رحلة إلى بلاد الأندومي ( قصص وصور )

الواقعي 9 · 07-09-2009, 03:31 AM

السلام عليكم

يسرني أن أطرح لكم تفاصيل الرحلة الممتعة والتي كانت في شهر 8 1430

توكلنا على الله وانطلقنا بطيران الجارودة إلى بلاد الأندومي وكنا أربعة خامسهم كلبهم

طبعا الطائرة مليئة بالفنس وعليهن روائح يحبه قلبك
لكن نعمة من الله أننا كنا بالطابق العلوي وفي مقدمة الطائرة
وكل من حولنا سعوديون ؟؟
ويبدو لي أنهم قد خططوا أن يكون السعوديون بجوار بعض

عموما كانت الرحلة بالطائرة متعبة قليلا
خصوصا أننا بلينا بمضيفة ( راكبة راسة ) وكانت تهدد وتتوعد الجميع
ماتبيك تطلع الجوال حتى لو هو طافي
طبعا مابقى أحد من السعوديين ماجاو تهزيء

حتى وصل به الحد انه تقول تراكم بالخطوط الاندونيسية لاتحسبك بديارك تتفرنك

وأول مرة صراحة أحس بقيمة الخطوط السعودية

عموما وفقنا الله انه يصير بيننا كرسي فاضي
فصرنا 2 على 3 كراسي يعني نقدر نتمغط ونتضجع
لكن مامكثنا إلا برهة من الزمن إلا وجاء بالكرسي اللي جنبنا مجموعة سملق سعوديين من الدمام
وكل واحد أكبر من الثاني تعرف أهل الشرقية ماشاء الله عرضين
طبعا حنا اقلعنا من الرياض للشرقية وشلناهم وكملنا لاندونيسيا
فحنا اكثر منهم خبرة بالطيارة وشايفين ان المكيف اللي فوقهم يطيح قطع ثلج صغيرة
بعد شوي حسوا ان فيه شي بارد يطيح عليهم فبدوا يقولون وش ذا
جيتك انا وتليقفت وما ادري وش اللي لقفن
قلت لهم ( طف زر الثلج )

الاخوان صدقوا لانه ماجاء ببالهم ان واحد ثقيل دم
يمكن يتميلح بها الطريقة
وقعدوا يحربشون بفرارات المكيف
طبعا لاتسأل عن اخوياي فطسوا من الضحك والسعودين اللي حولنا من باب اولى
أنا طقيت حوله وغمضت كني نمت وانا داري أنهم ودهم يدبغونن

عموما بينما انا وخويي قاعدين نتبادل التجطل بالكرسي اللي بيننا لمحناهم يلخسوننا
فبنباهت الفطاحلة درينا أنهم يبون منا شي أو ودهم يجون يلفعونن
وبعد برهة من الزمن تبيجح واحد منهم وقال لنا
لو سمحتوا ممكن نجيب خوينا عندكم لانه يحوووول لحاله تحت
طبعا بشيم الكبار وافقت دون تردد < أي هين
بس اشترطت عليهم شرط قلت ( عسى ماهب سمين مثلكم

) يقالي أبرقع الأوله وألطف الجو
ومادريت إلا أخوياي يتهددون وكروا العالم ضحك
وبلشت واحمر وجهي وفكرت قلت لو يقومون يدبغونن وش موقفي
حتى المضيفة ماهب قايله شي لأنه منغثة منا

قاله جلفهم على مضض لا لاتخاف نحيف
يوم جاء توحشت هو صدق انحف منهم بس بمقياسنا هبرة
ولابس الله يجيرك نفس لبس هوقوقن المصارع < ياقدمه حاط ربطة على راسه ولحيته تقل مكنسه
طبعا قعد وسلم وسولفنا وصار حبيب قوة
واكتشفت ان اللبس اللي عليه لبس أعضاء مجموعة هارلي للدبابات وقعد يسولف علينا وانا ما ادري وش يقول

عموما < ياكثر عموما : أحتجت للحمام أكرمكم الله
ورحت ( والله ياهو ضيق ووصخ ) وانا ملقوف قعدت ارش الكرسي بالماء واحاول انظفه
يوم طلعت أثر المضيفة الثانية تحترين يوم طلعت استلمتن هواش
وبما اني بلبل بالانجليزي اكتشفت انه تقول وراك تملي الحمام ماء ( والله قهر قاعد انظف وهذا جزاي )

رجعت للكرسي ولقيت أخويانا الباقين يسولفون مع واحد مطوع كبير وأسمع خويي يقول لذاك
طيب هل هناك مخرجات ؟؟
أنا انهبلت ومنين جاب مخرجات ومسكت معي مخرجات
فبديت اويتز على خويي وأقول له أحلى يا أبو مخرجات طبعا المطوع مايدري لانه لاهي مع خوينا الرابع
والله من الخرط أحس كل واحد منهم بلشن بالثاني ولصقت بوينا مخرجات

وبعد توفيق من الله وصلنا مطار جاكرتا

ونكمل لاحقا ان شاء الله ....

