفقوود]

صاحب الخبر واضح انه كذاب ويدور الاثارة ولا يعرف يصيغ خبر

يالهدر يالغبي يالمتصيحف

كلمه صحفي حرام عليك

ياخي الشباب يلبقون بالنهضه ويروحون مع خوياهم موب شرط الواحد يلبق ويقعد بالثيل
انا اعرف واحد مسافر له شهر وملبق بالنهضه

لكن وش تقول الغبي غبي وعنوان الغباء هذا الصحفي

[بريداوي 9191]

يااااااااااااا اخي اذكر ربك خل رجال المرور يستعرضون تراهم شباب وبعدين تراهم مايسون زحمه ولا شي وبعدين وش الضرر اللي يسونه
يعني كل السالفه انه ملبق وراح يستلم
ياااااااااا خي شف التفحط اللي يحصل واكثر اللي يركبون ((يعززوز)) من المفحط اما ملازم أو ظابط أو عسكري
ياخي اكتب شي له هدف اللع يسلحك
سبحان الله وبحمده سبحان الله العضيم
@..موقع رائــع جدا فيه جميع التلاوات وجميع القراء..@
http://www.mp3quran.net/
@..حصري/لمن يريد السعاده ولذهاب الهموم..@
http://www.tvquran.com/
@..ولمن يريد اكتساب (1500.000.000) حسنه في ثانيتين ارجو الدخول..@
http://felmk.com/vb/t24600.html#post233635
8
8
@@@..فضلا لا أمرا ضع الروابط في توقيعك ليستفيد منه الجميع وتحصل على الأجر الكثير..@@@

[صالح 2008]

المـوضـوع مــآله دآعـي
الله يهديـــك بس
وين الزحمه اصلن ودكم تدور شيء
وش بقـى .. ! تحــيـآتي لكـ

[محروم من المكافأهـ]

عااااااااااااااااااااادي همن مافيه شيء وقفت على رجال المرور

[جـلـوكـوز]

يالبي وان لبق العسكري وش دخنا حنا , يعني لازم تبي هالشرطة تمهن كلافاتنا
7
7
7

[ابوفهد بريدة]

والله مـــــــصيبه
لا والمشكل تجد سيارته عليها غبار ولا مضلل ولا تشميع

او لستلم بسيارة الدوله لزخ بها القسايم على ها المساكين الشباب عشان غبار خفيف او ستكر.

ولا ينا ضر نفسه
الله المستعان

[رفيــع الشانــ]

للأسف الخبر لم يفهم بالشكل المطلوب
رجال المرور يوزعون القسايم على الأشخاص الذين يعرضون سيارتهم
والمشكلة أن أغلب هاؤلاء العساكر هم من يعرض سياراتهم
يعني تناقض من رجال المرور

[الصمت حكمه]

صدقت والله هذا الحاصل حاميها حراميها

اذا كان رب البيت للدف ضارب فشيمت اهل البيت الرقص

[ابوولعf]

وش الحسد هذا الله يعين عليكم

[مجنون سعد11]

صراحة كلمة صحفي كثيره عليه

ولا بعد صحفي وتسذوب رقعه عاد

ولا ماخبرت احد من اهل الاسكان مشتكي

وان كان مشتكي فاهو واحد او اثنين

ولا بعد ملاقيف

وهالصحفي خله يدور موضوع ثاني ازين له

شكراً

[الشمالي]

طيب وش المشكله

ياخي خله ينصب براحته سبحان الله ناصب فوق راسك والا بحوش بيتكم !!
والله استغرب من اللي ينقدون على النصب

ماباقي الا تقولون للشباب خلوكم في بيوتكم لاتطلعون .. خل الشباب يرفهون عن انفسهم ..
مجتمع ذبحه الفضول واللقافه على كل شي من كل شي

[سعيد بن مسعدة]

ياجماعة ليه الزعل ، إذا كان اللي ينصب سيارته سواء عسكري وإلا غيره صغير يعني عمره ما يتجاوز 18مافيه مشكلة لكن الشيء اللي يفشل إذا كان عمره من عشرين وفوق تخيل معي واحد عمره 28همه تشميع ونصب واستكرات أحس إنه حركات صغار ... مجرد رأي

[فـاقـد حــنـان]

وش حاشرك خلهم ينصبون ويستانسون