اكسكيوزمي , بلييييييييييز , إدخل الموضوع !

مجنون بريده · 21-08-2009, 03:52 PM

السلام عليكم ورحمة الله وبركاته
يالله إنك تصبّحهم _ تمسّيهم بالخيرات والمسرّات والبركات
وتوفّقهم لصيام شهر رمضان وقيامه وتعينهم وتتقبّل منهم

إخواني كما تعلمون أنه يوجد في الحياة أخ لك لم تلده أمّك وهذا ماعايشته .
لي ولد عم أشبه مايكون بتوأم الروح , فخروجنا للدنيا في زمن متقارب
وعايشنا زمن الطفولة سويّا , فكنّا جسدين في روح واحد ( نقرّب التلغراف ؟)

الموهم أبختصر المسافة وأبعطيكم الزبدة قبل ماتملّون
عندما انتهى توأم روحي من دراسته الجامعية بعد كلل وملل وجد واجتهاد
قرّر إنه يروح ياخذ لغة انقليشية في أحد البلدان
عاد أنا بيني وبينكم من زمان ونا ناوي أخذلي لغة عشان أعيش مع العالم
واللي خلّاني أجزم هو موقف حصل لي مع أحد أصدقائي في أحد سفراتنا

مرّة من المرّات نتمشّى بالأسواق ومبسوطين ولحد يلومنا , لأنه مسموح دخول الشباب
عاد يوم ملّينا من الفرفرة بالأسواق حبّينا نريّح ونجلس بالكوفي ونشرب لنا استكانة شاهي
عاد حق الطلبيات ( مدري وش يسمّى؟ , قمة الوفاء للغة العربية )

أنا بصراحة متوقع اللي راح يجيب لنا الطلب رجّال شرواكم ياشباب ( شرواي الطيب)

لكن حدث مالم يكن بالحسبان لعلّه جتنا بنوتة أسيوية شرواكم يابنات ( شرواي الطيبة)
يوم أقبلت علينا وجابت المنيو ولعلّه ماتتكلّم إلا انقليش وحنا عسانا نتكلم عربي

عاد جلست أقلّب المنيو لين حصّلت الشاهي والله وأغز عليه بإصبعي
عاد تبي تسألن عن السكّر وسط ولا زيادة حبتين
لعل خويي قاله : ( ثانكس ) ماحفظ غيرها ويحسبها راح تمشي في كل الأحوال
هالموقف اللي حصل خلّاني أفكر جدّيا إني أخذ لغة وأعيش مع العالم

عاد يوم فكّر ابن عمّي ياخذ لغة وطلب إني أروح معه وناخذها سوا
فعلا رحنا بعد ما استخرنا ربّنا لأحد البلدان المجاورة حولك حواليك
عاد كل واحد سكن مع عائلة , ومن حسن حظّي على غير المعتاد
إنّ العائلة اللي سكنت معهم قمّة في الطيبة والتسامح واللباقة والبساطة
أمّا العائلة اللي سكن معهم ابن العم ماهنا أقشر منهم بحلّ يالعسكرية
عندهم نظام يمشون عليه وقوانين صارمة والضحية رفيق دربي المسكين
تخيّلوا موقف ولد العم متعوّد على الفوضى والسربتة والسهر بديرته
وفجأة بدون مقدمات يجد نفسه بين أسرة حازمة
ومن ضمن القوانين إنه مايصير الساعة 9 مساء إلا وهو محضّر بالبيت
وأيضا ينظّف مواعينهم ويغسّل ملابسه الخاصة
يعني بالعربي ( إخدم نفسك بنفسك , بس هم ماخلوه يخدم نفسه زوّدوها حبتين)

أما أنا فماعندي أي مشكلة أروح متى مابغيت وأرجع للبيت متى ماملّيت
بس أنا عندي مشكلة إن عائلتي الطيّوبة أجبرتني على شرط أساسي
وهو إني لازم أخد شور يوميا , بعد ماكنت أتروّش بالإسبوع مرّة لصلاة الجمعة
وفيه مشكلة عويصة , إذا خلّصت من الشور لازم أخلّي بوبي ياخذ شور
وبوبي هذا الله يسلمكم , كلب العائلة الله يكرمكم ومن قال يكرم
عاد هو بصراحة ينرفزن عند كل ترويشة لأنه بصراحة بليييييييييد
عاد مرّة من المرّاة كل ماجيت أحط الشامبو براسه يحرّك راسه
عاد الصراحة ضاقت بي الوسيعة , أخوي الصغير وهو أخوي ماروّشته
يوم أزعجن بتحريك راسه , والله وأصك الشامبو براسه بكل ما أوتيت من قوّة
لعله بدا الكلب الله يكرمكم من الوجع يطلّع أصوات