ابـو عـزـوـز · 07-09-2009, 03:38 AM

مشكور
في الانتضار

الواقعي 9 · 07-09-2009, 03:41 AM

يوم وصلنا المطار
مسوين اننا ذيابة وماينلعب علينا
تجمعوا علينا السواقين
قلنا لهم نبي نروح للجبل قال واحد مليعين 600 الف
قلنا لا 400 الف < مسوين فاهمين للأننا قارين بالنت انه اذا قالوا لك سعر اجدع نصه

عيا وقال 450 الف اخر شي لكن الله يهدينا طولناه شوي ولزمنا إلا ب 400

طبعا رفض المجرم واتفق مع كل السواقين انهم مايودوننا
وبالنهاية رجعنا له وب 500 الف

شال عفشنا هو وواحد ثاني طبعا الثاني يبي ( الهدية ) بخشيش
كل اندونيسيا ماتمشي الا بالهدية
طبعا غالبا 10 الاف = 4 ريال
المجرم سواقنا عطاو 20 الف وقال اني عطيته 50 الف ؟؟
حنا طحنا بواحد مهب صاحي ملكع ابن أونطه

يوم وصلنا الجبل درنا شوي وقال خلاص جاء الليل ماراح امشي الا ب 100 الف
وتلاقطنا معه وبغى يدبغنا وبالنهاية عطيناو اللي يبي

النتيجة : متفقين ب 500 وصارت 650 هههههههه

حركات الاندونيسي نقوله حرااااام الكذب حنا اتفقنا
قال مافيه حرااام أي مسكين مافيه شي حرررررام

@ أمور لازم نتنبه له : أول ماتصل للمطار خذ السواق نم صالة المغادرة لأن كل اللي بالقدوم مستعدين يستقبلون الصيدات مثلك ويهبلون بك
أما صالة المغادرة تلقى لك سواق توه جايب واحد للمطار ويفرح انه يلقى زبون يوديه من المطار

@ صار عندنا رده فعل سلبية من اندونيسيا وصرنا حذرين من السواقين بسبب هالمليعين ( نسيت اقول لكم اسمه ) منير

والحمد لله لقينا سكن بعد تعب كثير ( اشترط على السواق ما يترك الا لين تلقى سكن بالجبل )

هذي صور من السكن

[IMG]

[/IMG]

[IMG]

[/IMG]

قصيمي وفتخر · 07-09-2009, 03:46 AM

مشكووووووووووور
في الأنتضار

أبوسعيد · 07-09-2009, 04:59 AM

مشكور بنتضار الباقي

الواقعي 9 · 07-09-2009, 05:03 AM

اول ما اخذنا الفله على طوووووووول
جلدنا والدينه نوووووم
وقمنا الصبحية ورحنا ندور تويس يحبه قلبك

ما لقينا فاضطررنا لأخذ هريفي مكحل ماودك الا تشوفه
ويجيك ابو يس ويذتسي ابوه ونخليهم يصلخون ويقطعونه
توقعوا عاد بكم الهرفي ؟؟
ب 400 الف = 160 ريال

وحنا بالطريق لقينا بزارينهم طالعين فسحة (يخلونهم يطلعون لبيوتهم بالفسحة )
وشوفوا نجاستهم

يوم رجعنا للبيت حكرنا أبو المقلقل
شوفوا انا اللي اقطع بصل
ثلثة ايام عشان تعلمن امي وشلون اقطع بصل

وهذا هو الفطور بعد ما حكره أبو مخرجات
ماشاء الله عليه تخصص مقلقل

**ابو علي** · 07-09-2009, 05:22 AM

ازين ماب فطوركم الخبز على الصاج

نحتريك

BRHOOM · 07-09-2009, 05:34 AM

...

واااوكـ والله ياهي سالفة

تحمست معها الصراحة

منتظرين الباقي

...