عاد عند العائلة كل شئ يهون إلا إهانة كلبهم ( هذا ما أهانه , نشّب الشامبو براسه)!
في هذه اللحظات جت عندي العجوز تراكض وتصارخ ( بوووووووووبي ’ بووووبي)
لكن الحمد لله ماجاني شي واجد بس جلست يوم كامل عقاب بدون أكل
مع تنظيف مواعينهم وصحونهم وإعطاء شايبهم مساج صباحا ومساء لمدّة أسبوعين
وشبكوا إشتراك الكهرب بخشمي لين عرفت إن الله حق
ورجعنا إلى أرض الوطن بعد رحلة ممتعة وشيّقة
عايشنا فيها كل المواقف من مضحك وحزين وغريب
وكانت نتائج الرحلة عند ولد العم إيجابية ’ فقد تعلّم اللغة بإتقان

أما محدّثكم فما عرف إلا يييس ونوووو وبليييييييييز ونو بروبلم , ودونكي ( من كثر مايقاله)
وقبل الختام : أحب أن أنوّه للجميع بأني لست ضد تعلّم اللغة الإنقليزية
بل على العكس تماما فتعلّمها مطلب ضروري لاسيّما بأنها ستنفعنا مستقبلا
ولكن ما جعلني أجزم بكتابة هذا الموضوع من يتكلم بكلمات إنقليزية في بلد يتكلّم باللغة العربية
وإليكم ماحدث لي شخصيّا

في أحد المطاعم وبالتحديد مطعم كنتاكي وبعد انتهائي من الطلب
جلست أنتظر الطلب حتى يجهز , فإذا به ينادي أحد الجالسين على الطاولة ينتظر طلبه
فقام الشاب لأخذ طلبه , عاد أنا رحت للطاولة اللي موجود فيها الشاب عشان أتصفح الجريدة
لعله قالي الشاب : اكسكيوزمي ( عاد أنا إلتفت لمّه ونا مدري وش يبي بالضبط ؟)
مدري هو يسبّن وإلا يقول مع السلامة , لعله يقول تراني ماخلّصت من الجريدة لو سمحت !
والغريب إن الهندي يتكلّم معه بالعربي وهو يرد عليه بالإنقليش ( ثانكس واكسكيوزمي )

خلاصة الموضوع : إجعل حديثك باللغة الإنقليزية عندما يستدعي ذلك
أمّا في بلد يتكلم فيه باللغة العربية , فلا حاجة لنا بها

وفي الختام تذكير بأن القصة ليست من واقعي بل نسج من خيال الخيال

أرق التحايا والتقدير

مجنوون بريده

**أبونادرالأجتماعي20** · 21-08-2009, 04:04 PM

خلاصة الموضوع : إجعل حديثك باللغة الإنقليزية عندما يستدعي ذلك
أمّا في بلد يتكلم فيه باللغة العربية , فلا حاجة لنا بها >

فائده شكرا لك .

abr131 · 21-08-2009, 04:54 PM

Thank you
creze
بريده
اشكرك على الموضوع الشيق
؟؟؟؟؟؟؟؟؟؟؟؟؟؟؟؟؟

المميز 2009 · 21-08-2009, 05:14 PM

ثانكس

كبير مايكبرني لقب · 21-08-2009, 11:50 PM

ثانكس

د/الفـهـد · 22-08-2009, 12:40 AM

*

أجـل ماخذ للكلب شور

هههههههههههههههه

والله من شين الريحهـ

القصه حلووه وجذاابهـ

ولكن...

فعـلآ صدقت ولابد الوااحد يتعلم لغه انجلزيه

ومو لازم الوااحد ياخذ بعثه خارج البلاد

عندك بالرياض كثر التراب بس اغلب الشباب يخلط الزين مع الشين عشان تمشي امورهـ

شكرا لك

...

LOVELORN · 22-08-2009, 04:37 AM

.
.

ياخي بعض الناس يقهرك
يحفظ له كلمتين ويبلش العالم بهن
مرة راكب معي واحد من العيال
وابلشن حافظ كم كلمة كل شوي يقول وحده
يوم شفته كذا بديت اسولف عليه انجليزي
امر يطير عيونه ما يدري وش السالفه
قلت انت تو ابلشتن كل شوي تجدع كلمه قلت شكله معه لغة
بعدين اسكت وشكله حقد علي

I want to say I have a language خخخخخ

مشكور اخوي على الموضوع
ترى اكثر الناس يحسبوه متطور اذا بدا يتكلم انجليزي

.
.