الخزامى1 · 07-09-2009, 05:44 AM

صور احترافيه روعه
ما شاء الله

**الصباخ** · 07-09-2009, 06:28 AM

تقرير جميل، لكن وراك مانزلته بالنسمات!

abu omar · 07-09-2009, 08:19 AM

ماشاء الله عليكم
بنتضار الباقي
تحياتي لك

LOVELORN · 07-09-2009, 08:43 AM

,

تقرير رائع
ننتظر الباقي
بس ياليت تصغر الصور ..

.

الواقعي 9 · 07-09-2009, 07:16 PM

السلام عليكم

نسيت أقول لكم إن الشباب أهل الشرقية بالنهاية صاروا فريندلي <

والصراحة انهم صاروا قمة بالأدب والاحترام
وقبل ماناصل لجاكرتا بساعتين عطونا التأشيرات عشان نعبيه ، طبعا الأوراق كله عنقليزي بعنقليزي
وربعكم ماهناش بالعنقليزي ، فالتجأنا إلى الله ثم إلى أبو هارلي

والصراحة أنه ماقصر أجودي بالحيل ، لزّم إلا يعبي أوراقنا كلنا ، قلنا له خلاص عب وحده ونكمل أوراقنا الباقيات مثله بس عيا

عاد يازين حتسيهم ، الهرجة دشينا ودشوا ، تقول كويتيين بس زعل واحد منهم أمر تطلع منه كلمه قررت أن أصله قصمنجي
وبعد الشرافة واللقافة توصلت إلى أن أبو هارلي من الهويمل بس عايشين بالدمام
وواحد منهم من الفوزان طبعا هو اللي أنا طحت به من خلال فراستي
والجلف الأصلع اللي استهبلت عليه أول شي صار الله لا يضره ماشاء الله تبارك الله معيد بقسم الهندسة
بجامعة الملك فيصل

ماعلينا نرجع لموضوعنا :

أهم فوائد اندونيسيا أنك تنام بالليل غصب ، تصدقون إذا سهرنا نقعد الى الساعة 11
والا غالبا ماتجي 9 ونص الا حنا نايمين
واذا جاء الفجر قمنا وصلينا وضبطوا الدلة < لاحظوا ضبطووووووا يعني انا مامن نفع
لأن أنا تخصصي تقطيع بصل وشاهي إذا صرت خرمااااااان

الزبدة صأفطرنا مثل ماشفتوا بوجود سواقنا عبدالرحمن ( الله يهديه لابس تميمه مادري سواره )
المهم يوم قضينا من الفطور بدأت أقلب في أوراقي ( طبعا أنا مسؤول البرنامج السياحي )
وقررنا نروح لم ( تامان سفاري ) يعني حديقة الحيوان
لايروح بالهم انه مثل اللي بالرياض أو حقت عنيزة ياحبيلكم لاااااااااااااا
حاقة تانية
ماتدخله الا بالسيارة وممنوع تنزل لان حديقة مفتوحه يتخاطمن الحيوانا من عندك وانت بالسيارة
يشطفك الاسد منا
والحمار الوحشي يترقع يبي أكل وهكذا ....

طبعا الصور راح تجيكم إن شاء الله بعد التراويح

عآشقة قسمهآ .. · 07-09-2009, 07:39 PM

تقرير رائع , وحماسي ..

والإسلوب القصصي المرفق بالصور ممتع جدآ ..

نتتظر المزيد بكل شوق ..