@الغامض@ · 22-08-2009, 04:49 AM

Thanks fraternal excellent on the subject

ابوولعf · 22-08-2009, 05:05 AM

غريبه ليش متعرف وانت سافرت بلخارج انا تعلمت هنا ببريده والحمد لله اموري تمام في نيوهرايزن ومعهد العالميه

سٌِِّهٍَمً آلآلـمـ · 22-08-2009, 05:45 AM

ثانكس
على هذه القصه ويسلمو هالايادي .........

غادهـ · 22-08-2009, 03:50 PM

Good job

سبيكة صعفق · 22-08-2009, 08:25 PM

تسيف يجين فرررث لاسمعت وحده قصمنجيه ثمن تنقث اوكي ولا بليز
صدز يااشين السرج على البقر .

|..مخاوي الليل..| · 22-08-2009, 08:39 PM

ثانكيو

مجنون بريده · 23-08-2009, 01:58 AM

ثانكس للجميع على تعطيركم متصفحي

والله يثنكس سعيكم

أفكورس سعيد بردودكم

بلييييييييييز أبي تفاعل أكثر

بيكووووووز أفرح بردودكم

21-08-2009, 03:52 PM	#1
مجنون بريده عـضـو تاريخ التسجيل: Feb 2008 المشاركات: 441	اكسكيوزمي , بلييييييييييز , إدخل الموضوع ! السلام عليكم ورحمة الله وبركاته يالله إنك تصبّحهم _ تمسّيهم بالخيرات والمسرّات والبركات وتوفّقهم لصيام شهر رمضان وقيامه وتعينهم وتتقبّل منهم إخواني كما تعلمون أنه يوجد في الحياة أخ لك لم تلده أمّك وهذا ماعايشته . لي ولد عم أشبه مايكون بتوأم الروح , فخروجنا للدنيا في زمن متقارب وعايشنا زمن الطفولة سويّا , فكنّا جسدين في روح واحد ( نقرّب التلغراف ؟) الموهم أبختصر المسافة وأبعطيكم الزبدة قبل ماتملّون عندما انتهى توأم روحي من دراسته الجامعية بعد كلل وملل وجد واجتهاد قرّر إنه يروح ياخذ لغة انقليشية في أحد البلدان عاد أنا بيني وبينكم من زمان ونا ناوي أخذلي لغة عشان أعيش مع العالم واللي خلّاني أجزم هو موقف حصل لي مع أحد أصدقائي في أحد سفراتنا مرّة من المرّات نتمشّى بالأسواق ومبسوطين ولحد يلومنا , لأنه مسموح دخول الشباب عاد يوم ملّينا من الفرفرة بالأسواق حبّينا نريّح ونجلس بالكوفي ونشرب لنا استكانة شاهي عاد حق الطلبيات ( مدري وش يسمّى؟ , قمة الوفاء للغة العربية ) أنا بصراحة متوقع اللي راح يجيب لنا الطلب رجّال شرواكم ياشباب ( شرواي الطيب) لكن حدث مالم يكن بالحسبان لعلّه جتنا بنوتة أسيوية شرواكم يابنات ( شرواي الطيبة) يوم أقبلت علينا وجابت المنيو ولعلّه ماتتكلّم إلا انقليش وحنا عسانا نتكلم عربي عاد جلست أقلّب المنيو لين حصّلت الشاهي والله وأغز عليه بإصبعي عاد تبي تسألن عن السكّر وسط ولا زيادة حبتين لعل خويي قاله : ( ثانكس ) ماحفظ غيرها ويحسبها راح تمشي في كل الأحوال هالموقف اللي حصل خلّاني أفكر جدّيا إني أخذ لغة وأعيش مع العالم عاد يوم فكّر ابن عمّي ياخذ لغة وطلب إني أروح معه وناخذها سوا فعلا رحنا بعد ما استخرنا ربّنا لأحد البلدان المجاورة حولك حواليك عاد كل واحد سكن مع عائلة , ومن حسن حظّي على غير المعتاد إنّ العائلة اللي سكنت معهم قمّة في الطيبة والتسامح واللباقة والبساطة أمّا العائلة اللي سكن معهم ابن العم ماهنا أقشر منهم بحلّ يالعسكرية عندهم نظام يمشون عليه وقوانين صارمة والضحية رفيق دربي المسكين تخيّلوا موقف ولد العم متعوّد على الفوضى والسربتة والسهر بديرته وفجأة بدون مقدمات يجد نفسه بين أسرة حازمة ومن ضمن القوانين إنه مايصير الساعة 9 مساء إلا وهو محضّر بالبيت وأيضا ينظّف مواعينهم ويغسّل ملابسه الخاصة يعني بالعربي ( إخدم نفسك بنفسك , بس هم ماخلوه يخدم نفسه زوّدوها حبتين) أما أنا فماعندي أي مشكلة أروح متى مابغيت وأرجع للبيت متى ماملّيت بس أنا عندي مشكلة إن عائلتي الطيّوبة أجبرتني على شرط أساسي وهو إني لازم أخد شور يوميا , بعد ماكنت أتروّش بالإسبوع مرّة لصلاة الجمعة وفيه مشكلة عويصة , إذا خلّصت من الشور لازم أخلّي بوبي ياخذ شور وبوبي هذا الله يسلمكم , كلب العائلة الله يكرمكم ومن قال يكرم عاد هو بصراحة ينرفزن عند كل ترويشة لأنه بصراحة بليييييييييد عاد مرّة من المرّاة كل ماجيت أحط الشامبو براسه يحرّك راسه عاد الصراحة ضاقت بي الوسيعة , أخوي الصغير وهو أخوي ماروّشته يوم أزعجن بتحريك راسه , والله وأصك الشامبو براسه بكل ما أوتيت من قوّة لعله بدا الكلب الله يكرمكم من الوجع يطلّع أصوات عاد عند العائلة كل شئ يهون إلا إهانة كلبهم ( هذا ما أهانه , نشّب الشامبو براسه)! في هذه اللحظات جت عندي العجوز تراكض وتصارخ ( بوووووووووبي ’ بووووبي) لكن الحمد لله ماجاني شي واجد بس جلست يوم كامل عقاب بدون أكل مع تنظيف مواعينهم وصحونهم وإعطاء شايبهم مساج صباحا ومساء لمدّة أسبوعين وشبكوا إشتراك الكهرب بخشمي لين عرفت إن الله حق ورجعنا إلى أرض الوطن بعد رحلة ممتعة وشيّقة عايشنا فيها كل المواقف من مضحك وحزين وغريب وكانت نتائج الرحلة عند ولد العم إيجابية ’ فقد تعلّم اللغة بإتقان أما محدّثكم فما عرف إلا يييس ونوووو وبليييييييييز ونو بروبلم , ودونكي ( من كثر مايقاله) وقبل الختام : أحب أن أنوّه للجميع بأني لست ضد تعلّم اللغة الإنقليزية بل على العكس تماما فتعلّمها مطلب ضروري لاسيّما بأنها ستنفعنا مستقبلا ولكن ما جعلني أجزم بكتابة هذا الموضوع من يتكلم بكلمات إنقليزية في بلد يتكلّم باللغة العربية وإليكم ماحدث لي شخصيّا في أحد المطاعم وبالتحديد مطعم كنتاكي وبعد انتهائي من الطلب جلست أنتظر الطلب حتى يجهز , فإذا به ينادي أحد الجالسين على الطاولة ينتظر طلبه فقام الشاب لأخذ طلبه , عاد أنا رحت للطاولة اللي موجود فيها الشاب عشان أتصفح الجريدة لعله قالي الشاب : اكسكيوزمي ( عاد أنا إلتفت لمّه ونا مدري وش يبي بالضبط ؟) مدري هو يسبّن وإلا يقول مع السلامة , لعله يقول تراني ماخلّصت من الجريدة لو سمحت ! والغريب إن الهندي يتكلّم معه بالعربي وهو يرد عليه بالإنقليش ( ثانكس واكسكيوزمي ) خلاصة الموضوع : إجعل حديثك باللغة الإنقليزية عندما يستدعي ذلك أمّا في بلد يتكلم فيه باللغة العربية , فلا حاجة لنا بها وفي الختام تذكير بأن القصة ليست من واقعي بل نسج من خيال الخيال أرق التحايا والتقدير مجنوون بريده

21-08-2009, 04:54 PM	#3
abr131 عـضـو تاريخ التسجيل: Aug 2009 البلد: Your hearts المشاركات: 114	Thank you creze بريده اشكرك على الموضوع الشيق ؟؟؟؟؟؟؟؟؟؟؟؟؟؟؟؟؟ __________________ لَاَ تُخَفِي مَاَ صَنَّعَتَ بِكَ اَلاَشَّوَاَقَ . . وَاَشَّرَحَ هَوَاَكَ فَكُلَّنَاَ عُشَّاَقَ