07-09-2009, 03:31 AM	#1
الواقعي 9 عـضـو تاريخ التسجيل: Aug 2007 البلد: غريب في زمن الفتن المشاركات: 1,047	رحلة إلى بلاد الأندومي ( قصص وصور ) السلام عليكم يسرني أن أطرح لكم تفاصيل الرحلة الممتعة والتي كانت في شهر 8 1430 توكلنا على الله وانطلقنا بطيران الجارودة إلى بلاد الأندومي وكنا أربعة خامسهم كلبهم طبعا الطائرة مليئة بالفنس وعليهن روائح يحبه قلبك لكن نعمة من الله أننا كنا بالطابق العلوي وفي مقدمة الطائرة وكل من حولنا سعوديون ؟؟ ويبدو لي أنهم قد خططوا أن يكون السعوديون بجوار بعض عموما كانت الرحلة بالطائرة متعبة قليلا خصوصا أننا بلينا بمضيفة ( راكبة راسة ) وكانت تهدد وتتوعد الجميع ماتبيك تطلع الجوال حتى لو هو طافي طبعا مابقى أحد من السعوديين ماجاو تهزيء حتى وصل به الحد انه تقول تراكم بالخطوط الاندونيسية لاتحسبك بديارك تتفرنك وأول مرة صراحة أحس بقيمة الخطوط السعودية عموما وفقنا الله انه يصير بيننا كرسي فاضي فصرنا 2 على 3 كراسي يعني نقدر نتمغط ونتضجع لكن مامكثنا إلا برهة من الزمن إلا وجاء بالكرسي اللي جنبنا مجموعة سملق سعوديين من الدمام وكل واحد أكبر من الثاني تعرف أهل الشرقية ماشاء الله عرضين طبعا حنا اقلعنا من الرياض للشرقية وشلناهم وكملنا لاندونيسيا فحنا اكثر منهم خبرة بالطيارة وشايفين ان المكيف اللي فوقهم يطيح قطع ثلج صغيرة بعد شوي حسوا ان فيه شي بارد يطيح عليهم فبدوا يقولون وش ذا جيتك انا وتليقفت وما ادري وش اللي لقفن قلت لهم ( طف زر الثلج ) الاخوان صدقوا لانه ماجاء ببالهم ان واحد ثقيل دم يمكن يتميلح بها الطريقة وقعدوا يحربشون بفرارات المكيف طبعا لاتسأل عن اخوياي فطسوا من الضحك والسعودين اللي حولنا من باب اولى أنا طقيت حوله وغمضت كني نمت وانا داري أنهم ودهم يدبغونن عموما بينما انا وخويي قاعدين نتبادل التجطل بالكرسي اللي بيننا لمحناهم يلخسوننا فبنباهت الفطاحلة درينا أنهم يبون منا شي أو ودهم يجون يلفعونن وبعد برهة من الزمن تبيجح واحد منهم وقال لنا لو سمحتوا ممكن نجيب خوينا عندكم لانه يحوووول لحاله تحت طبعا بشيم الكبار وافقت دون تردد < أي هين بس اشترطت عليهم شرط قلت ( عسى ماهب سمين مثلكم ) يقالي أبرقع الأوله وألطف الجو ومادريت إلا أخوياي يتهددون وكروا العالم ضحك وبلشت واحمر وجهي وفكرت قلت لو يقومون يدبغونن وش موقفي حتى المضيفة ماهب قايله شي لأنه منغثة منا قاله جلفهم على مضض لا لاتخاف نحيف يوم جاء توحشت هو صدق انحف منهم بس بمقياسنا هبرة ولابس الله يجيرك نفس لبس هوقوقن المصارع < ياقدمه حاط ربطة على راسه ولحيته تقل مكنسه طبعا قعد وسلم وسولفنا وصار حبيب قوة واكتشفت ان اللبس اللي عليه لبس أعضاء مجموعة هارلي للدبابات وقعد يسولف علينا وانا ما ادري وش يقول عموما < ياكثر عموما : أحتجت للحمام أكرمكم الله ورحت ( والله ياهو ضيق ووصخ ) وانا ملقوف قعدت ارش الكرسي بالماء واحاول انظفه يوم طلعت أثر المضيفة الثانية تحترين يوم طلعت استلمتن هواش وبما اني بلبل بالانجليزي اكتشفت انه تقول وراك تملي الحمام ماء ( والله قهر قاعد انظف وهذا جزاي ) رجعت للكرسي ولقيت أخويانا الباقين يسولفون مع واحد مطوع كبير وأسمع خويي يقول لذاك طيب هل هناك مخرجات ؟؟ أنا انهبلت ومنين جاب مخرجات ومسكت معي مخرجات فبديت اويتز على خويي وأقول له أحلى يا أبو مخرجات طبعا المطوع مايدري لانه لاهي مع خوينا الرابع والله من الخرط أحس كل واحد منهم بلشن بالثاني ولصقت بوينا مخرجات وبعد توفيق من الله وصلنا مطار جاكرتا ونكمل لاحقا ان شاء الله .... __________________ لاتنسني من دعوة صالحة آخر من قام بالتعديل الواقعي 9; بتاريخ 07-09-2009 الساعة 03:45 AM.