22-08-2009, 12:40 AM	#6
د/الفـهـد عـضـو تاريخ التسجيل: May 2009 البلد: لاأنت وردة ولا قلبي مزهرية من خزف صدفة وحدة جمعتنا شوفي ويش لون الصدف ألتقينا في مدينة وفرقتنا ألف مينا أغفري للريح والموت والسفينة كانت الرحله حزينه .~ المشاركات: 4,896	* أجـل ماخذ للكلب شور هههههههههههههههه والله من شين الريحهـ القصه حلووه وجذاابهـ ولكن... فعـلآ صدقت ولابد الوااحد يتعلم لغه انجلزيه ومو لازم الوااحد ياخذ بعثه خارج البلاد عندك بالرياض كثر التراب بس اغلب الشباب يخلط الزين مع الشين عشان تمشي امورهـ شكرا لك ... __________________

22-08-2009, 04:37 AM	#7
LOVELORN عـضـو تاريخ التسجيل: Jun 2009 البلد: بريدهـ المشاركات: 863	. . ياخي بعض الناس يقهرك يحفظ له كلمتين ويبلش العالم بهن مرة راكب معي واحد من العيال وابلشن حافظ كم كلمة كل شوي يقول وحده يوم شفته كذا بديت اسولف عليه انجليزي امر يطير عيونه ما يدري وش السالفه قلت انت تو ابلشتن كل شوي تجدع كلمه قلت شكله معه لغة بعدين اسكت وشكله حقد علي I want to say I have a language خخخخخ مشكور اخوي على الموضوع ترى اكثر الناس يحسبوه متطور اذا بدا يتكلم انجليزي . . آخر من قام بالتعديل LOVELORN; بتاريخ 22-08-2009 الساعة 04:42 AM.

22-08-2009, 05:05 AM	#9
ابوولعf عـضـو تاريخ التسجيل: May 2009 البلد: ناقد بدون رحمه المشاركات: 5,371	غريبه ليش متعرف وانت سافرت بلخارج انا تعلمت هنا ببريده والحمد لله اموري تمام في نيوهرايزن ومعهد العالميه __________________ التوقيع مخالف

21-08-2009, 04:04 PM	#2
أبونادرالأجتماعي20 ^^^ ربي زدني علماً ^^^ تاريخ التسجيل: Jul 2009 البلد: &&& عـاصمة القصيم &&& المشاركات: 2,776	خلاصة الموضوع : إجعل حديثك باللغة الإنقليزية عندما يستدعي ذلك أمّا في بلد يتكلم فيه باللغة العربية , فلا حاجة لنا بها > فائده شكرا لك .

21-08-2009, 05:14 PM	#4
المميز 2009 عـضـو تاريخ التسجيل: Sep 2008 البلد: السعودية المشاركات: 15	ثانكس

21-08-2009, 11:50 PM	#5
كبير مايكبرني لقب عـضـو تاريخ التسجيل: Jul 2009 البلد: كوخ الاحلام المشاركات: 1,484	ثانكس

22-08-2009, 04:49 AM	#8
@الغامض@ Registered User تاريخ التسجيل: Jul 2009 البلد: باصفرا المشاركات: 170	Thanks fraternal excellent on the subject

22-08-2009, 05:45 AM	#10
سٌِِّهٍَمً آلآلـمـ عـضـو تاريخ التسجيل: Aug 2009 البلد: الجوف المشاركات: 8	ثانكس على هذه القصه ويسلمو هالايادي ......... __________________ التوقيع مخالف لقوانين المنتدى نرجوا التقيد بذلك .. وكذلك يمنع مشاركة الرجال في قسم بنت بريدة نرجوا التقيد بذلك حتى لا تتعرض للإيقاف ..

22-08-2009, 03:50 PM	#11
غادهـ عـضـو تاريخ التسجيل: Aug 2009 البلد: في قلـبـهـ المشاركات: 790	Good job

22-08-2009, 08:25 PM	#12
سبيكة صعفق Registered User تاريخ التسجيل: Jul 2009 البلد: بقلعة ودرين المشاركات: 194	تسيف يجين فرررث لاسمعت وحده قصمنجيه ثمن تنقث اوكي ولا بليز صدز يااشين السرج على البقر .

22-08-2009, 08:39 PM	#13
\|..مخاوي الليل..\| عـضـو تاريخ التسجيل: Jul 2009 البلد: بريدهـ..ــ.. المشاركات: 835	ثانكيو __________________

23-08-2009, 01:58 AM	#14
مجنون بريده عـضـو تاريخ التسجيل: Feb 2008 المشاركات: 441	ثانكس للجميع على تعطيركم متصفحي والله يثنكس سعيكم أفكورس سعيد بردودكم بلييييييييييز أبي تفاعل أكثر بيكووووووز أفرح بردودكم