07-09-2009, 03:41 AM	#3
الواقعي 9 عـضـو تاريخ التسجيل: Aug 2007 البلد: غريب في زمن الفتن المشاركات: 1,047	يوم وصلنا المطار مسوين اننا ذيابة وماينلعب علينا تجمعوا علينا السواقين قلنا لهم نبي نروح للجبل قال واحد مليعين 600 الف قلنا لا 400 الف < مسوين فاهمين للأننا قارين بالنت انه اذا قالوا لك سعر اجدع نصه عيا وقال 450 الف اخر شي لكن الله يهدينا طولناه شوي ولزمنا إلا ب 400 طبعا رفض المجرم واتفق مع كل السواقين انهم مايودوننا وبالنهاية رجعنا له وب 500 الف شال عفشنا هو وواحد ثاني طبعا الثاني يبي ( الهدية ) بخشيش كل اندونيسيا ماتمشي الا بالهدية طبعا غالبا 10 الاف = 4 ريال المجرم سواقنا عطاو 20 الف وقال اني عطيته 50 الف ؟؟ حنا طحنا بواحد مهب صاحي ملكع ابن أونطه يوم وصلنا الجبل درنا شوي وقال خلاص جاء الليل ماراح امشي الا ب 100 الف وتلاقطنا معه وبغى يدبغنا وبالنهاية عطيناو اللي يبي النتيجة : متفقين ب 500 وصارت 650 هههههههه حركات الاندونيسي نقوله حرااااام الكذب حنا اتفقنا قال مافيه حرااام أي مسكين مافيه شي حرررررام @ أمور لازم نتنبه له : أول ماتصل للمطار خذ السواق نم صالة المغادرة لأن كل اللي بالقدوم مستعدين يستقبلون الصيدات مثلك ويهبلون بك أما صالة المغادرة تلقى لك سواق توه جايب واحد للمطار ويفرح انه يلقى زبون يوديه من المطار @ صار عندنا رده فعل سلبية من اندونيسيا وصرنا حذرين من السواقين بسبب هالمليعين ( نسيت اقول لكم اسمه ) منير والحمد لله لقينا سكن بعد تعب كثير ( اشترط على السواق ما يترك الا لين تلقى سكن بالجبل ) هذي صور من السكن [IMG][/IMG] [IMG][/IMG] [IMG][/IMG] __________________ لاتنسني من دعوة صالحة آخر من قام بالتعديل الواقعي 9; بتاريخ 07-09-2009 الساعة 03:59 AM.

07-09-2009, 05:03 AM	#6
الواقعي 9 عـضـو تاريخ التسجيل: Aug 2007 البلد: غريب في زمن الفتن المشاركات: 1,047	اول ما اخذنا الفله على طوووووووول جلدنا والدينه نوووووم وقمنا الصبحية ورحنا ندور تويس يحبه قلبك ما لقينا فاضطررنا لأخذ هريفي مكحل ماودك الا تشوفه ويجيك ابو يس ويذتسي ابوه ونخليهم يصلخون ويقطعونه توقعوا عاد بكم الهرفي ؟؟ ب 400 الف = 160 ريال وحنا بالطريق لقينا بزارينهم طالعين فسحة (يخلونهم يطلعون لبيوتهم بالفسحة ) وشوفوا نجاستهم يوم رجعنا للبيت حكرنا أبو المقلقل شوفوا انا اللي اقطع بصل ثلثة ايام عشان تعلمن امي وشلون اقطع بصل وهذا هو الفطور بعد ما حكره أبو مخرجات ماشاء الله عليه تخصص مقلقل __________________ لاتنسني من دعوة صالحة

07-09-2009, 05:34 AM	#8
BRHOOM عـضـو تاريخ التسجيل: Feb 2009 البلد: لاٌ مكَان لاٌ وًطَنِِ ... المشاركات: 1,353	... واااوكـ والله ياهي سالفة تحمست معها الصراحة منتظرين الباقي ... __________________ خطااااااااااي اني سألت وجيت ادور للغياب اسباب .. خطاي اني تعلمت الوفا والناس كذابه .. حسايف يا زمن ما عاد باقي في الزمان اصحاب .. على حسب المصالح كل واحد يحسب حسابه ..

07-09-2009, 06:28 AM	#10
الصباخ هوية صامتة تاريخ التسجيل: May 2003 البلد: Buraydah City المشاركات: 12,458	تقرير جميل، لكن وراك مانزلته بالنسمات! __________________ الصباخ \| Buraydah City

07-09-2009, 03:38 AM	#2
ابـو عـزـوـز عـضـو تاريخ التسجيل: Feb 2009 البلد: بــــــريدة المشاركات: 624	مشكور في الانتضار

07-09-2009, 03:46 AM	#4
قصيمي وفتخر عـضـو تاريخ التسجيل: Jul 2009 البلد: عند الوالد المشاركات: 260	مشكووووووووووور في الأنتضار

07-09-2009, 04:59 AM	#5
أبوسعيد Registered User تاريخ التسجيل: Aug 2009 البلد: بريدة المشاركات: 67	مشكور بنتضار الباقي

07-09-2009, 05:22 AM	#7
ابو علي عـضـو تاريخ التسجيل: Apr 2009 المشاركات: 2,316	ازين ماب فطوركم الخبز على الصاج نحتريك

07-09-2009, 05:44 AM	#9
الخزامى1 عـضـو تاريخ التسجيل: Mar 2009 البلد: بـــــريـــــدهــ.. المشاركات: 106	صور احترافيه روعه ما شاء الله

07-09-2009, 08:19 AM	#11
abu omar عـضـو تاريخ التسجيل: Jul 2009 البلد: بــريــده المشاركات: 432	ماشاء الله عليكم بنتضار الباقي تحياتي لك __________________ http://www.m5zn.com]

07-09-2009, 08:43 AM	#12
LOVELORN عـضـو تاريخ التسجيل: Jun 2009 البلد: بريدهـ المشاركات: 863	, تقرير رائع ننتظر الباقي بس ياليت تصغر الصور .. .

07-09-2009, 07:16 PM	#13
الواقعي 9 عـضـو تاريخ التسجيل: Aug 2007 البلد: غريب في زمن الفتن المشاركات: 1,047	السلام عليكم نسيت أقول لكم إن الشباب أهل الشرقية بالنهاية صاروا فريندلي < والصراحة انهم صاروا قمة بالأدب والاحترام وقبل ماناصل لجاكرتا بساعتين عطونا التأشيرات عشان نعبيه ، طبعا الأوراق كله عنقليزي بعنقليزي وربعكم ماهناش بالعنقليزي ، فالتجأنا إلى الله ثم إلى أبو هارلي والصراحة أنه ماقصر أجودي بالحيل ، لزّم إلا يعبي أوراقنا كلنا ، قلنا له خلاص عب وحده ونكمل أوراقنا الباقيات مثله بس عيا عاد يازين حتسيهم ، الهرجة دشينا ودشوا ، تقول كويتيين بس زعل واحد منهم أمر تطلع منه كلمه قررت أن أصله قصمنجي وبعد الشرافة واللقافة توصلت إلى أن أبو هارلي من الهويمل بس عايشين بالدمام وواحد منهم من الفوزان طبعا هو اللي أنا طحت به من خلال فراستي والجلف الأصلع اللي استهبلت عليه أول شي صار الله لا يضره ماشاء الله تبارك الله معيد بقسم الهندسة بجامعة الملك فيصل ماعلينا نرجع لموضوعنا : أهم فوائد اندونيسيا أنك تنام بالليل غصب ، تصدقون إذا سهرنا نقعد الى الساعة 11 والا غالبا ماتجي 9 ونص الا حنا نايمين واذا جاء الفجر قمنا وصلينا وضبطوا الدلة < لاحظوا ضبطووووووا يعني انا مامن نفع لأن أنا تخصصي تقطيع بصل وشاهي إذا صرت خرمااااااان الزبدة صأفطرنا مثل ماشفتوا بوجود سواقنا عبدالرحمن ( الله يهديه لابس تميمه مادري سواره ) المهم يوم قضينا من الفطور بدأت أقلب في أوراقي ( طبعا أنا مسؤول البرنامج السياحي ) وقررنا نروح لم ( تامان سفاري ) يعني حديقة الحيوان لايروح بالهم انه مثل اللي بالرياض أو حقت عنيزة ياحبيلكم لاااااااااااااا حاقة تانية ماتدخله الا بالسيارة وممنوع تنزل لان حديقة مفتوحه يتخاطمن الحيوانا من عندك وانت بالسيارة يشطفك الاسد منا والحمار الوحشي يترقع يبي أكل وهكذا .... طبعا الصور راح تجيكم إن شاء الله بعد التراويح __________________ لاتنسني من دعوة صالحة

07-09-2009, 07:39 PM	#14
عآشقة قسمهآ .. عـضـو تاريخ التسجيل: Jul 2008 البلد: في عآلم ثقيلة عليه كلمة [أعتذر فانآ مخطئ] ! المشاركات: 2,866	تقرير رائع , وحماسي .. والإسلوب القصصي المرفق بالصور ممتع جدآ .. نتتظر المزيد بكل شوق .. __________________ . الحمـــــــد لله :eek5